Bahan PJJ 9-15 Juli 2023

MELUMBAR NAMBAHI KESANGAPEN
Nehemia 5:14-19

Sikap Nehemia yang tidak mencari keuntungan
5:14 Pula sejak aku diangkat sebagai bupati di tanah Yehuda, yakni dari tahun kedua puluh sampai tahun ketiga puluh dua pemerintahan Artahsasta jadi dua belas tahun lamanya, aku dan saudara-saudaraku tidak pernah mengambil pembagian yang menjadi hak bupati. 5:15 Tetapi para bupati yang sebelumnya, yang mendahului aku, sangat memberatkan beban rakyat. Bupati-bupati itu mengambil dari mereka empat puluh syikal perak sehari untuk bahan makanan dan anggur. Bahkan anak buah mereka merajalela atas rakyat. Tetapi aku tidak berbuat demikian karena takut akan Allah. 5:16 Akupun memulai pekerjaan tembok itu, walaupun aku tidak memperoleh ladang. Dan semua anak buahku dikumpulkan di sana khusus untuk pekerjaan itu. 5:17 Duduk pada mejaku orang-orang Yahudi dan para penguasa, seratus lima puluh orang, selain mereka yang datang kepada kami dari bangsa-bangsa sekeliling kami. 5:18 Yang disediakan sehari atas tanggunganku ialah: seekor lembu, enam ekor kambing domba yang terpilih dan beberapa ekor unggas, dan bermacam-macam anggur dengan berlimpah-limpah setiap sepuluh hari. Namun, dengan semuanya itu, aku tidak menuntut pembagian yang menjadi hak bupati, karena pekerjaan itu sangat menekan rakyat. 5:19 Ya Allahku, demi kesejahteraanku, ingatlah segala yang kubuat untuk bangsa ini.

(Diakonia Orat Nggeluh)

PERSIKAPEN

1. Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2. Nikapken ingan persembahen.
3. Nungkun ras nuratken topik pertoton sapaat.
4. Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
5. Sope benaken PJJ, banci kita rende alu make ende-enden pop rohani.
6. Janah kerina perdalanen PJJ enda banci iubah (imodifikasi) rikutken perluna.
7. Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.

RENDE: Kecaplah dan Lihatlah (IBABAI ANAK)

Kecaplah dan lihatlah
Betapa baiknya Tuhan itu
Rasakan dan nikmati
Kasih setia Tuhan
Syukur bagiMu Tuhan
Sgala hormat bagiMu Tuhan
Allah yang mengasihi
Allah yang mem’liharaku (Selamanya)

PERPULUNGEN JABU-JABU/PERPULUNGEN JABU

RENDE: KEE No. 205: 1 (IBABAI ANAK)

Rehlah min o, Tuhan, sikap kami krina
Ersembah man baNdu jenda
Nusurlah min Tuhan bahan sikap k’rina
Ukur kami pebadia
O Bapa, b’re gelah daten pasu-pasu, kami k’rina enda

ERTOTO (IBABAI NANDE)

RENUNGEN

Teks       : Nehemia 5:14-19 (logeken Bapa)

Tema     : Melumbar Nambahi Kesangapen

Lit sada kuan-kuan singatakenca pangen/sangapen mere asangken ngalo. Tapi kuan-kuan enda la piga si meng-aminkenca, sabap pangen denga kita rusur ngalo, riahen ras sangapen siakap geluhta adi ngalo (menerima). Sekalak penulis i Skotlandia si tergelar Thomas Carlyle nulisken “Adversity is hard on a man; but for one man who can stand prosperity, there are a hundred that will stand adversity.” (Kesulitan memang berat bagi seseorang; tetapi bagi satu orang yang tahan terhadap kemakmuran, ada seratus orang yang akan tahan terhadap kesulitan). Payo tuhu kutipen kalimat enda, sabap kemakmuren sinimaksud ijenda e me keberhasilen/kesangapen janah kalak si sangap/berhasil tentu sikap kal iakapna kegeluhenna secara materi. Tapi pentingen denga nge uga cara sekalak jelma si sukses/sangap e ngaturken kesangapen.

