PADAN DIBATA GUNA KINIULIN TINEPANA
Kejadin 9: 8-17
(Krisis Ekologi dan Pangan)
9:8 Berfirmanlah Allah kepada Nuh dan kepada anak-anaknya yang bersama-sama dengan dia:
9:9 “Sesungguhnya Aku mengadakan perjanjian-Ku dengan kamu dan dengan keturunanmu,
9:10 dan dengan segala makhluk hidup yang bersama-sama dengan kamu: burung-burung, ternak dan binatang-binatang liar di bumi yang bersama-sama dengan kamu, segala yang keluar dari bahtera itu, segala binatang di bumi.
9:11 Maka Kuadakan perjanjian-Ku dengan kamu, bahwa sejak ini tidak ada yang hidup yang akan dilenyapkan oleh air bah lagi, dan tidak akan ada lagi air bah untuk memusnahkan bumi.”
9:12 Dan Allah berfirman: “Inilah tanda perjanjian yang Kuadakan antara Aku dan kamu serta segala makhluk yang hidup, yang bersama-sama dengan kamu, turun-temurun, untuk selama-lamanya:
9:13 Busur-Ku Kutaruh di awan , supaya itu menjadi tanda perjanjian antara Aku dan bumi.
9:14 Apabila kemudian Kudatangkan awan di atas bumi dan busur itu tampak di awan,
9:15 maka Aku akan mengingat perjanjian-Ku yang telah ada antara Aku dan kamu serta segala makhluk yang hidup, segala yang bernyawa, sehingga segenap air tidak lagi menjadi air bah untuk memusnahkan segala yang hidup.
9:16 Jika busur itu ada di awan, maka Aku akan melihatnya, sehingga Aku mengingat perjanjian-Ku yang kekal antara Allah dan segala makhluk yang hidup, segala makhluk yang ada di bumi.”
9:17 Berfirmanlah Allah kepada Nuh: “Inilah tanda perjanjian yang Kuadakan antara Aku dan segala makhluk yang ada di bumi.”
A. PERSIKAPEN
B. PERPULUNGEN JABU-JABU
1. Rende: KEE No. 262: 1,4 (ibabai simada Jabu)
https://www.youtube.com/watch?v=Azhl4TRaTio
Doni enda seh ulina, Tuhan si nepasa
Ras isina pe k’rina, b’rekenNa banta
Sehken bujur dage baNA, arah k’rina dampar g’luhta
Sehken bujur dage baNA, arah k’rina dampar g’luhta
Kiniliten enda k’rina, Tuhan kap empuna
Sipakeken min k’rina, guna K’rajanNa
Sehken bujur dage baNA, arah k’rina dampar g’luhta
Sehken bujur dage baNA, arah k’rina dampar g’luhta
2. Ertoto (ibabai simada jabu)
3. Ngoge Pustaka: Kejadin 9: 8-17
4. Renungen
Tema : Padan Dibata Guna Kiniulin TinepaNa
Dibata si nepa doni enda ras kerina isina ijadikenNa kerina alu tuhu-tuhu mehuli (Kej. 1: 31), termasuk me manusia si itepa Dibata rikutken tempasNa guna engkuasai ras naluken doni enda (anima rationalis). Menurut Robert P. Borrong i bas bukuna, “Etika Bumi Baru” teks Kejadin 1: 26-28 e me sada kesatuan si la terpisahken. Manusia ibereken Dibata dahin sebage mandat penguasan nandangi tinepa si debanna sebage hakikat gambaren Dibata. Tapi lit pemahamen si salah i bas nterjemahken ntah pe nafsirken nats enda si erbahanca manusia rate-ate guna mengeksploitasi doni enda guna kepentingenna (Konfesi GBKP Bab III/Ciptaan). Kuasa si ibereken Dibata man manusia labo njadiken manusia sebage mahluk superioritas (antroposentrisme) nandangi tinepa si debanna alu la ngukurken dampak ras akibatna. Kuasa si ibereken Dibata kempak manusia tujunna gelah kita mengelola, njaga ras ngusahai alam guna kebutuhen kerina tinepa janah e me jadi ingan manusia guna nggeluh ras-ras segelah jadi sada kiniulin (Oikos).
Bahan teks PJJ-nta wari enda arah Kejadin 9: 8-17 e me perpadanen Dibata man Nuah bage pe sinusurna ras rikut kerina perik-perik, rubia-rubia si ndarat i bas kapal e nari maka lanai icedaken alu banjir si mbelin. Perpadanen enda ibahan tandana alu litna benteha i bas Dibata nari. Perpadanen enda me jadi erti Dibata ngaturken kerina kiniulin tinepaNa. Tapi engkai makana lit denga banjir i bas piga-piga ingan i bas doni enda? Ija nge padan Dibata man Nuah lanai mereken banjir mbelin bas doni enda? I bas njababsa penungkunen enda perlu si pahami makna perpadanen Dibata ras Nuah e me banjir mbelin si engkernepken doni enda, sedangken i bas banjir si lit paksa enda erkiteken perbahanen manusia si lanai njagai doni enda alu mehuli.
