(Minggu 8 Kenca Trinitatis)
Ogen : Kolose 2:16-3:4
Tema : Daramilah Erta-Erta Surga
Tujun : Gelah Saitun:
1) Ngangkai uga perluna erta surga dingen mbulatken ukurna ku je
2) Ngidah uga pentingna nadingken (mewarisken) erta surge man anak-anak ras kempu-kempuna.
Carilah perkara yang di atas
2:16 Karena itu janganlah kamu biarkan orang menghukum kamu mengenai makanan dan minuman atau mengenai hari raya, bulan baru ataupun hari Sabat; 2:17 semuanya ini hanyalah bayangan dari apa yang harus datang, sedang wujudnya ialah Kristus. 2:18 Janganlah kamu biarkan kemenanganmu digagalkan oleh orang yang pura-pura merendahkan diri dan beribadah kepada malaikat, serta berkanjang pada penglihatan-penglihatan dan tanpa alasan membesar-besarkan diri oleh pikirannya yang duniawi, 2:19 sedang ia tidak berpegang teguh kepada Kepala, dari mana seluruh tubuh, yang ditunjang dan diikat menjadi satu oleh urat-urat dan sendi-sendi, menerima pertumbuhan ilahinya. 2:20 Apabila kamu telah mati bersama-sama dengan Kristus dan bebas dari roh-roh dunia, mengapakah kamu menaklukkan dirimu pada rupa-rupa peraturan, seolah-olah kamu masih hidup di dunia: 2:21 jangan jamah ini, jangan kecap itu, jangan sentuh ini; 2:22 semuanya itu hanya mengenai barang yang binasa oleh pemakaian dan hanya menurut perintah-perintah dan ajaran-ajaran manusia. 2:23 Peraturan-peraturan ini, walaupun nampaknya penuh hikmat dengan ibadah buatan sendiri, seperti merendahkan diri, menyiksa diri, tidak ada gunanya selain untuk memuaskan hidup duniawi. 3:1 Karena itu, kalau kamu dibangkitkan bersama dengan Kristus, carilah perkara yang di atas, di mana Kristus ada, duduk di sebelah kanan Allah. 3:2 Pikirkanlah perkara yang di atas, bukan yang di bumi. 3:3 Sebab kamu telah mati dan hidupmu tersembunyi bersama dengan Kristus di dalam Allah. 3:4 Apabila Kristus, yang adalah hidup kita, menyatakan diri kelak, kamupun akan menyatakan diri bersama dengan Dia dalam kemuliaan.
1. BENA KATA
Enterem kalak si ngantusi maka salah nge adi kalak Kristen ergiah-giah mpepulung erta. Kalak Kristen la aturna ngayaki erta. Pengangkan si bage rupana labo lengkap/la kuh. Si jelas Dibata labo anti erta sabap Dibata nge ulu erta ras kebayaken situhu-tuhu. Dibata memang ngelarang kita guna mpepulung erta doni (Matius 6:19) tapi Dibata ka nge si nuruh kita guna mpepulung erta surga (Matius 6:20). Alu bage pengangkan “salah nge mpepulung erta janah kalak Kristen la aturna ngayaki erta” pengangkan si bagenda rupana payo adi erta simaksudken eme erta doni. Tapi adi erta surga, e nge si arusna kerina kalak Kristen ergiah-giah mpepulungsa ras ngayakisa. Selaku Saitun GBKP, me terbedaken kita nge erta doni ras erta surga?
2. MPEBAGESI OGEN
Kata Dibata si jadi oratenta ibas paksa enda mpersingeti kita gelahmetenget nandangi pengajaren si papak. Pengajaren si bage rupanatempa-tempa badia dingen rehna ibas Dibata nari, padahal labo.Pengajaren si bage, umpamana: aturen-aturen kerna pangan ras inemen,kerna wari-wari mehuli, kerna bulan nguda, kerna wari Sabat, kernapengenehenen, kerna njemak, ncecap, ras engkuit (Kolose 2:16.18, 21),Pengajaren si palsu/papak enda megati rehna ibas manusia simegombang, si atena mpeganjangken dirina, labo mpemuliaken Dibata(ayat 18, 22-23).
Kata Dibata mpersingeti kita gelah nginget jati dirinta selaku kalak si enggo mate ras Kristus, emaka aturna biak-biak si medoni enggo mate bas kita, janah aturna kita lanai banci itebu-tebu pengajaren doni enda (Kolose 2:20; 3:3). Kai pe ujilah lebe; cikep si mehuli (1 Tesalonika 5:21); …ujilah kesah (1 Johanes 4:1)
Kerna erta pe melala kal pengajaren si palsu/papak. Sada dampar lit kalak ngatakensa maka maka erta e urusen doni si labo lit hubungenna ras Dibata. Emaka si penting erta e melala sidatken. kutera gia carana, haram ntah halal, labo soal, si penting kita bayak namura. Ngerugiken kalak ntah lang labo soal, si penting jore geluhta. Pengajaren si bagenda rupana medoni kal ras seh kal papakna.
