Ngadi-ngadi I bas Dame
1 Korintus 15: 50- 58
15:50 Saudara-saudara, inilah yang hendak kukatakan kepadamu, yaitu bahwa daging dan darah tidak mendapat bagian dalam Kerajaan Allah dan bahwa yang binasa tidak mendapat bagian dalam apa yang tidak binasa.
15:51 Sesungguhnya aku menyatakan kepadamu suatu rahasia: kita tidak akan mati semuanya, tetapi kita semuanya akan diubah,
15:52 dalam sekejap mata, pada waktu bunyi nafiri yang terakhir. Sebab nafiri akan berbunyi dan orang-orang mati akan dibangkitkan dalam keadaan yang tidak dapat binasa dan kita semua akan diubah.
15:53 Karena yang dapat binasa ini harus mengenakan yang tidak dapat binasa, dan yang dapat mati ini harus mengenakan yang tidak dapat mati.
15:54 Dan sesudah yang dapat binasa ini mengenakan yang tidak dapat binasa dan yang dapat mati ini mengenakan yang tidak dapat mati, maka akan genaplah firman Tuhan yang tertulis: “Maut telah ditelan dalam kemenangan.
15:55 Hai maut di manakah kemenanganmu? Hai maut, di manakah sengatmu?”
15:56 Sengat maut ialah dosa dan kuasa dosa ialah hukum Taurat.
15:57 Tetapi syukur kepada Allah, yang telah memberikan kepada kita kemenangan oleh Yesus Kristus, Tuhan kita.
15:58 Karena itu, saudara-saudaraku yang kekasih, berdirilah teguh, jangan goyah, dan giatlah selalu dalam pekerjaan Tuhan! Sebab kamu tahu, bahwa dalam persekutuan dengan Tuhan jerih payahmu tidak sia-sia.15:50 O senina-senina, si kumaksud e me: kula si genduari enda, si jadi i bas daging ras dareh nari, labo pagi banci dat bagin i bas Kinirajan Dibata, janah si biakna ermasap-masap labo pagi banci dat bagin i bas si biakna la ermasap-masap.
15:51 Perdiatekenlah, kuturiken sada rahasia man bandu: labo pagi kerina kita mate, tapi kerina pagi kita iobah.
15:52 I bas sada detik, i bas singkemirep mata, asum terbegi sora terompet si perpudina. Sabap asum ersora terompet e, kalak si enggo mate ipekeke i bas tempas si la ermasap-masap, janah i bas paksa si e iobah me kita.
15:53 Sabap si ermasap-masap janah si banci mate arus makeken si la ermasap-masap ras si la banci mate.
15:54 Dage kenca si ermasap-masap dingen si banci mate e enggo makeken si la banci ermasap-masap dingen si la banci mate, maka seh me si tersurat i bas Pustaka Si Badia, “Kematen enggo itelen, kemenangen enggo seh.”
15:55 “O kematen, i ja kemenangenndu? O kematen, i ja bisandu?”
15:56 Bisa kematen e me dosa, janah dosa ergegeh erkiteken Undang-undang.
15:57 Tapi bujur ninta man Dibata si mereken kemenangen man banta arah Tuhanta Jesus Kristus.
15:58 Erkiteken si e, o senina-senina si kukelengi, tetaplah ukurndu, ola mbewat-mbewat. Mejingkatlah kam rusur i bas ndahiken dahin Tuhan, sabap ietehndu maka labo percuma dahin si idahikenndu i bas Tuhan.
(Kematen Ras Kekeken)
Ogen : 1 Korinti 15: 50-58
Tema : Ngadi-ngadi I bas Dame (Rest in Peace/RIP)
Tujun : Gelah Saitun:
- Meteh maka upah dosa e me kematen
- Ngaloken kinata maka kerina manusia ndalani kematen
- Tek maka lit kekeken i bas si mate nari emaka pakekenlah kegeluhen alu mehuli
I. BENA KATA
Kematen eme sada kepastin bas kegeluhen. Kerina kalak si tubuh kedungenna i ujungina me perdalanen kegeluhenna I babo doni enda. Secara kiniteken maka nggo siangkai maka kematen eme proses guna banci bengket ku bas kegeluhen si rasa lalap i bas Kristus. Amin bage gia pengajaren si lit bas kinitekenta megati sanga kita rukur sisada kerna kematen turah kebiarenta. Seh dungna kebiaren e erbahanca pengangkanta kerna kematen e salih jadi kebenen, persirang-sirangen, ras tentu akibatna justru peturah kebiarenta pe.
II. MPEBAGESI OGEN
Bahan PA-nta nuriken kerna wari kerehen Dibata pedua kaliken (52). Asum Dibata reh pedua kaliken labo kerina manusia nggo mate. Antusen kata enda tentu nuriken maka wari kerehen Dibata pedua kaliken e tetap jadi wari si misteri si sada pe kita manusia la meteh ndigan warina. Bahkan bas Matius 24, Yesus sendiri ngakuken maka ise pe la meteh ndigan warina seakatan Dibata ngenca meteh ndigan. Tapi si jadi gelemen ije tentu bahwa wari e pasti reh.
Terdauhen man Paulus i bas wari kerehen Dibata, ipekeke me kerina kalak si nggo mate. Si jadi persoalen bas paksa sie uga nge tempas manusia si ipekeke bas kematen e nari. Menurut Paulus si ipekeke e me tendi, sedangken daging ras darehta masap. Ertina situhuna kenca kita mate, labo kerina mate. Rohta tetap ngeluh nimai kerehen Dibata pedua kaliken, Kerina kita tading i bas sada ingan si usur sibelasken bas pengakun kiniteken eme doni kematen. Bas doni kematen lanai bo lit hubungen ras doni inganta tading genduari. hanya saja bas kinitekenta tek kita erkiteken Yesus nggo nusur ku doni kematen dingen naluken kuasa kematen maka min gia ngoo kita mate labo lit kesiranganta ras Dibata, sebab Dibata tetap jadi Dibata si erkuasa subuk bas doni inganta tading genduari bagepe doni kematen (Roma 14:9).
