MANUSIA SI MBARU
Epesus 4:22-24
4:22 yaitu bahwa kamu, berhubung dengan kehidupan kamu yang dahulu, harus menanggalkan manusia lama, yang menemui kebinasaannya oleh nafsunya yang menyesatkan, 4:23 supaya kamu dibaharui di dalam roh dan pikiranmu, 4:24 dan mengenakan manusia baru, yang telah diciptakan menurut kehendak Allah di dalam kebenaran dan kekudusan yang sesungguhnya.
(Konfesi GBKP BAB IV: Manusia)
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
- Sope benaken PJJ, banci kita rende alu make ende-enden pop rohani.
- Janah kerina perdalanen PJJ enda banci iubah (imodifikasi) rikutken perluna.
- Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.
B. PERPULUNGEN JABU-JABU/PERPULUNGEN JABU
- Rende: Lagu Pujian “Tuhan Ku Mau MenyenangkanMu” (Ibabai Permata)
Tuhan kumau menyenangkanMu, Tuhan bentuklah hati ini
Jadi bejana untuk hormatMu, cemerlang bagai emas murni
Tuhan kuserahkan hidupku, semua kuberikan padaMu
Kuduskan hingga kudus selalu, agar aku menyenangkanMu
MenyenangkanMu, senangkanMu, hanya itu kerinduanku
MenyenangkanMu, senangkan Mu Tuhan
hanya itu kerinduanku
2. Rende: KEE No. 194: 1
Reff: Senang adi ras Jesus, malem ateta pe
Sidahilah penebus, je dat kita dame e
Begiken pendiloNa, marilah kam kerina
Si latih bas geluhna maka kam senang ka Reff:…
3. Ertoto (Bapa/Nande)
4. Renungen
Teks : Epesus 4:22-24 (iogeken Anak)
Tema : Manusia Si Mbaru
Manusia itepa Dibata sentudu ras tempasNa, si menam seri ras la alu tujun gelah ikuasaina kerina si itepa Dibata, ertuah jadi enterem ras naluken doni enda ras kerina isina. Tapi kedungenna manusia ndabuh kubas dosa si erbahanca tempas Dibata ndube jadi ceda. Tapi erkiteken lias ate Dibata manusa ndatken keterkelinen i bas Kristus. Labo bekas perbahanen manusia tapi erkiteken kiniulin Dibata si lanai lang-lang belinna Janah ise si nggeluh i bas Kristus ia me kap manusia si mbaru.
Paulus alu tegas ningetken perpulungen Epesus uga kin arusna nggeluh jadi manusia si mbaru. Manusia si mbaru arus nangtangi kegeluhenna si male e me kap manusia si nggeluh bagi si enggo-nggona, si meneken bana alu sura-surana si nipu. Manusia male la nggeluh nandai Dibata, la erguna perukurenna, dingen gelap pengertinna, mersik ukurna, la meteh mela janah ngelakoken si la mehuli alu la alang-alangen. Tapi selaku kalak si nandai Dibata tentu geluhna arus tetap ipelimbarui. Manusia si mbaru arus ipelimbarui pusuh ras perukurenna. Manusia si mbaru tentu encidahken kai si ngena ate Dibata. I bas kerina perbahanen ras perukurenna nuduhken tempas Dibata, dingen encidahken kegeluhen adil dingen badia.
Kegeluhen si mbaru si enggo ipelimbarui i bas Kristus enda tangkas teridah i bas kegeluhen si teptep warina. Em tandana kita manusia si enggo iselamatken Dibata si nggit terus ipelimbarui Dibata. Olanai erbual, adi merawa ola erdosa, ola bere kesempaten man si iblis, ola nangko tapi erdahinlah alu mehuli, belaskenlah kata-kata si banci nampati kalak, ola ceda ate Kesah Si Badia, tadingken cian ate, perampus ras penembeh, olanai siisak-isaken ntah pe sicekurak-cekuraken, ola erelem-elem tapi melias mesayanglah sapih-sapih kam dingen sialem-alemenlah bagi Dibata nggo ngalemi kam i bas Kristus.
