(HUT PERMATA)
Teks : Kuan-kuanen 20:6-7
Tema : KEMEGAHEN ANAK NANDANGI BAPA
Tujun : Gelah Mamre:
- Meteh maka kemegahen sekalak anak e me erbapaken si bujur ras setia
- Ncidahken usihen nggeluh bujur ras setia man anak si nguda
Metode : Inventarisir ras Aksi
20:6 Banyak orang menyebut diri baik hati, tetapi orang yang setia, siapakah menemukannya?
20:7 Orang benar yang bersih kelakuannya–berbahagialah keturunannya.
KATA PENARUH
Jabu e me lembaga pemena si mereken pengajaren man anak. Sebab arah jabu me karakter ras kebiasaan anak banci terbentuk. Janah i bas jabu e, peran bapa selaku imam sangat penting. Bapa me si mabai ras mpetandaken anak kerna Dibata. Bapa ertanggungjabab nandangi kiniulin masa depan anak. Bapa e me sosok pahlawan si njagai ras mereken rasa nyaman man anak. Bapa mekatep jadi usihen (role model) si inen anak i tengah-tengah jabuna. E maka kuga bapa berperan i tengah jabu sangat berpengaruh ku bas pembentuken karakter anak. Kuga anak e banci megah akapna dingen meriah perbahanen sekalak bapa, bagem me harusna bapa berperan i tengah-tengah jabu. akapna guna ngidah janah ngusih
URAIAN TEKS/ TAFSIREN
Kitab Kuan-kuanen nuriken kerna ajaren agama dingen ajaren kegeluhen si payo. Pengajaren e icidahken i bas pedah, perumpaman dingen ajar. Isina mbue nuriken kerna cara nggeluh i bas kegeluhen si tep-tep wari. Kitab Kuan-kuanen itulis Raja Salomo. Pengajaren Salomo anak Daud Raja Israel (1:1). Tentuna pengajaren Daud man Salomo ndube e me pengajaren si mehuli. Bagem pengajaren bapa nandangi anakna, e me pengajaren kerna: kepentaren, mehuli, bujur, adil dingen benar (1:3). Pentar ertina erkemalangen man Dibata. Guna ndatken pemeteh, si pemenana si la banci la lit i bas kalak e me mehamat dingen erkemalangen man Tuhan (1:7). E maka selaku Raja, isehken Salomo pengajarenna nandangi anak-anak si nguda i tengah-tengah bangsa Israel. Kai datna arah pengajaren bapana ndube, iajarkenna ka man kalak si deban (pengajaren e la ngadi bas ia). Seh maka kerina kalak ndatken kemalemen ate si rehna i bas Dibata nari.
Ayat 6 “Nterem kalak ngataken ia setia, tapi kalak si tuhu-tuhu setia mesera njumpaisa” Raja Salomo nuriken ajar/pedah maka sifat setia penting kel lit i bas anak-anak Dibata. Kalak si setia pasti tek kalak man bana. la sekalak si ertanggung jawab, dem kebujuren ras tutus i bas pendahinna. I bas Kamus Besar Bahasa Indonesia, kata kesetiaan e ertina ketaatan. Jesus me contoh si kuh i bas hal kesetiaan (Fil. 2:5-11). Jesus ncidahken kesetiaanNa i bas la ngelakoken kai si enggo iperintahken Bapa mana baNa. Seh maka la nggit ngasamken kesah i kayu persilang guna nebusi dosa manusia. Pustaka Si Badia ngataken maka kesetiaan sekalak jelma nuduhken maka ia sekalak si ekemalangen dingen si man Dibata (Kol. 3:22-24).
