ERSADA UKUR RAS ERSADA SURA-SURA
1 Korinti 1: 10-17
(Sidang Majelis Sinode 2025)
Perpecahan dalam jemaat
1:10 Tetapi aku menasihatkan kamu, saudara-saudara, demi nama Tuhan kita Yesus Kristus, supaya kamu seia sekata dan jangan ada perpecahan di antara kamu, tetapi sebaliknya supaya kamu erat bersatu dan sehati sepikir. 1:11 Sebab, saudara-saudaraku, aku telah diberitahukan oleh orang-orang dari keluarga Kloe tentang kamu, bahwa ada perselisihan di antara kamu. 1:12 Yang aku maksudkan ialah, bahwa kamu masing-masing berkata: Aku dari golongan Paulus. Atau aku dari golongan Apolos. Atau aku dari golongan Kefas. Atau aku dari golongan Kristus. 1:13 Adakah Kristus terbagi-bagi? Adakah Paulus disalibkan karena kamu? Atau adakah kamu dibaptis dalam nama Paulus? 1:14 Aku mengucap syukur bahwa tidak ada seorangpun juga di antara kamu yang aku baptis selain Krispus dan Gayus, 1:15 sehingga tidak ada orang yang dapat mengatakan, bahwa kamu dibaptis dalam namaku. 1:16 Juga keluarga Stefanus aku yang membaptisnya. Kecuali mereka aku tidak tahu, entahkah ada lagi orang yang aku baptis. 1:17 Sebab Kristus mengutus aku bukan untuk membaptis, tetapi untuk memberitakan Injil; dan itupun bukan dengan hikmat perkataan, supaya salib Kristus jangan menjadi sia-sia.
PERSIKAPEN
PERPULUNGEN JABU-JABU
Rende KEE No. 325:1-2 (ibabai jabu kundulen)
Tuhan i tengah-tengahta, m’reken pasu-pasuNa
Maler desken lau si mbelin, lanai lit si terulin
Reff: Usekenlah min KesahNdu, temani geluh kami
Gegeh kami p’limbarui, k’rina jadi mehuli
Tuhan i tengah-tengahta, reh riahna ukurta
Reh tenengna pertendinta, reh damena pusuhta
Reff: …
Ertoto (ibabai jabu kundulen)
Ngoge Kata Dibata ibabai jabu kundulen
Teks : 1 Korinti 1:10-17
Tema : Ersada Ukur Ras Ersada Sura-Sura
Paulus tading i Korinti dekahna sada tahun setengah. Korinti paksa e jadi ibu kota provinsi Akaya, kota metropolitan si bayak, ingan perjumpan enterem jelma. E maka melala ije keragamen kebudayaan, agama, keragamen pemeteh. I bas Perbahanen Rasul-rasul 18 ituriken, Paulus meritaken Berita Si Meriah i Korinti, melala kalak tek janah iperidiken. I Korinti nari iteruskenna perdalanen meritaken Berita Si Meriah ku Epesus. Surat 1 Korinti isuratken Paulus sebage penulis utama isampati Sostenes (1 Kor. 1: 1) i Epesus nari. Sanga surat 1 Korinti enda seh ku perpulungen Korinti, umur/usia perpulungen e enggo 4 tahun dekahna. Perpulungen Korinti istimewa adi ibandingken piga-piga jemaat mula-mula. Ipujiken Paulus perpulungen e janah ikataken Paulus bujur man Dibata kerna perpulungen e (1: 4-9). Perpulungen e bayak i bas pemere-pemere Dibata (karunia-karunia rohani), bijak i bas ngerana, bage pe secara umum bayak secara material (1 Kor. 1: 5-7).
