KATA TUHAN REH MBARNA
Kisah Para Rasul 13: 44 – 52
13:44 Pada hari Sabat berikutnya datanglah hampir seluruh kota itu berkumpul untuk mendengar firman Allah. 13:45 Akan tetapi, ketika orang Yahudi melihat orang banyak itu, penuhlah mereka dengan iri hati dan sambil menghujat, mereka membantah apa yang dikatakan oleh Paulus. 13:46 Tetapi dengan berani Paulus dan Barnabas berkata: “Memang kepada kamulah firman Allah harus diberitakan lebih dahulu, tetapi kamu menolaknya dan menganggap dirimu tidak layak untuk beroleh hidup yang kekal. Karena itu kami berpaling kepada bangsa-bangsa lain. 13:47 Sebab inilah yang diperintahkan kepada kami: Aku telah menentukan engkau menjadi terang bagi bangsa-bangsa yang tidak mengenal Allah, supaya engkau membawa keselamatan sampai ke ujung bumi.” 13:48 Mendengar itu bergembiralah semua orang yang tidak mengenal Allah dan mereka memuliakan firman Tuhan; dan semua orang yang ditentukan Allah untuk hidup yang kekal, menjadi percaya. 13:49 Lalu firman Tuhan disiarkan di seluruh daerah itu.
Ke Ikonium, Listra dan Derbe
13:50 Orang-orang Yahudi menghasut perempuan-perempuan terkemuka yang takut akan Allah, dan pembesar-pembesar di kota itu, dan mereka menimbulkan penganiayaan atas Paulus dan Barnabas dan mengusir mereka dari daerah itu. 13:51 Akan tetapi Paulus dan Barnabas mengebaskan debu kaki mereka sebagai peringatan bagi orang-orang itu, lalu pergi ke Ikonium. 13:52 Dan murid-murid di Antiokhia penuh dengan sukacita dan dengan Roh Kudus.
Perbahanen Rasul 13: 44 – 52
(HUT Kategorial/Peringeten 134 Sehna Berita Si Meriah)
A. PERSIKAPEN
B. PERPULUNGEN JABU-JABU
- Rende “Cari jiwa bersama Yesus” ibabai Tuan Rumah/Anak
Cari jiwa bersama Yesus, bawa kabar keselamatan
Cari jiwa bersama Yesus, segenap hati
Tangkap, tangkap, tangkaplah jiwa
Tangkap, tangkap, tangkaplah (…. ‘Sue ras kreativitas masing-masing’) - Ertoto (Ibabai jabu kundulen)
- RENUNGEN
Teks : Perbahanen Rasul-rasul 13: 44 – 52 (Iogeken Bapa)
Tema : Kata Tuhan Reh Mbarna
Lit sekalak “Nande man GBKP” tergelar Dina Guittart e me nora Pdt. Wijngaarden sipembarken Berita Si Meriah ku kalak Karo, pendetanta enda me pendeta si peduaken kenca
Pdt. H.C Kruyt. Iperidikenna Kalak Karo kidekah dua tahun ia ngelai. Saja bas pelayanenna ku kalak Karo me ia idilo Dibata. Lit sada pesan terakhirna man nora Dina “Ula kel tadingken Buluh Awar, adi lenga lit singgantiken kita”. E maka hampir setahun Nora Dina me sinerusken pelayanen I Buluh Awar radu ras guru Injil Minahasa nari. Sempat Nora Dina nulisken surat man Henrica Velds e me calon nora Pdt. Meint Joustra, nina “Engkau akan tinggal di Buluh Awar untuk menemani suamimu ini, menjadi istri dan penolongnya melakukan pekerjaan Tuhan. Karena itu ku anjurkan agar disamping mempersiapkan diri menjadi istri yang baik, engkau juga harus mempersiapkan diri untuk merebut hati masyarakat Buluh Awar, karena engkau akan hidup antara masyarakat Karo yang pada umumnya berhati baik, akan tetapi sangat-sangat terbelakang dan kotor. Untuk itulah kita berada disini.
Turi-turin nora Dina ras Pdt Wijngaarden enda ncidahken mula-mulana pe ndube reh Berita Si Meriah ku kalak Karo, labo hal si gampang. Mbue kal nge tantangen-tantangen si ihadapi bahkan pertaruhen kenyamanen ras nyawa ije. Tapi alu gegeh Kesah Si Badia mbar Kata Dibata ku kalak karo seh ku kita bas zaman enda.
Bas teks pelayanen Paulus ras Barnabas i bas pembarken Berita Si Meriah seh ku Antiokia i daerah Psidi, tupung wari Sabat kalak Jahudi, ipindoken pengulu rumah persembahen Paulus mpeseh pedah man jelma si enterem, ija iturikenna kerna perdalanen bangsa Israel i Mesir nari seh ku Jesus si enggo ipadanken Dibata, kerna berita pengalemi dosa, si tek man Jesus ibebasken i bas kerina ukumen-ukumen nari (ay. 16-41). E maka ipindoken kalak si enterem ka ia reh i bas minggu si rehna, bas wari Sabat guna nuriken tole kerna pengajaren e.