Kesedaren manusia i bas peranna njagai doni enda she kal perluna. Megati kesedaren da enggo mulai “urak” erkiteken kepentingen-kepentingen ntah pe hasrat manusia i bas mengeksploitasi alam alu alasen kemakmuran ras pembangunen sumber daya manusia (kapitalis). Si jadi persoalen e me kap, doni enda ntah pe alam semesta ijadiken objek tunggal si banci imaksimalken guna kebutuhen manusia. Alexander Sonny Keraf i bas bukuna “Krisis dan Bencana Lingkungen Hidup Global” (2010), ngatakenca krisis ras bencana cedana lingkungen hidup la ngenca berpengaruh secara lokal tapi banci secara global. Ikataken global erkiteken krisis ras bencana e banci ngkenai kerina i doni enda. Krisis ras bencana lingkungen hidup global e termasuk ku bas isi doni enda (kerangen, terumbu karang, lahan perjumaan ntah pe sabah, lapisan ozon), pencemaren lingkingen hidup (udara, lau, laut, taneh) bage pe kepunahen erbage sumber daya alam ras lingkungen hidup (keanekaragaman hayati, mata lau), kekacauan iklim global, ras masalah sosial si lit kawitenna ras dampak lingkungen hidup. Kerina e banci jadi ancamen nandangi kegeluhenta janah manusia banci jadi korban arah lingkungen alam si nggo ceda e.
GBKP arus ngasup jadi lembaga persekutuan si mereken respon teologis i bas kerina kegiatan alu aksi si kritis nandangi krisis ekologi. Arah PJJnta enda si ersifat persekutuan arus nge ngasup erteologia secara praksi (Doing Theology). Arah kita ngorati Kata Dibata i bas persekutuanta si sifatna sakral, bebas ras mpeturah solidaritas (kepate) nandangi situasi i as doni enda, maka sigejapken uga kiniulin si ibereken Dibata man banta. Sue arah motto Konferensi Stockholm, Swedia i bas tahun 1972 maka nina “Hanya ada satu bumi”. E maka mari si inget padan Dibata guna kiniulin tinepaNa arah ikut njagai lingkungenta ibenaken arah jabu ras sekelewetta maka e jadi tanda kita nggo muat bagin i bas ngatasi krisis ekologi ras pangan i bas doni enda.
5. Nuriken Penggejapen
6. Rende: KEE No. 260: 1-2
https://www.youtube.com/watch?v=I1Bx457z1V4
Oh Andiko jilena tinepa Dibata,
Subuk pertibi enda ras isina k’rina
Deleng si meratah kerangen, perik-perik rende kabangen
Andiko jilena si banNa, seh kel kap ulina
Reff: E maka tangarlah min kita jelma
Ola melasang, ola meturdaksa
Lit tenah kata pedah ni Dibata
Jaga kelengi, k’rina tinepaNa
Ah andiko cedana, si tepaNa ndube
Penggaya iblis ‘rbanca jelma rate-ate
Uruk si megersing meturban
Rudang ‘nggo merampak i mbalmbal
Andiko mekelek cedana bekas tinepaNa Reff: …
7. Diskusi ras Sharing
1. Turikenlah kai sabapna maka manusia ertanggung jabab i bas njagai ras mpekena-kena doni enda?
2. Enggo nge kita ikut njagai tinepa Dibata segelah tetap terjaga kiniulinna? Turilah pengalamenta.
8. Irakut Pandita, Pertua, Diaken
9. Persembahen, rende: KEE No. 261:1,3
https://www.youtube.com/watch?v=sQxHl-P8uKc
Reff: Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
I bas ngerabi ni ciluki k’rangen tua
‘Nggo jadi jajat piah meseng si nasana
Cimber meseng na ‘nggo ngulungi ‘nterem jelma
Turah penakit mate ka pe lit nge deba
Reff: Kuga kin ndia sura-sura ni Dibata
Nandangi kita manusia pertibi enda
Jaga kelengilah kerina tinepaNa
‘Lah ula kita mekelesa Tuhan
Adina radas kin tabahi batang kayu
Erbanca uruk pe ras deleng bagi tabu
Piah enggo sapsap kin arusna tahan-turu
Reh kenca udan minter naring’ ng’raja lau Reff: …
10. Pertoton Sapaat ras Pertoton Tuhan
• Gelah kerina ngawan perpulungen turah kesadaren guna njagai ras pekena-kena doni enda
• Gelah kerina ngawan mbages pengertinna guna ngasup pekena-kena doni enda
• Si turah i bas Perpulungen
• Persembahen
• Pertoton Tuhan
11. Momo
Pdt. Anton Keliat, S. Th., M.A.P
HP/WA: 0812-8367-3277