SETIA MAN TUHAN
Jakub 4:1-10
Hawa nafsu dan persahabatan dengan dunia
4:1 Dari manakah datangnya sengketa dan pertengkaran di antara kamu? Bukankah datangnya dari hawa nafsumu yang saling berjuang di dalam tubuhmu? 4:2 Kamu mengingini sesuatu, tetapi kamu tidak memperolehnya, lalu kamu membunuh; kamu iri hati, tetapi kamu tidak mencapai tujuanmu, lalu kamu bertengkar dan kamu berkelahi. Kamu tidak memperoleh apa-apa, karena kamu tidak berdoa. 4:3 Atau kamu berdoa juga, tetapi kamu tidak menerima apa-apa, karena kamu salah berdoa, sebab yang kamu minta itu hendak kamu habiskan untuk memuaskan hawa nafsumu. 4:4 Hai kamu, orang-orang yang tidak setia! Tidakkah kamu tahu, bahwa persahabatan dengan dunia adalah permusuhan dengan Allah? Jadi barangsiapa hendak menjadi sahabat dunia ini, ia menjadikan dirinya musuh Allah. 4:5 Janganlah kamu menyangka, bahwa Kitab Suci tanpa alasan berkata: “Roh yang ditempatkan Allah di dalam diri kita, diingini-Nya dengan cemburu!” 4:6 Tetapi kasih karunia, yang dianugerahkan-Nya kepada kita, lebih besar dari pada itu. Karena itu Ia katakan: “Allah menentang orang yang congkak, tetapi mengasihani orang yang rendah hati.” 4:7 Karena itu tunduklah kepada Allah, dan lawanlah Iblis, maka ia akan lari dari padamu! 4:8 Mendekatlah kepada Allah, dan Ia akan mendekat kepadamu. Tahirkanlah tanganmu, hai kamu orang-orang berdosa! dan sucikanlah hatimu, hai kamu yang mendua hati! 4:9 Sadarilah kemalanganmu, berdukacita dan merataplah; hendaklah tertawamu kamu ganti dengan ratap dan sukacitamu dengan dukacita. 4:10 Rendahkanlah dirimu di hadapan Tuhan, dan Ia akan meninggikan kamu.
A. PERSIKAPEN
* Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
* Nikapken ingan persembahen.
* Nungkun ras nuratken topik pertoton sapaat.
* Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
* Sope benaken PJJ, banci kita rende alu make ende-enden KAKR.
* Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/ PERPULUNGEN JABU
Bernyanyi : Bahasa Cinta
https://www.youtube.com/watch?v=hrJJLrNLe9s
Andaikan aku lakukan yang luhur mulia
Jika tanpa kasih cinta hampa tak berguna
Ajarilah kami bahasa cinta-Mu
Agar kami dekat padaMu, ya Tuhanku
Ajarilah kami bahasa cinta-Mu
Agar kami dekat pada-Mu
Andaikan aku pahami bahasa semua
Hanyalah bahasa cinta kunci tiap hati
Ajarilah kami bahasa cinta-Mu
Agar kami dekat pada-Mu, ya Tuhanku
Ajarilah kami bahasa cinta-Mu
Agar kami dekat pada-Mu
Rende : KEE No. 313:1 “PULUNG M’RIAH KAL KAMI KERINA”
https://www.youtube.com/watch?v=h0_s9yuWPpQ
Pulung m’riah kal kami kerina, jumpa i bas Rumah si Badia
Reh min Kam O, Bapa si mulia, g’lah kerina badia jadina
Reff: Salsali pusuh kami, layasi ukur kami
Pengarapen reh teguhna, kiniteken reh paguhna
Ertoto (ibabai si mada jabu banci bapa, nande, ntah anak tengah jabu)
Renungen
* Ngoge Kata Dibata Jakub 4:1-10 (Ibabai Nande/Anak)
* Tema : Setia Man Tuhan
* Renungen (Ibabai Bapa/Nande)
Gereja selaku persadaan kalak si tek (si setia man TUHAN) tuhutuhu ernanam kal man anggota perpulungen ras man kalak si deban desken sapo ingan cio-cio man aron tupung paksana pekesahken. Penggejapen si bage tuhu-tuhu jadi adi anggota perpulungen sada odakna lako ngayaki tujun si seri e me gereja si erguna man doni enda. Adi kecibal kegeluhen perpulungen e desken kambing sikalameka, telu ngenca nahena tapi sitelu e pe sipaditen, e sahun me anggota perpulungen e ngisahen la ban lasna wari, erkiteken enggo si maba-maba randana kerina, dungna sipaditen me.
Bage me kecibal perpulungen si enggo merap (diaspora) paksa si e i bas perantauan tupung Jakup nulisken suratna enda. Jakup ngirimken suratna erkiteken lit perjengilen ras perubaten i tengahtengah perpulungen lako ndatken kerincuhen nandangi kesenangen si la erngadi-ngadi erperang i bas dirina. Adi la kin datna si mengga atena munuh pe ia nggit, bage pe adi la kin datna kai si isurakenna, erjengil ras rubat pe ia nggit. Engkai maka la datna? Erkiteken la ipindona man Dibata (la nggeluh rikutken sura-sura Dibata, la setia man TUHAN), janah adi pindona pe labo ibereken Dibata erkiteken tujunna labo mehuli, tapi tujunna guna pesenangken dirina saja.
