Ogen : Johanes 2: 1- 12
Tema : Adat Si Ipelimbarui Maba Pasu-Pasu
Tujun : Gelah Saitun:
- Meteh maka Jesus ngergaken adat si enggo lit bage pe mpelimbaruisa
- Ngasup ngaloken perubahen adat si maba pasu-pasu
- Ngajuk anak kempuna guna reh ndahi peradaten maba pasu-pasu
Perkawinan di Kana
2:1 Pada hari ketiga ada perkawinan di Kana yang di Galilea, dan ibu Yesus ada di situ; 2:2 Yesus dan murid-murid-Nya diundang juga ke perkawinan itu. 2:3 Ketika mereka kekurangan anggur, ibu Yesus berkata kepada-Nya: “Mereka kehabisan anggur.” 2:4 Kata Yesus kepadanya: “Mau apakah engkau dari pada-Ku, ibu? Saat-Ku belum tiba.” 2:5 Tetapi ibu Yesus berkata kepada pelayan-pelayan: “Apa yang dikatakan kepadamu, buatlah itu!” 2:6 Di situ ada enam tempayan yang disediakan untuk pembasuhan menurut adat orang Yahudi, masing-masing isinya dua tiga buyung. 2:7 Yesus berkata kepada pelayan-pelayan itu: “Isilah tempayan-tempayan itu penuh dengan air.” Dan merekapun mengisinya sampai penuh. 2:8 Lalu kata Yesus kepada mereka: “Sekarang cedoklah dan bawalah kepada pemimpin pesta.” Lalu merekapun membawanya. 2:9 Setelah pemimpin pesta itu mengecap air, yang telah menjadi anggur itu–dan ia tidak tahu dari mana datangnya, tetapi pelayan-pelayan, yang mencedok air itu, mengetahuinya–ia memanggil mempelai laki-laki, 2:10 dan berkata kepadanya: “Setiap orang menghidangkan anggur yang baik dahulu dan sesudah orang puas minum, barulah yang kurang baik; akan tetapi engkau menyimpan anggur yang baik sampai sekarang.” 2:11 Hal itu dibuat Yesus di Kana yang di Galilea, sebagai yang pertama dari tanda-tanda-Nya dan dengan itu Ia telah menyatakan kemuliaan-Nya, dan murid-murid-Nya percaya kepada-Nya.
Yesus di Kapernaum
2:12 Sesudah itu Yesus pergi ke Kapernaum, bersama-sama dengan ibu-Nya dan saudara-saudara-Nya dan murid-murid-Nya, dan mereka tinggal di situ hanya beberapa hari saja.
- BENA KATA
Selaku kalak Kristen Karo maka kita la terpisahken ras adat, budaya si enggo lit. Pdt A Ginting Suka pernah nulisken i bas buku jurnal Teologia Beras Piher tahun 2004 nina: “pada abad ke 21 ini kalau kita berbicara tentang suku Karo, maka tidak dapat tidak pembicaraan itu akan melingkupi segi adat, modernisasi dan Injil. Ini dikarenakan ketiga hal tersebutlah yang mempengaruhi keberadaan masyarakat Karo pada saat ini.” Arah pendapat enda si idah maka adat ras Berita Si Meriah merupaken dua hal si laterpisahken man i bas kegeluhenta selaku kalak Karo si enggotek man Jesus Kristus (kalak Kristen). Adi siperdiateken pekuga ndube zending reh erberita man kalak Karo maka adatras Berita Si Meriah e radu ras sendalanen ia duana. I bas iamaba Berita Si Meriah e, la ipersilahangna budaya, adat-istiadat ntah pe kebiasan-kebiasan si enggo rurat itengah-tengah kegeluhen masyarakat Karo. Justru ipakena adatgelah Berita Si Meriah e banci ialoken kalak Karo. E maka sheasa genduari maka gerejanta tetap makeken adat-istiadat e jadialat misi guna nehken sura-sura Dibata nandangi doni enda.
