KINIERSADAN KINITEKEN RAS PERBAHANEN
Jakup 2:18-24
Konfesi GBKP/Etika
2:18 Tetapi mungkin ada orang berkata: “Padamu ada iman dan padaku ada perbuatan”, aku akan menjawab dia: “Tunjukkanlah kepadaku imanmu itu tanpa perbuatan, dan aku akan menunjukkan kepadamu imanku dari perbuatan-perbuatanku.” 2:19 Engkau percaya, bahwa hanya ada satu Allah saja? Itu baik! Tetapi setan-setanpun juga percaya akan hal itu dan mereka gemetar. 2:20 Hai manusia yang bebal, maukah engkau mengakui sekarang, bahwa iman tanpa perbuatan adalah iman yang kosong? 2:21 Bukankah Abraham, bapa kita, dibenarkan karena perbuatan-perbuatannya, ketika ia mempersembahkan Ishak, anaknya, di atas mezbah? 2:22 Kamu lihat, bahwa iman bekerjasama dengan perbuatan-perbuatan dan oleh perbuatan-perbuatan itu iman menjadi sempurna. 2:23 Dengan jalan demikian genaplah nas yang mengatakan: “Lalu percayalah Abraham kepada Allah, maka Allah memperhitungkan hal itu kepadanya sebagai kebenaran.” Karena itu Abraham disebut: “Sahabat Allah.” 2:24 Jadi kamu lihat, bahwa manusia dibenarkan karena perbuatan-perbuatannya dan bukan hanya karena iman.
A. PERSIKAPEN
1. Pengurus PJJ ngaturken perdalanen PJJ subuk kune ilakoken i bas
sektor, jabu kepkepen, entah i bas jabu ngawan perpulungen
erkiteken situasi.
2. Nikapken ingan persembahen.
3. Nungkun ras nuratken topik pertoton sapaat.
4. Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
5. Sope benaken PJJ, banci kita rende alu make ende-enden KAKR.
6. Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Ngendeken puji-pujin man Tuhan ibabai anak
Bapa Abraham mempunyai, banyak sekali anak-anak
Aku anaknya engkau juga, Mari puji Tuhan
(Tangan kanak, tangan kiri, kaki kanan, kaki kiri, goyang
kepala lalu duduk)
Rende KEE No. 480:1 (5x)
https://www.youtube.com/watch?v=lIa7ZYF1cG4
O bangsa-bangsa pujilah Tuhan
K’rina erm’riah ukur man Tuhan
K’rina bangsa puji Tuhan
Ertoto ibabai Nande
Ngoge kata Dibata : Jakup 2:18-24 (Ibabai Bapa)
Tema : Kiniersadan Kiniteken ras Perbahanen
Dimana tanah di pijak, di situ langit di junjung. Kuan-kuan enda nuriken kerna kebiasan si lit i bas sada ingan/kuta banci la seri ras kuta si deban. Adi bengket kita ku bas sada ingan, tentu si ikuti kebiasan si lit ije. Gelah kita banci teraloken dingen tampil i bas ingan e. Enda me si igelari etika. Adi bengket kita ku bas ingan si itetapken Dibata jadi inganta tading, uga dage arusna sikapta?
Abraham, Bapa kalak si erkiniteken, ringan i bas kuta si itetapken Dibata. Tadingkenna kuta asalna ras kebiasan kutana. Kuta Kanaan e me kuta si ibereken Dibata guna iinganina. Ije melala igejapkenna penampat Dibata, ia jadi kalak bayak namura, janah i bas umur si enggo metua pe inanamina denga padan Tuhan e me ketubuhen anakna arah ndeharana si Sarai. Tergejap man bana maka Dibata la lupa nandangi padan si pernah ibelaskenNa. Penemani, pengarak-ngarak ras pengkawali Tuhan geluhna erbahanca lanai sitik pe lit ukurna nilah i bas Dibata nari. Kiniteken si paguh teridah i bas ia tuhu-tuhu erpengendes man Dibata.
I bas sada wari isuruh Tuhan ia mpersembahken anakna si Isak, anak si ipadanken Dibata man bana. Nehken persembahen enggo jadi sada kebiasan man Abraham si tading i bas kuta si itetapken Dibata. Sedekah enda pe labo akapna metahat ngikuti aturen Dibata e. Saja, sekali enda si ipindo Dibata guna ipersembahkenna e me anakna jine. Anak si itima-timaina seh metua. Uga nge iakapndu perbahanen Abraham paksa si e?
