KEPENTAREN JADI TEMAN
Kuan-kuanen 7:1-5
7:1 Hai anakku, berpeganglah pada perkataanku, dan simpanlah perintahku dalam hatimu. 7:2 Berpeganglah pada perintahku, dan engkau akan hidup; simpanlah ajaranku seperti biji matamu. 7:3 Tambatkanlah semuanya itu pada jarimu, dan tulislah itu pada loh hatimu. 7:4 Katakanlah kepada hikmat: “Engkaulah saudaraku” dan sebutkanlah pengertian itu sanakmu, 7:5 supaya engkau dilindunginya terhadap perempuan jalang, terhadap perempuan asing, yang licin perkataannya.
A. PERSIKAPEN
1) Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
2) Nikapken ingan persembahen.
3) Nungkun ras nuratken topik pertoton sapaat.
4) Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5) Sope benaken PJJ, banci kita rende alu make ende-enden KAKR.
6) Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
RENDE KEE No. 399 : 1-2
https://www.youtube.com/watch?v=_T_OISa0p0Q
“Mari Surak Puji Tuhan“ (Ibabai Nande)
Mari surak muji Tuhan, endesken ‘nden-enden m’riah
o surga doni ersurak kerina.
Mari rende muji IA alu ukur si meriah, puji gelarNa Si Badia.
Reff : La ‘rngadi-ngadi ku puji Kam Tuhan
bas k’rina dampar kegeluhen
Ersurak m’riah pusuhku i bas Kam
Terpuji Tuhan rasa lalap
Mari k’rina manusia sipuji dage Dibata,
rendelah ersuraklah kita k’rina
Ersadalah ukurta e mujiken gelar Dibata,
ersurak dage kita k’rina Reff
ERTOTO (Ibabai Bapa)
NGOGE KATA DIBATA : KUAN-KUANEN 7: 1-5 (Iogeken BapaNande ras anak pegancih sada-sada ayat)
RENUNGEN
Tema : Kepentaren Jadi Teman
Kitab Kuan-kuanen (Ibrani : mashal) ertina ranan kalak pentar, perumpaman, entah pe peribahasa berhikmat (kitab sastra hikmat). Kitab enda isuratken raja Salomo ras piga-piga kalak si deban si isina kerna pengajaren ras pedah-pedah segelah nggeluh alu pentar, benar, adil, bujur, ras si pentingna e me mehamat dingen erkemalangen man Dibata.
Kuan-kuanen 7 lit kawitenna ras bindu 6 e me kata pertenget nandangi anak si nguda guna njagai lagu langkahna gelah ola ndabuh ku bas pergaulan si la mehuli. Pengajaren si idatken kita arah renungenta enda e me:
- Ingetlah perentah-perentah Dibata, jaga maka ola kata Dibata e itangko si ilat i bas kita nari. Perlu kel kita erbahan sada waktu khusus tiap wari guna ngoge kata Dibata segelah ola bene kata Dibata i bas ingetenta, erkiteken pengingetta erbatas.
- Lakokenlah (pakeken, dalanken) pengajaren Dibata i bas geluhta. Makeken kata Dibata erbahanca pusuh pertendinta reh terangna janah la kita mesunah ndabuh ku bas pengajuk doni si kentisik ngenca mereken kesenangen.
- Metengetlah! Patuh ndalanken kata Dibata la jadi jaminen kita la ikenai perbeben ras percuban. Reh ganjangna sada batang kayu, reh buena angin si nderpasa. Iblis si ilat labo pernah ngadi erdahin, tetap idaramina kesempaten ngajuk kita gelah celus i bas kiniteken. E maka perlu lalap metenget, si jagai tetap persadanta ras Dibata.
- Pentarlah (berhikmat, bijaksana)! Kepentaren si rehna i bas Dibata erbahanca kita ngasup rukur alu mehuli, nggeluh alu bujur, janah ngalaken perbeben alu gegeh ras pemeteh si rehna i bas Dibata nari.
