BIMBINGEN PA MAMRE 07-13 AGUSTUS 2022

August 8, 2022 Writer-1 Mamre 0

(Kesadaran Lingkungan: Konstruktif dalam merawat lingkungan)

Teks       : Kuan-kuanen 24:30-34

Tema     : MUSIL ADI MEKISAT

Tujun     : Gelah Mamre:

  1. Ngasup nuriken kerna biak-biak kalak perkisat si lit i bas ogen ras kai ulihna.
  2. Nadingken biak perkisat janah nggeluh mejingkat guna mpekena-kena doni enda.

Metode: Diskusi

24:30 Aku melalui ladang seorang pemalas dan kebun anggur orang yang tidak berakal budi. 24:31 Lihatlah, semua itu ditumbuhi onak, tanahnya tertutup dengan jeruju, dan temboknya sudah roboh. 24:32 Aku memandangnya, aku memperhatikannya, aku melihatnya dan menarik suatu pelajaran. 24:33 “Tidur sebentar lagi, mengantuk sebentar lagi, melipat tangan sebentar lagi untuk tinggal berbaring,” 24:34 maka datanglah kemiskinan seperti seorang penyerbu, dan kekurangan seperti orang yang bersenjata.

1. KATA PENARUH

Kitab Kuan-kuanen e me kitab kepentaren i bas kalak Jahudi. Lit telu bagin si mbelin isina, sipemena e me kerna uga caranta erkomunikasi ras teman si deban. Jenari sipeduaken isina e me soal jabu/keluarga. Bage mpe sipeteluken isina e me kerna harta/duit i bas kegeluhen manusia. Tujun kitab enda e me gelah kalak si ngogesa nggeluh sikap (sukses). Sukses i bas erti maka idatkenna kepentaren bagi si iajarken i bassa. Janah sumbul kepentaren e me Dibata. Erdandanken si e maka sada dalannna banci kalak ndatkenca e me adi erkemalangen ia man Dibata (takut akan Tuhan). Erkemalangen man Dibata lit dua ertina, sipemena e me lit ketedehen ate rusur man baNa arah megi tah ngoge kataNa, tah rende bage pe ertoto man baNa. Sipeduaken e me la pang mekarus erban kai pe man baNa sabab sitandai uga ia muliana, badiana, erkuasana janah sigejab uga dauhna perbedanta ras IA. E maka mehamat kita lalap ngelakoken kai pe i bas geluhta. Alu pengertin si payo bagenda maka memang kitab enda pasti mbabai kalak nggeluh sikap (sukses)

2. URAIAN TEKS/ TAFSIREN

Bagin PA enda e me ngerana soal erta/duit i bas kegeluhen manusia. lajari maka arus lit biak si payo maka banci ndatken ulih si mehuli (bayak, sikap, sukses, jore). Ituriken i jenda e me biak si erlawanen (antithesis) ras tujuan si mehuli ndai. Guna banci nggeluh bayak (jore) la banci lang me “nggeluh mejingkat” (bdk Kua 10: 4, …kalak mejingkat kebayaken jadi ulihna). Lawan biak (antithesis) biak mejingkat e me “perkísat” janah e sedalanen ras bodoh. Ertina adi lit kalak perkisat si e ertina maka ia bodoh i bas kegeluhen. Ban bodoh ia perkisat, ban perkisat ia tetap bodoh.

Tanda kalak perkisat iturikenna i jenda e me jumana enggo terulang, mbageskal dukutna (Ind: ditumbuhi onak (duri) si la produktif, la menghasilken, malah dukutna encedai struktur taneh). Bidena pe enggo runtuh, ertina maka rubia-rubia meliar pe banci bengket ku bas. Juma ndai enggo jadi ingan si mesawang (bahaya). Jadi, arah penuriken Kitab Kuan-kuanen enda e me maka kebodohen me mbaba kalak perkisat sabab la ukurina kai si jadi bana arah perbahanenna. Tapi ula kita salah erti, kebodohen i bas kitab enda labo ia ngerana soal “daya tangkap perukuren” tah IQ. Kebodohen i bas kitab enda merujuk ku erti (la nggit erlajar (1:22), la meteh mela (7:7), meriah akapna erban salah (10:23), la nggit nundalken kejahaten (13:9). Jadi sekali nari maka kebodohen i bas enda labo soal “daya tangkap otak” tapi soal karakter si nuduhkenla ia erkemalangen man Dibata.

Pelajaren si datken penulis Kuan-kuanen e me maka kalak si munduk-unduk, kalak si dekahen medem, cirempu, ngada-ngada maka reh me kemusilen man bana. Kemusilen e keras ras megegeh. Icidahkenna bagi perampok si ersenjata. Perampok si ersenjata banci mesui ateta banna sabab banci keri kal babana kai atena babana. Janah banci kita isakitina arah senjatana. Bage me situhuna kejamna kemusilen e adi enggo reh ku bas kegeluhen manusia. Janah si e rehna arah biak perkisat si ipalasi kebodohen si la nggit erlajar, la meteh mela, janaha la mbiar erban salah.

3. APLIKASI

Melala kal si dat pelajaren arah nggit nggargari Kata Dibata enda. Sedekah banci si akap maka kebodohen e buen ku daya tangkap (nalar) sekalak jelma. I bas dunia pendidiken maka lanai bo ipake kata erbanca kalak lemah bagi kata “bodoh” (idiot). Tapi lebih positif (konstruktif) e me “beda kecerdasen.” Beda kecerdasen i bas erti maka lit kita lemah i bas ilmu eksakta (matematika, fisika) tapi banci ia pentar i bas ilmu sosial, bidang seni budaya rsd). Si ipandang i bas kitab Kuan-kuanen janah e bengket ku bas pengertin kebodohen e me kalak si la nggit erlajar, la mediate, la meteh mela, la ngukurken wari si pepagi.

Jadi, kebodohen me biak si la produktif, ras konstruktif, la membangun, la pehuliken tapi encedai ras erbanca gulut kegeluhen enda.

Alu kata si deban maka sendah bahan PA enda mbabai kita Mamre gelah  nggeluh pentar. Pentar i bas erti maka kerina perbahanenta pehuliken ras maba kegeluhen reh sikapna (produktif ras konstruktif). Menaken i bas perukurennta pe sibenaken alu perukuren si mehuli (postif) ras arah kerina perbahanenta maka terukur kai siban kita e jelas tujunna si mehuli. Jumanta, asuh-asuhenta, sekelewatta si pesikap. Janah siakap rugi gegehta si pake guna pehuliken si e kerina. Alu bage maka tahun 2022 enda, Mamre teridah arah kepentarenna si ipalasi Pustaka Si Badia, lagu langkahna erbanca malem ate kalak natapsa sebab IA MAMRE SI MEJINGKAT, LA PERKEDAT, Lit biak ermalu-malu i bassa, seh maka talu me kemusilen arah kepentaren Mamre si encidahken biak si mejingkat produktifi bas kerina dampar kegeluhenna,

4. DISKUSI

1. Engkai akapndu maka i bas kitab Kuan-kuanen enda, “perkisat” e iertiken sada kebodohen?
2. Kai-kai banci silakoken gelah Mamre banci terus reh ulina cara rukur ras perbahanenna?

Pdt. Yunus Bangun M.Th
HP. 0813 6162 5080

Post Views: 403