SINALSAL SI ERKINAR

(Advent ras Natal)

SINALSAL SI ERKINAR

JESAYA 9: 1 – 7

9:1           (8-23) Tetapi tidak selamanya akan ada kesuraman untuk negeri yang terimpit itu. Kalau dahulu TUHAN merendahkan tanah Zebulon dan tanah Naftali, maka di kemudian hari Ia akan memuliakan jalan ke laut, daerah seberang sungai Yordan, wilayah bangsa-bangsa lain.
9:2           (9-1) Bangsa yang berjalan di dalam kegelapan telah melihat terang yang besar; mereka yang diam di negeri kekelaman, atasnya terang telah bersinar.
9:3           (9-2) Engkau telah menimbulkan banyak sorak-sorak, dan sukacita yang besar; mereka telah bersukacita di hadapan-Mu, seperti sukacita di waktu panen, seperti orang bersorak-sorak di waktu membagi-bagi jarahan.
9:4           (9-3) Sebab kuk yang menekannya dan gandar yang di atas bahunya serta tongkat si penindas telah Kaupatahkan seperti pada hari kekalahan Midian.
9:5           (9-4) Sebab setiap sepatu tentara yang berderap-derap dan setiap jubah yang berlumuran darah akan menjadi umpan api.
9:6           (9-5) Sebab seorang anak telah lahir untuk kita , seorang putera telah diberikan untuk kita; lambang pemerintahan ada di atas bahunya, dan namanya disebutkan orang: Penasihat Ajaib, Allah yang Perkasa, Bapa yang Kekal, Raja Damai.
9:7           (9-6) Besar kekuasaannya, dan damai sejahtera tidak akan berkesudahan di atas takhta Daud dan di dalam kerajaannya, karena ia mendasarkan dan mengokohkannya dengan keadilan dan kebenaran dari sekarang sampai selama-lamanya. Kecemburuan TUHAN semesta alam akan melakukan hal ini.

1. PERSIKAPEN
2. PERPULUNGEN JABU-JABU
3. Rende KEE No. 276: 1, 4 “Kuikutken Kam O Tuhan” (Ibabai Jabu Kundulen)

Ku ikutken Kam o Tuhan, Kam kap siperkeleng e
Sabab Kam simere dalan, dalan terkelin kepe
IA kapen Juru S’lamat, IA kapen penampat
KataNa me kapen tambar, kuasaNa la ‘rsibar

Ku darami K’rajan Tuhan, ras pe kebenarenNa
Ib’reNa sini perluken, tanda keleng ateNa
IA kapen Juru S’lamat, IA kapen penampat
KataNa me kapen tambar, kuasaNa la ‘rsibar

2. Ertoto (ibabai jabu kundulen)

3. Ngogeken Kata Dibata: Jesaya 9: 1-7 (ibaba Bapa)

4. Renungen

Tema: Sinalsal Si Erkinar

Sekalak sitergelar Agus Wesman pernah ngelako riset guna mbuktiken sinalsal/terang banci mereken kegeluhen entah lang. E maka sekali jadi ibuatna me menci guna bahan percobanna, itamakenna i bas sada ember si enggo isin alu lau kira-kira sada jengkal bagesna i bas pantil/dasar ember e nari. Jenari itamaken Agus Wesman me sada batu si ukurenna ganjangen sitik asa ganjang lau ndai. Kenca gelap wari, itamakenna menci ndai i datas batu, segelah ola gedap menci e, e maka itutupina. Erpagi-pagi silampas idapetina menci ndai enggo mate erkiteken gedap. Berngi sipeduaken pe bage ka ibahan Agus Wesman. Tapi i bas ember ndai lit itamakenna sada bola lampu si kitik, bage menci ndai itamakenna ku bas ember, ipegeluhna listrik guna mpegara bola lampu ndai. Erpagi-pagi si lampas idahna menci ndai tetap nggeluh janah litap pe lang. Kedungenna Agus Wesman menyimpulken maka erkiteken sinalsal/terang bola lampu e nge si erbahanca menci ndai tetap nggeluh.

I bas paksa kentisik nari sibengketi me Minggu-minggu Advent sinaruhken kita bengket ku bas kejadin si mbelin e me kerehen Tuhan ku doni enda si iperingeti kita I bas wari Natal. Anvent = Adventus (Latin) siertina kerehen. Arah minggu-minggu Advent kita ibabai guna nikapken dirinta lako ngalo-ngalo perbahanen Tuhan si mbelin arah berita Natal.

