ERDAME I BAS KELUARGA
2 Samuel 14: 25 – 33
(Keluarga: Rekonsiliasi)
14:25 Di seluruh Israel tidak ada yang begitu banyak dipuji kecantikannya seperti Absalom. Dari telapak kakinya sampai ujung kepalanya tidak ada cacat padanya.
14:26 Apabila ia mencukur rambutnya –pada akhir tiap-tiap tahun ia mencukurnya karena menjadi terlalu berat baginya–maka ditimbangnya rambutnya itu, dua ratus syikal beratnya, menurut batu timbangan raja.
14:27 Bagi Absalom lahir tiga orang anak laki-laki dan seorang anak perempuan, yang bernama Tamar. Ia seorang perempuan yang cantik.
14:28 Setelah Absalom diam di Yerusalem genap dua tahun lamanya, dengan tidak datang ke hadapan raja,
14:29 maka Absalom menyuruh memanggil Yoab untuk diutus kepada raja. Tetapi ia tidak mau datang kepadanya. Kemudian disuruhnya memanggil dia lagi, untuk kedua kalinya, tetapi ia tidak mau datang.
14:30 Lalu berkatalah ia kepada hamba-hambanya: “Lihat, ladang Yoab ada di sisi ladangku dan di sana ada jelainya. Pergilah, bakarlah itu. “Maka hamba-hamba Absalom membakar ladang itu.
14:31 Lalu Yoab pergi mendapatkan Absalom ke rumahnya, dan bertanya kepadanya: “Mengapa hamba-hambamu membakar ladang kepunyaanku itu?”
14:32 Jawab Absalom kepada Yoab: “Ya, aku telah menyuruh orang kepadamu mengatakan: datanglah ke mari, supaya aku mengutus engkau kepada raja untuk mengatakan: apa gunanya aku datang dari Gesur? Lebih baik aku masih tinggal di sana. Maka sekarang, aku mau datang ke hadapan raja. Jika aku bersalah, biarlah ia menghukum aku mati.”
14:33 Kemudian masuklah Yoab menghadap raja dan memberitahukan hal itu kepadanya. Raja memanggil Absalom, dan ia masuk menghadap raja, lalu sujud ke hadapan raja dengan mukanya ke tanah; lalu raja mencium Absalom.
A. PERSIKAPEN
B. PERPULUNGEN JABU-JABU
- Rende KEE No. 2: 1, 2 (ibabai bapa/nande rumah)
I puji kami Kam gelarNdu si mejin
O Tuhan si ni das si mekelek mbelin
Si nasa lit kepe i surga ras i doni
Man Dibatanta e ras kita k’rina muji
Kam si Badia e Kam tetap singkawali
LiasNdu tangkas min i surga ras i doni
Kam lalap man pujin i bas ende-enden
‘Rkiteken bujur kap mehuli peraten
Di reh nge pagi Kam ngukumsa pengarahen
Mekuah ateNdu min mb’ra ola kesalahen
La kalak kemalun si baNdulah ernalem
Kam penundalenku e maka ateku malem
- Ngoge Kata Dibata: 2 Samuel 14: 25 – 33 (ibabai anak)
- Nuriken Kata Dibata (ibabai Pandita/Pertua/Diaken).
Tema : Erdame I Bas Keluarga
Nggeluh dame ras meriah antara sada ras si debanna e me sura-sura teptep manusia, subuk i tengah-tengah keluarga bage pe syarakat. Nggeluh dame ras meriah nandangi kerina jelma e me perayaken bas kegeluhen enda; subuk i bas lingkungen erdahin, lingkungen keluarga, lingkungen masyarakat bage pe lingkungen perpulungen; tapi megati kal sura-sura nggeluh dame e la jadi bagi siniarapken. Turah perpecahen i tengah-tengah lingkungen ija kita tading bahken i bas keluarga pe megati hubungen lanai maba kedamen. Kinilangasupen ngaloken perbahanen, pengerana ras cara rukur banci erbahanca turah perubaten i tengah-tengah keluarga jenari pusuh pe lanai dame.
