PULUNG NGATURKEN DAHIN
Perbahanen Rasul-Rasul 6:1-7
(Musyawarah Warga Sidi Runggun)
Tujuh orang dipilih untuk melayani orang miskin
6:1 Pada masa itu, ketika jumlah murid makin bertambah, timbullah sungut-sungut di antara orang-orang Yahudi yang berbahasa Yunani terhadap orang-orang Ibrani, karena pembagian kepada janda-janda mereka diabaikan dalam pelayanan sehari-hari. 6:2 Berhubung dengan itu kedua belas rasul itu memanggil semua murid berkumpul dan berkata: “Kami tidak merasa puas, karena kami melalaikan Firman Allah untuk melayani meja. 6:3 Karena itu, saudara-saudara, pilihlah tujuh orang dari antaramu, yang terkenal baik, dan yang penuh Roh dan hikmat, supaya kami mengangkat mereka untuk tugas itu, 6:4 dan supaya kami sendiri dapat memusatkan pikiran dalam doa dan pelayanan Firman.” 6:5 Usul itu diterima baik oleh seluruh jemaat, lalu mereka memilih Stefanus, seorang yang penuh iman dan Roh Kudus, dan Filipus, Prokhorus, Nikanor, Timon, Parmenas dan Nikolaus, seorang penganut agama Yahudi dari Antiokhia. 6:6 Mereka itu dihadapkan kepada rasul-rasul, lalu rasul-rasul itupun berdoa dan meletakkan tangan di atas mereka. 6:7 Firman Allah makin tersebar, dan jumlah murid di Yerusalem makin bertambah banyak; juga sejumlah besar imam menyerahkan diri dan percaya.
I. PERSIKAPEN
• Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
• Nikapken ingan persembahen.
• Nungkun ras nuratken topik pertoton sapaat.
• Kune i bas sektor entah jabu kepkepen, perdalanen PJ ibabai Pertua, Diaken, Pengurus PJJ, bage pe sekalak si enggo iaturken idur pengurus PJJ. Adi kune PJJ ilakoken I bas teptep jabu ngawan perpulungen, maka perdalanen PJJ ibabai bapa, nande, bage pe anak.
• Sope benaken PJJ, banci kita rende alu make ende-enden pop rohani.
• Janah kerina perdalanen PJJ enda banci iubah (imodifikasi) rikutken perluna.
• Erdandanken perpulungen jabu-jabu e me ingan sharing grup/ wadah kesaksin e maka mehuli leben pandita, pertua, diaken, entah emeritus nuriken Kata Dibata.
II. PERPULUNGEN JABU-JABU/ PERPULUNGEN JABU
1) Rende: KEE 205: 1 (ibabai nande)
https://youtu.be/8bzr3hnJdrU
Rehlah min o Tuhan, sikap kami k’rina
Ersembah man baNdu jenda
Nusurlah min Tuhan, bahan sikap k’rina
Ukur kami pe badia
O Bapa, b’re gelah, daten pasu-pasu, kami k’rina enda
2) Ertoto (ibabai bapa)
3) Rende: KEE No, 204: 1,4 (ibabai nande)
https://www.youtube.com/watch?v=f_MriYd4zXo
Kata ni Dibata, seh kal e perluna, bas geluh enda
Ogelah Pustaka, je lA ngerana, man banta k’rina
Gegeh i bas geluhku, kataNdu situhu-tuhu, ras pasu-pasuNdu
Nguda ras metua, perlu ngalokenca, kata Dibata
Tah ijapa gia, ola lupa kita, em ban temanta
Sampatlah min o Tuhan, gelah kuteh kai kubahan
Man kerina teman
4) Renungen
Teks: Perbahanen Rasul-Rasul 6:1-7 (iogeken anak)
Tema: Pulung Ngaturken Dahin
Si jadi bahan PJJ sekali enda e me bagin sinuriken uga kecibal/situasi perdalanen pelayanen i bas perpulungen si pemena si sangana berkembang pesat. Perbahanen Rasul-rasul 2:41 nuriken, tupung Petrus ngerana man kalak si enterem, bas wari e lit kira-kira 3.000 kalak bengket kubas perpulungen e. Pertambahen jumlah perpulungen pe iikuti ras persoalen pelayanen.
E maka urusen gereja si tuhuna lanai bo terjeng kiniteken perpulungen saja ngenca tapi pe seh ku bas uga ngendesken diakonia alu mehuli. Si enda ilakokenna alu mpersada gegeh si lit (Perb. 4:32) gelah banci ipakeken guna nampati perpulungen si man sampaten.
Salah sada tujun pelayaneni bas paksa e, e me nampati diberu balu-balu (janda-janda). Kai si ilakoken e tuhu-tuhu sada pelayanen si mehuli. Tapi kepeken i bas perdalanenna pelayanen enda (nampati diberu balu-balu) mpeturah perubaten i tengah-tengah perpulungen. Perubaten antara kalak Jahudi si make cakap Junani ras kalak Jahudi si make cakap Jahudi. Sabap kalak si mbalu i bas terpuk kalak Jahudi si make cakap Junani la ngaloken bagin i bas pemere si arusna ialoken teptep wari.
