Teks : Perbahanen Rasul-rasul 18:1-4
Tema : Jabu Si Ersada Arih
Tujuan : Gelah Mamre
- Meteh uga kiniersadan arih Persila ras Akuila ibas ngaturken kegeluhen jabu bagepe tetap ikut muat bagin ibas ndukung dahin pelayanen ibas kerina situasi.
- Mabai isi jabu guna tetap erada arih ras nggit muat bagin ibas ndukung dahin pelayanen ibas kerina situasi.
Paulus di Korintus
18:1 Kemudian Paulus meninggalkan Atena, lalu pergi ke Korintus. 18:2 Di Korintus ia berjumpa dengan seorang Yahudi bernama Akwila, yang berasal dari Pontus. Ia baru datang dari Italia dengan Priskila, isterinya, karena kaisar Klaudius telah memerintahkan, supaya semua orang Yahudi meninggalkan Roma. Paulus singgah ke rumah mereka. 18:3 Dan karena mereka melakukan pekerjaan yang sama, ia tinggal bersama-sama dengan mereka. Mereka bekerja bersama-sama, karena mereka sama-sama tukang kemah. 18:4 Dan setiap hari Sabat Paulus berbicara dalam rumah ibadat dan berusaha meyakinkan orang-orang Yahudi dan orang-orang Yunani.
- KATA PENARUH
Anggota perpulungen merupaken “aseet” gereja simbelinna kal. Alu bage salah sada tugas gereja eme memperlengkapi ngawan ni perpulungen gelah banci ikut muat bagin ibas Tri Tugas Gereja. Gereja si bertumbuh eme gereja si anggota perpulungen enggo jadi subjek (pelaku) trì tugas gereja, la nai jadi objek saja. Perlu kal melibatkan anggota perpulungen ibas pelayanen secara proporsional. Bahan PA Mamre sendah ncidahken salah sada peran serta ngawan ni perpulungen ibas mendukung pelayanen – pendahin Tuhan.
- PELIKASI (Uraian) Teks
Kenca Paulus nadingken Aten, maka berkat ia ku Korinti. Korinti kota si mbelin di Junani, kota perdagangen si padat. Alu la isadari Paulus maka lit sura-sura Dibata nandangi ia bage pe nandangi kalak Korinti bas aspek kecerdasen perpulungen Korinti termasuk perpulungen si cerdas melala ije si ahli ibas filsafat, undang-undang agama rds, ibas aspek Finansial pe perpulungen e enggo cukup sejahtera erkiteken kota Korinti merupakan kota Transito; melala transaksi perdangangen, bage ibas aspek sosial Paulus pernah ngataken maka perpulungen Korinti megegeh ibas nehken kekelengen (bd 2 Kor 9: 13) tapi hal si e la ndekah bertahan erkiteken ia nehken kekelengen labo erpalasken pengataken bujur man Tuhan, tapi guna “mpehagaken” dirina jine. lbas sisi sideban arah aspek sosial ibas kota Korinti melala ka nge terjadi penyakit penyakit sosail Arah si e banci siidah maka ibas aspek Spiritual melala denga ka nge si man pekenan ibas perpulungen Korinti eme tawan kubas perpecahen, perpulungen Korinti ragu kerna Kinirasulen Paulus, rsd. Paulus hadir guna memperlengkapi perpulungen e.
Kota Korinti seh kal padatna, melala saingen, e maka seh kal nge sulitna bertahan ras sukses ibas kota si keras adina la lit tah pe la cukup keahliaan. lbas Korinti Paulus jumpa ras kalak Jahudi gelarna Akuila ras ndeharana Persila. Akuila ras Persila tarpaksa nandingken Roma erkitekan kerina kalak Jahudi ipelawes Kaisar Klaudius ibas Roma nari, kejadin enda terjadi ibas tahun 49. Lit dugaan Kaisar Klaudius mpelawes kalak Jahudi ibas kota Roma nari erkite-kiteken terjadi kerusuhen antara kalak Jahudi si beragama Kristen ras kalak Jahudi si beragama Jahudi. Kaisar Klaudius anti kal ras peraktek-praktek penyebaren agama. Kira-kita lit 50.000 kalak Jahudi si tading ibas kota Roma ibas pemerintahen Klaudius jadi di kune jadi perjengilen – kerusuhen alu jumlah si bage buena tentu terganggu kenyamanan kota, enda me alasan kaisar mpelawes kalak Jahudi ibas kota Roma nari.
