(Penggunaan Pestisida organik dan pupuk organik)
Teks : Masmur 104: 24-30
Tema : DONI ITEPA DIBATA ALU KEPENTAREN
Tujun :
1) Gelah Mamre:Maka Dibata nepa doni guna kemulianNa
2) Makeken tinepaNa alu mehuli guna keperlun geluhna
Metode : Diskusi
104:24 Betapa banyak perbuatan-Mu, ya TUHAN, sekaliannya Kaujadikan dengan kebijaksanaan, bumi penuh dengan ciptaan-Mu. 104:25 Lihatlah laut itu, besar dan luas wilayahnya, di situ bergerak, tidak terbilang banyaknya, binatang-binatang yang kecil dan besar. 104:26 Di situ kapal-kapal berlayar dan Lewiatan yang telah Kaubentuk untuk bermain dengannya. 104:27 Semuanya menantikan Engkau, supaya diberikan makanan pada waktunya. 104:28 Apabila Engkau memberikannya, mereka memungutnya; apabila Engkau membuka tangan-Mu, mereka kenyang oleh kebaikan. 104:29 Apabila Engkau menyembunyikan wajah-Mu, mereka terkejut; apabila Engkau mengambil roh mereka, mereka mati binasa dan kembali menjadi debu. 104:30 Apabila Engkau mengirim roh-Mu, mereka tercipta, dan Engkau membaharui muka bumi.
1. KATA PENARUH
Mbue kata sipakeken guna ngetiken “doni”. Rikutken Padan si Mbaru, lit dua kata siipakeken, e me:
1) Kosmos: yang berarti dunia sesat, langit dan bumi (bdk. Perb. Rasul 17:24)
2) Oikoumene: yang berarti dunia yang didiami (bdk. Heber 1:6)
Arah dua kata enda banci si buat pengertin maka doni e me langit ras taneh rikut ras kerina isina si jadi inganta tading. I je me manusia nggeluhken kegeluhenna.
Kerina e bekas tinepa Dibata kap, dingen itepaNa alu kataNa guna kemulianNa. Doni si ndube itepa Dibata alu mehuli (bdk. Kej 1:31) kedungenna erkiteken dosa e maka doni enda jadi ceda. Kedungenna maka doni enda jadi doni si lanai ratur (bdk. 1 Joh. 5:19). Kune pe sipepayo ka ku sekelewetta, nggom mbue ingan si ceda erkiteken dosa manusia. Lau si maler pe enggo melket. Lau belin si ndube sikap inganta ridi, ngkawil, ndurung, masang bubu, ras si debanna, genduari enda enggo ceda. Adi gel-gel sikap siakap nuan-nuan, genduari arus make pupuk maka mejile. La ka sada dua si makeken pupuk kimia alu sembarangen erbahanca doni enda ntah pe taneh e jadi ceda. Enda me kita si melala jadi genduari guna si pekena ku lebe enda.
2. URAIAN TEKS/ TAFSIREN
Rikutken Masmur 104:24-30 maka si dat me piga-piga keterangen penting, khususna pe si lit kawitenna ras tema Penelahen Alkitab paksa enda.
Mazmur 104 enda igelari pe Masmur “Nyanyian Haleluya atau pujian”, yaitu Mazmur yang membesarkan nama, kemegahan, kebaikan, kebesaran dan keselamatan Allah. Erpalasken si e, rikutken teks PA Mamre enda, si datken:
- lcidahken maka Tuhan Dibata e mbelin kap dingen mehaga. Nina pe I bas 104:24 “O TUHAN, enggo melala kal si ilakokenNdu, doni enda dem alu tinepaNdu. Kerinana e ijadikenNdu alu dem kepentaren”. Kata kepentaren i je ipakekenna e me kata “Hakam atau Khokmah” yang berarti pengertian atau pun keahlian. Dage, Dibata nepasa doni enda sebagai Dibata si ahli i bas njadikena bage pe menatasa. La lit salah ingan (cibal kerina i bas ingan si tetap) dingen kerinana erguna.
