NDALANKEN SI NGENA ATE TUHAN
2 Kronika 34 : 1-7
Raja Yosia — Pembaharuan yang dilakukan Yosia
34:1 Yosia berumur delapan tahun pada waktu ia menjadi raja dan tiga puluh satu tahun lamanya ia memerintah di Yerusalem. 34:2 Ia melakukan apa yang benar di mata TUHAN dan hidup seperti Daud, bapa leluhurnya, dan tidak menyimpang ke kanan atau ke kiri. 34:3 Pada tahun kedelapan dari pemerintahannya, ketika ia masih muda belia, ia mulai mencari Allah Daud, bapa leluhurnya, dan pada tahun kedua belas ia mulai mentahirkan Yehuda dan Yerusalem dari pada bukit-bukit pengorbanan, tiang-tiang berhala, patung-patung pahatan dan patung-patung tuangan. 34:4 Mezbah-mezbah para Baal dirobohkan di hadapannya; ia menghancurkan pedupaan-pedupaan yang ada di atasnya; ia meremukkan dan menghancurluluhkan tiang-tiang berhala, patung-patung pahatan dan patung-patung tuangan, dan menghamburkannya ke atas kuburan orang-orang yang mempersembahkan korban kepada berhala-berhala itu. 34:5 Tulang-tulang para imam dibakarnya di atas mezbah-mezbah mereka. Demikianlah ia mentahirkan Yehuda dan Yerusalem. 34:6 Juga di kota-kota Manasye, Efraim dan Simeon, sampai di kota-kota Naftali, yang di mana-mana telah menjadi reruntuhan, 34:7 ia merobohkan segala mezbah dan tiang berhala, meremukkan segala patung pahatan serta menghancurluluhkannya, dan menghancurkan semua pedupaan di seluruh tanah Israel. Sesudah itu ia kembali ke Yerusalem.
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masingmasing, maka perdalanen PJJ ibabai bapa, nande, bage pe anak.
5) Sope benaken PJJ, banci kita rende alu make ende-enden KAKR.
6) Janah kerina perdalanen PJJ enda banci iubah (imodifikasi) rikutken perluna.
Rende “Dalam Yesus Kita Bersaudara” (i babai sekalak anak)
Dalam Yesus kita bersaudara, dalam Yesus kita bersaudara
Dalam Yesus kita bersaudara, sekarang dan selamanya
Dalam Yesus, kita bersaudara
(Bapa) : I bas Yesus kita ersenina
(Nande) : I bas Yesus kita ersenina
(Anak-anak) : I bas Yesus kita ersenina
(Kerina) : I bas Yesus kita ersenina,
Gundari seh rasa lalap,
I bas Yesus kita ersenina.
Ertoto ibabai sekalak Bapa (selaku imam si ncidahken usihen si ngena ate Tuhan man isi jabu) guna bengket ku bas kebaktin PJJ.
B. PERPULUNGEN JABU-JABU/ PERPULUNGEN JABU
Rende KEE No. 281 : 1,2 “Kek’lengen Jesus Kempak Manusia”
Kekl’engen Jesus kempak manusia, desken Dibata engkelengi IA
KekelengenNa maler kap man banta, adi sipakelah pedahNa
Reff :
Min sikeleng-kelengen kita k’rina,
Bagi pedahken Yesus bas Pustaka
Sababna kai si pindo bas gelarNa, ib’re Dibata man banta
Ngasamken kesah nggit me kepe IA, gelah terkelin kita manusia
Dage dalanken sinipedahkenNa, kempak temanta ise gia Reff :
Ertoto Guna Ngoge Kata Dibata (ibabai sekalak anak/ Serayan)
Ngoge Kata Dibata : 2 Kronika 34 : 1-7 (ibabai Bapa/pengurus PJJ)
Renungen
Tema : Ndalanken Si Ngena Ate Tuhan
Nai nari Dibata lalap la erngadi-ngadi mereken pedah ras
ajarNa erkelangken suruh-suruhenNa (raja, nabi, imam, rasulrasul, pertua diaken, pandita, ras si debanna) e me gelah manusia erkemalangen man baNa. Ertina ngikutken kerina perentahNa. I bas kerina pedah-pedahNa e, ate Tuhan gelah manusia tetap erkemalangen man baNa, sabab e me si ngena ateNa ibahan manusia selaku tinepaNa.
Dibata milih ras netapken suruh-suruhenNa labo erpalasken biak, umur, kinibayaken manusia, sukat-sukat doni, ras si debanna. Dibata ngenen pusuh peraten manusia si bersih ras mesikel erbahan si ngena ateNa. Maun-maun, biak kerincuhen doni si gelap megati ncubai kinitekan manusia guna nimbak peraten Tuhan. Tapi lit ka nge manusia si tuhu-tuhu erkeleng ate nandangi perentah-perentahNa. Bagi Josia, aminna umurna nguda denga (8 tahun) ia iangkat jadi raja gancih bapana Amon guna mimpin bangsa Juda ras Jerusalem. I bas kiningudanna (paksa umurna 16 tahun) Josia mulai erlajar kerna Dibata si ni sembah ninina Daud (ay. 2). I bas tahun pe 12 ken kepemimpinenna, i je me ibenaken raja Josia mbersihken rumah pertoton bage pe ngeradasken patung-patung berhala, rikut ras batar-batar ingan nehken persembahen tutungen man Baal, si ndube ipake bapana Amon. Si enda ilakokenna guna ngulihken gelar “status” bangsa Israel selaku bangsa pilihen Tuhan.