Erkiteken persoalen enda ipepulung rasul-rasul me kerina kalak si tek (perpulungen) guna milih pitu kalak i bas la nari gelah ngaturken dahin e. Kai si ilakoken rasul-rasul e jadi gambaren:
• Kesadaren rasul-rasul e kerna “keterbatasenna” guna ngaturken kerina dahin si lit. Sabap paksa e si ngaturken pembagin e me rasul si sepuluh dua kalak (Perb. 4:35).
• Rasul-rasul mulihi isedarken kerna kai si jadi tugas pokok si arus ilakokenna selaku rasul. Alu litna pitu kalak si nampati rasul-rasul e ertambah kesempatenna guna nehken tugas pokokna, e me meritaken kata Dibata.
• Rasul-rasul mabai kerina perpulungen guna radu ras ertanggungjabab i bas dahin pelayanen. E maka gelar-gelar si pitu kalak e rehna labo i bas rasul-rasul nari, tapi reh I guna bas kai si jadi ulih perukuren kerina perpulungen.
Temata e me PULUNG NGATURKEN DAHIN. Arah oratenta ibabai kita ngenen mulihi, seh i ja nge ndia enggo si gejapken dahin pelayanen i bas gerejanta jadi dahinta ras. Engkai maka enda iperluken? Sabap adi si gejapken dahin gereja e dahinta, tentu guna ndahiken dahinta labo lit dalanna la kita nggit pulung guna ngaturken dingen ndahiken dahin e.
Sabap e dahinta ras ulihna pe tentu man banta ka nge. Erkiteken maka ula kal kita la mediate kerna “Musyawarah Warga Sidi Runggun” bagi si enggo iaturken i bas gerejanta. Sabap e jadi dalanta lako banci nguraki kai si jadi kelemahen i bas gerejanta. I bas Tata Gereja, Tata Laksana Pasal 164 “Musyawarah Warga Sidi Runggun” e me jadi inganta lako mereken masuken-masuken guna ibaba ku Sidang Majelis Runggun lako jadi keputusen. Penting kal masuken-masuken e aminna gia lenga jadi sada keputusen. Sabap e banci jadi dalanta lako nampati Majelis Runggun bage pe unit-unit pelayanen i bas ngukuri teptep dahin si enggo ibereken sue ras “job deskription”na. Sabap masukenta e nambahi “wacana” Majelis Runggun bage pe unit-unit ngaturken dahin pelayanen gerejanta. Sabap erbaleng kal kengasupenta adi si sada ngukurken kerinana. E maka kai si terukuri kita lenga tentu turah i bas ukur temanta.
Perlu si inget kai gunana muat bagin i bas Musyawarah Warga Sidi Runggun, e me:
• Dalanta njaga “rasa memiliki” ras bukti keleng ateta nandangi gerejanta.
• Dalanta “mengevaluasi” kerina perdalanen pelayanen si lit sedekah enda.
• Nguraki kemungkinen dahin pelayanen e jadi persoalen i bas gerejanta.
E maka i bas kita ersikap guna ngelaksanaken Musyawarah Warga Sidi Runggun bas gerejanta, mehuli kal si bangun diskusi i bas jabu bage pe sektor ta. Segelah dikune i bas pelaksananna alu sistem utusen gia, kerina pemikiren-pemikiren si turahi bas perpulungen banci seh ku Musyawarah Warga Sidi Runggun erkiteken enggo ipersada i bas sektor si man baban utusen ku bas Musyawah Warga Sidi Runggun e. Sue ras tujun “Musyawarah Warga Sidi Runggun” e me, jadi kesempaten perpulungen i bas nehken pemikiren “usul/masuken”, e maka asa bancina sebandinglah masuken ras penungkunen. Selamat ersikap i bas ngelakoken Musyawarah Warga Sidi Runggun i bas runggunta.
5) Nuriken Penggejapen (Bapa, Nande, Anak)
• Rende: KEE No. 182: 2 (ibabai anak)
O Tuhan Kam tetap, ajarilah aku
Lah kai pe si kuban, mehuli man baNdu
Reff: O Tuhan rasa lalap, geluhku temani
Ola tadingken aku, ras Kam tetap
6) Diskusi:
- I bas kita enggo ngelakoken Musyawarah Warga Sidi Runggun sedekah enda, kai nge dampak positif si enggo teridah khususna arah penyusunen bage pe pelaksanaan program kerja i tengah-tengah runggunta?
- Selaku perpulungen, sedekah enda enggo nge lit persikapenta secara pribadi guna Musyawarah Warga Sidi Runggun i bas runggunta? Adi enggo, kai kira-kira lenga, kai nge ndia sabapna?
7) Nehken Persembahen: Rende KEE No. 202:1-2 (ibabai nande)
Ernalem gelah man Jesus, kula ukur tendingku
Endesken geluh ndu baNa, keleng ateNa bandu
Reff: Ernalem gelah, tutus min gelah
O Jesus ku, bahan aku ernalem gelah
Kita k’rina bas geluhta, p’raten daging simbak min
Pindo lebe gegeh baNa, maka kita erdahin Reff: …
8) Pertoton Sapaat ras itutup alu Pertoton Tuhan
• Kerna Persembahen
• BPMR, unit-unit/Kategorial ras kerina perpulungen segelah radu ras ersikap i bas pelaksanan Musyawarah Warga Sidi Runggun
• Tuan rumah ras ingan pulung minggu si reh
• Si turah bas perpulungen
9) Momo
III. JEDA RAS PENUTUP
Pdt. Armada Budiman Ginting, S.Th., M.M.
HP/WA: 081263683959