IETEH RAS ISURATKEN MIN
Nehemia 7:63-73
(Evaluasi Sasaran Pelayanan GBKP tahun 2024 berkarya dan berguna untuk orang lain, transparansi keuangan, pembinaan keuangan)
MODEL PJJ: KESAKSIAN
7:63 dan dari antara para imam: bani Habaya, bani Hakos, bani Barzilai. Barzilai itu memperisteri seorang anak perempuan Barzilai, orang Gilead itu, dan sejak itu ia dinamai menurut nama keluarga itu. 7:64 Mereka itu menyelidiki apakah nama mereka tercatat dalam silsilah, tetapi karena itu tidak didapati, maka mereka dinyatakan tidak tahir untuk jabatan imam. 7:65 Dan tentang mereka diputuskan oleh kepala daerah, bahwa mereka tidak boleh makan dari persembahan maha kudus, sampai ada seorang imam bertindak dengan memegang Urim dan Tumim. 7:66 Seluruh jemaah itu bersama-sama ada empat puluh dua ribu tiga ratus enam puluh orang, 7:67 selain dari budak mereka laki-laki dan perempuan yang berjumlah tujuh ribu tiga ratus tiga puluh tujuh orang. Pada mereka ada dua ratus empat puluh lima penyanyi laki-laki dan perempuan. 7:68 Mereka mempunyai tujuh ratus tiga puluh enam ekor kuda, dua ratus empat puluh lima ekor bagal, 7:69 empat ratus tiga puluh lima ekor unta dan enam ribu tujuh ratus dua puluh ekor keledai. 7:70 Sebagian dari kepala kaum keluarga memberi sumbangan untuk pekerjaan itu, sedang kepala daerah memberi sumbangan untuk perbendaharaan seribu dirham emas, lima puluh buah bokor penyiraman, dan lima ratus tiga puluh helai kemeja imam. 7:71 Pula beberapa kepala kaum keluarga memberi sumbangan untuk perbendaharaan pekerjaan itu dua puluh ribu dirham emas dan dua ribu dua ratus mina perak. 7:72 Dan yang disumbangkan oleh orang-orang lain adalah: dua puluh ribu dirham emas, dua ribu mina perak dan enam puluh tujuh helai kemeja imam. 7:73 Adapun para imam dan orang-orang Lewi, para penunggu pintu dan para penyanyi, juga sebagian dari rakyat, para budak di bait Allah dan semua orang Israel yang lain menetap di kota-kota mereka.(8-1) Ketika tiba bulan yang ketujuh, sedang orang Israel telah menetap di kota-kotanya,
KATA PERLEBE
Sendah tema Perpulungen Jabu Jabu (PJJ) e me kerna biak mediate ras mepalar guna nuratken kai pe si penting. Janah arah enda pe ibaba kita ku bas sada penekanen soal “transparansi Perduiten.” Kata enda rusur si begi i bas kegeluhenta teptep wari. Kata enda lit piga-piga ertina erpalasken asal katana. Piga-piga ertina e me: “tembus cahaya, terbuka, jelas, dapat dipahami, jujur ras sidebanna.” Jadi, arah pengertin enda maka si idah tranparansi sada kata si selket ertina ras biak kebujuren ras terteki. Alu bage ertina e me uga kita terbuka ras bujur i bas make sukat-sukat perbeliten i bas tengah kegeluhen.
ISI
Dua pemimpin si mbabai bangsa Israel mulih i pembuangen Babil nari e me Esra ras Nehemia. Duana pemimpin enda desken erbagi tugas, Esra mbabai bangsa enda secara kiniteken (spiritualitas) alu ngajari kerna Undang-Undang Tuhan (Kitab Taurat). Nehemia mbabai bangsa enda secara politik gelah banci mulihken jadi sada bangsa si erdolat tapi labo pulah i bas aturen-aturen si enggo itetapken Tuhan man bangsa enda.