Pengajaren Kata Dibata si isehken Paulus ras Barnabas njemba pusuh perukuren si enterem guna tole-tolen megikenca. E maka tupung seh ka waktuna, menam kerina anak kuta e reh megiken Kata Dibata (ay. 44)
Tapi teridah nge i bas ayat 45 turah cian ate kalak Jahudi, seh maka isebarkenna ka pengajaren Paulus e la tuhu janah ihinana ka pe. Labo gampang pembarken Kata Tuhan, melala tantangan ras penolaken, banci nge tutup kalak cupingna, banci nge ihindarina kita, bahken iputar balikken ka faktana. Tapi konsistensi ras keyakinen Paulus nandangi Kata Dibata nggo mendarah daging bas dirina. La lit kebiarenna erkiteken Kesah Si Badia ndemi ia. E maka ipetangkasna maka man kalak Jahudi nge lebe Kata Dibata ipeseh tapi perban itulakna, maka ku bangsa-bangsa si deban. Sabab keselamaten pe isehken ku kerina doni. E maka terus reh mbarna Kata Dibata.
Albert Mohler ngataken “Pada akhirnya, halangan terbesar untuk penginjilan adalah orang Kristen yang tidak membagikan Injil.” Tantangen e si arah darat pasti sialaken, tapi tantangan dirinta jine ngenda erbanca la mbar Kata Dibata. Erkiteken tanggung-tanggung denga sibagiken Paulus ras Barnabas enggo melampaui tantangan bas dirina. Sabab penandaina kerna Jesus, keyakinenna kerna Kata Dibata, la lit keragunna sitik kal pe. E maka isehkenna Kata Dibata alu la biar-biaren.
Adi siterusken labo ka ngadi kalak Jahudi ndai, ipasangna kang strategina gelah ngadi pengajaren e. E me iajuk-ajukna diberu-diberu si tergolong ihamati, si tutus nembah man Dibata, bage pe pembesar-pembesar kuta e, gelah ilawanna Paulus ras Barnabas. Seh isiksa ras ipelawes nge Paulus ras Barnabas.
Enggo genep 134 tahun Sehna Berita Simeriah ku kalak Karo. Bage pe teptep tahun siperingeti HUT Kategorial i bas gerejanta (KAKR, Permata, Moria, Mamre, Saitun). Ula kal min bas kita sangkutna Kata Tuhan e, tapi bas kerina bagin-baginta i kategorialta muat bagin kita gelah reh mbarna Kata Tuhan e. Bagikenlah alu yakin ras la biar-biaren, jadilah kita militan i bas erberita. Sabab Gerejanta GBKP end ape lahir arah proses enda nge. Alu bage Kata Tuhan reh mbarna. - Rende KEE No. 295:1
Meriah kal ukurku, m’ritaken gelarNa
Berita kerna Jesus ras keleng ateNa
Meriah kel ukurku, nuriken si benar
Peturah kiniteken, ukurku tergintar
Reff: Pembarkenlah kataNa, kempak kerina jelma
Kerna Jesus Tuhanta ras keleng ateNa - Nuriken Penggejapen
‒ Bapa
‒ Nande
‒ Anak - Diskusi ras Aksi
• Rikutken pengangkanndu kerna tema sendah, kai nge kira-kira si arus silakoken gelah tuhu-tuhu reh mbarna Kata Dibata i bas jabunta, gerejanta ras masyarakatta?
• Kai usihen si banci si dalanken dingen silakoken kenca si oge surat Dina Guittart man nora Joustra? - RENDE KEE No. 368: 1 – (PERSEMBAHEN)
Sipuji Tuhan Dibatanta, kataken bujur baNa
Sabab IA si merekenca, pasu-pasu man banta
Reff: Mbelin ras Mulia kekelengen Tuhan
I bas doni enda
Ajari o Tuhan kami k’rina anakNdu
Naksiken kerina perbahanenNdu
Geluh kami meriah tuhu, k’rina si k’rajangenNdu
Sabab kalak si nembah baNdu, datken pasu-pasuNdu Reff: - PERTOTON SAPAAT
‒ Persembahen (ibabai sekalak Bapa)
‒ Gelah ngawan perpulungen reh ergiah-giahna pembarken Kata Tuhan (Anak)
‒ Si turah i bas jabu, perpulungen, bangsa ras negaranta (ibabai sekalak Serayan/Nande) - Rende KEE No. 400:1 (Iulihi 2x)
Si b’ritaken B’rita Si Meriah, ulanai pedekah-dekah
Ku sebelang-belang doni enda
Seh ku kerina bangsa-bangsa
Jesus kap simada persuruhen, mari dage si beritaken
Reff: Siberitakenlah Kata ni Dibata
Kesah Si Badia kap si peturahsa
Cidahken arah kata ras perbahanen
Jadi kesaksin man jelma si enterem - PERTOTON TUHAN (Ibabai sekalak Bapa/Pertua)
- Momo
JEDA RAS PENUTUP
Pdt. Wilson Tarigan, S.Si (Teol)
HP/WA: 085262140765