Sederhana, Teguh Ras Konsisten

Teks       : Matius 3: 1-12

Tema     : Sederhana, Teguh Ras Konsisten

Tujun     : Gelah Mamre:

• Meteh kerna kegeluhen ras sikap Johanes Peridiken
• Ngusih dingen encidahken sikap kegeluhen bagi Johanis Peridiken

Matius 3: 1 – 12

3:1           Pada waktu itu tampillah Yohanes Pembaptis di padang gurun Yudea dan memberitakan:
3:2           “Bertobatlah, sebab Kerajaan Sorga sudah dekat!”
3:3           Sesungguhnya dialah yang dimaksudkan nabi Yesaya ketika ia berkata: “Ada suara orang yang berseru-seru di padang gurun: Persiapkanlah jalan untuk Tuhan, luruskanlah jalan bagi-Nya.”
3:4           Yohanes memakai jubah bulu unta dan ikat pinggang kulit, dan makanannya belalang dan madu hutan.
3:5           Maka datanglah kepadanya penduduk dari Yerusalem, dari seluruh Yudea dan dari seluruh daerah sekitar Yordan.
3:6           Lalu sambil mengaku dosanya mereka dibaptis oleh Yohanes di sungai Yordan.
3:7           Tetapi waktu ia melihat banyak orang Farisi dan orang Saduki datang untuk dibaptis, berkatalah ia kepada mereka: “Hai kamu keturunan ular beludak. Siapakah yang mengatakan kepada kamu, bahwa kamu dapat melarikan diri dari murka yang akan datang?
3:8           Jadi hasilkanlah buah yang sesuai dengan pertobatan.
3:9           Dan janganlah mengira, bahwa kamu dapat berkata dalam hatimu: Abraham adalah bapa kami! Karena aku berkata kepadamu: Allah dapat menjadikan anak-anak bagi Abraham dari batu-batu ini!
3:10         Kapak sudah tersedia pada akar pohon dan setiap pohon yang tidak menghasilkan buah yang baik, pasti ditebang dan dibuang ke dalam api.
3:11         Aku membaptis kamu dengan air sebagai tanda pertobatan, tetapi Ia yang datang kemudian dari padaku lebih berkuasa dari padaku dan aku tidak layak melepaskan kasut-Nya. Ia akan membaptiskan kamu dengan Roh Kudus dan dengan api.
3:12         Alat penampi sudah ditangan-Nya. Ia akan membersihkan tempat pengirikan-Nya dan mengumpulkan gandum-Nya ke dalam lumbung, tetapi debu jerami itu akan dibakar-Nya dalam api yang tidak terpadamkan.”

1. KATA PENARUH

Biak ntahpe karakter eme bagin si penting i bas kegeluhen kalak si erkiniteken. Arah biak e me kita banci nandai ras meteh kalak si deban erkiniteken ntah lahang. Janah biak sekalak jelma teridah alu tangkas arah kerina perbahanen sinilakokenna i bas geluhna. Kesadaren si bage me si perlu ipeturah i bas perukuren Mamre. Perlu meteh maka perbahanen e me tandana kita erkiniteken bas geluhta. Adina perbahanenta palasna eme keleng ate Dibata, la banci lang ulih perbahanenta e pe arusna sentudu ras sura-sura Dibata. Tapi adina palas kegeluhenta terjeng kesenangen diri, maka banci saja si nilakoken kita pe terjeng pesenangken diri saja ngenca. Em sabapna penting kal man kalak si erkiniteken nuduhken biak si mehuli gelah kalak nandai Dibata arah perbahanen ras kekelengen si nilakokenna bas geluhna. Alu bage, perlu isuanken Mamre i bas pusuhna maka kiniulin si nilakokenna e bagin dalan man bana mpetandaken keleng ate Dibata kempak doni ras jelma si deban.

2. URAIAN TEKS

I bas pengogen paksa enda iorati me kerna sekalak tokoh si penting i bas erkiniteken man Dibata emekap Johanes Pridiken. Johanes Pridiken eme anak Sakaria ras Elisabet (Bnd. Luk. 1: 6). Sakaria eme sekalak imam i bas terpuk Abia nari, janah Elisabet pe kesusuren sekalak imam. Sakaria ras Elisabet kalak si tuhu-tuhu erkemalangen man Dibata. Duana ia nggeluh rikutken si ngena ate Dibata. Aminna pe bage, lit ka nge perbeben ras ketedehen ate Elisabet ras Sakaria. Sebab i bas umurna si enggo meganjang, langa lit anak ipupusna. Tapi kuasa Dibata erdahin arah sekalak malekat si erbelas man Sakaria tupung Sakaria sangana nutung kumenen bas Kamar si Badia. Ije iturikenna maka Dibata megiken pertoton Sakaria, maka ipupus ndeharana Elisabet me sekalak anak dilaki. Janah gelarna ibahan Johanes. Bagem turi-turin ketubuhen Johanes si enggo irancangken Dibata pe ku bas doni enda lako menai mpesikap dalan nandangi pelayanen Jesus Kristus.

Salah sada pesan si penting si itekanken Johanes kempak jelma si nterem i bas paksa si e eme JERA dingen ROBAHLAH. Pedah enda penting man kalak si ngaku tek man Dibata. Maka perbahanen si nilakokenna arus nge iperobahina gelah banci ia bengket jadi kalak si erkemalangen man Dibata. Johanes ngidah maka paksa si e melala kal kalak si ngaku sebage kalak si tek man Dibata, tapi perbahanen si nilakokenna langa sentudu ras kai sinisuraken Dibata. Erkiteken si e me Johanes Pridiken ngajuk jelma si nterem e gelah bengket ku bas sada pengertin uga ia arus mpekena lagu langkahna. Emaka pertobaten siniarapken Johanes Pridiken labo pertobaten biasa-biasa saja. Tapi PERTOBATEN RADIKAL. Ertina maka itadingkenna kerina biak si la mehuli e gelah banci ersada ras Dibata. Perubahen e teridah jadi perubahen si mehuli. Bage ia ngakuken kinitekenna, ituduhkenna minter bas dirina maka ia enggo jera dingen robah i bas perbahanen si la payo e. Bagem Johanes Pridiken konsisten i bas ngingetken jelma si nterem paksa Si e gelah jera dingen robah. Aminna pe melala penolaken i bas kalak si deban nari.