- MPEBAGESI OGEN
I bas bahan PA nta sekali enda erpalasken Johanes 2: 1-12 e me kerja erdemu bayu i Kuta Kana. Enda sada turi-turin tupung Tuhan Jesus encidahken kuasaNa alu erbahan tanda sengget e me njadiken lau salih jadi anggur. Peristiwa enda tuhu-tuhu mbelin kal pengertinna sabap teridah kuasa Jesus e la kepe terbatas ku bas sada ingan tertentu saja, janah labo terjeng mpelawes kuasa setan, mpepalem erbage-bage pinakit saja Tapi si jelas maka Jesus e ngasup nuduhken kuasaNa si mbelin e i bas kerina dampar kegeluhen manusia. Tupung Jesus nuduhken tanda sengget i bas paksa kerja erdemu bayu e, tandana maka Jesus ngasup nuduhken kuasaNa si mbelin e i bas kerina paksa ras dahin si iperluken manusia. Janah si enda ilakokenNa gelah teptep jelma banci ngidah maka kerehen Jesus labo mpersilahang kai si enggo ilakoken manusia i bas geluhna. Kerehen Jesus e naksiken maka alu kuasaNa ngasup IA mpekena ntah mpelimbarui si la mehuli e gelah reh ulina dingen njadiken kiniulin e jadi palas kegeluhen si tuhu-tuhu man manusia.
Kerehen Jesus ku bas kerja erdemu bayu e mpetangkas maka Jesus pe peduli ras ngikuti peradaten manusia i bas doni enda. Tentu secara peradaten, maka labo ipersilahang Jesus tegunNa i bas peradaten e.Adi siperdiateken i bas ayat 3, tangkas man banta maka isingetken Maria (nande Jesus) man Jesus kerna lau anggur si erkerja e enggo keri. Janah adi i bas peradaten kalak Karo si biasa mperdiateken kerna si e tentu anak beru si erkerja. E maka banci jadi ras lit kemungkinen maka tegun Maria ras Jesus i bas kerja e anak beru. Janah i bas ayat 4 ipetangkas Jesus maka kai si arus ilakokenNa labo perlu iaturken. Sabap lit nge kari waktuna maka Jesus erdahin guna kiniulin i bas kerja e. Jadi arah teks enda teridah maka kerehen Jesus ku kerja erdemu bayu e tuhu-tuhu ngikuti tradisi (adat istiadat) si enggo lit i bas kegeluhen masyarakat paksa si e. Janah Jesus sendiri labo ibalengina/ibatasina kai si arus idahikenNa i bas kerja erdemu bayu e. IA sendiri meteh katawari paksana IA arus erdahin jenari nuduhken kuasaNa man sukut si erkerja e. Alu bage, tangkas teridah maka kerehen Jesus ku bas sada ingan tetap mereken ulih si mehuli man ingan e.
Maria (nande Jesus) tuhu-tuhu mediate kal nandangi kerja e, janah asa ngasupna ras gegehna si lit iusahakenna nge kuga gelah kerja e banci erdalan alu mehuli. Janah e ilakokenna erkiteken perukuren si mehuli jadi palas i bas ia ndahiken dahinna i bas kerja erdemu bayu e. E maka kai pe si lit i bas kerja e tetap iarak-arakna seh dung, Bage ka me si ilakjoken Jesus, ituduhkenNa maka kekurangen si lit i bas kerja e banci itamburiNa alu mehuli. Janah karakter si bagenda me si arus ilakoken kalak Kristen i bas geluhna. Sabap adi siperdiateken i bas kegeluhenta maka lit denga nge kalak si erkiniteken dahinna sanga ndahi kerja-kerja e me ndarami kekurangen si erkerja e. Janah kai pe tempa jadi pandangen akapna, subuk i bas perdalanen acara, per uis si mada kerja, si reh ku kerja e, terlebih pangan si man pangan I bas kerja e. Biak si bageda me si arus ipekena i bas kita nari sebagai kalak Kristen. Adi banci, adat si lanai sentudu ras kinitekenta maka kehadirenta arus mpelimbaruisa gelah banci jadi pasu-pasu. Nuduhken kiniulin jadi palas kalak Kristen sebagai peranna bas kegeluhen masyarakat. Kerehenta ku bas sada kerja e me ngelayasi.
