Bahan PJJ 07- 13 Mei 2023

May 9, 2023 Writer-1 Sektor Betlehem, Sektor Filipi, Sektor Galilea, Sektor Hermon, Sektor Kana, Sektor Korinti, Sektor Roma, Sektor Yerusalem 0

KINIULIN RAS KEBUJUREN

Masmur 25: 21

Ketulusan dan kejujuran kiranya mengawal aku, sebab aku menanti-nantikan Engkau.

A. PERSIKAPEN

  • Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
  • Nikapken ingan persembahen.
  • Nungkun ras nuratken topik pertoton sapaat.
  • Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken i bas teptep jabu ngawan perpulungen, maka perdalanen PJJ ibabai bapa, nande, bage pe anak.
  • Sope benaken PJJ, banci kita rende alu make ende-enden pop rohani.
  • Janah kerina perdalanen PJJ enda banci iubah (imodifikasi) rikutken perluna.
  • Erdandanken perpulungen jabu-jabu e me ingan sharing grup/wadah kesaksin e maka mehuli leben pandita, pertua, diaken, entah emeritus nuriken Kata Dibata.

B. Perpulungen Jabu-jabu/ Perpulungen Jabu

Rende “Bohong itu Dosa”

Aku senang jadi anak Tuhan, aku senang jadi anak Tuhan
Aku senang jadi anak Tuhan, Anak Tuhan tidak boleh bohong
Bohong, bohong, bohong itu dosa
Bohong, bohong, bohong itu dosa
Bohong, bohong, bohong itu dosa
Anak Tuhan tidak boleh bohong

  1. KATA PENGALO-NGALO (I babai Nande)
  2. ERTOTO (I babai Bapa)
  3. RENUNGEN

Teks : Masmur 25: 21 (babai Anak)

Tema : Kiniulin ras Kebujuren

Kiniteken, kiniulin ras kebujuren arusna sendalanen. Ija lit kiiniteken arusna min lit ije kiniulin ras kebujuren. Oratna min kalak si erkiniteken biakna mehuli ras bujur. Tapi adi nulih kita kempak kinata si lit, megati petembil antara kiniteken ras biak-biak si lit. Kiniteken man Tuhan ningen lit tapi mesera denga ngelakoken kiniulin ras kebujuren.

Kiniulin ras kebujuren si tuhuna mbelang pengkenaina. Sabap e la terjeng ngerana kerna biak ntah pe tabiat. Piga-piga peneliti ilmiah nuriken maka kiniulin ras kebujuren erkawiten ras kesehaten mental (jiwa), perekonomian, bage pe pola relasi sosial. Anita E. Kelly Profesor Psikologi Universitas Notre Dame (2012) nuriken “semakin sedikit seseorang berbohong maka ia semakin sehat dan bahagia”. Keterangen Kelly enda nuriken kawiten antara kebiasan erbual ras ketenengen ukur sekalak jelma. Kalak si megati erbual rusur la tenang geluhna. Peneliti si deban e me Alain Cohn ras si debanna. la neliti kerna hubungen antara kebujuren, kiniulin ras kemajun ekonomi sada negara. Kepeken adi la lit kebujuren melala padan ilanggar, kontrak la isehi, pajak la igalari, e maka dungna pemerintah pe jadi korup. Kedungenna banci ipastikan adi la lit kejujuren, perkembangen ekonomi pasti tersendat kerina.

Ulih Penelitin si erbahanca sengget e me: kepe kiniulin ras kebujuren si ganjangna ijumpai i negara-negara barat si menurut kalak Asia kalak enda liberal ras kurang erkiniteken (bdk. Tulisan Nancy T. Ammerman i bas bukuna Everyday Religion). Sementara tingkat kinulin ras kebujuren terendah ijumpai i negara-negara Asia bagi Cina, Malaysia ras Indonesia (Jonatan Schulz dalam New York Times). Si eteh ras-ras khususna Indonesia bage pe Malaysia e me kap negara si idominasi kalak si eragama, amin bage tingkat kiniulin ras kebujurenna terendahi antara negara-negara si deban. Keterangen enda negasken maka kalak si eragama lenga tentu nggeluh alu bujur ras mehuli. Enda pe sekaligus jadi kritik man agama-agama i Asia khususna Indonesia. Ternyata agama lenga ngasup nuanken nilai kebujuren ras kiniulin i bas masyarakat.

Penungkunen terdauhen e me, kai kin sabapna maka kebujuren ras kiniulin lenga jadi tata nilai i bas geluhta? Pemena, kultur (budaya) i bas penelitian Schulz salah sada penyumbang terbesar nandangi tata nilai kebujuren ras kiniulin. Negara-negara Skandinavia (Barat) cenderung terbuka, mobilitasna tinggi, bage pe la tading ras keluarga. Sementara negara-negara Asia cenderung lebih ndeher ras keluarga. Enda erbahanca nama baik, gelar merim i tengah-tengah masyarakat megati jadi faktor penting si erbahanca kalak erbual, la ertanggungjabab bage pe la nggit ngakui kesalahen amin gia nggo ketunduken erban salah.

Si peduaken, pola didik i tengah jabu kepeken faktor si deban si erbahanca kalak jadi jujur ras mehuli. Anak si meganjangsa tuntuten man bana kitik-kitik nari (harus pintar, juara sada rsd) cenderung jadi anak si perayaken geluhna e me kap sempurna, mesera ngaloken kekalahen, kegagalan bahkan kekurangan. Lebih asa si e tekanan arah ukumen alu erbage cara (ijunguti, isergang, igetuk, iparap, rsd) kepeken labo mendidik anak jadi anak si jujur. Sabap adi jujur ras ngaku salah ia, ndatken ukumen.