- Bukti kepentaren Dibata isuratken ijenda,e me:
a) Ayat 25-26: lawit si mbelang, isin mahluk si kitik dingen galang bage pe i je me erlajo Lewiatan tinepaNdu kapal-kapal pe erlayar i je. Lit ingan nggeluh rubia-rubia si perlu lau dingen lit lau ingan kapal erlayar.
b) Ayat 27-28: Kerina si lit i bas lau e ndatken nakan i bas paksana arah Dibata nari janah panganna enggo isikapken Tuhan i bas Lau e ka maka man ia, seh besur. Tuhan Dibata la terjeng nepa tapi pe tetap ikepkepNa kerina tinepaNa e maka banci nggeluh alu mehuli.
c) Ayat 29-30: Tuhan Dibata e iakui kap tetap erkuasa kerna geluh ntah pe mate bekas tinepaNa e. Gentar nge kerina ku Dibata. Tapi, siisuraken Dibata e me segelah kerina bekas tinepaNa e nggeluh.
Kepentaren kap siipakeken Dibata lako nepa kerinana i bas doni enda ras kerina isina. Dingen lit sura-suraNa. E maka itataNa alu mehuli dingen tetap ikep-kepNa. Alu bage tinepaNa pe banci tetap nggeluh guna kemulianNa.
3. APLIKASI
Rikutken bahan PA Mamre nta Minggu enda, kerina kita ajuk lako ngergaken dingen enghamati Dibata si enggo nepa alu kepentarenNa. Mari tetap si suanken i bas kegeluhenta kerina:
1) Maka Dibata nepa doni guna kemulianNa.
Dibata nepa alu kepentarenNa guna kemulianNa, icibalkenNa kerina bekas tinepaNa alu ratur dingen kerina si lit ije banci saling mendukung sada ras si debanna. Siinget pe istilah “rantai makanan” ija kerina si jadi bekas tinepa Dibata e erguna man tinepa sidebanna.
2) Makeken tinepaNa alu mehuli guna keperlun geluhna .
Rikutken bekas tinepaNa e, enda me sada cara Dibata lako encukupi kerina kebutuhen tinepaNa. Erkiteken si e, kerina kita ertanggung jawab lako makeken tekhnologi pertanian si mehuli, umpamana: pemaken pupuk si menyehatken kerina tinepa Dibata. Ola min si cedai bekas tinepaNa e.
3) Si mehuli silakoken i bas kegeluhenta genduari e me erlajar ras-ras maka kita banci makeken kreatifitasta Mamre i bas ngusahai tinepaNa Dibata enda. Ulihna pasti mehuli dingen kemulian Dibata pe tetap teridah.
Mamre GBKP pasti ngasup ngelakoken enda i bas kegeluhenna sabab Mamre e me sekalak si erkemalangen man Dibata dingen sekalak si erkemalangen man Dibata e me sekalak si pentar dingen lit i bas ia pemeteh si mehuli (bdk. Kuan-kuanen 1:7).
4. DISKUSI
1) “Doni Itepa Dibata Alu Kepentaren”: enda nuduhkenca maka si enggo itepaNa e ratur dingen tuhu-tuhu mehuli kap. Kai nge iakap Mamre penyebabna maka lit denga kita si ncedai tinepa Dibata enda?
2) Aksi: Salah sada usaha pencarinta e me erjuma ntah er sabah (bertani). Marilah sibahan pelatihen erbahan pupuk organik i bas gereja nta. Si enda banci sipindoken man Mamre Klasis guna memfasilitasisa. Ntah pe, Mamre Runggun si megegeh banci ndahi sada Mamre Runggun si kurang megegeh guna ngelakoken pelatihen enda.
- USULEN LAGU
- KEE GBKP No. 67: 1, 3
- KEE GBKP No. 254:1, 3
- KEE GBKP No. 86: 1-
- KEE GBKP No. 212:1, 5
Pdt. Agustinus Ginting Manik, M.Th, M.Pd
HP/WA: 0852-6111-9971