Teks : Markus 6: 30-44
Tema : Makeken Si Lit Alu Pasu-Pasu Tuhan
Tujun : Gelah Mamre:
1) Meteh kuga Tuhan Jesus makeken si lit guna keperlun jelma si enterem
2) Nggit makeken potensi si lit I bas dirina guna kiniulin jelma enterem
6:30 Kemudian rasul-rasul itu kembali berkumpul dengan Yesus dan memberitahukan kepada-Nya semua yang mereka kerjakan dan ajarkan.
6:31 Lalu Ia berkata kepada mereka: “Marilah ke tempat yang sunyi, supaya kita sendirian, dan beristirahatlah seketika!” Sebab memang begitu banyaknya orang yang datang dan yang pergi, sehingga makanpun mereka tidak sempat.
6:32 Maka berangkatlah mereka untuk mengasingkan diri dengan perahu ke tempat yang sunyi.
6:33 Tetapi pada waktu mereka bertolak banyak orang melihat mereka dan mengetahui tujuan mereka. Dengan mengambil jalan darat segeralah datang orang dari semua kota ke tempat itu sehingga mendahului mereka.
6:34 Ketika Yesus mendarat, Ia melihat sejumlah besar orang banyak, maka tergeraklah hati-Nya oleh belas kasihan kepada mereka, karena mereka seperti domba yang tidak mempunyai gembala. Lalu mulailah Ia mengajarkan banyak hal kepada mereka.
6:35 Pada waktu hari sudah mulai malam, datanglah murid-murid-Nya kepada-Nya dan berkata: “Tempat ini sunyi dan hari sudah mulai malam.
6:36 Suruhlah mereka pergi, supaya mereka dapat membeli makanan di desa-desa dan di kampung-kampung di sekitar ini.”
6:37 Tetapi jawab-Nya: “Kamu harus memberi mereka makan!” Kata mereka kepada-Nya: “Jadi haruskah kami membeli roti seharga dua ratus dinar untuk memberi mereka makan?”
6:38 Tetapi Ia berkata kepada mereka: “Berapa banyak roti yang ada padamu? Cobalah periksa!” Sesudah memeriksanya mereka berkata: “Lima roti dan dua ikan”.
6:39 Lalu Ia menyuruh orang-orang itu, supaya semua duduk berkelompok-kelompok di atas rumput hijau.
6:40 Maka duduklah mereka berkelompok-kelompok, ada yang seratus, ada yang lima puluh orang.
6:41 Dan setelah Ia mengambil lima roti dan dua ikan itu, Ia menengadah ke langit dan mengucap berkat , lalu memecah-mecahkan roti itu dan memberikannya kepada murid-murid-Nya, supaya dibagi-bagikan kepada orang-orang itu; begitu juga kedua ikan itu dibagi-bagikan-Nya kepada semua mereka.
6:42 Dan mereka semuanya makan sampai kenyang.
6:43 Kemudian orang mengumpulkan potongan-potongan roti dua belas bakul penuh, selain dari pada sisa-sisa ikan.
6:44 Yang ikut makan roti itu ada lima ribu orang laki-laki.
KATA PENARUH
Kita manusia megati la ngasup ngergai si kerajangenta si sitik ras kitik. Labo siakap mehaga adi senta sitik, ntah temanta sitik, ntah pemetehta sitik, ntah pengalonta kitik, rumahta kitik, rsd. Si mehaga siakap eme kebalikenna: melala ras galang. Umpamana: senta melala, temanta melala, pemetehta melala, pengalonta galang, rumahta galang, rsd. Adi kinilitenta sitik ras kitik, megati si akap kita me si liahna i babo doni enda. Rendah diri kita, megombang si akap kerina kalak, la kita ngasup ngataken bujur man Dibata, la kita erdiate nandangi kalak sideban sebab kita nge siakap si perlu denga lalap man perdiatenken.
Kata Dibata si niorati kita I bas wari enda mpersingeti kita maka la perlu kita rendah diri aminna gia kinilitenta si sitik ras kitik. La lit si metahat I bas Dibata. la nge Si Madakuasa. I bas pemasu-masunNa, si sitik ras kitik banci kedungenna jadi melala ras galang. Si penting kita lalap erpengendes man baNa, janah tetap si dalanken tanggungjababta selaku kalak si erkiniteken. Alu bage me maka sitik ras kitik gia kinilitenta banci iaturkenNa seh maka melala ras galang kengasupenta nehken kekelengen man kalak sideban, temanta manusia, bagepe tinepaNa si deban.
URALAN TEKS
I bas enterem jelma si ertutus ate megiken pengajaren Tuhan Jesus seh wari pe nandangi gelap, ajar-ajarNa nuruh Tuhan Jesus mpelawes jelma si enterem e gelah nukur nakanna sekalak-sekalak (ayat 35-36). Adi je denga enterem jelma tutus megiken pengajaren Tuhan Jesus janah nandangi seh waktuna man berngi, ajar-ajar la nggit isuhsahi alu tanggungjabab mereken pangan ras inemen man jelma si enterem e. Ajar-ajar erpengakap Tuhan Jesus la sensitif ngidah situasi enda. Tuhan Jesus iakapna sor ngerana saja seh maka la ngasup ngidah tanggungjabab si mberat, eme arus mere man jelma si enterem, adi iteruskenNa ngajar seh waktu jam man berngi. I bas ukur ajar-ajar, jelma si enterem e madin ipelawes saja kerinana gelah Tuhan Jesus ras ajar-ajarna la padah repot ngurusi perpanna kerinana. Pengajaren Jesus perlu pedas ipengadi gelah ula seh urusen si erbahan repot.
