Pegaralah Pemere Dibata Ibas Kam

Teks : 2 Timotius 1: 6-14

Tema : Pegaralah Pemere Dibata Ibas Kam

Tujuan : Gelah Mamre:

1) Meteh maka Dibata enggo mereken pemereNa guna ersaksi

2) Tetap terus erberita dingen ersaksi kerna Berita Si meriah ibas kegeluhenna

2 Timotius 1: 6 – 14

1:6 Karena itulah kuperingatkan engkau untuk mengobarkan karunia Allah yang ada padamu oleh penumpangan tanganku atasmu. 1:7 Sebab Allah memberikan kepada kita bukan roh ketakutan, melainkan roh yang membangkitkan kekuatan, kasih dan ketertiban. 1:8 Jadi janganlah malu bersaksi tentang Tuhan kita dan janganlah malu karena aku, seorang hukuman karena Dia, melainkan ikutlah menderita bagi Injil-Nya oleh kekuatan Allah. 1:9 Dialah yang menyelamatkan kita dan memanggil kita dengan panggilan kudus, bukan berdasarkan perbuatan kita, melainkan berdasarkan maksud dan kasih karunia-Nya sendiri, yang telah dikaruniakan kepada kita dalam Kristus Yesus sebelum permulaan zaman 1:10 dan yang sekarang dinyatakan oleh kedatangan Juruselamat kita Yesus Kristus, yang oleh Injil telah mematahkan kuasa maut dan mendatangkan hidup yang tidak dapat binasa. 1:11 Untuk Injil inilah aku telah ditetapkan sebagai pemberita, sebagai rasul dan sebagai guru. 1:12 Itulah sebabnya aku menderita semuanya ini, tetapi aku tidak malu; karena aku tahu kepada siapa aku percaya dan aku yakin bahwa Dia berkuasa memeliharakan apa yang telah dipercayakan-Nya kepadaku hingga pada hari Tuhan. 1:13 Peganglah segala sesuatu yang telah engkau dengar dari padaku sebagai contoh ajaran yang sehat dan lakukanlah itu dalam iman dan kasih dalam Kristus Yesus. 1:14 Peliharalah harta yang indah, yang telah dipercayakan-Nya kepada kita, oleh Roh Kudus yang diam di dalam kita.

I. KATA PENARUH

Pemere enggo ibere Dibata man banta sekalak-sekalak, saja pemere e banci kurang teridah/kurang terang malah banci pe ibereken Dibata man kalak sideban adi la si pergunaken. (Mat. 25: 26-30). Banci pe kita si la mpergunaken pemere e ikataken kita juak-juak si jahat dingen perkisat tah la terpake. Emaka mari sipegara/sipegurlah pemere Dibata si lit ibas kita si enggo ndube bere Dibata man banta menaken kin kita ndube enggo tek, bagi Timotius tupung itamaken Rasul Paulus tanna ku babo takal Timotius.

Pemere e erbahanca kita la percik-cik, tapi ndemi kita alu kuasa, kekelengen, bagepe gelah ngasup kita engkuasai dirinta. Emaka perlu sipegara pemere e gelah kita ikut ersaksi ras ikut meritaken berita si meriah ibas kegeluhenta selaku mamre. Berita si meriah e siberitaken man isi jabunta selaku kita imam. Man keluarganta selaku kita kalak si enggo ngaloken keselamaten bagepe si mehulina ikut kita meritaken berita si meriah e er PI menopang Program Mamrenta gelah ersemangatna ka kita ras tambah ka kinitekenta.

Selaku Mamre si tek man Dibata, si enggo ibereken Dibata pemere man banta ola sempat nimpet, sebab nina ibas Jesaya 42:3 “Buluh si punggur, la itabahna, lampu si milep-ilep la i nimpetina. Alu tutus ate keadilen ibabana”. Arah bahan PA Mamrenta sendah, mari kita erlajar ngantusi sura-sura Tuhan, gelah tetap gara ras reh garana Pemere Dibata si lit ibas kita.

II. URAIAN TEKS

1. Kitab 2 Timotius enda eme surat Rasul Paulus man Timotius si pe 2 ken. Timotius enda enggo iakap Paulus anakna kel ibas kiniteken (1 Timotius 1:2a) emaka bas menaken suratna sipemena bagepe si peduaken enda tetap ibenakenna alu masu-masu Timotius (1 Tim. 1:2b ras 2 Tim 1:2b). 2 Timotius enda isina menam buen kerna ajaren man Timotius selaku kalak nguda, teman sekaligus pembantu Rasul Paulus ibas dahinna. Gelah Timotius tetap megenggeng, tutus, ersaksi guna Jesus Kristus, ndalanken tanggung jawab selaku guru dingen meritaken berita si meriah, amin gia ibas suasana ndalani kiniseran ras perlawanen kalak. Hindari si jawapen erbahanca kalak si megi-megi ceda atena. si perlu i usih Timotius bas Paulus nari eme: Kinitekenna, kesabarenna, kekelengenna, kigenggengenna ras kiniseranna asum ia iayak-ayak. Ijepe ate Paulus tetap pemere Dibata e ergarana bas Timotius.