I bas Konfesi GBKP BAB IV kerna manusia ikataken:
- Jelma manusia eme tinepa Dibata si sentudu ras tempasNa ras menam seri ras la, dilaki ras diberu siseri hakna (Kej.1: 26-27). Jelma manusia iperlengkapi Dibata alu pemeteh ras kepentaren bage pe irudang-rudangi alu kemulian ras kuasa (Mas. 8:6-7).
- Jelma manusia itepa i bas kiniersadan kula, kesah ras tendi, si arus ijaga guna mpemuliaken Dibata (Kej. 2:7; 1 Kor. 3:16; 6:17-20; 1 Tes. 5:23; Jak. 2:26).
- I bas jelma manusia lit kebebasen ngaloken pemere Dibata (bdk. Mat. 10: 12-14).
- Jelma manusia ndabuh ku bas dosa erkiteken kinilapatuhenna man Dibata ras seri atena ia ras Dibata (bdk. Kej. 3:1-24; Rom. 5:12). I bas kinierdosan jelma manusia lanai lit turah ukurna ras gegehna njumpai Dibata (Rom. 3:10-18; 1 Kor. 1:18-31), emaka jelma manusia nggo perimbang ras Dibata si patut ndatken ukumen rasa lalap.
- Jelma manusia banci mulihi ersada ras Dibata arah Jesus Kristus ngenca (Joh. 14: 6, 11:25, 3:16).
Arah konfesi nta enda iperjelas mulihi man banta maka i bas Kristus me kita enda jadi tinepa si mbaru. Jenari arus sicidahken biak-biak si mehuli sebage tanda kita enggo nandai Kristus. Tentuna i bas makeken geluh si mbaru enda melala tantangenna. Tapi tetaplah erpengendes man Tuhan si ngasup engkelini kegeluhenta erkiteken Jesus Kristus kap Tuhan ras Juruselamatta. Siberekenlah pusuh ras perukurenta ipelimbarui Dibata alu bage ngasup kita ndalanken kai singena ate Dibata. Ertambahna ka biak si mehuli i bas kegeluhenta janah ngasup pe kita jadi saksi nandangi enterem jelma.
5. Nuriken Penggejapen: Bapa, nande, anak
6. Diskusi/sharing
1. Turikenlah pengalamenndu kerna ngenanami kegeluhen si mbaru i bas Kristus.
2. Kai nari tole iakapndu si man pekenan i bas dirindu si erbahanca teridah maka kita enda manusia si enggo iselamatken Dibata.
7. Persembahen: Rende KEE No. 444: 1,3 (ibabai Bapa)
Lit paksana merdang, lit ka paksa peranin
Lit paksana ngadi, lit ka paksa erdahin
Kerina erpaksa-paksa, nggeluh ibabo doni
Tapi katawari gia, Tuhan saja sipuji
Jumpa pencarinta, ban sampur pemereNa
Sikataken bujur, ras ermengkah ateta
Perkuah ate Dibata, la kap erkeri-kerin
Marilah sipuji Tuhan, si dem bas kiniulin
8. Pertoton Sapaat
1. Persembahen
2. Gelah kerina ngawan perpulungen GBKP tetap ibereken kengasupen guna nggeluh bagi sinisuraken Tuhan (ibaba bapa)
3. Si turah bas perpulungen/jabu (ibabai anak/nande/ serayan)
9. Rende KEE No. 500:1 (ibabai anak)
Perkuah ateNdu ngenca pengarapenku
Labo lit si deban si pengasup aku
Malem me ateku nggeluh teruh kabengNdu
Isikapken Tuhan k’rina kegeluhen
Bagem kepe tuhu keg’luhen anak Tuhan
Si tetap ngarapken perkuah ate Ndu
10. Pertoton Tuhan (ibabai Serayan/Bapa/Nande)
11. Momo
C. JEDA RAS PENUTUP
Pdt. Siska F. br Tarigan, S.Th, M.M
HP/WA: 082366135