I bas dampar si deban, perpulungen enda ka si melalana masalahna, subuk masalah dogmatis/ajaren bage pe masalah praktis si erbahanca terjadi perpecahen i tengah-tengah perpulungen (lit 4 pasal ncakapken kerna perpecahen). E maka mulai ayat 10, Paulus mereken nasehat man perpulungen e gelah ersadalah ukurndu janah ersadalah sura-surandu. Ibegi Paulus maka perpulungen e la erdalan alu mehuli erkiteken iganggu erbage macam masalah si encedai perpulungen. Kegeluhen perpulungen e la ncidahken kinitekenna man Kristus. Arah keluarga Klue (kemungkinen ia jemaat Epesus, rusur ia ku Korinti erbinaga) idat Paulus informasi maka i tengah-tengah perpulungen e lit turah perjengilen. Maksudna maka sekalak-sekalak enggo erpihak-pihak. Lit si ngatakenca aku arah Paulus, lit ka singatakenca, aku arah Apolos, deba nina aku arah Petrus, janah lit pe singatakenca, aku arah Kristus. Perpulungen e ndabuh ku bas favoritisme e me pandangan entah pe sikap mengagumi secara berlebihen man sesekalak si erbahanca meremehken kalak si deban. I bas 1 Korinti 1: 13 ikataken Paulus, ibagi-bagi kin Kristus man bandu? Bermegah i bas gelar manusia, e igelari manusia doni, labo rohani. Enda ncedaken/ncirakken kula ni Kristus. Paulus negasken kerna persadan gereja selaku kula ni Kristus, e maka adi bermegah pe arus bermegah i bas Kristus, gelah ula lasam kematen Kristus i kayu persilang (ay. 17).
Penungkunen enda menantang perpulungen ras serayan i Korinti guna mengintropeksi/niksiki, ngkai maka banci terjadi perpecahan i bas perpulungen/bas gereja? Paulus mabai perpulungen e niksiki pengangkanna kerna Kristus (ajaren Kristologi si enggo iajarken man perpulungen). Adi Kristus e la terbagi bagi, adi kerina ersura-sura mpermuliaken Kristus, uga maka jadi perpecahen bas perpulugen? Perpulungen e ipanteki i bas gelar Kristus, palas pengajaren pe kerna Kristus tapi kepeken perpulungen e la membangun persadan i bas Kristus, geluhna tetap i bas nilai-nilai/ukuren doni enda. Ija teptep kalak mementingken golongenna sendiri. Jadi, jababna guna si e sederhana saja, erkiteken fokus perpulungen labo Kristus, e maka wajar terjadi perpecahen. Enda gambaren kekanak-kanaken si erbahanca turah meganjang ukur janah tokoh siakapna memenuhi sura-surana saja ngenca akapna si payona ras si bijaksanana. Paulus mengarahken serayan ras perpulungen ngidah keragamen tokoh-tokoh e i bas Kristus, labo arah perbedan-perbedan kengasupenna/talentana si banci erbahanca turah perpecahen. Keanekaragaman e bersifat mpegegehi sada ras si debanna.
Teologi Salib (kayu persilang) i bas 1 Korinti 1, menjungkir balikken kerna kai sianggap sebage kebanggaan dirinta jine. Kuasa Dibata si sejati, justru iwujudnyataken i bas kayu persilang Kristus. Kuasa Allah yang sejati dalam kematian Kristus di salib. E maka i bas terang kayu persilang, keragaman arusna ngelai Tuhan alu meteruk ukur ras nggit membangun kite-kite (jembatan) si menghubungken sada ras si debanna. Kebersamaan ras kepentingan persadan (persekutuan) i bas Kristus e me siutamaken. Aru kal ate adi kalak Kristen/perpulungen mbangun kecocoken entah pe mendukung pemimpin hanya i bas ukuren-ukuren doni saja.
Umumna, faktor penyebab perpecahan i bas gereja si dominan e me faktor manusia, kepentingen manusia si egois, merangap ras lanai memprioritaskan kepentingen pelayanen ras motivasi si benar. Enda erbahanca terjadi kesalahpahamen. E maka perlu kal ikembangken sikap:
1) menghargai ras menghormati
2) Saling bertoleransi
3) Namaken kepentingen persadan idatas kepentingen pribadi.