Paulus tading ibas ingan Akuila ras Persila, ia tukang tenda. Paulus pe jadi tukang tenda i Korinti. Paulus la ngarapken biaya geluhna arah perpulungen Korinti, erkiteken langa bo enteram kalak Korinti jadi Kristen. Tukang tenda labo pendahin si mehaga ibas jamanna, amin bage gia arah pendahinna e Paulus banci jumpa ras enteram jelma alu berbagai golongen. Alu mejingkat erdahin me Paulus ngasup ncukupken keperlunna. lbas sisi sideban, jumpa ras masyarakat Korinti jadi kesempatan Paulus meritaken berita si meriah. lbas ayat 4 teridah pe Paulus ngajar kalak Jahudi ras Junani gelah tek man Jesus. Kesempatan si lit pakaiken Pauius alu mehuli. Subuk paksa erdahin jadi tukang tenda bage pe ibas wari sabat ibas rumah pertoton
Akuila ras Persila ermeriah ukur ngaloken Paulus kesilang ibas rumahna, gia seri dahinna, tapi la iakapna saingen, I je teridah maka Akuda ras Persila enggo ngasup ncidahken sada karakter pengikut Jesus eme nggeluh si keleng-kelengen. Man Akuila ras Persila enggo tangkas maka singasuhi ia labo pendahinna tapi Dibata nge.
- PENGKENAINA
Kiniersadan arih Persila ras Akuila ibas mentasi wari-warina amin pe melala tantangen geluh sihadapina. Menaken ia pindah ibas kota Roma nari, bengket ku Korinti jadi kalak tandang Korinti (erkiteken asalna i Pontus nari). pasti lit tantangen si arus ialakenna, tapi ersada arihna ibas mentasi situasi e, kiniersadan arih e jadi gegeh ibas ngalaken tantangen nggeluh. Jabu Akuila ras Persila eme keluarga harmonis tetap ersada arih ibas ngalaken keadaan. Ibas situasi si langga bo matang ibas Financial, mbaru denga ia seh i Korinti, Paulus hadir kutengah-tengah jabuna, kesilang ras ia. Teridah kal dukungen Persila ras Akuila ibas ndukung dahin pelayanen Paulus; alu ngaloken Paulus kesilang ibas rumahna bage pe jadi tukang tenda ibas kota si seri (la ia cian, la akapna Paulus jadi saingen) Dukungen Akuila ras Persila man Paulus merupaken dukungen guna dahin Dibata, erkiteken lit dahin simbelin irencanaken Dibata nandangi Paulus i Korinti eme guna majekken perpulungen Tuhan. Alu bage kai siilakoken Akulia ras Persila nandangi Paulus jadi contoh si perlu kal iteladani jabu-jabunta genduari enda. Mamre idilo guna mabai isi jabu gelah tetap ersada arih dingen nggit muat bagin ibas ndukung dahin pelayanen. Adi Akuila ras Persila ibas aspek ingan tading bage pe dukungen ibas dahin (tukang tenda), mari sibuat baginta ibas mendukung dahin pelayanen, alu kengasupen si lit ibas kita ras kesempatan si lit ibas kita. Kitik-kitik pe dukungenta adi alu meriah ukur ras dem pengataken bujur, jadi mbelin ilebe-lebe Dibata.
- DISKUSI – METODE BACA GALI ALKITAB
- Gargari tokoh-tokoh si lit ibas teks Perbahanen Rasul-rasul 18:1-4 ras teladan kai banci si dat guna ilakoken arah tokoh-tokoh si lit bas teks enda!
- Ban sada aksi nyata Mamre guna medukung: 1. Jabu si perlu siman sampaten (bandingen Paulus si perlu penampat, bage pe Akuila ras Persila si arus pindah) ibas Sektor tah pe ibas Runggun
- USULEN ENDE-ENDEN
- KEE GBKP No. 254: 1,2
- KEE GBKP No. 354: 1, 2, 3
- KEE GBKP No. 350: 1.2
- KEE GBKP No, 420:1,2
Pdt Rudi Hartono Gurusinga, S.Th., MM
HP/WA 081271951387