(Letare)
Ogen : Jesaya 35:1-10
Tema : Malem kal ate bangsa si enggo iselamatken Dibata,
Tujun :
- Gelah Saitun ngasup nggejapken kemalemen ate selaku bangsa si enggo iselamatken Dibata.
- Jadi keselamaten man Saitun, nuriken pengalamenna man anak-kempu kerna perbahanen Dibata i bas nalihken kiniseranna jadi kemalemen ate.
Keselamatan bagi umat TUHAN
35:1 Padang gurun dan padang kering akan bergirang, padang belantara akan bersorak-sorak dan berbunga; 35:2 seperti bunga mawar ia akan berbunga lebat, akan bersorak-sorak, ya bersorak-sorak dan bersorak-sorai. Kemuliaan Libanon akan diberikan kepadanya, semarak Karmel dan Saron; mereka itu akan melihat kemuliaan TUHAN, semarak Allah kita. 35:3 Kuatkanlah tangan yang lemah lesu dan teguhkanlah lutut yang goyah. 35:4 Katakanlah kepada orang-orang yang tawar hati: “Kuatkanlah hati, janganlah takut! Lihatlah, Allahmu akan datang dengan pembalasan dan dengan ganjaran Allah. Ia sendiri datang menyelamatkan kamu!” 35:5 Pada waktu itu mata orang-orang buta akan dicelikkan, dan telinga orang-orang tuli akan dibuka. 35:6 Pada waktu itu orang lumpuh akan melompat seperti rusa, dan mulut orang bisu akan bersorak-sorai; sebab mata air memancar di padang gurun, dan sungai di padang belantara; 35:7 tanah pasir yang hangat akan menjadi kolam, dan tanah kersang menjadi sumber-sumber air; di tempat serigala berbaring akan tumbuh tebu dan pandan. 35:8 Di situ akan ada jalan raya, yang akan disebutkan Jalan Kudus; orang yang tidak tahir tidak akan melintasinya, dan orang-orang pandir tidak akan mengembara di atasnya. 35:9 Di situ tidak akan ada singa, binatang buas tidak akan menjalaninya dan tidak akan terdapat di sana; orang-orang yang diselamatkan akan berjalan di situ, 35:10 dan orang-orang yang dibebaskan TUHAN akan pulang dan masuk ke Sion dengan bersorak-sorai, sedang sukacita abadi meliputi mereka; kegirangan dan sukacita akan memenuhi mereka, kedukaan dan keluh kesah akan menjauh.
1. BENA KATA
Kune kita i bas perdalanen ndauh enggo latih siakap erdalan. curcur panasta, muas kita dingen melihe ka.Tentu ibas situasi si bage merincuh kal kita jumpa ingan pengadi-ngadin ras lau inemen nakan man pangan. I bas situasinta latih, muas ras melihe, reh sekalak si ngerana nina: “lanai ndauhsa seh me kam i bas sada kuta ingan ngadi pekesahke. Lit i je lau meciho man inemen, bage pe nakan sí man panganen enggo sikapken man bandu.”
Si ngerana e terteki la pernah guak. Tentu langa pe seh kai si ikatakenna e, minter tambah semangat erdalan. I bas kesuliten e pe mulihi meriah lakap, sebab kentisik nari jumpa pengadi-ngadin, rikut ras lau inemen ras nakan man panganen. Lit nge kalak labo tek kata e, e maka labo iakapna meriah, labo semangat i bas ndalani dalan e. Semangat nggeluh ndalani dalan berkaiten ras kinitekenta man Tuhan, si enggo erpadan man banta mereken si mehulina man banta. Adi tek kita Kata Tuhan genduari nari enggo meriah siakap dingen malem ateta nggeluh i bas doni enda.
