Surga Ingan Kesenangen Si Tetap
Wahyu 21: 1 – 4
Langit yang baru dan bumi yang baru21:1 Lalu aku melihat langit yang baru dan bumi yang baru, sebab langit yang pertama dan bumi yang pertama telah berlalu, dan lautpun tidak ada lagi.
21:2 Dan aku melihat kota yang kudus, Yerusalem yang baru, turun dari sorga, dari Allah, yang berhias bagaikan pengantin perempuan yang berdandan untuk suaminya.
21:3 Lalu aku mendengar suara yang nyaring dari takhta itu berkata: “Lihatlah, kemah Allah ada di tengah-tengah manusia dan Ia akan diam bersama-sama dengan mereka. Mereka akan menjadi umat-Nya dan Ia akan menjadi Allah mereka.
21:4 Dan Ia akan menghapus segala air mata dari mata mereka, dan maut tidak akan ada lagi; tidak akan ada lagi perkabungan, atau ratap tangis, atau dukacita, sebab segala sesuatu yang lama itu telah berlalu.”KETANGKASEN 21: 1 – 4
Surga si mbaru ras doni si mbaru21:1 Jenari kuidah Surga si mbaru ras doni si mbaru. Langit si pemenana ras doni si pemenana enggo lesap, dingen lawit pe lanai lit.
21:2 Janah kuidah Kuta si Badia e, Jerusalem si mbaru, nusur i Surga nari, i bas Dibata nari, enggo sikap bagi sekalak penganten si enggo ipetik guna njumpai perbulangenna.
21:3 Kubegi sora si megang ngerana i bas kursi Kinirajan e nari, nina, “Genduari Kemah Dibata lit i tengah-tengah manusia! Ras manusia me IA nggeluh, janah manusia jadi anak-anakNa me. Ringan me IA i tengah-tengah manusia janah IA me jadi Dibata manusia.
21:4 Iapusi Dibata me kerina iluh anak-anakNa e. Lanai pagi lit kematen, ceda-ate, tangis ntah pe si mesui. Sabap si pemena enggo lepas.”
Ogen : Ketangkasen 21: 1 – 4
Tema : Surga Ingan Kesenangen Si Tetap
Tujuan : Gelah Saitun:
- Ngangkai kerna Surga ingan kesenangen si rasa lalap
- Enggo banci nggejapken nanam nggeluh i bas Kinirajan Surga genduari.
- Tetap ertedeh ate nandangi kegeluhen si rasa lalap i bas Kinirajan Surga.
I. BENA KATA
Kerina manusia merincuh ndatken kesenangen bas geluh enda. Lit tua-tua si ngataken: “Mbelang menda enggo taneh isiar, nggedang me dalin enggo idalani ras mbue enggo sira ipan, tapi lalap la jumpa ingan senang, si gulut, si serbut ras ndele ate ngenda lalap si jadi ayam-ayam geluh enda.”
Arah belas-belas tua-tua enda nmis tergambar man banta maka geluh enda dem alu erbage-bage kiniseran. Kuga ndia maka banci kita jumpa ingan kesenangen sitetap? Enda me si man oratenta i bas PA Saitunta sekali enda alu Tema: “SURGA INGAN KESENANGEN SI TETAP”
II. MPEBAGESI OGEN
Si man oratenta sendah e me Ketangkasen 21: 1-4. Si nuratkenca e me Rasul Johanis (murid Tuhan Jesus). Johanis enda paksa i bas pembuangen i Pulo Patmos (Ket.1: 9). Ia itangkap ras ibuang ku Pulo Patmos erkiteken ia meritaken Berita Simeriah ras ersaksi kerna Tuhan Jesus. Mesui kel ate Johanis bas pembuangen enda, terlebih ia enggo lanjut usia (90 tahun). I tengah-tengah ke-getemen pusuhna si bagenda rupana, i je me reh piga-piga “ketangkasen” (pengenehenen) i bas Dibata nari si erbahanca tetap ukur Johanis. Salah sada “ketangkasen” e, e me kerna Surga si mbaru ras doni si mbaru, doni si pemena enggo lesap (ay 1). I bas ay 2 nina “Janah kuidah Kuta Si Badia e, Jerusalem si mbaru, nusur i Surga nari, i bas Dibata nari enggo sikap….” Ay 3 Ibegina sora megang nina: “Genduari Kemah Dibata lit i tengah-tengah manusia! Ras manusia me IA nggeluh, janah manusia jadi anak-anakNa me. Ringan me IA i tengah-tengah manusia janah IA me jadi Dibata manusia”. Ay 4 lapusi Dibata me kerina iluh anak-anakNa e. Lanai pagi lit kematen, ceda ate, tangis entah pe si mesui. Sebab si pemena enggo lepas.
“Ketangkasen” (pengenehenen) enda me si erbahanca Johanis tetap ersemangat ras pagoh bas kiniteken bicara gia ia i bas pembuangen.
III. PENGKENAINA
Erpalasken Kata Dibata si man oratenta enda maka kita pe sebagai Saitun (Lansia) erketetapen ukur ras tetap semangat nerusi geluhta i babo doni si dem keguluten enda alu pagoh bas kiniteken nimai kita bengket ku bas Surga ingan kesenangen si tetap e. I bas Surga e pagi kita jadi anak-anak Dibata. lapusi Dibata me kerina iluh anak-anakNa. I je lanai lit ate mesui, ceda ate tahpe tangis ngandong.
Si inget kai nina Tuhan Jesus i bas Johanis 14:1-3 “Ola aru atendu. Ernalemlah kam man Dibata janah ernalem pe kam man bangKu. I bas rumah bapangKu mbas ingan; janah lawes me Aku nikapken ingan man bandu. Tuhu kap enda… Kenca Aku lawes nikapken ingan man bandu, reh denga pagi Aku ngalo-ngalo kam, gelah i ja Aku ije kam pe”. Bage pe Ketangkasen 2: 10 “Ola kam mbiar kerna kiniseran… Tapi tetaplah kinitekenndu man bangKu seh mate pe, gelah Kubereken man bandu rudang-rudang kegeluhen tanda kemenangenndu”
E maka erpalasken Kata Dibata si man oratenta sendah enggo tergambar man banta maka Dibata e tuhu-tuhu melias man banta arah AnakNa Tuhan Jesus Kristus ras pemabai Kesah Sibadia. Bicara I doni enda denga pe kita tentu enggo banci si gejapken nanam kesenangen Kinirajan Surga e. Alu cara maba dame man keluarga ras sangkep nggeluh, banci erguna man kalak sideban, lalit elem-elem, lalit cian, lalit anceng. Ngenanami keleng ate anak-anak ras kerina sangkep geluh, ngasup ngaloken uga lit na bas sekelewtna. Alu bage metedeh nge ate ta rusur bengket ku bas Surga ingan kesenangen si tetap. Terpujilah Tuhan.
IV. PERTOTON
Bujur o Tuhan, bagem liasna ateNdu man kami anak-anakNdu iberekenNdu denga kesempaten guna erlajar kerna KataNdu Sibadia Sierkuasa si erbahanca reh terangna man kami kerna Surga ingan kesenangen si tetap e. Terpuji kam Tuhan erkiteken Tuhan Jesus Kristus. Amin.
V. DISKUSI
- Kai nge persyaratenna maka kita banci bengket ku bas Kinirajan Surga ingan kesenangen si tetap e?
- Sieteh maka Paulus sakit ras ipenjaraken. Tapi engkai maka tetap meriah ukurna? (Oge Roma 4:4)
Pdt. Gideon Ginting S, MMIN