Karya Konkrit Saitun (Persekutuan)
Ogen : 2 Timotius 3: 12-17
Tema : Iperlengkapi guna erbahan si mehuli
Tujun : Saitun:
1. Gelah Saitun ngejapken pentingna persadaan ras Kristus bas kegeluhenna.
2. Gelah Saitun tetap ndalanken kebenaren Kristus.
Metode : Sharing kerna ulih kesetian bas kata Dibata
Banci ka aksi pembagian Pustaka Si Badia man Saitun/KAKR si lenga lit Pustaka Si Badiana
3:12 Memang setiap orang yang mau hidup beribadah di dalam Kristus Yesus akan menderita aniaya, 3:13 sedangkan orang jahat dan penipu akan bertambah jahat, mereka menyesatkan dan disesatkan. 3:14 Tetapi hendaklah engkau tetap berpegang pada kebenaran yang telah engkau terima dan engkau yakini, dengan selalu mengingat orang yang telah mengajarkannya kepadamu. 3:15 Ingatlah juga bahwa dari kecil engkau sudah mengenal Kitab Suci yang dapat memberi hikmat kepadamu dan menuntun engkau kepada keselamatan oleh iman kepada Kristus Yesus. 3:16 Segala tulisan yang diilhamkan Allah memang bermanfaat untuk mengajar, untuk menyatakan kesalahan, untuk memperbaiki kelakuan dan untuk mendidik orang dalam kebenaran. 3:17 Dengan demikian tiap-tiap manusia kepunyaan Allah diperlengkapi untuk setiap perbuatan baik.
I. BENA KATA
Surat 2 Timotius enda itulis Rasul Paulus gelah Timotius nggeluh tekun ras ngasup ngaloken kerina situasi siihadapina i bas meritaken Berita Si Meriah. Paulus bas paksa nulis surat enda menghadapi ancamen hukumen mati erkiteken paksa si e lit upaya penghentian izin meritaken Berita Si Meriah. Paulus mereken nasehat ras pergegeh man Timotius erkiteken paksa si e melala kiniseran si harus ihadapina termasuk guru – guru palsu simabai papak kiniteken. Rasul Paulus menasihatken Timotius gelah metenget njagai Berita Injil bagepe meritaken Berita Simehuli, megenggeng ras tetap ukur i bas ndalanken tugas alu mehuli.
II. MPEBAGESI OGEN
Surat sipeduaken Rasul Paulus man Timotius enda eme surat si paling terang nuriken kerna Pustaka Si Badia eme Kata Dibata si tujunna eme mpekena kegeluhen kalak si ngogesa ras tek. Pustaka Si Badia itulis untuk maksud rencana Dibata segelah kerina jelma meteh pentingna nggeluh bagi sura-sura Tuhan Yesus janah nandingken biak – biak geluh i bas dosa. Bagin sijadi bahan PA i bas wari enda negasken ulihi maka Pustaka Si Badia eme tulisen sirehna i bas Dibata nari guna ngajari manusia nggeluh alu benar, sebab Dibata enggo mperlengkapi manusia alu perbahanen si mehuli.
Bagin bahan PA enda pe nuriken man banta maka Pustaka Si Badia si rehna i bas Dibata nari la mungkin salah ras lalit kesalahenna Pustaka Si Badia eme Kata Dibata ntah pe i bas kata aslina ikataken theopneustos si ertina theos eme Dibata ras pneo ertina Erkesah. Emaka banci ikataken Pustaka Si Badia eme Sabda Allah ntah pe Kata Dibata si la mungkin lit salah ras keliruna, Pustaka Si Badia melala nuratken “Nina Tuhan… e ertina kata – kata siipeseh labo i bas singatakensa, tapi i bas Dibata nari. Pustaka Si Badia eme kesaksin si benar kerna sura – sura Dibata guna keselamaten kerina manusia arah Yesus Kristus Tuhanta. Labo lit si banci ipeseri ras Pustaka Si Badia tulisen apai pe si lit i bas doni enda. Emaka kita harus metenget njagai kebenaren isi Pustaka Si Badia. Ula terpengaruh bas pemeteh manusia si maun – maun memutarbalikken kebenaren Kata Dibata bagi sura – surana.
