Bahan : Daniel 1:8-19
Tema : Pentar Njaga Kesehaten
Tujun : Gelah Mamre:
- Meteh kuga Daniel ras teman-temanna njaga kesehatenna guna kesetiaan man Tuhan ras kesehaten kulana.
- Nggit njaga kesehaten arah njaga perpan, inemen, obat- obaten, pertunduh ras sidebanna.
1:8 Daniel berketetapan untuk tidak menajiskan dirinya dengan santapan raja dan dengan anggur yang biasa diminum raja; dimintanyalah kepada pemimpin pegawai istana itu, supaya ia tak usah menajiskan dirinya. 1:9 Maka Allah mengaruniakan kepada Daniel kasih dan sayang dari pemimpin pegawai istana itu; 1:10 tetapi berkatalah pemimpin pegawai istana itu kepada Daniel: “Aku takut, kalau-kalau tuanku raja, yang telah menetapkan makanan dan minumanmu, berpendapat bahwa kamu kelihatan kurang sehat dari pada orang-orang muda lain yang sebaya dengan kamu, sehingga karena kamu aku dianggap bersalah oleh raja.” 1:11 Kemudian berkatalah Daniel kepada penjenang yang telah diangkat oleh pemimpin pegawai istana untuk mengawasi Daniel, Hananya, Misael dan Azarya: 1:12 “Adakanlah percobaan dengan hamba-hambamu ini selama sepuluh hari dan biarlah kami diberikan sayur untuk dimakan dan air untuk diminum; 1:13 sesudah itu bandingkanlah perawakan kami dengan perawakan orang-orang muda yang makan dari santapan raja, kemudian perlakukanlah hamba-hambamu ini sesuai dengan pendapatmu.” 1:14 Didengarkannyalah permintaan mereka itu, lalu diadakanlah percobaan dengan mereka selama sepuluh hari. 1:15 Setelah lewat sepuluh hari, ternyata perawakan mereka lebih baik dan mereka kelihatan lebih gemuk dari pada semua orang muda yang telah makan dari santapan raja. 1:16 Kemudian penjenang itu selalu mengambil makanan mereka dan anggur yang harus mereka minum, lalu memberikan sayur kepada mereka. 1:17 Kepada keempat orang muda itu Allah memberikan pengetahuan dan kepandaian tentang berbagai-bagai tulisan dan hikmat, sedang Daniel juga mempunyai pengertian tentang berbagai-bagai penglihatan dan mimpi. 1:18 Setelah lewat waktu yang ditetapkan raja, bahwa mereka sekalian harus dibawa menghadap, maka dibawalah mereka oleh pemimpin pegawai istana itu ke hadapan Nebukadnezar. 1:19 Raja bercakap-cakap dengan mereka; dan di antara mereka sekalian itu tidak didapati yang setara dengan Daniel, Hananya, Misael dan Azarya; maka bekerjalah mereka itu pada raja.
I. KATA PENARUH
Ibas sada survei si ibahan majalah Success Megazine, ipindoken 3 perkara ibas 12 hal si iakap kalak selaku lambang (tanda) kesuksesen. Jababna: Kesehaten si mehuli (58%), pendahin si maba keriahen/menyenangkan (49%), keluarga si sempabu/bahagia, pikiren si tenang (34%), teman si mehuli (25%), kepentaren (15%), sen si melala (11%), talenta (7%) keberuntungen (6%), mobil mewah (2%), rumah mewah (1%). Arah survei enda maka maka kesehaten eme si paling penting selaku simbol kesuksesen. Umumna, kerina kalak merhat nggeluh sehat, termasuk Mamre GBKP.
Arah bahan PA Mamrenta sendah, kita erlajar uga menjaga kesehaten arah pedah-pedah Dibata si banci sigar-gari rikut kengasupenta. Tek kita maka kata Dibata e me kebenaren ras ngasup nerangi kita guna nggeluh sehat. Adi arah sudut ilmu medis, tentu banci siundang dokter atau ahli si terkait, si banci mereken pencerahen man banta.