I bas oratenta enda si idah uga biak-biak ras orat geluh raja Josia si mehuli, e me:
1) Alu tutus mpelajari kata Dibata ras rusaha lako rembak ras Dibata
2) Kenca erpayona penandaina kerna Dibata, erpayona ka pengidahna kerna kai si man bahanenna, e me ndalanken si ngena ate Dibata: Reformasi/pembaharuan i bas bidang kerohanian/agama, sabab e me palas kegeluhen bangsa Dibata adi ate bangsa e ndatken pasu-pasuNa.
3) Gia bapana ndube erbahan melala kejahaten, tapi Josia la ngusih bapana i bas perbahanenna si jahat. Ertina Josia la nerusken kejahaten bapana.
I bas jaman genduari enda, tuhu si idah enterem denga pemimpinta si lenga erkemalangen man Tuhan. Gelarna nge ngenca eragama tapi peratenna denga rusur idalankenna, labo peraten rakyat si milih ia ntah peraten Tuhan si iwakilina merentah i doni enda. Adina si tandai ninta Dibata arah kinitekenta ras agamanta, tentuna si eteh ras si ikutken peratenNa. Josia nandai Tuhan alu payo e maka idalankenna si ngena ate Tuhan.
Tuhu melala denga dampar kegeluhenta si man pekenan (reformasi), tapi si pentingna kal e me reformasi pertendin. Tuhu paksa enda, kinitutusenta erkiniteken iuji. Patuh man peraten Tuhan ntah peraten manusia? Payo nge maka pemerentah e me wakil Tuhan janah si e sialoken sabab ibereken Tuhan ia jadi pemimpin i tengah-tengahta. Kerina program ras pelayanen pemerintahta si ikutken sabab e me si ngena ate Tuhan. Nina Jesus: “Tapi si pentingna kal, daramilah lebe kinirajanNa, janah dalankenlah si ngena ateNa, maka icukupiNa kai si perlu man bandu” (Mat. 6:33)
Nuriken Penggejapen (ibabai bapa/nande/anak)
Irakut Serayan Tuhan (Pdt/Pt/Dk)/Emeritus)
Metode Aksi:
I bas PJJ e situlisken kata-kata pujin si mehuli/positif nandangi temanna (Bapa-Nande) jenari e ibelasken janah erpadan ndalankenca, umpamana: Nina Perbulangen (bapa) man ndeharana (nande) i tengah jabu: O kam turang keleng ateku, bujur kal kukataken man bandu sabab seh asa genduari, tetap denga iperdiatekendu aku…Erpadan aku gelah aku pe mperdiateken kam lebih asa si enggo-enggona.
Rende janah ngendesken Persembahen Pengataken bujur KEE
No. 374:1-2 “Yesus Ulu Kegeluhenku”
Yesus ulu kegeluhenku, Kam nge ngenca pengendesenku
Lalap tedeh ate pusuhku, ku pehaga Kam bas geluhku
Reff : O Tuhan pernehen pusuhku, si ertedeh ate man baNdu
Ku gelem pedah ras padanNdu, kusembah Kam i bas geluhku
Kusembah Tuhan penebusku, si mereken kekelengenNa
Alu tutus reh aku Tuhan, ras kerina isi jabungku Reff:
Pertoton Persembahen ras Sapaat:
1) Kerna Kata Dibata gelah tutus ate ndalankenca (ibabai Bapa)
2) Kerna Persembahen ras pendahin kerina ngawan ni perpulungen (ibabai nande)
3) Kerna si turah i bas perpulungen: si sekolah, si sakit, si erulangtahun, pemerintahen, Pdt, Pt, Dk, Em, Pengurus Katagorial, Pengurus PJJ, Guru sekolah Minggu, pegawai gereja, koster, ras si debanna (Ibabai Serayan/anak)
Rende KEE No. 350:1 “Kelengi Kebenaren” (iendeken 2x)
Kelengi kebenaren, pedauhlah si jahat
Pakeken Kata Tuhan, tahan rasa lalap
Nggeluh lah alu bujur, meteruk ukur kin
Dalanken kebenaren, maka ukur teneng
Reff : Erjaga-jagalah, reh me wari Tuhan
Ersikap-sikaplah, pake Kata Tuhan
Pertoton Tuhan (ibabai pengurus PJJ/Bapa)
Momo
C. JEDA RAS PENUTUP
Pdt. Yosfran P. Sembiring, S.Th.,M.M.
HP/WA : 0813 7058 6230