Bas dampar si deban lit ka kalak ngatakensa maka labo perlu kita mpepulung erta, si penting kita tutus er-Dibata. Pengajaren si bagenda rupana pe ngajarken tempa-tempa la lit hubungen erta ras Dibata, malah ianggap erta e petembil ras Dibata. Iakapna geluhna reh badiana adi la lit ertana. Pengajaren si bagenda rupana pe pengajaren si seh kal papakna. Biasana pengajaren si bagenda ipergunaken kalak si males guna membenarken kemalesenna, khususna adi lit situasi si mesera, kisat ia erjuang/erdahin guna ngatasi situasi si mesera e. Kalak sibage rupana la nggit mpergunaken talenta si enggo ibereken Dibata man bana. Adi lit situasi si mesera mis saja min Dibata sidungisa kerinana, ia la padah min latih erdahin/erjuang.
Pengajaren si benar e me adi kalak Kristen ergiah-giah ndarami erta. Saja erta e eme erta surga, labo erta doni. Kalak Kristen ula anti erta, adi ertana eme erta surga, labo erta doni. Erta surga maba kejuah-juahen man manusia (Matius 6:20). tapi erta doni maba kecedan/kiniseran situhu-tuhu man manusia (Matius 6:19; 1 Timotius 6:10). Erta surga e eme usihen bagi si enggo icidahken Kristus (Kolose 3:3-4), eme nggit berkorban guna kalak sideban, rehna ibas Dibata nari janah mulihna pe ku Dibata ka.
3. PENGKENAINA
Erta surga harus jadi perayaken geluh Saitun GBKP sabap e me singena ate Dibata. Erta surga e rehna ibas Dibata nari, idatken alu cara-cara si ngena ate Dibata, janah ipergunaken sue ras tujun si ngena ateDibata. Erta surga idatken alu tutus erdahin bagi si ngena ate Dibata,janahna tujun penggunan erta surga labo pernah ngadi basdirinta/jabunta ngenca, tapi pe guna kiniulin kalak sideban. E me si ngena ate Dibata janah e me usihen si enggo icidahken Yesus Kristus.
Pengajaren Dibata man kalak situhu-tuhu bayak eme: “Ajarkenlah gelah idalankenna si mehuli, gelah bayak ia ibas perbahenen si mehuli, gelah nggit ia mere janah meriah ukurna mereken si lit ibas ia man kalak si deban. Alu bage ipepulungna erta guna dirina si banci iarapkenna ibas paksa si reh, gelah idatna kegeluhen situhu-tuhu” (1 Timotius 6: 18-19)
Saitun GBKP arusna la mpepulung erta doni sabab erta doni rehna ibas kejagon/kepentaren manusia si medoni ngenca, idatken alu menghalalkan kerina cara, termasuk pe nebu-nebu/ merugikan kalak sideban, janah ipergunaken pe guna kepentingen diri/jabuna ngenca, la seh guna kiniulin kalak sideban. Bicara mere pe ia mna kalak si deban, ntah mere pe ia ku gereja, tujun utamana eme gelah “cuci dosa” guna kepentingenna. Ndauh buen denga si “italkupna” asangken si sisumbengkennna. Erta si bage mungkin lit gunana man kalak si deban tapi labo erguna man dirina sabab Dibata labo banci itebu-tebu. Ujung erta doni eme rehna gulut ukur ibahan erbage-bage kecedan ate (1 Timotius 6: 10)
Saitun GBKP arusna nadingken erta surga man anak-anak ras kempu-kempuna. Secara fisik, erta surga banci seri teridah ras erta doni. Amin bage gia erta surga e nge situhu-tuhu mehuli sebab rehna ras penggunanna sentudu ras peraten Dibata. Tadingkenlah usihen si mehuli man anak-anak ras kempu-kempunta gelah bicara encari pe ia, si idaramina pe erta surga, labo erta doni. Geluhna tuhu-tuhu jadi pasu-pasu man enterem jelma. Adi lit pe perdalanen geluh ibas masa lalu si mpepulung erta doni, Saitun GBKP harus mindo ampun man Dibata janah lanai ngulihi mpepulungsa. Bulatlah ukurta kerina guna mpepulung erta surga, labo erta doni.
4. PERTOTON
Bapa kami Si Ni Surga, Kam me ulu erta ras kebayaken si tuhu-tuhu. Persingetilah kami rusur gelah la kami mpepulung erta doni. Ajarilah kami gelah ngasup mpepulung erta surga tupung ibereNdu denga kesempaten man kami guna nggeluh i doni enda. Ajarilah kami gelah ngasup jadi usihen man anak-anak ras kempu-kempu kami ibas mpepulung erta surga. Pengasup kami gelah ibas paksana labo erta doni sitadingken kami man anak-anak ras kempu-kempu kami, tapi kami nadingken erta surga si banci jadi asamna nggeluh ibas kegeluhen si ngena AteNdu, subuk i doni bagepe i surga. Ibas Gelar Tuhan Yesus kami ertoto Amin.
5. DISKUSI
1) Kai nge bedana erta doni ras erta surga?
2) Kai saja nge erta surga si banci sitadingken man anak-anak ras kempu-kempunta.