Bahan PJJ 03 – 09 November 2024

November 4, 2024 Author Dua PJJ Sektor, Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

NDALANKEN KEBUJUREN

(Lembaga-lembaga Diakonia)

Ulangen 10: 12-22

10:12       “Maka sekarang, hai orang Israel, apakah yang dimintakan dari padamu oleh TUHAN, Allahmu, selain dari takut akan TUHAN, Allahmu, hidup menurut segala jalan yang ditunjukkan-Nya, mengasihi Dia, beribadah kepada TUHAN, Allahmu, dengan segenap hatimu dan dengan segenap jiwamu,
10:13       berpegang pada perintah dan ketetapan TUHAN yang kusampaikan kepadamu pada hari ini, supaya baik keadaanmu.
10:14       Sesungguhnya, TUHAN, Allahmulah yang empunya langit, bahkan langit yang mengatasi segala langit, dan bumi dengan segala isinya;
10:15       tetapi hanya oleh nenek moyangmulah hati TUHAN terpikat sehingga Ia mengasihi mereka, dan keturunan merekalah, yakni kamu, yang dipilih-Nya dari segala bangsa, seperti sekarang ini.
10:16       Sebab itu sunatlah hatimu dan janganlah lagi kamu tegar tengkuk.
10:17       Sebab TUHAN, Allahmulah Allah segala allah  dan Tuhan segala tuhan, Allah yang besar, kuat dan dahsyat, yang tidak memandang bulu ataupun menerima suap;
10:18       yang membela hak anak yatim dan janda dan menunjukkan kasih-Nya kepada orang asing dengan memberikan kepadanya makanan dan pakaian.
10:19       Sebab itu haruslah kamu menunjukkan kasihmu kepada orang asing, sebab kamupun dahulu adalah orang asing di tanah Mesir.
10:20       Engkau harus takut akan TUHAN, Allahmu, kepada-Nya haruslah engkau beribadah dan berpaut, dan demi nama-Nya haruslah engkau bersumpah.
10:21       Dialah pokok puji-pujianmu dan Dialah Allahmu, yang telah melakukan di antaramu perbuatan-perbuatan yang besar dan dahsyat, yang telah kaulihat dengan matamu sendiri.
10:22       Dengan tujuh puluh orang nenek moyangmu pergi ke Mesir, tetapi sekarang ini TUHAN, Allahmu, telah membuat engkau banyak seperti bintang-bintang di langit.”

  1. PERSIKAPEN
  2. PERPULUNGEN JABU-JABU
  3. Rende KEE No. 368 (Ibabai si mada jabu)

Sipuji Tuhan Dibatanta, kataken bujur baNa
Sebab ia si merekenca, pasu-pasu man banta

Reff:

Mbelin ras mulia kekelengen Tuhan
Ku bas doni enda
Ajari o Tuhan kami krina anakNdu
Naksiken kerina perbahanenNdu

Geluh kami meriah tuhu, k’rina sik’rajangenNdu
Sabab kalak si nembah baNdu, datken pasu-pasuNdu
Reff: …

  1. Ertoto (Ibabai simada jabu)
  2. Ngoge Kata Dibata (ibabai sekalak saitun)

Teks       : Ulangan 10: 12-22

Bahan renungenta Ulangan 10:12-22 e me pidato Musa man Bangsa Israel kerna tuntuten Tuhan si arus ilakoken. Pidato enda isehken Musa erkiteken bangsa Israel rusur denga encidahken kegeluhen si nembah man berhala-berhala, ukurna monce-once dingen nukah tergoda nandangi pengajuk pengangkan si lepak. E maka bangsa Israel lebih tertarik nandangi dibata-dibata ntah pe kuasa-kuasa si deban siteridah ntah pe si banci ijemak. Bangsa Israel mekatep lupa maka Dibata kap si eggo njadiken ia selaku bangsa pilihen Dibata si mulahi bangsa Israel i bas perbudaken Mesir nari. Situasi sibage rupa mulih-ulih jadi janah pe teridah biak bangsa Israel si mekeng. Bage me kitab Ulangen enda secara umum isina e me mengulang kembali entah pe mpersingeti mulihi bangsa Israel gelah tetap erkiniteken man Tuhan ras mabai bangsa si deban pe erkiniteken man Tuhan.

