DUA JADI SADA
Kejadin 2: 18-24
(Konfesi GBKP BAB XI: Perjabun)
2:18 TUHAN Allah berfirman: “Tidak baik, kalau manusia itu seorang diri saja. Aku akan menjadikan penolong baginya, yang sepadan dengan dia.” 2:19 Lalu TUHAN Allah membentuk dari tanah segala binatang hutan dan segala burung di udara. Dibawa-Nyalah semuanya kepada manusia itu untuk melihat, bagaimana ia menamainya; dan seperti nama yang diberikan manusia itu kepada tiap-tiap makhluk yang hidup, demikianlah nanti nama makhluk itu. 2:20 Manusia itu memberi nama kepada segala ternak, kepada burung-burung di udara dan kepada segala binatang hutan, tetapi baginya sendiri ia tidak menjumpai penolong yang sepadan dengan dia. 2:21 Lalu TUHAN Allah membuat manusia itu tidur nyenyak; ketika ia tidur, TUHAN Allah mengambil salah satu rusuk dari padanya, lalu menutup tempat itu dengan daging. 2:22 Dan dari rusuk yang diambil TUHAN Allah dari manusia itu, dibangun-Nyalah seorang perempuan, lalu dibawa-Nya kepada manusia itu. 2:23 Lalu berkatalah manusia itu: “Inilah dia, tulang dari tulangku dan daging dari dagingku. Ia akan dinamai perempuan, sebab ia diambil dari laki-laki.” 2:24 Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging.
A) PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B) PERPULUNGEN JABU-JABU/PERPULUNGEN JABU
RENDE KEE No. 313:1-2 (ibabai bapa/nande)
Pulung m’riah kal kami kerina, jumpa i bas rumah si Badia
Reh min Kam, o Bapa si Mulia, g’lah kerina Badia jadina
Reff: Salsali pusuh kami, layasi ukur kami
Pengarapen reh teguhna, kiniteken reh paguhna
Wari ras berngi nggo ibentasi, keleng ateNdu tetap nemanl
I bas mberat Kam lalap nampati, i bas susah Kam si ngelayasl.
Reff: …
ERTOTO
RENUNGEN
Teks : Kejadin 2:18-24 (Ibabai Si Mada Jabu, Perbulangen)
Tema : Dua Jadi Sada (Konfesi GBKP Kerna Perjabun)
I bas perjabun biasana sikap kal ban si ipasu-pasu e i bas melasken perpadanen perjabunna, tapi kenca piga-piga bulan entah pe piga-piga tahun erjabu banci nukah kal mosar perpadanen perjabunna e. E maka lit lagu rohani perjabun nina, “lja pagi gejapndu enggo urak keleng atendu ulihi pagi belasken perpadanenndu”. Bahan PJJ ta enda nuriken kerna uga Dibata nikapken teman si cocok nandangi Adam, si kelungunen. Aminna gia kerina si nasa lit enggo lit I sekelewetna, tapi tetap denga lit iakapna si kurang. E maka Dibata njadiken diberu jadi penampat si cocok (ay. 18). Tinepa si deban sada pe la lit si cocok ras manusia e (ayat 20). Penampat i jenda ertina saling melengkapi. Diberu ngkuhi kekurangen si dilaki bage pe sebalikna seh maka duana ngasup nehi karya pemeliharan Dibata man doni enda.
Diberu itepa Dibata arah tulan rangrang si dilaki janah e me sabapna maka Adam ngasup ngataken kerna Hawa “enda maka enggo payo, tulanna i bas tulanku nari janah jukutna i bas jukutku nari….” (ay. 23). Lit je penekanen kerna kesatuan esensi si dilaki ras si diberu. Kesatuan esensi enda me si mendorong litna persadan perbulangen ndehara si la terjeng persadan i bas hubungen perbulangen ras ndehara secara jasmani tapi pe i bas kerina dampar kegeluhenna.