Tading i bas ingan si ipadanken Dibata, Abraham la tawar-menawar, patuh, iikutkenna aturen Dibata. Em bukti kinitekenna. Ibabana anakna ku deleng Moria, isikapkenna kerina keperlun guna ersembah, e me ranting, minak ras batar-batar ingan mpersembahken anakna. I bas pusuhna, Dibata enggo maba aku ras isi jabuku ku kuta si ipadankenNa, enggo ipekena-kenaNa, ras ipasupasuNa geluh ku, la mungkin lit si jahat ate Dibata isehkenNa man bangku. E maka tupung lit penungkunen Isak, i ja biri-biri si man persembahenken sabab ranting ras minak enggo sikap? Nina Abraham njababsa, “Dibata nikapkensa.” Pengendesen dirina man Dibata tuhu-tuhu teridah. Kiniersadan kiniteken ras perbahanen, sembaba la si ganjang teruken. Kiniteken Abraham man Dibata teridah arah perbahanenna si la nimbak aturen Dibata. Bengket ku bas kuta Dibata, iikutkenna aturen Dibata.
Bali ras Abraham kita pe enggo ipebengket ku bas kuta si mbaru, eme kinirajan Dibata. Dibata jadi Raja ras pemimpinta. Uga akapndu adi kita tading i bas kerajan Dibata e? Kepatuhen ndalanken aturen Dibata e me buah kiniteken ras perbahanenta. Patuh labo gelah selamat. Kalak si enggo iselamatken Dibata nge maka ringan i bas kinirajan e. Kepatuhen ndalanken aturen Dibata e tanda kita enggo selamat. Buah kiniteken e teridah arah perbahanen si teptep wari.
I bas gerejanta ibabai kita lako ermediate nandangi lingkungenta, atan ije mperdiateken kegeluhen anak-anakta. Kepatuhen man Dibata teridah buahna arah perbahanen si ermediate ras erpemere nandangi sekelewet. Situduhken dage kekelengenta nandangi PERMATA GBKP salah sadana alu muat bagin ngendesken geraken Rp 10.000/jabu lako erbahan ruang studio PERMATA GBKP (Nen Lampiren ibas Buku PJJnta). Em jadi alat pelayanenna i bas masa pandemi enda. Si tuduhken buah kinitekenta arah perbahanenta. Amin.
Nuriken Penggejapen (Bapa, Nande, Anak)
Sharing (Pengurus PJJ)
1. Doni enda eme kuta si itetapken Dibata jadi inganta tading kentisik. Uga dage enggo kepatuhennta man baNa selaku IA simada kuta inganta tading enda?
2.Perbahanen si uga dage tole nari si lakoken si jadi tanda kita patuh man Tuhan? (Sisampati anakta permata alu muat bagin ngendesken geraken Rp 10.000/ jabu)
Kesimpulen : Irakut Pt, Dk, Pdt
Rende: KEE No. 469:1 (3x)
(ibabai nande)
https://youtu.be/5AfIWiaKm4I
Tuhan Ku begi kataNdu, Tuhan ku aloken kataNdu
Haleluya, Haleluya Tuhan ku pake kataNdu
Nehken Persembahen (ibabai anak)
Rende KEE No. 451:1,4
https://youtu.be/cYlzjh64EBk
Malerlah pasu-pasuNdu, bagi ni padankenNdu
Gegeh ras ukur si paguh, tetap iberekenNdu
Reff : Pasu-pasuNdu, em ulu gegeh kami
Enggo kap maler me tuhu, si ndemi geluh kami
Malerlah pasu-pasuNdu, bagi ni padankenNdu
Pusuh kami pe nggo sikap, demi salu liasNdu Reff : …
Pertoton Persembahen ras sapaat (si mabaisa Bapa, nande, anak)
- Persembahen
- Perpulungen patuh ngikutken aturen Tuhan si teridah arah lagu langkah ras perbahanenna
- Sura-sura PERMATA lako erbahan ruang studio PERMATA
- Siturah i bas perpulungen
Pertoton Tuhan
Rende KEE No. 466:1 (3x)
https://youtu.be/6Ztci-6JyJI
Bujur o Tuhanku, Bujur o Tuhanku
Terpujilah gelarNdu bujur o Tuhanku
Momo
C. JEDA RAS PENUTUP
Pdt. Nurbety br Ginting, M.Th.
HP/WA : 0821 6869 6383