II. PELIKASI (URAIAN) TEKS
1. Kitab Daniel itulis sekitar tahun 536-530 SM. Kita enda nuriken kejadin, menaken penyerangen raja Nebukadnesar ku Jerusalem (tahun 605 SM) seh tahun peteluken tahun pemerentahen raja Kores (536 SM). Si jadi latar belakang kitab enda eme kota Babil, 70 tahun masa pembuangen (Jer. 25:11).
2. Daniel antusenna “Dibata kap Hakimku”. la ras temanna Henaya Misael ras Asaria nguda denga asum bangsa Israel italuken ras ibaba jadi tabanen ku Babil. Gelar kalak enda denggo iganti jadi Beltasar, Saderah, Mesah, ras Abednego (ay.7). Daniel ras teman-temanna paguh ibas kiniteken (Dan.1:8), kesusuren raja ras kalak bayak (Dan. 7: 3).
3. Kiniteken Daniel ras temanna man Dibata terinternalisasi alu mbages bas geluhna. Kinitekenna e mpengaruhi perukuren, pengerana ras perbahanenna. La terjeng pengaruh, tapi ngerajai geluhna. Enda teridah asum Daniel ras teman-temanna terpilih jadi calon (kandidat) si erdahin i istana raja Babil. lbas proses pendidiken setingkat diploma (3 tahun) enda, lit persyaraten si arus ikuti kerina peserta: man ras minem si enggo isikapken pihak istana. Arah pengidah kalak enda, lit piga-piga bagin si la sue ras hukum Musa (band. Im. 11; Ul. : 4), ntah pe pangan e pangan si ipersembahken man berhala kafir. E maka la kalak enda nggit ngelanggar aturen agamana, la kalak e nggit man ras minemsa.
4. Ipindoken Daniel ras teman-temanna penampat man Aspenas gelah banci ia ngikutken aturen agamana ibas proses pendidiken e. Saja, amin pe ibas penjujuri Dibata, melias ras mesayang Aspenas man kalak enda, isadarina maka aturen raja arus idalanken. Adi lang. kesah taruhenna. E maka alu tegas jagana gelah kerina aturen arus ilaksanaken kerina peserta (Dan.1:10). Menghadapi ketegasen Aspenas, Daniel ras teman-temanna la menyerah. Ibanna pendekaten man penjaga si enggo isuruh Aspenas. Ipindo kalak enda pengujin sepuluh wari alu man gule-gulen ras lau. Je nari, ibandingken hasilna arah peserta si ngaloken menu kerajaan. Arah hasilna denggo, iban penjaga e keputusenna. Penjaga e sepakat nandangi usulen kalak enda. Kenca sepuluh wari, ulin rupa Daniel ras teman-temanna. Mbestangen daging kalak e asangken kerina peserta sidebanna (ay.15). Erpalasken sie, Daniel ras teman-temanna ibereken penjaga e gulen-gulen ras lau. La ngaloken pangan raja ras lau anggur lanai ibereken man bana.
5. Man Daniel ras teman-temanna ibereken Dibata pemeteh ras kebeluhen kerna erbage-bage surat rikut ras kepentaren sideban. Tambah sie, man Daniel ibereken Dibata pe kebeluhen lako ngertiken pengenehenen ras nipi (ay.17). Kenca seh telu tahun, kerina peserta ibaba ku istana gelah ercakap-cakap ras raja Nebukatnesar. Si ngenana atena eme Daniel, Hanaya, Misael ras Asaria. laloken me kalak e empatna jadi si erdahin ibas istana raja. Sepuluh kali lipat beluhen kalak e asangken quru-guru si beluh ngoge nasib ras guru-guru si permangmang ibas njabab kerina persoalen ras penungkunenraja.
III. PENGKENAINA
1. Tema PA Mamrenta sendah: Pentar Njaga Kesehaten. Tema enda sangat relevan ku kegeluhen Mamre masa kini. Engkai? Melala denga kita Mamre si lenga maksimal njaga kesehatenta. Terjeng merhat sehat, e melala. Meteh teori uga maka sehat pe, labo ka kurang. Tapi, mpraktekken nggeluh sehat, e nge si mungkin perlu terus sipelajari ras sidalanken. Sabab, ibas inatana, lit Mamre si nguda denga pe enggo sakit, bahken rujung geluhna. Banci jadi, e erkiteken kurang njaga kesehaten.