Kesetaran enda me si arus jadi palas perjabun Kristen. Diberu ras dilaki seri derajatna i bas Tuhan janah mereken dirina ipersadaken Dibata gelah banci ipake Dibata guna jadi alat keleng ate Dibata man doni enda. Persadan e arus ijaga alu tetap mereken dirina sebage bentuk sikuhen bage pe saling terbuka sada ras si debanna (ay. 25)
Temata Dua Jadi Sada. I bas cakap Indonesia Kejadin 2:24 ikataken, “Sebab itu seorang laki-laki akan meninggalkan ayahnya dan ibunya dan bersatu dengan istrinya, sehingga keduanya menjadi satu daging”. Bersatu dalam KBBI ertina berkumpul atau bergabung menjadi satu, sepakat, seia sekata. Alu kata si deban tema enda mereken pengertin maka perbulangen ras ndehara aminna gia dua tapi enggo jadi sada i bas kai pe. Bersatu i bas bahasa lbrani e me dãbaq ertina “melekatkan diri kepada”, Alu kata si deban ndehara ras perbulangen arus radu-radu melekatkan diri man pasangenna, Bena-benana nari Dibata enggo netapken perjabun jadi lembaga si pemena i bas doni enda.
E maka i bas perjabun kalak Kristen isingetken kerna tanggungjabab bage pe orat geluh perbulangen ras ndehara si arus ilakokenna segedang geluh perjabun, si arus iperjuangken nehi sura sura Dibata. Sabap perjabun e pemere (anugerah) Dibata si arus ijagai kebadianna (Kej. 2:18-24). Janah perjabun e arus bersifat monogami ras la banci isirangken manusia pala arah kematen.
I bas peradaten kalak Karo pe lit aturen kerna perjabun. Bagi kai si isingetken Darwan Prinst i bas bukuna ADAT KARO maka perjabun i bas masyarakat Karo bersifat religius alu menganut sistem eksogami e me seseorang harus kawin dengan orang dari luar marganya meskipun pada marga tertentu ada kekecualian. I bas Konfesi GBKP isuratken maka budaya e me orat nggeluh ulih perbahanen ras perukuren jelma manusia si rukur. I bas terang kata Dibata, jelma manusia ndarami, mpebue ras mpebayak orat geluh alu mehuli (positif, kritis, kreatif ras realistis) si maba kejuah-juahen man jelma manusia (Joh. 13:1-20; 1 Kor. 9:20-21). E maka kita selaku ngawan ni Tuhan arus ka ngajarken man anak-anakta gelah anak-anakta pe ngangkai kerna orat perjabun subuk secara kiniteken bage pe adat.
NEHKEN PENGGEJAPEN
1) Bapa
2) Nande
3) Anak
DISKUSI
1) Kai nge iakapndu si erbahanca maka rusur jadi perubaten i bas jabu seh ku kesirangen?
2) Kai nge erbahanca maka la surung erjabu si dilaki ras sidiberu e erkiteken kenca enggo ndekah ia erteman-teman, janah irungguken ate perjabunna ije maka enggo ieteh kepeken ia erturang rikutken perkade-kadenna?
NEHKEN PERSEMBAHEN
Rende KEE No. 450:1-2
Endesken kami man bandu, sada bagin pemereNdu
Persembahen kami baNdu, gelah ialoken Ndu
Reff: Pasu-pasuNdu min gelah, si tading i bas kami
Ajarindu dage kami, m’re persembahen baNdu
Si pepulung persembahen, si endesken e man Tuhan
Asa gegeh kengasupen, mari sipersembahken Reff: …
PERTOTON SAPAAT (Ibabai Pertua/Diaken/ Emeritus/ Pendeta)
1) Persembahen
2) Kerna jabu kundulen
3) Si turah i bas perpulungen
RENDE KEE No. 124: 2 (ibabai anak)
Senang me kap si ‘rjabu sada arih, pehaga Tuhan peratena ras
Mehuli kal ‘di ise pe la dalih, berkat ku Minggu lah ertoto ras
‘Di kebiaken gelgel banci salih, ‘Di pengerana reh hamatna pe
Bas kehamaten labo ‘rlatih-latih, ipasu-pasu Tuhan me kepe
PERTOTON TUHAN
MOMO
C) JEDA RAS PENUTUP
Pdt. Jaya Abadi Tarigan, M.Th.
HP/WA: 082118754083