Ayat 7 “Untung kap anak si erbapaken kalak bujur, dingen ndalanken perbahanen si bujur”. Sekalak si erkemalangen man Tuhan lit i bas ia kebujuren dingen i dalankenna perbahanen si bujur. Perbahanen si bujur (Indo. Bersih kelakuannya, English. Integrity). Si ertina: lit i bas ia kualitas kegeluhen si mejile, baik secara jasmani bagepe rohani (sue kata ras perbahanen). Pustaka Si Badia ngatakenca maka kalak si berintegritas lit i bas ia kegeluhen mbiar man Tuhan, la nggit erbahan dosa. Ia sekalak si terteki i bas kai-kai pe. E maka sekalak jelma si kegeluhenna bujur dingen ndalanken kebujuren, maka keuntungen me si idatna dingen igejapna. Kegeluhen si bujur e pe jadi usihen si mehuli man anak-anakna pagi. Seh maka keuntungen dingen kesangapen si idatken anak kempu adi orangtuana semasa geluhna dem i bas kebujuren.
APLIKASI
Lit ungkapen ngatakenca: “buah tidak jatuh jauh dari pohonnya”. Ertina perbahanen anak emekap cerminen perbahanen orangtuana. Em sebabna maka orangtua khususna bapa i bas paksa enda, harus sadar janah nggeluhken kegeluhenna bagi si ngena ate Tuhan, sebab perbahanen e me pagi iwarisken man anak-anak. Kegeluhen si uga nge si harus iwarisken man anak-anak seh maka anak-anak e jadi anak-anak si dem pasu-pasu? Em kegeluhen si setia ras bujur dingen ndalanken perbahanen si bujur. Em kemegahen anak nandangi bapa (tema). Contohna: mejingkat dingen tutus ku Gereja, PA Mamre, PJJ, ertoto. I bas pendahinna pe dem tanggung jawab, disiplin ras la nggit nebu-nebu. La mesukah merawa dingen mekpek anak rikut Moria i tengah-tengah jabu. Terteki i bas kai-kai pe dingen tetap setia man Moria i tengah jabu. Muat keputusen pe dem alu pertimbangen janah tetap mindo masuken man anak-anak ras nande tengah jabu, ras kerina perbahanen si deban si ngena ate Dibata.
Sehubungen HUT PERMATA GBKP tanggal 12 September 2022 si pe 74 tahunken, mari tetaplah jadi usihen si mehuli man PERMATA GBKP. Pengajaren si ipeseh orang tua man anak, tuhu meriah ukur anak ngelakokensa sebab enggo idahna leben ilakoken orang tua (Mamre). Seh maka Mamre tetap jadi idola man isi jabuna khususna man PERMATA GBKP. Maka nina anak-anakta PERMATA GBKP “aku bangga man Bapaku, aku bangga man Mamre” Bangga/megah janah beruntung iakap anak-anak erbapaken bapa i tengah-tengah jabuna. Janah megah ngenen Mamre i tengah-tengah Gereja.
- INVENTARISIR/ AKSI HUT
- Mari si inventarisir perbahanen Mamre selama enda si setia ras bujur, dingen si la setia ras la bujur. Janah bahanlah kai tekad/ komitmen Mamre ku lebe gelah jadi usihen janah kebanggan isi jabu!
| No | Perbahanen si Setia ra Bujur | Perbahanen si la setia ra la bujur |
| 1 | Tutus ku gereja | Erjudi |
| 2 | Tutus Ertoto | Mabuk-mabuken |
| 3 | Rs | Rs |
| 4 | ||
| 5 | ||
| 6 | ||
| 7 | ||
| 8 | ||
| 9 | ||
| 10 |
- Bahanlah aksi (si banci idalanken/ ibereken) man PERMATA GBKP bas perayaan HUT PERMATA GBKP si pe-74 tahunkeni bas tahun enda!
- USULEN LAGU
- KEE GBKP No. 273:1-2
- KEE GBKP No. 124: 2,3
- KEE GBKP No. 323:1-3
- KEE GBKP No. 311:1-2
Pdt. Mira Mutianta Br. Sinulingga, S. Th
HP. 0852 6195 2107