Pengolahan lahan kritis / tandus menjadi lumbung pangan
Teks : Kuan Kuanen 1: 5-7
Tema : ERKEMALANGEN MAN TUHAN NAMBAHI PEMETEH GUNA NALUKEN PERBEBEN GELUH
Tujun : Gelah Mamre:
- Nuriken kerna erkemalangen man Tuhan si banci nambahi pemeteh
- Ngasup memahami pengajaren siimaksud arah tindaken sederhana
Metode : Diskusi
1:5 baiklah orang bijak mendengar dan menambah ilmu dan baiklah orang yang berpengertian memperoleh bahan pertimbangan– 1:6 untuk mengerti amsal dan ibarat, perkataan dan teka-teki orang bijak. 1:7 Takut akan TUHAN adalah permulaan pengetahuan, tetapi orang bodoh menghina hikmat dan didikan.
1. KATA PENARUH
Kitab Kuan-kuanen merupaken salah sada kitab sastra i bas Padan Sindekah. I bas Bahasa Ibrani kitab enda igelari mashal si ertina ‘ucapan’ orang bijak, perumpamaan atau peribahasa berhikmat. Kitab enda berisiken pengajaren pengajaren gelah kalak nggeluh pentar, bujur, adil, dingen benar. Bentuk pengajaren siisajiken kitab enda merupaken tradisi pengajaren si semal i bas paksa si e i daerah Timur Tengah. Tapi bage gia pengajaren kerna kepentaren (hikmat) merupakan khusus si ituriken I bas kitab enda, sebab isi man bangsa pilihenna bangsa israel. Menurut 1 Raja-raja 4:32, Salomo menghasilken 3000 kuan kuanen ras 1005 ende-enden (Ind= kidung). dingen benar. Bentuk pengajaren siisajiken kitab enda Arah bahan PA wari enda kita iajuk gelah nandai kepentaren Dibata e alu payo guna menambah kapasitas pemetehta i bas naluken perbeben geluh. Kai kin siarus kulakoken? Ras uga kin cara siarus kulakoken? Mari kita erlajar arah bahan oratenta
2. URAIAN TEKS/ TAFSIREN
Ay. 5, 6
Pengajaren enda banci nambahi pemeteh kalak pentar, janah kalak si enggo meganjang sekolahna pe banci erlajar i jenari. Alu bage banci isipatina erti si terbuni I bas pengajaren enda janah itehna njabab persoalen-persoalen si ibereken kalak pentar.
Lit 2 (dua) kata kuni siipake Salomo i bas nuriken kerna pengajaren enda e me: hokma (hikmat, kepentaren) ras mowcar (didiken, disiplin). tertulis i bas ayat 2.
- Hokma ertina kepentaren sirehna i bas Dibata nari, simabai manusia gelah nggeluh bagi peratenNa. Tek maka kerina sikataken Dibata e benar ras merupaken satu satunya sumber kebenaren i bas geluh manusia.
- Mowcar ertina didiken ntah ajaren si isehken, ibegiken ras ilakoken anak didik si kedungenna menjadi darah daging bas kegeluhenna (jadi bagin dirina).
Alu bage Salomo menegasken bahwa hokma ras mowcar merupaken 2 hal si la banci ipisahken, adi ateta ngaloken kepentaren Dibata. Hokma e merupaken sumber kerina pemeteh si nasa lit, melebihi kerina si iangka manusia. E maka adi manusia banci ndatken hokma bas geluhna maka kehadiren hokma e pasti nambahi kepentarenna, reh beluhna ia ertimbang, ngasup ia ngangkai hal-hal si terbuni ras ngasup jabab persoalen persoalen siturah bas kegeluhenna
Ay. 7
Guna ndatken pemeteh, si pemenana si la banci la lit i bas kalak e me mehamat dingen erkemalangen man Tuhan. Kalak lernge la nggit mperdiateken kepentaren dingen la ia nggit erlajar.
I bas bagin enda, Salomo nuriken pintu masuk ras palas ndatken hokma e me mehamat dingen erkemalangen man Dibata. Kata asli si ipake i bas Bahasa aslina e me yir’ah ertina mbiar.Lit 2 makna siterkandung i bas kata mbiar enda e me:
- Makna negative ertina mbiar erkiteken kesalahen siibahan kita, ntah sesuatu si menyeramken, mengerikan sibanci erbanca kita cilaka.