Arah pidato Musa enda, ituriken pe kerna tuntuten Tuhan man bangsa Israel (Ay. 12) e me sembahlah Tuhan, dahiken kerina siiperentahkenNa, kelengilah ia, dahilah dahinNa alu bulat ukur, ras ikutken kerina undang-undang Tuhan. Tuntuten enda isehken man bangsa Israel erkiteken kegeluhen bangsa Israel rusur menentang Dibata. E maka tuntuten enda mabai bangsa Israel gelah nggeluh muji Tuhan ras ngikutken taNa. Tuntuten enda arus ilakoken sabab Tuhan Dibata kap si erkuasa i bas sinasana. Enda icidahken arah pengakun maka langit meganjang, doni ras kerina isina Tuhan kap empuna (ay. 14). Janah lalit kuasa –kuasa si deban siganjangen asa kuasa Tuhan (ay. 17). Keleng ate Dibata pe enggo ipetangkasNa i bas kegeluhen bangsa Israel. Iteruh keleng ateNa, bangsa Israel ijadiken sebage bangsa pilihen. Aminna bangsa Israel rusur nimbak Dibata, tapi keleng ateNa tetap isehkenNa man bangsa Israel. E maka ngidah sie kerina, Bangsa Israel ituntut guna erkemalangen man Tuhan olanai mekeng. Kerina enggo ipetangkas Dibata kerna kuasa ras keleng ateNa, bangsa Israel ituntut gelah ulanai mpebelin egona tapi natap kempak keleng ate Dibata si enggo tangkas teridah. Jenari bangsa Israel pe ituntut guna ndalanken kebujuren bagi si enggo icidahken Dibata e me ndalanken kebujuren nandangi anak-anak melumang, balu-balu, bage pe ncidahken keleng ate man kalak pertandang alu mere pangan ras uis. Kiniteken ras kesetiaan man Tuhan labo terjeng teridah arah lakon-lakon saja, tapi arus pe teridah arah ndalanken si mehuli ntah pe kebujuren man kerina jelma. Alu bage reh teremna kalak si banci ngenanami keleng ate Dibata i bas doni enda.

Tuntuten man bangsa Israel enda pe genduari seh man banta selaku perpulungen si erkiniteken man Tuhan. Erkiteken sie, gerejanta GBKP enggo ncidahken kepedulian nandangi masalah-masalah sosial si lit. Janah enggo ibentuk pe unit-unit Diakoni si fokus erdahin e me Panti Asuhen Kristen (PAK) Gelora Kasih, Pusat Pelayanan Orang Tua Sejahtera (PPOS), Yayasan Kesejahteraan Penyandang Disabilitas (YKPD) GBKP Alpha Omega, Komisi Penanggulangan Bencana (KPB), Komisi Pelayanan HIV-AIDS ras NAPZA, Yayasan Ate Keleng (YAK), Credit Union Modifikasi (CUM). Kerina unit-unit enda ibentuk guna banci encidahken kepedulian ta nandangi kalak si i bas kesusahen.

Sue ras tema “Ndalanken Kebujuren”, maka kata Dibata ngajuk kerina kita guna banci tetap nggeluh erkiniteken man Tuhan alu tutus, setia, meteruk ukur, ras ngataken bujur as kegeluhen enda. Janah sie kerina teridah alu nyata i bas perbahanenta si engkelengi kalak si deban bagi Tuhan enggo engkelengi kita. E maka kerina kita arus tetap ndukung lembaga-lembaga diakonia si enggo ibentuk i bas gerejanta enda bage pe ikut mperdiateken kalak si deban i bas sekelewetta. Alu bage, arah lembaga-lembaga enda pe reh teremna kalak si bas kesusahen banci tersampati. Kita kerina perpulungen Tuhan pe ngasup ncidahken kegeluhen si erkiniteken si teridah nyata i bas perbahanenta.

  1. Rende KEE No. 227: 1

Katakenlah man pusuhku, pepankenlah bas ukur
IdemiNdu kegeluhenku, tetapkenlah pengarapenku
Pegaralah kinitekenku, alu Kesah ras kataNdu

  1. Ngawan perpulungen nuriken penggejapen
  2. Rende KEE No. 296

Man baNdu Jesus Tuhanku, kuendesken geluhku
Ukur ras perbahanenku, geluhku Kam si mada
Reff:
Kempak Jesus kerinana, geluhku Kam si mada
Kempak Jesus kerinana, geluhku Kam si mada

  1. Diskusi
  • Kai nge sababna maka bangsa Israel mulih-ulih nimbak Dibata?
  • Kai nge si banci siban guna mendukung unit-unit Diakoni si lit i bas gerejanta? Turiken labo terjeng mereken penampat berupa materi.
  1. Kesimpulen ibabai Pandita/pertua/diaken
  2. Rende KEE No. 381

Sura-sura Jesus bangku, ersinalsal tetap
Nggeluh bujur ras mehuli, si ngena atena
Reff:
Ersinalsal terang em sinisuraken Jesus
Ersinalsal terang, ku tetap ersinalsal

  1. Nehken persembahen
  2. Rende persembahen KEE No. 420

Asa gegeh ras kengasupen
Kami nehken persembahen
Endesken kami bandu Tuhan
Alu dem keriahen

Reff:
Ajari kami ngergaken, talenta ras kiniliten
Arah ukur ras perbahanen, Tuhan ipermuliaken
Mbue tuhu kami aloken, pasu-pasuNdu o Tuhan
KelengNdu igejapken kami, Kam kap si negu kami

Reff: …

  1. Pertoton persembahen ras sapaat
  • Persembahen
  • Kerna ngawan GBKP gelah mediate nandangi geluh si bujur dingen ndalankenca
  • Unit pelayanen GBKP: PPOS, Panti Asuhen Gelora Kasih, YKPD Alpa Omega, Komisi NAPZA HIV AIDS ras si debanna
  • Jabu ingan pulung sendah ras minggu si reh bage pe si turah i bas perpulungen
  • Idungi Pertoton Tuhan
  1. Momo
  2. Snack adi lit

Pdt. Monalisa br Ginting, S.Si (Teol)

HP/WA: 085276144903

Post Views: 1,407