Peteluken, “menyepelekan kebohongan kecil.” Megati kita mentolerir/memaklumi kebohongen-kebohongen kecil. Piah dungna erbual nggo jadi biak. Penelitian Dr. Tali Sharot, Dr. Neil Garett ras Dr. Raliza Stoyanova dari University College London (UCL) tahun 2016 ncidahken fakta maka, “Kebohongan kecil akan membuat otak manusia menjadi tidak peka dan hal itu dapat mendorongnya untuk mengatakan kebohonggn lebih besar di masa depan”. E maka si tuhuna erbual si iadi biak sekalak jelma i bas wari enda labo rempet jadi, tapi enggo kitik-kitik nari ibenakenna jenari piah dungna otakna (brain) lanai peka, susah mbedaken ras ngantusi kai ulih erbual nandangi dirina bage pe kalak si deban. Korupsi, fitnah ras adu domba banci ipastiken ibenai alu kebohongan-kebohongan kecil si itolerir ndube.

Enda me pentingna tata nilai kiniulin ras kebujuren sue GBP GBKP. Erkiteken kiniulin bage pe kebujuren melala bagin si deban i bas kegeluhenta (kesehaten mental, ekonomi, kemajun individu bage pe negara) e maka perlu terus ilumbaken gelah jadi nilai i bas geluhta. Bagi Daud i bas Mazmur 25: 21 si ngampeken pertoton man Tuhan i bas kesusahenna, “Kiniulin ras kebujurenlah si ngkawali aku, sabap aku ernalem man baNdu.” Ngkai maka enda jadi pemindon Daud? Erkiteken i bas kesusahenna paksa si e, imbang-imbangna sangana nimai guna mpermelaken ia.

Musuh megati labo ngelawan arah medan perang tapi ndarami titik lemah i bas karakter musuhna. Ndabuhken musuh banci ilakoken alu mpebelang keburukenna. Biasana enda erkawiten ras integritas (biak ras tata nilai). Enda me si jadi i bas Daud. E maka ertoto ia, “Kiniulin ras kebujurenlah si ngkawali aku, sabap aku ernalem man baNdu.” Adi bujur ras mehuli labo lit dalan imbangna guna ndabuhken ia. I bas imajinasi Daud kalak si ernalem man Tuhan, kiniulin ras kebujuren me si Kata “si ngkawali” i bas bahasa aslina banci iterjemahken preserve (tetap bertahan, terjaga kuat). Sada hal si enggo “mengkarakter” si enggo leket megegeh i bas dirita. Enda me si imaksudken Daud, kebujuren ras kiniulin nggo jadi biakna min sabap ia ernalem man Dibata. Amin pe i tengah tekanen musuh, biak bujur ras mehuli tetap min teridah gelah la lit dalan kalak guna mpermelaken ras ndabuhken ia.

Salah sada tata nilai si jadi prinsip geluh organisasi bage pe individu sue ras GBP GBKP (2021-2025) e me kebujuren. Kebujuren iarapken banci jadi nilai (karakter) kalak si ngaku maka ia kalak si ernalem man Tuhan bagi Daud. Mela min Si akap tiap si belasken pengakun kinitekenta tapi erbual korupsi, adu domba, la ertanggungjabab jadi biak-biakta subuk i bas jabu, dahin bage pe pelayanenta. Cara si paling sederhana me rembak ras Kata Dibata dingen ndalankenca. Peka nandangi moralitas kulturta si kimawun nama baik lebih penting asangken nilai kebujuren. Jenari perdiateken pola asuh (didikenta) nandangi anak-anakta. Merawa-rawa, ukumen, terlalu menuntut sempurna nandangi anak megati mabai anak-anak lanai pang bujur. Si terakhir e me ula tolerir/maklumi kebohongen uga pe kitikna. Ope denga jadi biak pengadilah erbual gia masalahna mungkin labo seriussa. Kebohongan kecil adalah sumber semua kebohongan besar.

  1. NURIKEN PENGGEJAPEN: Bapa, Anak, Nande
  2. DISKUSI:
  • Uga nge penggejapenndu adi ietehndu kalak la bujur man bandu (subuk bas bisnis, dahin, hubungen suami-istri, rsd)?
  • Lit nge akapndu kawitenna antara kebujuren ras kesehaten mentalta (ketenengen perukuren) bage pe kiniulin jabu ras ekonomita? Adi lit turiken contohna.
  1. PERSEMBAHEN, Rende KEE No. 451:1

Malerlah pasu-pasuNdu, bagi ni padankenNdu
Gegeh ras ukur si paguh, tetap ibereken Ndu
Pasu-pasuNdu, em ulu gegeh kami
Enggo kap maler me tuhu, si ndemi geluh kami

  1. PERTOTON SAPAAT
  • Persembahen (anak)
  • Gelah perpulungen ngasup nggeluh i bas kinulin bage pe kebujuren (diaken)
  • Perpulungen si sangana sakit (pengurus pjj)
  • Si mada jabu ras si turah i bas perpulungen (Si ngerakut)
  1. RENDE KEE No. 249: 1

Ajar aku o Tuhanku, make Kata ras PedahNdu
Kueteh payo ras ntudu, kuikutken bas geluhku
Si agikut Pedah Dibata, daten me kerembakenNa
Pedah Kata tangkas k’rina, em jadi gelementa

  1. PERTOTON TUHAN
  2. MOMO
  3. JEDA RAS PENUTUP

Pdt. Raharja Sembiring, M.Th.

HP/WA: 085370897175

Post Views: 2,109