BIMBINGEN PA MAMRE GBKP 23-29 OKTOBER 2022

October 24, 2022 Writer-1 Mamre 0

Pendidiken anak-anak i bas jabu (daring)

Teks       : Kuan-kuanen 22:1-6

Tema     : NGAJARKEN ANAK

Tujun     : Gelah Mamre:

  1. Meteh maka pendidiken anak-anak i bas jabu pe jadi tanggungjababna.
  2. Erbahan rancangen pendidiken anak-anak guna kemajun anak ras jabu.

Metode                : Diskusi

22:1 Nama baik lebih berharga dari pada kekayaan besar, dikasihi orang lebih baik dari pada perak dan emas. 22:2 Orang kaya dan orang miskin bertemu; yang membuat mereka semua ialah TUHAN. 22:3 Kalau orang bijak melihat malapetaka, bersembunyilah ia, tetapi orang yang tak berpengalaman berjalan terus, lalu kena celaka. 22:4 Ganjaran kerendahan hati dan takut akan TUHAN adalah kekayaan, kehormatan dan kehidupan. 22:5 Duri dan perangkap ada di jalan orang yang serong hatinya; siapa ingin memelihara diri menjauhi orang itu. 22:6 Didiklah orang muda menurut jalan yang patut baginya, maka pada masa tuanyapun ia tidak akan menyimpang dari pada jalan itu.

1) KATA PENARUH

Salah sada tanggungjabab orangtua (Mamre) e me ngajari anak-anak anak-anak i bas jabu e me orangtuana. Janah dahin mbimbing, ngajari, mpetandaken orat nggeluh enda lit i bas proses si berlangsung terus menerus i bas relasi orangtua ras anak. Baik anak tading denga ras orangtua bage pe kenca ia erjabu, proses erlajar kerna uga kearusen nggeluh jadi topik si penting i bas pendewasan anak-anakta. Terlebih dampak pandemic Covid 19 si mengubah melala kebiasannta nggeluh, termasuk pendidiken anak-anakta si arus ngikuti pelajaren jarak jauh (daring). Tentu, kita selaku Mamre, arus bijaksana muat bagin mpepayo (memantau), ngajari atau memfasilitasi pembelajaren daring man anak-anakta.

2) URAIAN TEKS/ TAFSIREN

Kuan-kuanen 22:1-6, i benai kami pembahasenta arah ayat 6 nari nina: “Ajarkenlah man anak uga kearusen nggeluh, maka ikutkenna asa umur geluhna.” Ayat enda ngingetken man banta pentingna kita Mamre ngajari anak-anakta kerna kearusen nggeluh, gelah kai si iajarken kita e jadi bekalna asa umur geluhna. Penungkunenna, kai saja dage si penting si ajarken man anakta baik bas suasana daring entah lanai gia pagi daring erpalasken bahan PA Mamre-nta?

  • Gelar Mehuli (ayat 1)

Gelar mehuli (Ind. nama baik) e ndauh ergan asangken erta-erta (Ind. kekayaan besar). Gelar si merim banci ndekah ertahan, tapi erta/kebayaken banci bene, itangko entah ibuat kalak. Tapi gelar si mehuli labo lit si banci muatsa i bas kita nari. Erta perlu,tapi pakeken erta/kebayakenta e gelah si dat gelar si mehuli (merim). Jadi labo otomatis melala erta mis merim gelarta. Erta banci jadi alat ndatken gelar si mehuli perban sipakeken guna nampati enterem jelma

  • Kekelengen kalak (ayat 1)

Umputen gelar mehuli ndai e me kekelengen kalak sideban (Ind. dikasihi) ergan asangken emas ras pirak. Alu kata sideban, ndatken kekelengen entah engkelengi nilaina lebih tinggi asangken emas ras pirak si mekatep jadi perayaken jelma si enterem. Kekelengen kalak e meherga kal sabab i bas pusuhna lit biak kepate (peduli)  ras ukur meciho gelah si isampatina e tersampat, megegeh, nggeluh ras sidebanna.

  • Si erga-ergan (ayat 2)

Kita kerina Mamre GBKP enda, Dibata si nepasa. Kita itepaNa ras tempas Dibata. Bayak entah musil, kita kerina Mamre GBKP bali curak seragam Mamrenta, penggelarenta pe Mamre GBKP. E maka si erga-ergan kita kerina aminna gia sekali la bali pendahinta ras pengalonta, i lebe-lebe Tuhan seri erganta sabab kita kerina nepasa. Janah Janah biak si erga-ergan enda jadi gegehta (modal penting) memajuken Mamre GBKP enda.

  • Kalak pantas (ayat 3)

I bas ayat 3 enda ituriken kerna biak kalak pantas (Ind. orang bijaksana) nilah ia (Ind. bersembunyilah ia) adi lit kiniseran. Enda ertina labo kiam dari realita. Tapi ertina maka, kalak si pantas adi ilebena lit idahna si membahayaken geluhna, nilah me ia. Contohna: enggom si idah arah lebenta galang lau (banjir) ras berbahaya, beluh pe kita erlangi, adi enggom si idah galang lau, ula cuba-cubaken. Tapi kalak si la rukur (Ind. tak berpengalaman), iteruskenna ngepari lau galang e ulihna mesui me atena (kena cilaka).

  • Erkemalangen man Tuhan (ayat 4)

Kalak si enggo ndatken gelar si mehuli, ncidahken kekelengen, bijaksana, arus isempurnaken alu erkemalangen man Dibata. Sabab kalak si erkemalangen man Dibata, geluhna iarak-arak Tuhan katawari paksa pe, ia ngarapken penegu-negu Tuhan. Erta kebayaken ras gelar si merim uluna kerina i bas Dibata nari.

  • Sirangi dalan kalak jahat (ayat 5)

Adi geluhta enggo erkemalangen man Dibata, lit bekalta, senjatanta guna nirangi dalan kalak si jahat si nuju ku kebenen. Pengaruh kejahaten i sekelewetta megegeh kal mempengaruhi, nggoda ras ngerintak kita gelah nilah. E maka sirangilah dalan kalak jahat alu cara ernalem man Dibata, darami gelar simehuli, sehken kekelengen, sierga-ergan, jadilah bijak janah kerina enda ajarken man anakta.

3) APLIKASI

Selaku bapa i tengah jabu, kita ertanggungjabab kerna pertumbuhen ras perkembangen anak jabunta. Penungkunenna: Jadi bapa si uga nge pagi atendu kam i inget (dikenang) anak jabunta? Uga nge pagi atendu geluh anakta e sepenading kita? Tentu enda penungkunen si banci jadi motivasinta gelah terus menerus kita ngajarken orat nggeluh, uga kearusen nggeluh man anak jabunta. Sabab situasi (jaman) enda cepat berubah. Apalagi i bas jaman anakta erlajar daring (aman digital). Arus kita serius ndampingi, mabai, negu-negu, berkomunikasi ras anak-anakta gelah tugas sekolahna pe erkedungen, karakterna pe mehuli, ula ka min riahen iakapna dunia maya asangken dunia nyata, ras sidebanna. Ajarilah anak-anakta ndatken “nilai-nilai” kegeluhen si ngena ate Dibata ras sue ka ras budayanta kalak Karo.

  • DISKUSI
  • Uga nge pengertinta kerna ayat 6?
  • Kai nge topik percakapenta ras anak-anakta i bas suasana pembelajaren daring atau man banta si lanai ka anakta erlajar daring?

Pdt. Jekson Barus M.Th.
HP, 0813 7027 3729

Post Views: 1,229