Daud ras Absalom i bas hubungenna selaku bapa-anak pe ngenanami keretaken. Keretaken hubungen e jadi erkiteken dendam, emosi, rawa si ibuniken Absalom. Turahna rawa Absalom erkiteken turangna Tamar iganggu seninana pedauh nande. Rawa Absalom erbahanca lanai i ngasup engkuasai dirina, seh maka ibunuhna me seninana Amnon. Perbahanen si ikoken Absalom e erbahanca merawa bapana jenari ipelawesna me anakna Absalom ku Gesur. Lit telu tahun dekahna Absalom sirang ras keluargana. Hubungen si lanai mehuli e erbahanca lanai dame ras meriah antara bapa ras anak, janah ukumen si idabuhken man Absalom e mpeturah ate mesui ras luka pusuh kempak diri Absalom. Kenca telu tahun dekahna Absalom ibuang, turah ate mekuah dingen tedeh kal ate bapana nandangi Absalom anakna (ay. 1). Ketedehen ate raja Daud nandangi anakna ieteh Joap, e maka idilona ras itenahkenna sekalak diberu si ringan i Tekoa, si seh kal beluhna. Joap ngaturken cara arah diberu e gelah lit perdamen i bas hubungen bapa-anak si nggo ndekah retak. Joap nuruh diberu Tekoa enda lako reh ndahi raja Daud jenari iturikenna kerna sura-surana. Kebeluhen diberu e ngerana man raja Daud alu nuriken maka sura-surana e me gelah mulihi hubungen si retak e jadi mehuli (ay.20)
Kenca kidekah dua tahun Absalom mulih ku bangsana, bapana lalap la nggit jumpa rassa, e maka iupayaken Absalom gelah ia banci jumpa dingen ngerana ras bapana alu ndilo Joap. Joap jadi penengah gelah hubungen bapa-anak jadi sikap dingen mulihi dame (ay. 33).
Hubungen si retak perlu i pekena mulihi gelah kegeluhen jadi dame. Salah sada dalanna e me erbahan rekonsiliasi, i bas rekonsiliasi e perlu lit pengakun salah bage pe pengalemi salah i bas masing-masing oknum si bertikai. Janah i bas rekonsiliasi iperluken penengah guna memfasilitasi proses rekonsiliasi.
Perenungen “dame bas keluarga banci terjadi adi lit silegin ukur; dame bas keluarga banci terjadi adi lit kiniteruken rukur”. - Rende KEE No. 432: 1 dan 3 (ayat 1 Mamre; ayat 3 moria. Reff radu ras ngendenca)
KataNdu Tuhan seh kel ergana
KataNdu Tuhan seh kel ulina
Ergan asa emas ras permata, ulin asa erta doni enda
Reff: Ajarilah Tuhan kami ngergakenca
Ajarilah Tuhan kami ertikenca
Ajarilah Tuhan kami ngalokenca
Ajarilah Tuhan kami ndalankenca
KataNdu Tuhan kugelem tetap, si nepa geluhku jadi sikap
Nalsali pusuh si rontang gelap, e me jadi gegehku si tetap
Reff: …
- Ngawan ni perpulungen nuriken penggejapen.
- Diskusi
• Perubaten i tengah-tengah keluarga megati jadi. Hal-hal kai saja si megati erbahanca hubungen lanai dame i bas keluarga? (penyebab terjadi perubaten)
• Turikenlah pengalamenndu, pernah nge pusuhndu la dame erkiteken hubungen kurang mehuli i bas keluarga? Adi pernah, upaya kai si ilakoken gelahna hubungen e banci mehuli jadina. - Kesimpulen ibabai Pandita/ Pertua/ Diaken
- Rende KEE No. 468: 1 ras 2
Tuhan demi aku salu KesahNdu
Tuhan demi aku salu KesahNdu
Pusuhku bagi tambe ku baba ku pancurNdu
Tuhan demi aku salu KesahNdu
Tuhan demi aku salu KataNdu
Tuhan demi aku salu KataNdu
Pusuhku bagi tambe ku baba ku pancurNdu
Tuhan demi aku salu KataNdu
- Nehken Persembahen, rende KEE No. 450:1, 3
Endesken kami man baNdu, sada bagin pemereNdu
Persembahen kami baNdu, gelah ialokenNdu
Reff: Pasu-pasuNdu min gelah, si tading i bas kami
AjariNdu dage kami, m’re persembahen baNdu
K’rina jine si aloken, erta ras pe kiniliten
Sada bagin si ulihken, asa si nggo sikapken Reff: …
- Pertoton Persembahen
- Momo
- Pertoton sapaat idungi pertoton Tuhan (Ibabai anak beru si mada jabu)
Pdt. Marta Jadiate br Ginting, S.Th., M.Psi.
HP/WA: 082160729042