Nehemia iangkat jadi bupati i taneh Jehuda janah lit sepuluh dua tahun dekahna ia mimpin. Nabi Nehemia lit i bas posisi ija ia ngaloken “promosi” jadi gubernur Juda arah Raja Artaserses nari janah posisi enda mereken melala hak istimewa si banci nguntungken dirina jine ras sebalikna banci jadi sada kesempaten guna ngelakoken dahin Dibata reh mehulina. Godaan e iakui Nehemia lit guna nambahi baban si mberat man rayat si ipimpinna, rikut-ikut pe kerina jajaren (suruh-suruhen) simerentah paksa e muat untung man dirina, tapi sikap si ibuat Nehemia sebalikna “…Tapi aku la bage perbahanenku, sabap mbiar aku Dibata” Sada hal si angkai Nehemia, promosi e ialokenna i bas Dibata nari e maka ia ngelola hak istimewana selaku pemimpin, la encariken untung man bana saja tapi si ilakokena e me:

1. La ibuatna pangan si jadi hakna selaku sekalak gubernur (ay. .14)
2. La ibuatna pajak guna nambahi mberat baban jelma si enterem (ay. 15)
3. I bas ia mpekeri gegeh mpekena tembok pe la ibuatna selambar juma pe (ay. 16)
4. Gia pe kedudukenna meganjang tapi tetap ia metemue (ay. 17)
5. La ibuatna belanja Gubernur sabap kepate ia nandangi kecibal si enterem (ay. 18)

Alasen Nehemia la ngelakoken si banci erbahanca ia erdosa e me erkiteken ndungi pendahin si enggo iendesken man bana guna Tuhan saja. E maka pelayanen guna mpermuliaken Dibata i bas dahinna ngolangi ia guna erbahan dosa. Konsistensi Nehemia guna la muat untung man dirina pe iteruskenna ku kade-kade ras suruh-suruhenna.

Nehemia tuhu-tuhu mediate nandangi keperlun kalak si deban. Si enda erbahanca la ibuatna upahna janah lebihen asa si e, ia pe melumbar mere man jelma si enterem dingen metemue. Janah enda jadi orat nggeluh Nehemia si jadi usihen pe man banta guna la ngukurken dirinta jine; bage pe lit biak perkuah (kepate) nandangi teman manusia, mediate kita gelah si eteh uga beratna baban kalak si deban gelah ula kari si akap suin rusur ciningta asa ugah kalak si deban.

Mere alu melumbar i bas rangka pelayanen (diakonia) jadi mimbar man ngawan perpulungen guna erberita kerna kiniulin Dibata i bas geluhta. Enda me aksi nyata ngawan perpulungen i bas dalanken kata Dibata, arah nampati kalak i bas kesusahen janah ulihna tentu bagi pertoton Nehemia i bas ayat 19, “O Dibatangku… ingetlah min aku, gelah tambah kesangapenku”. Inget Dibata kita i bas kita mere dingen nampati e maka tambah me kesangapenta i bas ndalani kegeluhen. Guna nutup renungenta mari sioge ras-ras Perbahanen Rasul-Rasul 20: 35  “I bas si enda kerina, enggo kucidahken si man usihendu. Kita arus mejingkat erdahin guna nampati kalak musil. Ingetlah kata si ikataken Tuhan Jesus nina, “Malemen kap ate i bas mere asangken i bas ngalo.”

NURIKEN PENGGEJAPEN

• Bapa
• Nande
• Anak

DISKUSI

• Turiken pengalamenta i bas mere tapi la kekurangen!
• Kai si arus silakoken adi kita ngaloken kesangapen subuk jabaten entah pe buatenta?

RENDE KEE No. 272:1 (PERSEMBAHEN)

Ise kin kami enda o Bapa, maka kami ngasup mere baNdu
Labo ban gegeh kami o Bapa, Lako mere man Bandu
Reff:       Kai pe si lit i bas kami o Bapa
E kap bekas pemereNdu man kami
Enda sada bagin Bapa, ipersembahken kami

PERTOTON SAPAAT (IBABAI BAPA/PERTUA/DIAKEN/PENDETA)

• Notoken persembahen
• Gelah ngawan perpulungen turah ukurna guna mere janah nadingken pengangkan guna ndatken untung guna dirinta jine.
• Gelah ngawan perpulungen ibere kepentaren guna ngaturken usaha ras pendahin si lit.

KEE No. 202:1,3 (ibabai anak)

Ernalem gelah man Jesus, kula ukur tendingku
Endesken geluhndu baNa, keleng ateNa bandu
Reff:      Ernalem gelah, tutus min gelah
O Jesus ku bahan aku ernalem gelah
Ola lupa’rtoto baNa, ras kataken bujur pe
Mbue kapen pemereNa, ola lupa kita e                  Reff: …

PERTOTON TUHAN (IBABAI NANDE)

MOMO

JEDA RAS PENUTUP

Pdt. Erlikasna Br Purba, M.Th.

HP/WA: 081342206242