PEMIMPIN SI NGELAI
Markus 10: 35-45
(PEMILIHEN BPMR)
10:35 Lalu Yakobus dan Yohanes, anak-anak Zebedeus, mendekati Yesus dan berkata kepada-Nya: “Guru, kami harap supaya Engkau kiranya mengabulkan suatu permintaan kami!”
10:36 Jawab-Nya kepada mereka: “Apa yang kamu kehendaki Aku perbuat bagimu?”
10:37 Lalu kata mereka: “Perkenankanlah kami duduk dalam kemuliaan-Mu kelak, yang seorang lagi di sebelah kanan-Mu dan yang seorang di sebelah kiri-Mu.”
10:38 Tetapi kata Yesus kepada mereka: “Kamu tidak tahu apa yang kamu minta. Dapatkah kamu meminum cawan yang harus Kuminum dan dibaptis dengan baptisan yang harus Kuterima?”
10:39 Jawab mereka: “Kami dapat.” Yesus berkata kepada mereka: “Memang, kamu akan meminum cawan yang harus Kuminum dan akan dibaptis dengan baptisan yang harus Kuterima.
10:40 Tetapi hal duduk di sebelah kanan-Ku atau di sebelah kiri-Ku, Aku tidak berhak memberikannya. Itu akan diberikan kepada orang-orang bagi siapa itu telah disediakan.”
10:41 Mendengar itu kesepuluh murid yang lain menjadi marah kepada Yakobus dan Yohanes.
10:42 Tetapi Yesus memanggil mereka lalu berkata: “Kamu tahu, bahwa mereka yang disebut pemerintah bangsa-bangsa memerintah rakyatnya dengan tangan besi, dan pembesar-pembesarnya menjalankan kuasanya dengan keras atas mereka.
10:43 Tidaklah demikian di antara kamu. Barangsiapa ingin menjadi besar di antara kamu, hendaklah ia menjadi pelayanmu,
10:44 dan barangsiapa ingin menjadi yang terkemuka di antara kamu, hendaklah ia menjadi hamba untuk semuanya.
10:45 Karena Anak Manusia juga datang bukan untuk dilayani, melainkan untuk melayani dan untuk memberikan nyawa-Nya menjadi tebusan bagi banyak orang.
A. PERSIKAPEN
B. PERPULUNGEN JABU-JABU
1. Rende KEE No. 395: 1, 4 “Sipujilah Tuhanta E ”
(Ibabai Anak/Pengurus PJJ)
https://www.youtube.com/watch?v=kZaVx25iQac&pp=ygUHa2VlIDM5NQ%3D%3D
1) Sipujilah Tuhanta e Dibatanta si erkuasa
La ersibar kuasaNa liasNa nggo tetap
Reff: Marilah kita kerina si puji Tuhan bas geluhta
Mbelin kekelengenNa banta kerina
Segedang geluhta
4) Sipujilah Tuhanta e Dibatanta e si perkuah
Singaloken kita krina adi reh ersembah Reff:…
2. Ertoto (Ibabai si mada jabu)
3. RENUNGEN (Ibabai Bapa/ Pdt/Pt/Dk)
TEKS : MARKUS 10: 35-45
TEMA : PEMIMPIN SI NGELAI
Melala jelma merincuh jadi pemimpin erkiteken ngidah hak-hak khusus si aloken sekalak pemimpin. E me kerna uga sekalak pemimpin ihamati, ielai ras ndatken perlakun khusus i bas hal-hal tertentu. Tapi megati ia lupa kerna tanggung-jabab i bas ia selaku sekalak pemimpin. Keuntungen-keuntungen pribadina ngenca iukurkenna janah lupa ia maka situhuna jadi pemimpin arusna buen ngukurken gelah sikap kalak si ni pimpinna. Melala pemimpin lupa nandangi tanggungjababna tapi megegeh kal ia erusaha gelah kerina hakna idatkenna.
Teks PJJ wari enda kerna anak-anak Sebedeus e me Jakup ras Johanes reh ndahi Jesus, janah nina, “O Guru, lit pemindon kami man baNdu, ngarap kami gelah iberekenNdu.” E maka isungkun Jesus ia, “Kai kin atendu si Kubahan man bandu?” Erjabap kalak si dua ndai, “Ate kami, kundul min arah kawes ras kemuhenNdu kune pagi Kam erkuasa i bas KinirajanNdu.” I bas pemindon enda teridah biak medoni (duniawi) i bas perukuren ajar-ajar si dua e. Bage pe seh i bas paksa e perukuren ajar-ajar kerna Kinirajan Surga e iangkaina secara pemerentahen doni, lenga iangkaina maka pemerentahen Jesus e me pemerentahen pertendin (rohani).
Nina Jesus “Kerna ise kundul arah kawes ras arah kemuhenKu labo Aku metehsa. E pagi ibereken Dibata man kalak si enggo itentukenNa.” Jesus alu anjar-anjar mabai ajar-ajar ku bas perukuren secara pertendin, labo perukuren secara doni. Sanga ibegi ajar-ajar si sepuluh kalak nari kata e, irawaina Jakup ras Johanes. Engkai maka ajar-ajar si sepuluh kalak ngerawai Jakup ras Johanes sabab kalak ndai pe bage ka nge sura-sura i bas ukurna.