Pentar ntah pe hikmat (Ibrani = khokh’mah; Yunani = sophia) e me pengertin, pengangkan intelektual, ras kecerdasen rohani si uluna e
me Dibata. Kepentaren Jadi Teman, e me tema renungenta, ngajuk kerina ngawan perpulungen njadiken kata Dibata e ulu pemetehna ngelakoken si bujur ras si mehuli, kata Dibata e jadi gegehna naluken pengajuk si jahat bage pe ngalaken perbeben si mberat, kata Dibata e ringan i bas pusuh katawari paksa pe, i ja kita, i je lit kata Dibata, e maka la kita murah ndabuh ku bas pengajuk dosa.
Kunci kecerdasen ras keberhasilen anak-anak bangsa Jahudi e me kebiasan orang tua si ngajarken kepentaren si lit i bas kitab Kuankuanen man anak-anakna mulai kitik-kitik nari. Anak-anak e ipebelin i bas kata Dibata. E maka tangkas penandaina Dibata si erbahanca malang ia man baNa. Si e teridah arah pergaulenna, persekolahenna, orat nggeluh si mehuli, kekelengenna man orang tua ras sekelewetna. Terarapken ia bas pendahinna, bujur, tutus dingen ertanggungjabab. Beluh muat keputusen guna diri ras masa depanna. Perlu kal lit waktuta ras anak-anak ngeranangerana kerna kata Dibata teptep wari, nuri-nuri kerna pengalamen geluh ras Dibata, bage pe pengajaren-pengajaren si idatken kita arah kataNa. Jadikenlah kepentaren e temanta, maka kiniulin geluh si rehna i bas Dibata jadi sikerajangenta.
NURIKEN PENGGEJAPEN (Si mada Jabu, Bapa, Nande, Anak)
IRAKUT: Pdt/Pt/Dk/Em
DISKUSI/SHARING
- Turiken pengalamenta i bas makeken kepentaren guna ndalani kegeluhen entah pe i bas ngalaken persoalen!
- Bagiken pengalamenta uga sedekah enda caranta ngajarken kepentaren man anak-anakta?
AKSI :
Lakokenlah ibadah keluarga teptep wari, janah sidiskusiken kata Dibata si oge kita ras anak jabuta.
RENDE KEE No. 420 : 1-2 ‘Asa Gegeh ras Kengasupen’
https://www.youtube.com/watch?v=8wqHeFvDGbI
(Persembahen: ibabai Pengurus PJJ)
Asa gegeh ras kengasupen, kami nehken persembahen
Endesken kami baNdu Tuhan, alu dem keriahen.
Reff : Ajari kami ngergaken, talenta ras kiniliten
Arah ukur ras perbahanen, Tuhan ipermuliaken.
Mbue tuhu kami aloken, pasu-pasuNdu O Tuhan,
KelengNdu igejabken kami, Kam kap si negu kami Reff…
PERTOTON SAPAAT (Ibabai sekalak Nande, Anak, Pengurus PJJ)
Anak : Notoken Persembahen ras si mada jabu.
Nande : Notoken gelah teptep jabu kalak Kristen jadi jabu
si pentar, bage pe kerina anak si nguda makeken
kepentaren i bas kiningudanna.
Pengurus PJJ : Notoken PJJ minggu si reh ras si turah i bas
perpulungen
RENDE : KEE No. 350 : 1-2 ‘Kelengi Kebenaren’ (ibabai Bapa)
https://www.youtube.com/watch?v=xDd_DvTknAU
Kelengi kebenaren, pedauhlah si jahat,
Pakeken kata Tuhan, tahan rasa lalap
Nggeluhlah alu bujur, meteruk ukur kin,
Dalanken kebenaren, maka ukur teneng
Reff : Erjaga-jagalah, reh me wari Tuhan.
Ersikap-sikaplah, pake kata Tuhan.
Darami si mehuli, pedauh min si ilat,
Megermet bas ke’gluhen make pedah Tuhan
Lakokenlah si adil i bas kegeluhen,
Bege me pedah Tuhan tetap si dalanken Reff…
PERTOTON TUHAN (Ibabai Serayan)
MOMO
C. JEDA RAS PENUTUP
Pdt. Puspita Sandra Dewi br. Bangun, S.Si-Teol
HP/WA : 0852 6195 6531