2. MPEBAGESI OGEN
Kitab Jesaya Pasal 35 enda e me Kata Dibata si ipeseh Jesaya man kalak Israil ope denga ibuang ku Babil. Bangsa enda ibuang erkiteken lagu langkahna lanai lakap Dibata payo, e maka ijinken Dibata kalak Assur naluken ia. Ngkai maka ijinken Dibata bangsaNa italuken? Tentu lit sura-sura Dibata gelah terjadi pertobaten man Israil. Sabab kalak kalak Israil enggo nilah i bas sura-sura Dibata nari. Kalak Israil e me kalak si mekeng kuduk, lanai bulat ukurna ernalem man Dibata. E maka reh ukumen i bas Dibata nari, ijinken Dibata kalak Asur nalukenca, ras iancam guna itaban ku Babil. Tapi si tuhuna kerina e gelah kalak Israil sadar ras erkadiola, ije mulihken ku Tuhan. Alu bage kineseran sini ialami kalak Israil, merupakan pembinaan rohani man bangsa enda. Tapi si jelas teridah maka Dibata keleng kel ateNa bangsaNa. Dibata ngerencanaken keselamaten man bangsa enda. E maka ngerana Dibata man kalak Israil erkelangken Nabi Yesaya, nina: “Gurun pasir ras taneh kerah meriah pagi akapna, taneh mesawang ersurak janah erbunga. Tiwen si lanai ergegeh jadi megegeh, si tumpat ukurna jadi tetap ukurna, si pentang jadi erpengidah, kalak pasek erpemegi, kalak cempang lompat-lompat”. Berarti lit janji Tuhan si mehuli, si bakal ibereken Dibata man bangsa enda. Penggenapen kai si ijanjiken Tuhan enda tergenapi i bas Yesus Kristus, si mpemedak mata kalak pentang, si mpepalem kalak pangpangen, si mbukaken cuping kalak si pasek, dingen si mpepalem kalak si pinakiten (Mat.8:17; Lukas 7:22). Dalan si Badia si ijanjiken i jenda e me Yesus Kristus. Kalak si erdalan arah dalan e, lanai aru atena, jumpa me ia si mehuli, kemalemen ate ras keselamaten. Kalak perdosa ras kalak si la tek man Dibata la lit sada pe erdalan arah dalan e
3. PENGKENAINA
Erbage-bage nge kiniseran si ibentasi kita i bas kita enggo lanjut usia, penakit banci jadi erbuena reh, fungsi ringringta reh kurangna kerina, e tentu ngkurangi keriahenta, Bage pe adi kita enggo erkempu, lanai terjeng anakta ngenca siukuri tapi kubas kempunta pe enggo man ukurenta. E maka jungut-jungutta pe biasana tambah. Erkiteken sie banci jadi terganggu pertunduhta. Sabab kíta seumpamana sangana erdalan, enggo ndauh perdalanta, enggo latih, muas dingen melihe i bas ndalani geluh enda. Kinitekenta man Tuhan Yesus me si erbanca salih jadi kemalemen ate man banta kerinana. Erkiteken Yesus me maka kai pe banci jadi kemalemen ate banta. E maka i bas situasi si bage perlu kal sidarami Tuhan, sibahan kai si ngena ate Tuhan, jungut jungut e si salihken jadi puji-pujin man Tuhan. Sabab si jelas Tuhan keleng ateNa kita, kita meherga i lebe-lebe Dibata.
4. PERTOTON
0 Tuhan, Bapa si ngkelengi kami, perkuah atenNdu nge si erbahanca kami enggo seh jadi Saitun. Ajari kami ermeriah ukur ndalani geluh kami. I bas kinituan kami megahlah min akap kami. Bere gegeh kami O Tuhan, i bas kami ndalani geluh kami, tegu kami gelah ula guling, maka seh ku bas kai si enggo ipadankeNdu man kami kalak si erkiniteken.
I bas Tuhan Yesus kami ertoto. Amin.
METODE PA: DISKUSI
1. Kuga nge banci kita Saitun enda ermeriah ukur ras ermalem ate, adi reh buena perbebenta nggeluh perban umur reh gedangna?
2. Rusur kal si begi nina teman: “Kata Dibata sibahan cikenta ras lanamta, adi kita erdalan ndauh ras erbaban mberat, gelahula kita celus, ras la mesui takalta i bas ndalani geluh enda”, Uga a nge maksudna teman? Turiken penggejapenta
Kata-kata bijak
Fokus kepada hati yang panas melahirkan perbuatan dosa, fokus kepada perbuatan baik akan mengalahkan dosa.
Katepar-katepar nurung bas bubu
Cinep perik bas batang eru
Adi kita ndahi Kalimbubu
Ula lupa baba anak beru