Janah kata jera ras robah e ikawitken Johanes Pridiken ras Kata KINIRAJAN SURGA ENGG0 NDEHER nuriken maka waktu manusia i bas doni enda lanai ndekah. Nandangi seh me warina Dibata ngadili manusia i bas perbahanen sinilakokenna e. Emaka selain pertobaten radikal, manusia pe arus ngelakoken pertobaten si meter, ertina si arus secepatna ilakokenna. Pertobaten e labo teridah arah status ras identitas sekalak jelma, Aminna pe ia kesusuren Abraham, labo pagi status Si e si erbahansa ia ngalakoken Kinirajan Surga bas kegeluhenna. Lit nge tandana kalak si enggo jera dingen robah i bas geluhna. Eme iperidiken ia i bas gelar Dibata (Bnd. Mat. 3: 11). Kata iperidiken nuduhken maka ia tek man Dibata. Alu bage, kiniteken man Dibata me si mabai manusia jera dingen robah i bas geluhna. I bas kegeluhen erkiniteken man Dibata, penting kal encikep alu nteguh kiniteken e. Sabap kiniteken me si mabai manusia ngaloken keterkelinen i bas geluhna.

Ulih kiniteken si bage me si melala ituduhken Johanes Pridiken i bas geluhna. Salah sada hal si mbelin teridah ije eme kesederhanan Johanes Pridiken. Ituduhkenna maka ia kalak si cukup sederhana. I bas ayat 4 ituriken maka paken Johanes Pridiken i bas mbulu unta nari, genditna i bas kuling-kuling nari. Penampilen Johanes enda mungkin berbeda ras kalak si deban si make uis ras gendit si lebih halus kainna. Enda me wujud kesederhanaan Johanes Pridiken. Janah peruisna e pe ngingetken kuga nai nabi-nabi si arah lebe erberita alu make kai si lit i bas ia, umpamana Elia (Bnd. Mat. 10: 11-13). La terjeng usi sinipake Johanes Pridiken, pangan si ipanna pe kai si lit i bas kerangen, umpamana labang ras tengguli kerangen. Sinilakoken Johanes Pridiken enda labo dalam tindakan askese (prilaku bertapa untuk menahan hawa nafsu). JJ de Heer i bas bukuna nuratken maka sinilakoken Johanes Pridiken e tujunna emekap: hanya ia rela untuk hidup sederhana demi menjalankan tugasnya yang suci. Ertina maka Johanes Pridiken ndalanken kegeluhen si sederhana gelah teridah kemuliaan Dibata si mbelin i bas kegeluhenna. Si e pe teridah arah pengakunna kerna kerehen Jesus Kristus maka nina: “ngosari tinali sepatuna pe aku la metunggung”. Alu bage teridah, maka kesederhanaan ras kiniteruken ukur jadi bagin si penting i bas kegeluhen Johanes Pridiken.

3. APLIKASI

Perkembangen jaman mpeturah perkembangen perbeben sinihadapi kalak si erkiniteken i bas geluhna. Tentu MAMRE GBKP pe arus ka nge berkembang ngikuti situasi perbeben si nihadapina i bas geluhna. MAMRE GBKP la banci talu i bas situasi kegeluhen. Emaka perlu ituduhken kiniteken si paguh dingen nteguh. Encikep nteguh pengajaren si enggo iajarken Jesus Kristus i bas geluhna. La terjeng Si e saja ngenca. Tapi MAMRE GBKP pe arus ngasup nuduhken sada perilaku (biak) si mehuli man kalak si deban. MAMRE GBKP arus jadi pelopor kesederhanaan ras konsistensi. Tentu melala hal si banci ituduhken MAMRE i bas biak si bage, umpamana: MAMRE GBKP tetap jadi pelopor alu konsisten mabai jabu ras gereja geleh tetap mperdiateken lingkungen sekitarna. Subuk i bas kebersihen lingkungen bagepe penolaken nandangi pinakit-pinakit sosial si berkembang bas kegeluhen masyarakat. Mewujudken Si e kerina tentu arus lit sada komitmen si mbages i bas MAMRE GBKP. Labo menukah jadi pelopor. Sebab sekalak pelopor arus ka nge leben ia ndalankensa si mehuli e asangken kalak si deban. Si eme si arapken jadi i bas kegeluhen MAMRE GBKP.

4. DISKUSI

• Turikenlah i bas dampar kai saja Johanes Peridiken nuduhken ia kalak si sederhana ras setia (konsisten) i bas meritaken Berita si Meriah kerna Tuhan Jesus Kristus!
• Gargari dingen turikenlah biak kesederhanan ras kesetiaan (konsistensi) i bas kiniteken si pernah silakoken subuk sebage bapa i bas jabu, i bas inganta erdahin bagepe i bas masyarakat.

USULEN ENDE-ENDEN

• KEE GBKP No. 217: 1,2
• KEE GBKP No. 227: 1, 2, 3
• KEE GBKP No. 303: 1, 2, 3
• KEE GBKP No. 343: 1, –
• KEE GBKP No. 194: 1, 2

 

Pdt. Dicky A. Bangun, M.Th.

HP: 0812 6323 1231