III. PENGKENAINA
Saitun enggo melala pengalamenna i bas ndalani kegeluhen. Erbage – bage tantangen geluh enggo i hadapi. Puji Tuhan seh wari enda kerina Saitun sipulung i bas PA enda setia man Dibata ras terus nggit erlajar kerna Kata Dibata (meneladani Tuhan Yesus Kristus). Semangat sibagenda rupa perlu kal jadi usihen man Moria, Mamre, Permata ras KAKR. Labo lit si lebih penting asangken nggeluh ngikutken sura – sura Dibata bas doni enda. Kininggiten erlajar kerna Kata Dibata (PA) ncidahken semangat nggeluh si la terhalangi usia. Enda sangat luar biasa.
Tuhan enggo mperlengkapi kerina Saitun untuk ndahiken dahin simehuli. Perlengkapen si terpenting eme Kata Dibata si enggo turah ras erbuah i bas kegeluhen kerina Saitun. Gundari paksana Saitun erbahan aksi konkrit (nyata) untuk terus ikut muat bagin i bas pelayanen Gerejanta gelah teridah kerina kita berbuat: berkarya dan berguna untuk orang lain bagi sasaran tahun pelayanenta i bas tahun 2024 enda. Untuk banci berkarya dan berguna untuk orang lain, maka kita lebe enggo harus clear (selesai) dengan diri sendiri. Enggo seh paksana gundari aktualisasi diri gelah banci kerina Saitun erguna ras Termulia gelar Tuhan Dibatanta si enggo mengizinken kita tubuh ku doni enda seh i bas usia Saitun.
Penting kal man Saitun untuk mewariskan harta berharga si labo berupa materi atau kenikmatan duniawi, tapi warisan nilai – nilai hidup si bersumber arah Pustaka Si Badia. Saitun perlu kal ngusih Rasul Paulus si tuhu – tuhu peduli nandangi anak rohanina eme Timotius gelah nggeluh bagi sura – sura Tuhan Yesus Kristus. I bas situasi sulit ras la menentu, i ja Kaisar Nero akan menghukum mati dirina, tetapi ia labo ngukuri wari kematenna, siiukurina eme anak rohanina Timotius si bakal ngelanjutkan dahin si engo ibenakenna i bas kegeluhenna. Timotius man Saitun gundari eme Moria, Mamre, Permata ras KAKR. Berkaryalah Saitun secara konkrit salah sadana eme mpersingeti gelah ula pernah meraguken Kata Dibata (Pustaka Si Badia). Bereken teladan pentingna ngoge Pustaka Si Badia tiap wari sebagai warisan berharga untuk ilanjutken. Tuhan simasu-masu kita kerina. Soli Deo Gloria.. Amin.
IV. PERTOTON
O Tuhan Kam tetap pegegehi kami guna meritaken Berita Si Meriah, raduken anak – anakNdu Moria, Mamre, PERMATA ras KAKR isaksiken kami kataNdu siniogeken kami kataNdu sierkuasa ras dem pasu – pasu jadi terang, jadi ciken bas ndalani kegeluhen enda, eme pertoton kami bas Tuhan Yesus ipindo kami man bandu. Amin
V. Diskusi/sharing/mengisi TTS, dll
1. Uga maka lit denga kang Saitun ngajari kempuna la sendalanen ras Kata Dibata?
2. Kai nge si paling penting akap Saitun man pesikapen guna kesusurenna?
3. Adi enggom kerina kita itebusi Yesus Kristus, apakah lit denga Saitun la tek nandangi kegeluhen kenca enggo mate erpalasken kesaksin Pustaka Si Badia?
VI. USULAN LAGU
1. KEE No.: 204: https://www.youtube.com/watch?v=f_MriYd4zXo
2. KEE No.: 283: https://www.youtube.com/watch?v=ifxZt-sYwJs
3. KEE No.: 255: https://www.youtube.com/watch?v=iSwf3O8dF9U
4. KEE No.: 289: https://www.youtube.com/watch?v=2H6Ii0YvSkk
5. KEE No.: 254: https://www.youtube.com/watch?v=WoX0kW9AbFk
Pdt. Yusuf Tarigan