Praktek kegeluhen si bagenda me si ni gelari Jakup “erlua-lua i bas kiniteken”. Kalak si bage igelari erteman ras doni janah ibahanna geluhna jadi imbang Dibata. Si enda jadi erkiteken perpulungen “diaspora” lenga bo seri kedewasanna subuk i bas kiniteken bage pe carana rukur. Amin bage gia ndauh denga nge belinen lias ate Dibata asangken nembehNa, e maka nina Jakup, endesken ras rembakken dirindu man Dibata gelah Ia pe ngerembakken diri-Na man bandu, si teridah arah kinijeran nggeluh, bersih pusuh peraten dingen ipeterukna bana.
Praktek kegeluhen perpulungen diaspora ndube banci jadi lit ka i bas kegeluhen perpulungenta si genduari, si erbahanca turah perjengilen ras perubaten. Turahna perjengilen ras perubaten erkiteken lit ngawan perpulungen lenga dewasa carana rukur bage pe pengangkanna nandangi kata Dibata njulmit denga kal. E maka lenga bo terbedakenca uga kin biak nggeluh erpalasken sura-sura Dibata ras sura-sura doni. Kedungenna biak doni me ipakena i bas gereja guna ndatken sura-sura/kepentingan alu cara si la sue ras sura-sura Dibata. Enggo pas bagi prinsip kalak Jahudi, si penting “dat/seh sura-surana” adi uga carana ndatkenca labo penting. Seh gia sura-sura adi Dibata jadi imbangta, kai nge gunana pengkebet
si bage? Piah dungna perjengilen ras perubaten ndai lalap la erkedungen erkiteken kurang dewasa kiniteken si teridah i bas caranta rukur selaku perpulungen. Pentingna kedewasan kiniteken ras cara rukur perpulungen gelah ngasup ngidah biak si positip i bas litna perjengilen ras perubaten gelah erteguhna persadaan perpulungen. Tapi adina kurang kedewasan kiniteken perpulungen, mahan bana cara rukur e pe lalap negatip. E maka lit kenca perjengilen ras perubaten lalap idaramina kemenangenna gelah teridah kalak si deban salah. Bagenda me maka mesera kal rusur ndungi perjengilen ras perubaten i bas gereja. Biak nggeluh setia man TUHAN dingen ngergai kalak si deban arusna jadi biak nggeluh anak-anak TUHAN. Biak si bagenda labo ndigan pe idat i bas doni enda. I bas gereja ngenca lit. Tapi adi bas gereja pe lanai terdungi perjengilen ras perubaten erkiteken sura-suranta nge ateta jadi, payo denga kin lah sikerajangenta e selaku kalak si setia man TUHAN? La kin lah enggo me si perimbang Dibata? La kin lah biak doni nge si pertemani? La kin lah kita enggo me erlua-lua secara kiniteken? Jadi, gelah ola kita sandit pengelako siding biak doni enda, aruslah kita nggeluh setia man TUHAN. Sabab i bas TUHAN lit keterkelinen. Talukenlah biak doni desken pengelako kalak si erlua-lua i bas kiniteken alu ngerembakken dirinta man Dibata dingen meteruklah ukurta gelah siat kalak si deban i bas pusuhta aminna uga gia sekali jelmana. Mari si benekenlah biakbiak doni si erbahanca Dibata jadi imbangta. Alu bage enggo sikelengi dirinta bage pe kalak si deban. Ula pelepas kam talu ibahan si jahat, tapi talukenlah si jahat e alu perbahanen si mehuli (Rm. 12:21).
Nuriken Penggejapen
* Simada Jabu
* Bapa
* Nande
* Anak
* Saitun
* Irakut Pt/Dk/Em/Pdt
Diskusi/Sharing (Ibabai Pengurus PJJ/Anak)
* Turikenlah kai si erbahanca maka sempat turah perjengilen ras perubaten i bas perpulungen/gereja?
* Turiken kai nge untungna adi si nehen konflik arah sisi positif, ras kai kai rugina adi si nehen konflik arah sisi negatif?
Persembahen KEE No. 281:1
“KEK’LENGEN YESUS KEMPAK MANUSIA”
https://www.youtube.com/watch?v=zHW25Y9Rbzk
Kek’lengen Yesus kempak manusia
Desken Dibata engkelengi IA
KekelengenNa maler kap man banta
Adi si pake lah pedah-Na
Reff: Min si keleng-kelengen kita k’rina
Bagi pedahken Yesus bas Pustaka
Sababna kai si pindo bas gelarNa
Ib’re Dibata man banta
Pertoton Sapaat
* Gelah dinamika si lit i bas tiap-tiap perpulungen bas GBKPbanci ikelola jadi warna perlayanen si khas ras erguna man kalak si deban.
* Gelah serayan i bas ndahiken dahinna banci si sampatsampaten sada ras si debanna.
* Gelah GBKP banci ras tetap mpertahanken kehadirenna jadi teladan bas perdalinen kegeluhen i doni enda.
* Kerna persembahen ras kegeluhen jabu/perpulungen
Rende : KEE No. 209:1 “PERPULUNGEN ERSADALAH”
https://www.youtube.com/watch?v=CW_YNHCWKR0
Perpulungen ersadalah, ngikutken pedahNa
Bas kiniteken tetaplah, man Tuhan Dibata
Bas si mehuli ayaklah, sisampat-sampaten
Bage kap pedah Dibata, sikeleng-kelengen
Pertoton Tuhan
Momo
Pdt. Justen Tarigan, M.Th.
HP/WA : 0821 2380 8035