Bagin Kata Dibata Nehemia 7:63-73 enda e me ncidahken uga penuratken kerna terombo bangsa enda mulih i pembuangen Babil nari. Terombo enda penting nentuken kerna terpukna ras dahinna. Ndube maka taneh Kanaan e, enggo ibagi sue ras sukuna. Janah i bas sepulu dua suku bangsa enda pe enggo ipilih Dibata Suku Lewi jadi imam si erdahin i bas Rumah Pertoton. I bas kerina si mulih enda maka lit terpuk imam-imam si la datca surat terombona e me Halaya, Hakos ras Barsilai. Erkiteken la terturikenca ise nini-ninina maka la ialoken kalak enda jadi imam. Engkai maka la ietehna ise nini-ninina? Banci erkiteken kurang mediate nandangi terombo dirina. Kurang mediate nandangi ise nini-ninina. Bage pe banci erkiteken la icatatna alu mejelimet kerna terombo nini-ninina.
Nehemia selaku Gubernur ngerana man bana maka la banci ipanna pangan si ipersembahken man Dibata ngayak lit sekalak imam si banci make Urim ras Tumim. Si enda njaga kerna kebadian si erdahin i bas Rumah Pertoton. Erdandanken si e maka kerina si erdahin arus sinursur i bas suku Lewi nari. Jadi, la idatca hak-hakna seh banci ieteh statusna alu jelas. Pembuktian kerna statusna e me ilakoken sekalak imam alu make Urim ras Tumim (Kal. 28:30). Urim ras Tumim enda e me dua batu undi si lit i bas tenten sekalak imam. Alat enda nentuken sura-sura Dibata ue ntah lang.
Selain terpuk si datas enda maka kerina tercatat alu mehuli, subuk teremna si mulih i pembuangen Babil nari, suruh-suruhen, pemain musik, kuda, unta ras kalde. Janah kerina kalak enda ermeriah ukur mereken persembahenna nampati pekena Rumah Pertoton subuk gubernur, kepala-kepala terpuk, imam-imam, kalak Lewi, pemain musik, rayat biasa ras si erdahin i bas Rumah Pertoton janah si ringan i kuta ras i kota.
PENGKENAINA
Salah sada tradisi Jahudi si mejile e me nuratken kerna kai si penting i bas kegeluhen enda. Si enda terbukti i bas Pustaka Si Badia uga njelimetna kalak enda ncatat kerina perdalinen kegeluhen bangsa enda ras kerina terombo bangsa enda alu mehuli. Amin gia lit ndai piga-piga kalak si la lit i bas ia cataten kerna terombo jabuna. Janah si idah ndai ulihna maka la banci ia ndahiken dahin imam ras ndatken hak-hakna selaku imam.
Bage me pentingna i bas kegeluhen gerejanta pe kerna nuratken kai si penting. Apai nari sekalak bendahara i bas tengah-tengah perpulungenta, arus sekalak si rajin nuratken kerna kerina perdalanen perduiten. Ise la suratkenna janah terjeng inget-ingetna maka la banci la melala kelupanna. Bagi sada pepatah nina, seburuk-burukna tinta, lebih tajam dari ingatan. E maka penting kal laporen perduiten tersurat kerina alu terang ras teroge (transparan). Enda me sada nilai i bas gerejanta. Adi terang kerina laporen perduiten i bas gerejanta maka tek perpulungen e, janah la ia mbiar mere kerna keperlun gerejanta. E maka ula bagi bendahara “Pa Nangka” ia pe lanai ngangka. Ban la suratkenna, terjeng inget-ingetna, piah ia pe lupa, laporen e pe mampa, kerina enggo ncakapkenca, sabab si metehsa pe lanai ngangka.
DISKUSI :
1. Kai idahndu kelebihen kalak Jahudi arah ogenta enda si patut si usih?
2. Kai akapndu gunana adi perduiten i bas gerejanta transparan?
USULEN ENDE-ENDEN: :
1. KEE GBKP No. 205:1-2 = https://www.youtube.com/watch?v=8bzr3hnJdrU
2. KEE GBKP No. 350:1-2 = https://www.youtube.com/watch?v=xDd_DvTknAU
3. KEE GBKP No. 471:1 = https://www.youtube.com/watch?v=M0fSFzco7-k
4. KEE GBKP No. 212:1-2 = https://www.youtube.com/watch?v=O2d19i5gdNw
DAFTAR BACAAN :
1. Sarapanpagi Bibilika
2. Prof. S. Wismoadi Wahono, Ph.D, Disini Kutemukan, BPK. Gunung Mulia, Jakarta.
Pdt. Yunus Bangun, M.Th
HP/WA: 081361625080