Renungenta ncidahken perbeben si mberat i taneh Juda. Jesaya ngajuk bangsa Juda segelah natap dingen nulih kempak Tuhan simpekena-kena kegeluhen bangsaNa. Tupung Ahas jadi raja i taneh Juda, Resin raja Siria ras Peka raja Israel nerang Juda erkiteken Ahas la nggit ergabung guna ngelawan Raja Tiglat-Pileser raja Assur. Tapi Ahas ndarami penampat kempak Raja Tiglat. Jesaya enggo nehken pedah Tuhan man Ahas maka ola gentar, tapi Ahas la tek. I bas kinilatekenna, piah kedungenna Ahas mindo penampat man Tiglat-Pileser guna nampati ia i bas ngalaken serangen Resin ras Peka (2 Kro 28:16-17). Perbahanen Ahas e mpeturah rawa Dibata.

Nubuaten si ipeseh abi Jesaya e me kerna kerehen sekalak Raja sikedungenna pagi mabai dingen njamin kegeluhen bangsaNa lit i bas dame. Juda pagi ijadiken jadi bangsa si dem i bas kehamaten, dosana ialemi, kebiaren dingen kegelapen desken awih kematen isalsali alu terang sihar-har. Malem me pagi ate Juda tupung ia ernalem kempak Raja sinandangi reh, sabab itangtangi me kerina babanna si mberat, Raja e sinjamini keselamaten bangsaNa bas ancamen bangsa si deban. Raja si reh e pagi igelari Penampat si meganjangna, Dibata si Mada Kuasa, Bapa si Rasa Lalap, dingen Raja Dame. Kejayan masa-masa pemerintahen Daud selaku raja mulihi inanami bangsa Juda. Bagem bangsa enda iajuk guna ernalem dingen setia nimai kerehen Penampat si enggo ipadanken.

E maka genduari kai dage siterpenting silakoken i bas kegeluhenta i bas kita ersikap (advent) nimai kerehen Raja Penampat e, seragam, lagu-lagu koor, pangan si biak man pangan i bas natal? Si la banci lang e me kap pusuhta ingan Anak e tubuh. Nuate i bas masa-masa advent enda ula min kita buen mempersiapkan moment seleberasi i bas gemerlap perayan Natal. Tapi i bas masa Advent enda seh min kita ku bas sada perenungen kerna perbahanen Dibata si enggo nerangi kegeluhenta i bas si gelap. Advent kesempaten guna ngukuri kerna salah lepakta dingen nggejapken keleng ate Dibata arah AnakNa Si Tonggal. Mpesikap diri seh maka perukurenta bagi perukuren Kristus si ngukuri keterkelinenta. IsalsaliNa geluhta alu terangNa si erkinar. Kalak si enggo isalsali geluhna, jadi sinalsal kempak kegeluhen kalak si deban. “Sebuah lilin tidak kehilangan apa-apa ketika menyalakan lilin-lilin lain”, Thomas Jeffreson. Advent e me paksa berefleksi janah Natal implementasi arah buah perenungan iman. Selamat ersikap, selamat maba Sinalsal Si Erkinar kempak kegeluhen si gelap.

5. Rende KEE 469 (2X) “Tuhan Ku Begi KataNdu”

Tuhan ku begi kataNdu,
Tuhan ku’aloken kataNdu
Haleluya, Haleluya,
Tuhan Ku pake kataNdu

6. Nuriken penggejapen (Iselingi alu rende)

• Mamre
• Moria
• Saitun

7. Sharing ras Aksi

• I bas penggejapenndu ras pengidahndu, enggo nge kira-kira banci ikataken sektor entah runggunta maba terang/sinalsal kempak kegeluhen kalak si deban? Kai nge sibanci silakoken/aksi Natalta guna nerangi-nalsali geluh kalak si deban.
• I bas kita mengketi masa-masa Advent seh pagi ku Natal, kai nge akapndu siperluna kal lebe man pesikapen subuk i bas dirinta, sektorta bage pe bas gerejanta?

8. Kesimpulen ielai Serayan

9. Nehken Persembahen

Rende KEE No. 293: 1-2 “Meriah Ukur Kami O Tuhan”

Meriah ukur kami O Tuhan, lias ateNdu si’nggo tersuan
Igejap kami kuasaNdu mbelin, si erban kami k’rina terkelin

Kam me kap sipegedangken umur
Man baNdu kami ngataken bujur
Kam me kap sipegedangken umur
Man baNdu kami ngataken bujur

Penalemen kami suari berngi,
Kam uluna k’rina si mehuli
M’riah ukurNdu tetap njujuri,
lalap icur-curkenNdu rejeki

Adina reh si serbut ngguluti
PenampatNdu kap minter nurihi
Adina reh si serbut ngguluti
PenampatNdu kap minter nurihi

10. Ertoto kerna persembahen

11. Momo i bas pegurus PJJ

12. Rende KEE 333: 7 “Tuhan e Tuhu Melias”

DameNa ijujurkenNa man banta
Malem kal ateta jine ibanNa
Simpar kal pasu-pasu b’rekenNa banta
Tuhan e ulu k’rina si erguna

13. Pertoton sapaat ras Pertoton Tuhan

Snack adi lit

 

Pdt. Perbeliten Tarigan, S.Th

HP/WA: 081261464900