Ogen : Nehemia 5: 14-19
Tema : Bapa Si Mbiar Man Dibata
Tujun : Gelah Mamre:
1) Meteh kuga karakter ras kebujuren Nehemia i bas mpekena-kena bangsanta
2) Ngasup jadi bapa si mbiar man Dibata i bas minpin jabu gereja ras masyarakat.
5:14 Pula sejak aku diangkat sebagai bupati di tanah Yehuda, yakni dari tahun kedua puluh sampai tahun ketiga puluh dua pemerintahan Artahsasta jadi dua belas tahun lamanya, aku dan saudara-saudaraku tidak pernah mengambil pembagian yang menjadi hak bupati.
5:15 Tetapi para bupati yang sebelumnya, yang mendahului aku, sangat memberatkan beban rakyat. Bupati-bupati itu mengambil dari mereka empat puluh syikal perak sehari untuk bahan makanan dan anggur. Bahkan anak buah mereka merajalela atas rakyat. Tetapi aku tidak berbuat demikian karena takut akan Allah.
5:16 Akupun memulai pekerjaan tembok itu, walaupun aku tidak memperoleh ladang. Dan semua anak buahku dikumpulkan di sana khusus untuk pekerjaan itu.
5:17 Duduk pada mejaku orang-orang Yahudi dan para penguasa, seratus lima puluh orang, selain mereka yang datang kepada kami dari bangsa-bangsa sekeliling kami.
5:18 Yang disediakan sehari atas tanggunganku ialah: seekor lembu, enam ekor kambing domba yang terpilih dan beberapa ekor unggas, dan bermacam-macam anggur dengan berlimpah-limpah setiap sepuluh hari. Namun, dengan semuanya itu, aku tidak menuntut pembagian yang menjadi hak bupati, karena pekerjaan itu sangat menekan rakyat.
5:19 Ya Allahku, demi kesejahteraanku, ingatlah segala yang kubuat untuk bangsa ini.
1. PENARUH
Bapa si mbiar man Dibata eme dasar nggeluh kalak Si erkiniteken ras arapen gereja, keluarga ras masyarakat. Sabab, ije me uluna kerina kemajun, uluna serpang pulah i bas kiniseran, uluna peturah kemalemen ate, rsdna. Kai gia profesinta gelah sipakeken sebage kesempaten guna jadi pasu-pasu man nterem jelma sebage bentuk pelayanenta man Tuhan. Emaka enggo me kebutuhen mendesak kal man kerina Mamre GBKP i bas kerina dampar kegeluhenna ncidahken sikap mbiar man Dibata bali ras si ilakoken Nehemia i bas pengogenta sendah. Kuga kin bapa si mbiar man Dibata, e me si man pelajarenta.
2. URAIAN TEKS
1) Konteks pengogenta eme Nehemia enggo iangkat jadi Gubernur i daerah Juda (ay. 14). lalokenna jabaten enda sanga ia reh ku Jerusalem guna mbangun mulihi tembok kota Jerusalem. I bas ay. 1-5 ikataken ibegina berita maka mbue rakyat miskin Israel terpaksa ndayaken jumana bagepe ndayaken anakna jadi budak man penguasa ras sibayak erkiteken nggalari utang ras ncukupi kebutuhenna. Dampar sideban, sue ras peraturan Taurat maka kenca tahun pepituken budak arus ibebasken, tapi I bas realitana pe la idalankenna (Kel. 21: 2). Kejadian enda erbahanca turah rawa Nehemia, emaka iperentahkenna gelah kerina budak ibebasken ras juma kalak musil Si enggo isita rentenir iulihken. Utang-utang kalak musil kerina ihapusken. Janah kerina rakyat Israel megiken ras ndalankenca.
2) Alasen ngakai maka kerina perentah (program) Nehemia enda idalanken rakyatna, erkiteken iidah rakyat e i bas kepemimpinenna eme:
a. Jadi teladan: i bas ayat 10 ikataken bahwa Nehemia ras keluargana enggo leben erbahan contoh ngapusken kerina utang si minjam man bana. Erkiteken e me maka kerina rakyatna ngikuti ngapusken utang kerina peridonna.
b. Pengorbanen: Kidekah 12 tahun ia jadi Gubernur, la ibuatna gaji (jatah) si jadi hakna. Ipakena senna sendiri guna biaya geluh ras oprasional tugasna (ay. 14-15). Teridah pe i bas ia ngelai tamuena si jumlahna lebih 150 kalak tiap wari si biayana cukup mbelin tetap nge ilakokenna alu meriah ukur (ay.17-18).
c. Pekerja keras: tetap ia berjuang mbangun tembok Jerusalem ras kerina Si erdahin rassa ilibatkenna (ay. 16), si gunana kuga njagai rakyatna i bas musuh-musuhna nari. Berarti segala potensi ras tenaga si lit I bas ia ikerahkenna kerina.
3) Palas kepemimpinen Nehemia eme:
a. Erkiteken mbiar man Tuhan (15c). Sikap geluhna enda eme bentuk pengabdian (pelayanen) man Dibata.
b. Erpengarapen man Tuhan, maka la mereken kesangapen man bana (ay. 19).
3. PENGKENAINA
Mbue kal si man pekenan i bas keluarganta, gerejanta, Mamrenta, bangsanta. Mungkin lit nge bagi keadaan kalak lsrael ndai terteken, tertindas, rsdna. Nggit nge ndia kita Mamre sebage peminpin mpekenasa bagi Nehemia ndai? Adi nggit, la banci la lit pengorbanenta, arus siap jadi contoh si mehuli (teladan) ras kerja keras. I bas ndalankenca enda pasti nge jadi keriahen adi ngasuplah kita nggejapken maka pendahinta (kai gia sidahiken) e me kesempaten pengabdianta man Tuhan bali ras kesaksin Nehemia ndai. Upahta kari rehna bas Tuhan nari. Ula lupa, maka perjuangen, pengorbanen ras keteladanenta enda maba semangat ras kesegaren guna usihen man teman ras mbiar man Tuhan. E maka si utama perlu sibina kinitekenta gelah kita mbiar man Tuhan sabab e me palasna, uluna kerina perbahanen si mehuli enda ndai.
4. DISKUSI
1) Turiken pengangkanta kuga kin ikataken bapa si mbiar man Tuhan (bandingken Nehemia)?
2) Sue ras pendahinta, ngasup nge kita ndahikenca sebage bapa si mbiar man Dibata? kai saja sibanci silakoken gelah maba kiniulin man keluarganta, gerejanta ras bangsanta?
USULEN ENDE-ENDEN
1) KEE GBKP No. 209: 1-2; https://www.youtube.com/watch?v=CW_YNHCWKR0
2) KEE GBKP No. 374; https://www.youtube.com/watch?v=ME1QzKifPBY
3) KEE GBKP No. 381: 1-2; https://www.youtube.com/watch?v=PXegIPBQnCU
4) KEE GBKP No. 360 https://www.youtube.com/watch?v=6NlZuSPpKOs
5) KEE GBKP No. 80: 1, 2, 3 https://www.youtube.com/watch?v=jrGAcUeJ9og
Pdt. Seth Perangin-angin, M.Th.
No HP: 0813 9734 0320