- Makna positive ertina mbiar erkitekan rasa hormat, kagum ras respek erkiteken kiniulin singgo igejapkenna.
Alu enda tangkas si idah maka kalak si ndatken pemeteh iterjemahken sebage kalak si mehamat ras erkemalangen man Dibata. Ertina bahwa sekalak jelma si enggo nggejapken rasa kagum, rasa hormat man kemulian Dibata maka i bas dirina enggo terbentuk sikap tunduk, taat ras mbiar sirang ras peraten Dibata. Lanai nari atena sirang ras Dibata.
Bage pe kebalikenna, kalak lenge e me kalak si la nggit ngaloken hokma ras mowcar, sebab ia menganggap bahwa dirina me sibeluhna ras perate-ate/la disiplin.
3. APLIKASI
Negara Kesatuan Republik Indonesia i terberita sebagai negara agraris, terletak i bas lalu lintas perdagangen doni ras berada i bas 2 samudera (Samudera Hindia, Samudera Pasifik) ras 2 benua (Asia ras Australia) bagepe terletak i bas garis khatulistiwa si mengenal 2 musim e me musim kemarau ras musim hujan. Kerina enda nuduhken maka kita tading i bas negara si memiliki potensi alam si berlimpah ibandingken ras negara sideban. Namun i bas dampar sideban, akibat perambahen hutan si la terkendali, penambangen liar dingen la ertanggungjabab, penggunaan zat kimia si berlebihen man sinuan sinuan njadiken taneh si mehumur berubah jadi gersang ras lanai tersuani nari. Enda me sikataken lahan kritis ntah tandus, si jadi masalah i bas kegeluhenta.
Arah bahan renungenta, isingetken maka erkemalangen man Tuhan (hokma) nambahi pemeteh i bas naluken perbeben. Jadi adi lahan kritis masalah bas geluhta, maka alu hokma kita arus ndatken solusi mengatasi masalah enda. Negara Israel merupaken contoh negara si berhasil mengubah lahan tandus (gurun pasir) menjadi lahan produktif. Awalna pertanian hanya lit i sepanjang aliren sungai Jordan ras lembah-lembah si lit launa. Tapi genduari, alu ilmu ras teknologi, lahan-lahan tandus enggo berubah jadi kebun kebun anggur, korma, pisang, gandum rsd. Bangsa Israel tuhu-tuhu jenius i bas mengatasi perbeben geluhna. Thomas Alfa Edison sekalak keturunen Jahudi pernah ngataken “Jenius itu adalah 1% inspirasi dan 99 % kerja keras”. Alu kegigihen enda bangsa Israel nggo membuktiken dirina ngasup mengatasi persoalen ndai.
Alu bage selaku Mamre kita pe iajuk guna ngelakoken tindaken enda. Mamre perlu membuka wawasen baru, bahwa lahan kritis arus sipekena mulihi jadi lahan si subur ras produktif. Tindaken si banci i ban kita e me ula jadi pelaku perusak lingkungen, erban reboisasi, penggunaan pupuk organic. Kerna hal-hal teknis sidebanna, siaturken bas program kerja bas kategorial Mamreta bagepe si bangun kerjasama kategorial Mamre ras instansi pemerintahen si terkait. Bagi si isingetken Salomo maka hokma la terjeng konsep tapi jadi aksi nyata, bagepe kerna pengolahan lahan kritis enda labo sekedar konsep saja tapl membutuhken aksi nyata.
4. DISKUSI
1) Arah ogenta, kai ertina bena banana pemeteh e me mehamat dingen erkemalangen man Tuhan?
2) Rikutken pengidahndu, tindaken kai saja si perlu ibahan kita guna mengatasi lahan kritis si lit i sekitarta? Turiken ras rancang jadi program bas mamre sektor ntah runggunta.
- USULEN LAGU
- KEE GBKP No. 81 : 1,2,4
- KEE GBKP No. 364: 1,2
- KEE GBKP No. 420: 1,2,3
- KEE GBKP No. 334: 1,2
Pdt. Darius Rinaldi Sembiring, M. Th
HP. 0812 1931 648