Nina Jesus man kerina ajar-ajar “Enggo ietehndu maka si iakui jadi pemerentah erkuasa nandangi rayatna janah peminpin-peminpin rate-rate nandangi bawahenna. Arah enda ijelasken Jesus maka adi ngerana kerna pemerentahen ntah pemimpin bas doni enda ngerana kerna kuasa ras banci rate-rate nandangi bawahenna. Enda me si melala iayaki kalak jadi sekalak pemimpin gelah alu kuasa jabaten si lit i bas ia ipakena guna merentahi kalak si deban.
Tapi i bas kam la banci bage. Ise atena i bas kam jadi mehaga, ia arus jadi si ngelai nandangi kam. Ise atena jadi si arah lebe, arus maka ia jadi suruh-suruhen temanna kerina. Kinihagan ras kehamaten selaku pemimpin i bas gereja labo soal jabaten ntah soal keduduken, labo soal kuasa si lit i bas kita gelah banci merentahi ntah pe erate-rate nandangi kalak si deban. Kinihagan jadi sekalak pemimpin i bas kalak Kristen e me adi ia jadi singelai teman-temanna, jadi suruh-suruhen man teman-temanna. Sabap Anak Manusia si isuruh Dibata reh labo guna ielai, tapi guna ngelai. Janah iendeskenNa kesahNa guna nebusi nterem jelma.” Jesus jine nggo ncidahken maka IA selaku Tuhan pe reh labo guna ielai tapi guna ngelai seh iendeskenNa kesahNa guna nebusi dosa manusia. Pemimpin situhu-tuhu e nggit mereken geluhna jadi erguna makalak si deban, gelah kalak si deban banci ngumban usihen si mehuli i bas ia.
Agenda gerejanta kenca enggo dung pemilihen Pertua Diaken periode 2024-2029 maka ilakoken ka me i tengah-tengah Runggun e me pemilihen Badan Pengurus Majelis Runggun (BPMR) si secara organisasi nigelari peminpin bas gerejanta. Adi nggo siangkai erti pemimpin bagi si turiken Jesus e me guna ngelai, guna jadi suruh-suruhen kalak si deban, arusna praktek-praktek si la payo lanai silakoken. Umpamana kampanye ka kita gelah pilih si A, ula pilih si B bagi si nilakoken i bas pemilihen doni. I bas gereja arusna si enda la silakoken. Enggo nge sitandan kita gel-gel nari kerina tentu enggo siidah erpalasken kata Dibata ise si payo sipilih gelah pelayanen i bas Runggunta banci reh ulina.
Tole pe maka ise pe si terpilih e me si nggo itetapken Dibata, i bas kekurangenna Dibata pagi si ngkuhisa. Tugasta e me notokenca dingen ikut mendukungsa gelah kerina pelayanen i bas gerejanta erdalan alu mehuli, malem ateta. Perpulugen pe meriah ukurna ngidah kiniersadan Majelis Runggun i bas ngelai. Selamat ngelakoken pemilihen BPMR bas Runggunta masing-masing.
4. Nuriken Penggejapen (Ibabai Pengurus PJJ)
5. DISKUSI (Ibabai Moderator siniaturken Pengurus PJJ)
• Turiken pengangkanta kerna Pemimpin Si Ngelai erpalasken teks PJJ warenda?
• Kai si idahndu si mehuli i bas kepemimpinen BPMR si sedekah enda bas tengah-tengah Runggunta janah kai ka akapndu si perlu ipekena i bas kepemimpinen BPMR sir eh enda? Turikenlah
6. NEHKEN PERSEMBAHEN
Rende KEE No 309: 1, 3 “PENGASUP KAMI O TUHAN”
https://www.youtube.com/watch?v=oVgKu841LSQ&pp=ygUHa2VlIDMwOQ%3D%3D
1) Pengasup kami o Tuhan,
Gelah pedahNdu banci idalanken
Em kap tendang kami bas kegeluhen
KataNdu si man gelemen
Gelah tangkas kata ras perbahanen
Ban min kami tetap bas kebujuren
SurgaNdu kap perayaken
2) Kawali kami o Tuhan
Alu gegeh ras kuasaNdu si mbelin
Olangilah kami idur si setan
Si atena ncedaken
DameNdu gelah tetap kuarapken
Ban kelengNdu ngenca kap kami atan
Bengket ku bas kesenangen
7. Pertoton Persembahen + Sapaat + Pertoton Tuhan
• Persembahen
• Tuan rumah wari enda ras tuan rumah minggu si reh
• Pemilihen BPMR banci erdalan alu mehuli
• Si turah i bas perpulungen
• Pertoton Tuhan
8. Momo bas pengurus/Pt-Dk
C. JEDA RAS PENUTUP
Pdt. Sahabat Perangin angin, M.Th
HP/WA: 082125262771