MEJINGKAT ERDAHIN GUNA NAMPATI
Perbahanen Rasul-Rasul 20: 32 – 35
(Erguna Man Kalak Si Deban Arah Usaha Dana)
20:32 Dan sekarang aku menyerahkan kamu kepada Tuhan dan kepada firman kasih karunia-Nya, yang berkuasa membangun kamu dan menganugerahkan kepada kamu bagian yang ditentukan bagi semua orang yang telah dikuduskan-Nya.
20:33 Perak atau emas atau pakaian tidak pernah aku ingini dari siapapun juga.
20:34 Kamu sendiri tahu, bahwa dengan tanganku sendiri aku telah bekerja untuk memenuhi keperluanku dan keperluan kawan-kawan seperjalananku.
20:35 Dalam segala sesuatu telah kuberikan contoh kepada kamu, bahwa dengan bekerja demikian kita harus membantu orang-orang yang lemah dan harus mengingat perkataan Tuhan Yesus, sebab Ia sendiri telah mengatakan: Adalah lebih berbahagia memberi dari pada menerima.”
A. PERSIKAPEN
B. PERPULUNGEN JABU-JABU
Rende KEE No. 1: 1-2
O Dibata si mulia, si ng’rajai doni e
Kasa kai kin masap gia, t’rangNdu Bapa la bene
Asum ben kelewet kami, tah erbage susah p’rang
Bapa si naruhken kami, Kam kap matawari t’rang
Ertoto (Ibabai Bapa)
Ngoge Kata Dibata (Ibabai Nande)
Teks : Perbahanen Rasul-Rasul 20: 32 – 35
Nuriken Kata Dibata ibabai Pandita/Pertua/Diaken
Tema : Mejingkat Erdahin Guna Nampati
Kalak si mejingkat erdahin tentu wajar kal ngaloken upah arah pendahinna. Adi kalak enggo mejingkat erdahin tapi la ibereken upah si jadi hakna sue ras standar si berlaku umum, tentu e gelarna penindasen. Bage pe tentu la wajar ibereken upah menurut standar si berlaku umum man kalak si la mejingkat ngelakoken pendahinna. Apalagi si la nggit erdahin, ula bere man nina Paulus (2 Tes. 3:10).
Arah Kata Dibata si niorati kita i bas wari enda, Rasul Paulus ncidahken maka ia enggo tutus erdahin ngela perpulungen. I bas ketutusenna e wajar kal nge adi ngawan perpulungen mereken upah man bana, apalagi mekatep nge ia ngalaken erbage-bage perbeben ras kiniseran i bas pendahinna. Tapi alu kesadarenna jine Rasul Paulus la mindo hakna man ngawan perpulungen sabab iingetna pedah Tuhan Jesus: “Malemen kap ate mere asangken ngalo” (ay. 35). Rikutken prinsip e, Rasul Paulus la pernah ngarapken pirak, emas, ntah uis i bas ia ngelai ngawan perpulungen (ay. 33). Erdahin ia guna ncukupi keperlunna ras teman-temanna (ay. 34). Mejingkat ia erdahin guna nampati kalak musil (ay. 35). Arah Perbahanen Rasul-Rasul 18:3 sieteh maka Rasul Paulus erdahin erbahan tenda.
Alu e tangkas me maka pengalonta kerina rehna arah perkuah ate Dibata lewat temanta manusia. E maka pengalon Pandita rehna arah kolekte ngawan perpulungen. Pengalon ngawan perpulungen rehna arah erbage-bage “kolekte” i bas temanta manusia nari e me arah pelanggan/si nukur/si make jasanta entah pe arah rakyat si nggalar pajak, arah anggaren negara, entah arah utang luar negeri. Jadi sada pe kita labo lit si nggeluh arah dirinta jine. Lalap kita perlu kalak si deban. E maka soalna labo kolekte ntah la kolekte. Soalna e me: enggo nge sue pendahinta ras si ngena ate Dibata janah enggo nge sue pengalonta ras kinijingkatenta erdahin? Si penting, kerina pendahinta aruslah mpenahangi baban kalak si deban, khususna si kepiceten. Ula min kita jadi baban mberat man kalak si deban. Janah ula ka min kita nindes kalak si enggo erdahin alu tutus. Introspeksilah min kita kerina.
Dibata si mpengasup kita kerina ngusih Rasul Paulus i bas erdahin sabap e me si ngena ateNa. Ntah melala pe keterbatasenta ngikuti usihen si enggo icidahkenna e, tetaplah e jadi perayakenta segendang-gedang geluhta.
RENDE KEE No. 255: 1
Talenta sini b’reken Dibatanta jadi min erlipat ganda
Tutus ate ndahiken dahinNa, amin pe mberat tapina ermulia
Kalak si malang nandangi Tuhan la kap ‘nggit nimbak,
Labo ‘nggit nogan
Maka dahiken’lah alu tutus, ola lakoken alu mekarus
Ngawan ni perpulungen nuriken penggejapen
RENDE KEE No. 20: 2
Inget min, inget min ngaruh Tuhan bandu kin
pemereNa la ‘rkerin, inget min, inget min, inget min
Diskusi
1) Turikenlah gambaren kalak si mejingkat erdahin rikutken Kata Dibata si pernah idahndu, si arah pendahinna ngasup ia nampati kalak si deban.
2) Kai nge akapndu usaha si banci si bahan i bas runggun ntah klasista gelah banci ernanam man kalak si deban?
Kesimpulen ibabai Pandita/ Pertua/ Diaken.
Rende: KEE No. 175: 1, 2, 4
Bage Pedah Tuhan: “Sikeleng-kelengen”
Ersada ukur tetaplah sisampat-sampaten
Tuhu mehuli ka ‘di tutus ateta
Mejingkat ndahi dahinNa, bage isuruhNa
Bas senang tah susah, pujilah gelarNa
Ras i bas toto pindolah, tentu isampatNa
Nehken Persembahen, Rende: KEE No. 450: 1-2
Endesken kami man baNdu, sada bagin pemereNdu
Persembahen kami baNdu, gelah ialokenNdu
Reff: Pasu-pasuNdu min gelah, si tading i bas kami
Ajarindu dage kami, m’re persembahen baNdu
Si pepulung persembahen, si endesken e man Tuhan
Asa gegeh kengasupen mari si persembahken Reff: …
Pertoton Persembahen
Momo
Pertoton sapaat idungi pertoton Tuhan
C. JEDA RAS PENUTUP
Pdt. Bumaman Teodeki Tarigan, M.M.
HP/WA: 081262075000