Dibata Tetap Erdahin Emaka Aku Pe Tetap Erdahin

(Teologi Berkarya)

Ogen            : Roma 8:28-30

Tema            : Dibata Tetap Erdahin Emaka Aku Pe Tetap Erdahin,

Tujun           : Gelah Saitun:

1. Nuriken maka Dibata tetap erdahin seh genduari guna pehuliken kegeluhenta.
2. Nuriken kai saja si enggo ilakoken Saitun i bas ndalanken sasaran Pelayanen 2023 “Jemaat Menjadi Pelaku aktif Pelayanen janah kai – kai saja si banci denga ras iterusken maka tetap idahiken ku lebe enda.

Metode       : Sharing dan Aksi

Roma 8: 28 – 30

8:28 Kita tahu sekarang, bahwa Allah turut bekerja dalam segala sesuatu untuk mendatangkan kebaikan bagi mereka yang mengasihi Dia, yaitu bagi mereka yang terpanggil sesuai dengan rencana Allah.
8:29 Sebab semua orang yang dipilih-Nya dari semula, mereka juga ditentukan-Nya dari semula untuk menjadi serupa dengan gambaran Anak-Nya, supaya Ia, Anak-Nya itu, menjadi yang sulung di antara banyak saudara.
8:30 Dan mereka yang ditentukan-Nya dari semula, mereka itu juga dipanggil-Nya. Dan mereka yang dipanggil-Nya, mereka itu juga dibenarkan-Nya. Dan mereka yang dibenarkan-Nya, mereka itu juga dimuliakan-Nya.

• BENA KATA

Lit kuan – kuanen kalak Karo, “mela mulih adi la rulih”. Kuan – kuanen enda biasana itujuken man anak – anakta si nguda denga, si atena lawes merantau. Kuan – kuanen enda mereken motivasi gelah tetap semangat ras fokus i bas perjuangenna iperantauan.

Nggeluh i bas perantauan iperluken kedewasan subuk secara emosi bagepe menentuken sikap tah pe biak nggeluh. Adi la lit prinsip geluhna si enteguh, banci ia ndabuh katawari saja pe. I bas erdahin labo tekad si megegeh saja siiperluken tapi pe perlu sitandai banta (pengenalan diri) guna ngelakoken pendahin si sue ras pendilonta e.

• MPEBAGESI OGEN

Roma 8: 28 – 30 ngajarken kerna kai si arus lit (prinsip dasar) bas perpulungen Roma guna ngelakoken sada dahin si maba kiniulin man diri bagepe sekelewet. Dahin e ilakoken erkiteken enggo leben Dibata erdahin guna kiniulin manusia bagepe doni enda.  I bas Padan si Ndekah, Dibata erdahin nepa langit ras doni enda (Kej 1). Bas Padan si Mbaru, Dibata pe arah Jesus Kristus tetap erdahin, bagi nina Jesus i bas Joh 5: 17,“Bapang Ku erdahin kap lalap, emaka Aku pe arus erdahin”.

Rasul Paulus ersura – sura, mpegegehi ukur perpulungen i Roma, maka kiniseran siinanamina lenga asakai pe e adi ibandingken ras kiniulin Dibata man bana. Erkiteken si e ate Paulus mpeturah mulihi pengarapen si mbaru bas perpulungen si enggo mulai monce – once kinitekenna e ban serana nggeluh.

Ayat 28 mpertegas alasen ngkai maka perpulungen harus erdahin guna kinulin manusia? Erkiteken nai – nai nari pe Dibata erdahin i bas kai pe guna kiniulin manusia. Ulih pendahin Dibata e, enggo inanami perpulungen. Kerina simehuli sienggo ialoken perpulungen I bas kerina dampar geluhna ncidahken maka Dibata tuhu – tuhu ikut erdahin bas kegeluhen manusia, alu kata sideban Kerina siterjadi bas manusia enggo sue ras sura – sura Dibata.

Ayat 29 ras 30, eme kerna kriteria, syarat, man kalak si idilo ras ipilih Dibata guna erdahin. Kalak si enggo itandai Dibata, itetapkenNa jadi “bali ras tempas AnakNa, Jesus Kristus”. Jesus Kristus eme siertanggungjabab bas keluarga Dibata Kenca si e iperembakkenNa ras diriNa janah ipermuliakenNa.

• PENGKENAINA

Enggo melala dahin silakoken i bas tahun 2023 si lewat. Emaka i bas tahun 2024 enda pe silanjutkenlah kai simehuli si enggo ibahan kita.

Amin pe enggo meganjang umurta, labo jadi alasen guna ngadi erdahin. Saitun iajuk terus ikut erdahin i bas ngajarken (mendidik) ras nuanken kiniulin man anak kempunna.

Saitun idilo guna terus ikut mpesikap generasi penerus, gelah banci ia terus erdahin, mabai keluarga, masyarakat bagepe Gereja jadi simaba kiniulin man sekelewetna. Erguna man kerina jelma. Saitun pe jadi usihen man anak kempuna i bas ngelakoken kiniulin e.

Perjuangen Saitun arah kiniulin siisuanken kita man anak kempunta enggo igejapken gereja GBKP. Subuk arah Saitun sendiri bagepe arah anak kempunta ijapape ia ringan, ikut muat bagin alu aktif guna kiniulin si enterem.

Umurta reh tambahna nge lalap, reh tuana kita, tapi ndahiken dahin – dahin si mehuli man kerina jelma lenga dung. Mari siterusken dahinta e, sisuanken kiniulin ku tengah jabunta, Gereja bagepe masyarakat kai pe agama ras sukuna. Erkiteken Dibata Bapa, Jesus Kristus erdahin denga lalap, emaka kita pe Saitun ibereken Dibata kengasupen erdahin lalap.

• PERTOTON

O Tuhan, bujur I bas perbahanenNdu simehuli, ajar ras babailah min aku guna maba kinilulin man anak anak bagepe kempu ras kerina si lit isekelewetku. I bas gelar Jesus, kami ertoto. Amin

 

1. MENGISI TTS (Teka Teki Silang)
2. Usulan Lagu:

• Hidup ini adalah kesempatan
• DahinNdu si mbelin Tuhan

 

				2
1
4				3
				6
				5

 

Ku teruh:

1. Kemahen Tuhan
2. Ertugas ngajari
3. Pensiun

Ku samping:

1. Serayan PJJ
2. Serayan si erdiakonia
3. Kumpulen wilayah
4. Bekerja (Bahasa karo)

Pdt. Rosmalla Barus