LAKOKEN ALU METUNGGUNG DINGEN RATUR
1 Korinti 14:33, 40
14:33 Sebab Allah tidak menghendaki kekacauan, tetapi damai sejahtera.
14:40 Tetapi segala sesuatu harus berlangsung dengan sopan dan teratur.
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3)Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Sope benaken PJJ, banci kita rende alu make ende-enden KAKR.
6) Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Rende KEE No. 249 “Ajar Aku O Tuhanku” (ibabai Bapa)
https://www.youtube.com/watch?v=JDmwjwQyr34
Ajar aku o Tuhanku, make Kata rasa pedahNdu
Kueteh payo ras sentudu, kuikutken bas geluhku
Reff : Si ngikut pedah Dibata, daten me kerembakenNa
Pedah kata tangkas k’rina, em jadi gelementa
Tatah aku genduari, arah dalin si mehuli
Lalap min Kam kutimai, gelah aku iapuli Reff : …
Ertoto : (ibabai Nande)
Ngoge Pustaka : 1 Korinti 14:33,40 (Ibabai anak i bas jabu)
Tema : Lakoken Alu Metunggung Dingen Ratur
Metunggung, kata enda megati tersinget i bas tenah kerja perjabun Kalak Karo. Metunggung e ncidahken perayaken kerna sura-sura i bas lakon ntah kerja si bas paksana ilakoken. Kerehen sangkep geluh ncidahken maka kerja e mehuli. Kinitunggungen e labo terjeng i bas kerehen si itenahken, tapi, i bas nenahken si man tenahenken, enggo me iukurken uga pepagi i bas ngalongalosa, iaturken kerna ose, perdalinen kerja, bage pe perpanganen. Alu bage, metunggung banci si ertiken sikap man tatapen, sikap si akap i bas ranan ras pengalo-ngalo, bage pe sikap si akap man pangan si niaturken.
Ratur, i bas kita kalak Karo isusun mehuli, bagi pangan si igelari “Manuk Ni Atur/Manuk Sangkepi”. Manuk e kenca igeleh, jenari ibahan tek-tekna, jenari itanggerken/igule. Kenca tasak, manuk ndai isusun/iatur mulihi desken sada manuk si nggeluh. Sikap natapsa amin ndai nggo itekteki jadi piga-piga bagin.
Kesaksin Pustaka si Badia maka doni enda tangtangna la lit tempasna, rontang, gelap, la ratur. Jenari, ibahan Dibata maka “si la lit tempasna e” dungna ertempas, jadi mehuli. Ngena ateNa ras ipasu-pasuNa. Seh asa genduari, Dibata tetap erdahin mpekena-kena tinepaNa gelah tetap mehuli. IpilihNa pe Raja, Hakim, Nabi, Rasul, Pandita, Pertua ras Diaken jadi temanNa ngataurken doni enda gelah tetap ratur ras mehuli.
Paulus, i bas ndahiken dahin si iendesken Dibata man bana, nehken pengajaren kerna uga perpulungen arus nggeluh alu ratur. Dibata e jine pe ratur e maka kerina perpulungen pe perlu ngusih Dibata si ratur e. Maka banci ratur adi lit pengertin. Umpamana i bas kebaktin, sekalak-sekalak ngerana, lit si ngerana, lit si megikenca. Iaturken ise lebe ngerana, ise si ngerakutsa, ise si mabai lagu, si mabai pertoton ras seterusna. Ope denga kebaktin e ibenaken enggo leben iaturken kerina si muat bagin. E maka kebaktin e banci erdalin alu ratur dingen metunggung. Si perlu tangkas bas perpulungen e maka kerina bagin-bagin si idahikenna e guna kiniulin ras kiniersadan perpulungen terlebih ndalanken sura-sura Tuhan.
Gelah perdalanen kegeluhen gereja metunggung ras ratur maka ilitken me Tata Gereja, si la erlawanen ras Pustaka Si Badia. I bas nusun Tata Gereja e pe iperdiateken curak aliren gerejanta e me Presbiterial Sinodal. I je lit budaya runggu bagi orat geluh kalak Karo. I bas ngelitkenca, labo ka ibahan piga-piga kalak saja, tapi kerina perpulungen GBKP ikut muat bagin mereken pandang-pandangen, isehken ku runggun ras klasis. Klasis nehkenca man Panitia Tata Gereja. Kenca irumusken/isusun Panitia Tata Gereja, e maka ibaba ku Sidang Majelis Sinode janah i je me isahken. Kerina perpulungen perlu ngogesa gelah tambah pengertinta kerna aturen-aturen gerejanta, e maka banci si dahiken alu ratur. Metunggung gerejanta erkiteken kerina kita muat bagin ndahinken pelayanen gereja e.
Bagi pertunggungna ras sikapna kerja kalak Karo ras sikap ras ntabehna pangan “Manuk Niatur/Manuk Sangkepi”, bagelah kita i tengah-tengah gereja, ntah tegun si apai gia panggungta; perpulungen, Pt/Dk, Pdt, Pengurus PJJ ras Kategorial, pasti jadi metunggung ras ratur adi i bas dalannalah kita erdalan.
Nuriken Penggejaben
1) Bapa
2) Nande
3) Anak
Irakut : Pdt/Pt/Dk/Em
Diskusi
1) Rikutken 1 Kor 14 : 40, asa pengidah ras pengakapndu, nggo nge perdalinen gereja ilakoken alu metunggung dingen ratur?
2) Bagin pelayanen si apai nge banci ilakokenndu gelah teridah perdalinen pelayanen gerejanta metunggung dingen ratur?
Nehken Persembahen:
Rende KEE No. 471 : Ermengkah Ukurku
https://www.youtube.com/watch?v=M0fSFzco7-k
Ermengkah ukurku, ras ngataken bujur Tuhan
Kelengi min aku, Kam empu geluhku
Enda ngenca Tuhan persembahenku
Kerina geluhku kesah ras kulangku
Lakap lit bas aku erta kebayaken
Sicukup meherga lah ku persembahken
Sada ngenca Tuhan lit pemindonku
Aloken min Tuhan persembahenku
Pakeken geluhku jadi perkakasNdu
Segedang geluhku
Pertoton Sapaat (si mbabaisa iaturken Pengurus PJJ)
1) Gelah Moderamen, BPMK, Majelis Runggun, Pengurus Persekutuan Kategorial ras Pengurus PJJ reh ngasupna ngaturken kegeluhen gereja
2) Reh tambahna pengertin perpulungen kerna ngangkai perdalinen kegeluhen gereja rikutken Tata Gerejanta
3) Si turah i bas si mada jabu, perpulungen, bangsa ras negara
4) Persembahen
Rende : KEE No. 325:1,2 “Tuhan I Tengah-tengahta”
https://www.youtube.com/watch?v=VxEAp_Zfr2k
Tuhan i tengah-tengahta, m’reken pasu-pasuNa,
Maler desken lau si mbelin, la nai lit si terulin.
Reff : Usekenlah min KesahNdu, temani geluh kami,
Gegeh kami p’limbarui, k’rina jadi mehuli
Tuhan i tengah-tengahta, reh riahna ukurta
Reh tenengna pertendinta, reh damena pusuhta Reff : …
Pertoton Tuhan (ibabai Serayan Tuhan)
Momo
C. JEDA RAS PENUTUP
Pdt. Benhard Roy Calvyn Munthe, S.Th.
HP/WA : 0812 9089 1761