Tema PJJ nta: ersada ukur ras ersada sura-sura tuhu-tuhu itekanken i bas kita ngalo-ngalo Sidang Majelis Sinode GBKP bulan April 2025. I bas Tata Gereja GBKP Bab XXXVI pasal 155 ayat 1: Sidang Majelis Sinode (SMS) ilakoken 1x dalam 5 tahun; ayat 2 poin e: memilih anggota Moderamen GBKP untuk periode lima (5) tahun. Tentu khususna i bas proses ncakapken materi persidangen seh muat keputusen, iperluken kal sikap ersada ukur ras ersada sura-sura, gelah kita fokus ku bas prinsip-prinsip gerejawi labo tergantung kepentingan manusia secara pribadi ntah kelompok (adi prinsip manusia: ngena ateta si ngerana e/ntah cocok akapna keputusen e mendukung kepentingenna, mis setuju ninta; tapi la kenca akapna si ngerana entah pe keputusen e la mendukung kepentingenna secara pribadi ntah kelompok, mis kal tolakna). Terlebih-lebih i bas pemilihen Pengurus Moderamen GBKP perlu kal ersada ukur ras ersada sura-sura gelah banci kita fokus ku bas singena ate Tuhan. Dukungen man tokoh-tokoh tertentu wajar saja tapi ula erbahanca kita meremehken, menjatuhken tokoh si deban. Alu bage tetap terjaga persadanta ras GBKP tetap ngasup naksiken kiniersadan Jesus ras Bapa arah kiniersadan serayan ras perpulungen, bage pe perpulungen ras perpulungen (bdk. Joh. 17: 20-23). Ersada ukur ras ersada sura-sura guna Sidang Majelis Sinode (SMS) tahun 2025 sicidahken pe alu muat bagin ngelitken dana biaya SMS. Kita muat bagin i bas pendanaan sada dampar arah ilakoken 2 (dua) kali kolekte ekstra e me i bas Mei 2024 ras Pebruari 2025. Erkawiten ras si e secara khusus guna Mei 2024 enda, mehuli kal kerina kit ersikap erdandanken dana pe tuhu-tuhu iperluken guna kiulin perdalinen SMS enda. Dana guna Sidang Majelis Sinode tuhu-tuhu seh kal pentingna e ma partisipanta kerina ngawan perpulungen GBKP guna muat bagin pe tuhu-tuhu iarapken. Kai siilakoken kita enda tentu guna kemajun GBKP dingen guna kemulian Tuhan Dibata si mada gereja.
Rende KEE No. 209:1-2
Perpulungen ersadalah, ngikutken Tuhanta
Bas kiniteken tetaplah, man Tuhan Dibata
Bas si mehuli ayaklah, sisampat-sampaten
Bage kap pedah Dibata, sikeleng-kelengen
Gereja Kristen sikaplah, ersada paguhlah
Ersada ukur min ibas, Dibata Bapanta
Peturah kiniteken pe, ras dame k’rinalah
Ras si keleng-kelengenlah, ngikutken Tuhanta
Nuriken Penggejapen
Rende KEE No. 209:4
Erbage-bage pemere, man banta kerina
Tujunna sada me kepe, terpuji Dibata
Ersada ukur me jine, o Kristen japa pe
Anem melala ring-ring pe, sada kula kepe
Diskusi
1) Kai erti ersada ukur ras ersada sura-sura rikutken teks 1 Korinti 1: 10-17?
2) Kai dukungen si banci silakoken guna kiniulin perdalinen Sidang Majelis Sinode tahun 2025?
Kesimpulen ibabai Pandita/Pertua/Diaken
Nehken Persembahen
Rende KEE No. 471:1
Ermengkah ukurku ras ngataken bujur Tuhan
Kelengi min aku Kam empu geluhku
Enda ngenca Tuhan persembahenku
Kerina geluhku kesah ras kulangku
La kap lit bas aku erta kebayaken
Si cukup meherga ‘lah ku persembahken
Sada ngenca Tuhan lit pemindonku
Aloken min Tuhan persembahenku
Pakeken geluhku jadi perkakasNdu
Segedang geluhku
Pertoton ras Pertoton Sapaat
‒ Kerna persembahen
‒ Gelah kerina anggota GBKP banci ndukung persiapen ras perdalinen Sidang Majelis Sinode (SMS) tahun 2025
‒ Kerna Panitia SMS
‒ Kerna peserta SMS
‒ Kerna jabu kundulen ras si turah i bas perpulungen
Rende KEE No. 175:1-2
Bage pedah Tuhan, sikeleng-kelengen
Ersada ukur tetaplah, sisampat-sampaten
Tuhu mehuli ka, ‘di tutus ateta
Mejingkat ndahi dahinNa, bage isuruhNa
Pertoton Tuhan
Momo
Pdt. Berthalyna br Tarigan, M.Th.
HP/WA: 081361725726