Tapi kepeken Tuhan Jesus sensitif kel kerna keperlun jelma si enterem e. Mekuah ateNa janah rutang pusuhNa guna mere man jelma si enteremn e. Emaka NINA man ajar-ajarNa: “Kamlah mereken nakanna.” Alu e Tuhan Jesus nuruh ajar-ajar la lepas tangan kerna keperlun jelma si enterem e. Ajar-ajar la arusna ngukurken kepentingenna saja. Arus pe erdiate nandangi keperlun kalak sideban. Tuhan Jesus ngarapken gelah pusuh ajar-ajar emekap pusuh si erkuah ate. Ula la erdiate.
Tuhan Jesus pe erdiate nge nandangi keterbatasen ajar-ajar guna nikapken pangan man jelma si enterem e. Ajar-ajar enggo erkira maka perlu sen 200 duit pirak guna nikapken pangan man jelma si bage
teremna janah iakapna labo lit sen bage buena bas Tuhan Jesus. Lakap ajar-ajar sen nge persoalen utama bas geluh enda janah sen ka nge solusi si paling jitu guna ndungi persoalen i doni enda. Tapi Tuhan Jesus ngajar ajar-ajarNa guna ngenehen kemungkinen lain, labo sen solusi situhuna. I babo sen lit denga Dibata si Madakuasa, ulu kerina kiniliten manusia. Tuhan mnenaken pengajaren geluh man ajar-ajarNa alu nungkun: “Piga lit roti I bas kam?” Penungkunen enda erbahanca ajar-ajar sedar maka lit nge bas ia 5 ngkibul roti janah kepeken lit ka 2 ikan. Kiniliten si sitik ras kitik e labo iperhitungken ajar-ajar sebab labo iakapna bias man jelma si enterem. Lupa ia lit denga Dibata si erkuasa ngelipatgandaken si sitik ras kitik jadi melala ras galang. Tuhan Jesus ertoto ngataken bujur Dibata janah ncepikcepik roti ras ikan si sitik e seh maka alu kuasaNa banci erlipat ganda bias man pangan lima ribu kalak dilaki lenga ka ikut ikira diberu janah lit denga ka ibana sepulu dua sumpit.
PENGKENAINA
Selaku ajar-ajar Tuhan Jesus I bas zaman modern enda, kita Mamre pe ipersingeti guna erdiate nandangi keperlun kalak sideban, khususna si sangana suhsah ras mesera baban geluhna. La banci kepentingenta ngenca siukuri. Terlebih semboyanta Mamre emekap: “Erdiate ras Erpemere”. Semboyan enda perlu kel si praktekken bas kegeluhenta seh maka ngasup kita jadi saluren berkat man Moria, KAKR, Permata, Saitun, bagepe kalak sideban, termasuk pe kalak si labo Kristen. Mungkin mbue denga kel kekurangen ras kelemahenta. Mungkin kinilitenta sitik ras kitik, tapi ula min situasi e erbahan kita ngadi nehken kekelengen. Ula gegehta ngenca sipenalem. Lit denga kap Dibata Si Madakuasa, si ngasup makeken kita jadi alatNa guna nehken kekelengenNa si luar bisa man enterem jelma.
Dibata enggo nepa manusia, termasuk Mamre, alu erbage-bage potensi ras talenta. Uga sitikna ntah kitikna pe potensi/talenta si lit bas kita, I bas pemasu-masunna kerinana banci erlipat ganda jadi melala ras galang. Lit Mamre si potensina I bas kiniliten erta tapi waktuna la lit. Lit sebalikna. Lit ka Mamre si unggul I bas pemeteh tapi kesehatenna kurang. Lit ka si sebalikna. I bas kerjasama ras kiniersadata I bas GelarNa, kita saling melengkapi janah potensi si sitik ras kitik banci ilipatgandakenNa jadi melala ras galang. Alu bage ula pernah kita pandang enteng kerna potensi si lit I bas kita aminna gia sitik ras kitik. Adi tutus kita I bas si kitik, Dibata pasti mereken tanggungjabab si terbeliden man banta (Matius 25: 21, 23). Ise tutus I bas si kitik, tutus ka nge ia I bas si mbelin (Lukas 16:10). Dua-telu kalak gia pulung, adi ertutus ate, Tuhan lit itengah-tengahna janah ngasup mahanca si dua-telu kalak e erlipat ganda jadi enterem jelma (Matius 18: 20). Alu bage mari kita Mamre lalap terbuka guna ipake Dibata nehken kekelengenNa man enterem jelma alu potensi si lit I bas kita.
Si penting siusih Tuhan Jesus si I bas situasi si tempa-tempa la jalan keluar, tetap la ertoto erpengendes man Dibata, ngataken bujur man baNa i bas kiniliten si sitik ras kitik, seh maka reh kuasa Dibata si ngelipatgandaken si sitik ras kitik e kedungenna jadi melala ras galang. Ula ka kita sombong ras meganjang ukur adi ipake Dibata kita nehken kuasaNa. Tetaplah siinget maka labo kuasanta e, tapi kuasaNa. Dibata nge si mpengasup kita nehken kuasa ras kekelengenNa man enterem jelma.
DISKUSI
1) Kai palas perbahanen Tuhan Jesus si banci jadi usihen manbanta i bas IA mere man jelma si enterem alu lima roti ras dua ikan?
2) Kai saja nge potensi Mamre si banci jadi pasu-pasu man enterem jelma guna si idahiken?
USULEN ENDE-ENDEN
1) KEE GBKP No. 2: 1-2
2) KEE GBKP No. 265: 1, 2
3) KEE GBKP No. 101: 1, 3
4) KEE GBKP No. 255: 1, 4
5) KEE GBKP No. 430: 1, 2
Pdt. Bumaman Teodeki Tarigan
HP. 0812 6207 5000