2. Paulus memotifasi Timotius, ban kiningudanna banci saja ate Paulus gelah ola ia percik-cik tapi jadina sekalak si perpang bagi Paulus ibas ia enggo ikuasai Kesah Dibata, lit kuasa kekelengen ras si ngkuasai kalak si i suruhNa guna ersaksi ras meritaken Berita Si meriah.

3. Megati ibas kita ersaksi turah akap mela, adi Timotius maka akapna mela perbahan ia nguda denga bagepe Paulus i penjara perbahan ia Meritaken Berita Si meriah. Tuhu ibas kita ersaksi pasti jumpa kita kiniseran, emaka nina Rasul Paulus man Timotius (ay. 8b) “Tapi buat baginndu ibas kiniseran guna Berita Si meriah bagi ibereken Dibata man banndu gegeh guna sie”. Sebab kita enggo iselamatkenNa janah kita enggo i pilihNa jadi si kerajangenNa labo erkiteken kai sibahan kita, tapi erkiteken sura-suraNa dingen lias ateNa janah ibas kita enggo ipilihNa ipake Dibata kita guna erberita gelah kalak sideban pe ngaloken keselamaten bagi si enggo aloken kita.

4. Paulus ngaku maka Dibata enggo ngangkat ia jadi Rasul dingen guru guna pembarken berita si meriah janah erkiteken si e me maka ia ngenanami kiniseran-kiniseran. Tapi tetap ia tek sebab itandaina penalemenna janah tek ia maka Dibata e ngasup ngkawali ia ras si enggo i endeskenna man bana seh ku wari pendungi. Bageme man banta Mamre, kita enggo iangkat ras enggo ipilih Dibata jadi sikerajangenNa, emaka mari sipegara pemere si ibere Dibatanta man banta, muat bagin minimal notokenca Tim PI Mamre GBKP gelah ergarana kerina pemere si lit bas kita Mamre bagepe ras kerina perpulungen Tuhan lebih semangat nggeluh erkiniteken.

5. Tagangi alu enteguh kata si ajarken Dibata, bagepe usihen si ibahan Rasul Paulus janah tetap ibas kiniteken ras kekelengen si dat kita arah persadanta ras Kristus Jesus. Enda si dat kita arah persadanta ras Jesus Kristus. Bagepe arah kita Mamre ergiah-giah ibas naksiken kiniteken alu reh ku perpulungen ras aktif ibas dahin-dahin Gereja. Alu bage ngasup kita njagai erta-erta si mehuli dingen meherga si enggo i endesken Dibata man banta mamre arah kuasa Kesah Si Badia si enggo ringan ibas kita.

III. PENGKENAINA

Megati selaku Mamre lanai si inget tugas ras tanggung jawabta ibas kita enggo ipilih Dibata kita jadi anak-anakna, seh maka si kataken Johanes bas Kitab Ketangkasen man Perpulungen Laodikea

(Ketangkasen 3:15-16) “Ku ja pe la seh, melas pe lang, mbergeh pe lang”. Ope denga i utahken Dibata mari dage si pegara pemere si enggo ibereken Dibata man banta. Kita si enggo ipilihNa iberekenNa tugasta ibas Amanah Agung Tuhan Jesus nari ibas (Matius 28: 19-20) “laweslah ku kerina bangsa manusia bahanla ia jadi ajar-ajarku, peridiken ia ibas gelar Bapa, gelar Anak ras gelar Kesah Si Badia, janah ajari ia ngikutken kerina si enggo ku pedahken man bandu. Janah ingetlah! Aku tetap ras kam seh ku kedungen zaman”. Ibas kita nggit ras ndahiken kai si perentahken Tuhan Jesus enda tentuna pemere-pemere si lit bas kita pe lanai milep-ilep tapi reh garana, bagepe man kalak si deban si i beritaken kita berita keselamaten e, ia pe ndatken keselamaten, terus ia pe ikut makeken pemere si ibere Dibata man bana guna erberita ka man kalak sideban. Bageme seterusna estapet Kata Dibata e seh maka kerina belang-belang doni enda ngaloken Jesus e Juruselamatna. Sebab tersurat ibas Perbahanen Rasul-Rasul 13: 47 “Sabab Tuhan enggo nuruh kami alu kataNa. Nggo kutetapken kam jadi terang man kalak si la nandai Dibata, arah kam me keselamaten seh ku kerina doni! Kita i suruhNa, maka ninta: “Aku Suruhlah Aku” (Jesaya 6: 8b)

IV. DISKUSI

1. Rikutken bahan oratenta kai nge sebabna maka lenga kita kerina Mamre ikut muat bagin ibas meritaken Berita Si Meriah?

2. Ibas kita enggo i pilih Dibata jadi anak-anakna pemere (Talenta) si apai nge si lit ibas kita?

Usulen Lagu

1) KEE GBKP NO 102: 2,3 = https://www.youtube.com/watch?v=bOmPnOK413k

2) KEE GBKP NO 455: 1,2= https://www.youtube.com/watch?v=0PLyPFWpWYc

3) KEE GBKP NO 255: 1,3= https://www.youtube.com/watch?v=iSwf3O8dF9U

4) KEE GBKP NO 420: 1- Persembahen = https://www.youtube.com/watch?v=8wqHeFvDGbI

Pdt. Kongsi Ginting, S.Th.

HP: 0813 7605 8264