- PENGKENAINA
Perdalanen peradaten (adat-istiadat) si enggo leben idalanken nini-nininta ndube enggo me bagin si ngiket kita i bas kegeluhen kalak Karo tentuna pe sebagai kalak Kristen. Sabab labo banci ipersilahang adat-istiadat si bage bas kegeluhen itengah-tengah masyarakat. Saja si perlu si jaga emekap kuga gelah kalak si erkiniteken makeken adat e jadi sada dalan lako mpeseh Berita Si Meriah ku tengah-tengah doni enda. Adat e banci ipakeken jadi alat pelayanen lako nuriken kerna ise kuga kin Jesus e. Gelah alu bage maka ngaruh kalak Kristen banci min jadi si ngelayasi/mpelimbarui peradaten e gelah maba pasu-pasu. Bagi si ilakoken Jesus sendiri, i bas kerehenNa i bas kerja erdemu bayu e janah kenca IA erdahin i bas perdalanen peradaten e minter situasi pe berubah ku bas si terulin. Tentuna biak si bage perlu kal ipeturah i bas kita kalak sierkiniteken. Perlu si tuduhken ras si cidahken maka peran kalak Kristen i bas perdalanen peradaten arus maba kiniulin. Umpamana kita si ngerunggui kerja, si rungguilah alu mehuli erpalasken kinitekenta ras la encedai adatta. Bage me situhuna ngaruh gereja ras kalak Kristen i bas doni enda. Gereja ras kita selaku kalak Kristen ertanggung jabab lako njagai ras mpesikap peradaten gelahna ula kita meros ras ula mekarus. Salah sada perdalanen peradaten siperlu jadi perhatinta e me ngelakoken kerja erdemu bayu, enggo teridah meros ras mekarus alu erbahan kerja e ersada wari maba belo selambar, pasu-pasu ras kerja adatna. Jenari gelar kerja e pe labo kerina gelarna “Kerja Erdemu Bayu”. Adi erjumpaken impal ntah lit hubungen perkade-kaden banci ikataken kerja erdemu bayu. Sabap lit ka nge gelarna “Kerja Petuturken” e me adi jumpa sitandan arah pendahin labo lit hubungen perkade-kaden, lit ka nge “Kerja Ngeranaken'” e me erkiteken labo arus enggo man rananken. Si enda me enggo perlu ipekena. Gelah alu bage, maka kalak si deban pe pagi ngidah maka kalak Kristen ngasup muat bagin guna ngelayasi ras mpelimbarui adat si banci maba pasu-pasu. Tentuna enda kerina palasna e me nuduhken keleng ate Kristus si erdahin i bas perdalanen peradaten.
- PERTOTON
Terpujilah Kam Dibata Bapa kami i bas keleng ateNdu si tetap isehkenNdu ku bas kegeluhen kami seh i bas paksa enda. KataNdu si enggo ialoken kami mpersingeti kami gelah tetap kami ngasup ngaloken jenari ngergai ras ngelayasi adat si enggo lit, gelah alu bage kehadiren kami ku bas setiap perdalanen peradaten banci maba pasu-pasu man sekelewet kami. Pengarapen kami gelah arah penampat KesahNdu Si Badia mpengasup kami guna ndalakenca erkiteken Tuhan Jesus Kristus. A min.
- DISKUSI
- Oge mulihi ayat 4; jenari turiken kai nge ertina ayat enda?
- Kai-kai saja nge akapndu i bas perdalanen adat-istiadatta enggo perlu ilayasi/ ipekena?
- Turiken pengalamenta i bas kehadirenta ku bas kerja erdemu bayu enggo maba pasu-pasu!
Adi jumanta deherken embang
Nuan page ula kal cubaken
Gia jamanta terus berkembang
Adat-istiadatta ula kal ilupaken
Pdt Kasir Purba, S.Th