2. Engkai maka perlu kal Mamre pentar njaga kesehatenna? Pemena, kulanta enda eme ingan Kesah si Badia. Kita enggo mahal itebus Dibata alu Kesah ras darehNa i Golgota. Alu e, kita enggo ipebadiaken, iserapken gelah geluhta jadi alat Tuhan guna nehken kiniulinNa. E maka kulanta enda eme persembahen si mbelinna man Tuhan (Rm.12:1; band. Kol.3:17). Peduaken, guna kiniulin geluh. Adi sehat Mamre, melala kal banci turah keriahen ras kiniulin ibas kegeluhen enda: Ibas jabu, perpulungen, lingkungen ras sidebanna. Kita bugar ras produktif. Tapi, adi Mamre sakit ntah pe rujung geluhna, banci sibayangken penderitaan Moria, anak-anak, sangkep geluh, perpulungen, termasuk pemerintah pe. E maka penting kal kita Mamre menjaga kesehatenta.
3. Uga kita njaga kesehatenta? Arah penjelasen bahan PA Mamrenta, lit piga-piga hal si banci si sirenungken ras sidalanken:
a. Ketaaten man Tuhan. Ketaaten Daniel ras teman-temanna man Tuhan eme kunci utama kesehatenna. Ibas Jesaya 26:3 ikataken, “O Tuhan, iberekenndu kap dame situhu-tuhu man kalak si tetap ukurna, dingen si ernalem man bandu.” Kata “dame si tuhu-tuhu”, bahasa aslina eme ‘syaloom” (perfect peace, damai yang sempurna). Syalom ertina keadaan baik secara jasmani ras rohani. Kalak si payo tek ntah pe patuh man Tuhan iberekenNa kesehaten jasmani ras rohani. Termasuk pe menejemen pengelolaan masalah ntah konflik kita isampati Tuhan. Enda teridah ibas sikap Daniel ras teman-temanna ibas menghadapi penolaken Aspenas kerna pemindonna. La ia putus asa, tapi tetap ndarami solusi alu tenang ras diplomasi.
b. Pangan si sehat. Daniel ras teman-temanna mindo gelah ia man gule-gulen ras lau. Ertina man sabu (sayur dan buah). Ibas Kejadin 1:29, ikataken Tuhan, “Kubereken man panganndu kasakai sinuan-sinuan si erbuah ibabo doni enda ras kerina batang kayu si erbuah si lit sinuanna ibas buahna.” Arah ketentun Dibata enda, jelas maka mula-mulana nari Dibata mendisain maka si terbaik guna kula manusia eme gulen ras buah-buahen. Manusia si man sayur ras buah seh umurna 969 tahun. Kenca enggo ipanna daging, umur manusia reh gendekna, teluratusen, seh gundari sekitar 120 tahun. Ertina, Mamre perlu mperdiateken pangan si sehat ras erguna ku kesehaten kulana.
c. Penguasan diri. Daniel ras teman itawarken pangan si ntabeh, pangan standar kerajaan. Tapi itulakna, erkiteken la sue ras aturen agama. Jadi lit ije penguasaan diri. Rasul Paulus nuriken, maka salah sada buah Kesah si Badia eme engkuasai diri (Gal.5:23). Melala kal si banci sihindari bahaya adi Mamre mampu erpantangen ntah menguasai diri. Melala kal pinakit si turah erkiteken la terkuasai kita dirinta nandangi pangan, sierbahan naik kolestrol, asam urat, tensi, gula darah, obesistas ras sidebanna. Mbuesa minem, mbuesa man, mbuesa olah raga, mbuesa medem, mbuesa erdahin ras seterusna pe labo mehuli ku kesehaten. Jadi penguasaan diri perlu kal adi ateta sehat.
IV. DISKUSI
1. Arah bahan PA Mamrenta, persinget kai si idat guna njaga kesehatenta?
2. Kai nge si mbuena kal ncedai kesehaten Mamre ibas jamanta enda?
- USULEN ENDE-ENDEN
- KEE GBKP No. 205:1-2
- KEE GBKP No.. 323:1-2
- KEE GBKP No. 302:1-2
- KEE GBKP No.. 329:1.3
Pdt. Arapen Peranginangin, M.Th
HP/WA O81362120955