Terdauhen Paulus pe nuratken asum reh Dibata maka kematen lanai erkuasa, lanai ergegeh (55-56). Bagi si eteh kematen eme akibat dosa manusia. erkiteken si e labo lit manusia si ngasup nilahken kuasa kematen erkiteken kerina kin manusia nggo erdosa. Enda me erbahanca kerina kita megati mbiar adi ngerana kerna kematen sebab la lit dalanna guna nilahken kuasa kematen e. Kematen jadi sada hal si erkiteken dosa si lit bas kita manusia. Hanya saja menurut bahanta wari enda maka asum reh Dibata kuasa kematen e lanai lit. Enda banci jadi erkiteken Yesus nggo naluken kuasa kematen e. Asum Yesus mate dingen keke peristiwa enda menjadi sada keadan ija kuasa kematen nggo lanai lit (57). Sebab kematen lanai banci nirangken manusia ras Dibata dingen lanai lit kegeluhen kenca kematen. Arah kekeken Yesus lit me sada pengharapen kenca kematen. Sabab i bas wari pendungi ipekeke me kerina dingen ngeluh mulihi bas persadanta ras Kristus.
Ngidah si enda me maka Paulus ngingetken man banta gelah lit dua hal. eme mpetetap ukur. Petetap ukur maka kematen eme dalanta jumpa ras Dibata. Emaka bas si e kematen lanai jadi simankebiarenken tapi justru sebagai bentuk proses kegeluhen kiniteken. Bas kinitekenta maka i bas kematen nari ipekeke me kita dingen jumpa ras Dibata. Emaka proses e arus si bentasi guna banci seh kubas tujun si utama emekap perjumpaan si rasa lalap ras Dibata. Si peduaken eme kap mejingkat i bas dahiken dahin Tuhan. Engkai maka arus mejingkat i bas ndahiken dahin Tuhan? Labo gelah kita nambahi pahala, sabab bas kinitekenta keselamaten eme anugrah. Tapi surga megati pe ipahami labo terjeng ingan tapi situasi/suasana. Emaka tanda kita warga surga cara geluhta kin pe nggo bagi warga surga. Uga kin warga surga? Warga surga e kalak si geluhna i doni ilakokenna erpalasken sura-sura Dibata. La ia erlatih-latih ngukurken si mehuli dingen si ngena ate Dibata.
III. PENGKENAINA
Kematen emekap sada hal si pasti. Kerina kita bali bagi sada antrian i bas barisen. Kerina kita erdalan bas antrian enda. Hanya saja bas umur si nggo metua megati erbuene kearun ate sebab erbuena sura-sura, janah ateta min kerina sura-sura tersehi.. Ula min lebe mate sebab lit denga kempungku, kuidah ka min ia tamat kuliah ras si debanna. Tentu sura-sura enda labo salah tapi i bas si e arus tetap kita sadar bahwa kuasa kematen labo banci i persilahang. Adi nggo seh waktuna labo lit kai pe si banci ngolangisa.
Kerehen Dibata si peduakaliken maba sada perubahen. Kita ipekeke, ipersada i bas ingan si nggo isikapken Dibata. Janji Dibata enda arusna jadi perubahen cara rukur. Adi megati denga kita mbiar i bas ngukurken kematen enda lanai bage.
Kematen nggo inen alu cara siberbeda, kematen eme proses ntah pe langkah berikutna guna banci jumpa ras Dibata. Adi bage cara rukur maka lanai kita mbiar mate, kita sikap ndigan pe warina Dibata erdilo sabab asum kematen e reh maka bengket me kita ku langkah berikutna guna banci jumpa ras Dibata. Enda me si banci ipahami alu makna RIP (rest in peace) ija kematen erbahanca kita ngadi i bas dame. Sabab i bas dame enda me kita nimai kerehen Dibata.
Erkiteken si e maka cara nggeluhta harus si pekena. Lit singatakenca geluhken lah geluhndu tempa-temnpa wari sipepagi nggo kam mate. E maka erkiteken pagi nggo mate, maka cara geluhta lalap ngukurken si mehuli, tempa-tempa enda nari ngenca waktuna. Ula kita tertaren-taren ibas ndalanken si mehuli. Maka bas si enda perlu tetap emangat guna ndalanken singena ate Dibata. I bas umur si enggo metua, Saitun tetap banci ngukurken si mehuli guna ndalani wari kegeluhen si la si eteh piga wari nari sisana.
IV. PERTOTON
O Tuhan Dibata bujur isehken kami man baNdu, sabab iberekenNdu pemeteh kerna wari si pepagi, bahan gelah kami lanai mbiar kerna kematen. Ajarilah kami gelah ngasup ndalani wari-wari kami guna ngelakoken perbahen simehuli janah tetap setia nimai kerehenNdu. I bas Yesus Kristus kami enggo ertoto, Amin.
V. DISKUSI
- Kai ngge si megati erbahanca kita mbiar adi ncakapken ntah pe ngukurken kerna kematen?
- Uga nge perukurenta kenca si orati bahanta enda?
- Oge ulihi ayat 58, kai nge perbahanen si banci ilakoken Saitun rikutken ayat enda.
Pdt. Jepri Alexander Keliat M.Fil
Tidak semua orang berkesempatan
menjadi tua, karena itu nikmatilah masa
tua itu dengan bersyukur dan berdoa