Bahan PJJ 20-26 Maret 2022

ERSADA RAS SI MEHULI
Roma 12:9-13

Nasihat untuk hidup dalam kasih

12:9 Hendaklah kasih itu jangan pura-pura! Jauhilah yang jahat dan lakukanlah yang baik. 12:10 Hendaklah kamu saling mengasihi sebagai saudara dan saling mendahului dalam memberi hormat. 12:11 Janganlah hendaknya kerajinanmu kendor, biarlah rohmu menyala-nyala dan layanilah Tuhan. 12:12 Bersukacitalah dalam pengharapan, sabarlah dalam kesesakan, dan bertekunlah dalam doa! 12:13 Bantulah dalam kekurangan orang-orang kudus dan usahakanlah dirimu untuk selalu memberikan tumpangan!

A. PERSIKAPEN

  • Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
  • Nikapken ingan persembahen.
  • Nungkun ras nuratken topik pertoton sapaat.
  • Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen PJJ ibabai bapa, nande, bage pe anak.
  • Sope benaken PJJ, banci kita rende alu make ende-enden KAKR.
  • Janah kerina perdalanen PJJ enda banci iubah (imodifikasi) rikutken perluna.

B. PERPULUNGEN JABU-JABU/PERPULUNGEN JABU RENDE
Dalam Yesus Kita Bersaudara (ibabai anak)
Dalam Yesus kita bersaudara
Dalam Yesus kita bersaudara
Dalam Yesus kita bersaudara sekarang dan selamanya
Dalam Yesus kita bersaudara

I bas Jesus kita ersenina
I bas Jesus kita ersenina
I bas Jesus kita ersenina gundari seh rasa lalap
I bas Jesus kita ersenina.

ERTOTO (ibabai bapa)
RENDE: KEE No. 204: 1,3

https://www.youtube.com/watch?v=f_MriYd4zXo
Kata Ni Dibata Kata ni Dibata, seh kal e perluna, bas geluh enda
Ogelah Pustaka, je la ngerana, man banta k’rina Gegeh i bas geluhku, Kata Ndu si tuhu-tuhu, ras pasu-pasuNdu
Mari kita k’rina, si begi kataNa, tutus ateta
‘Di nggit ngalokenca, b’rekenNa dameNa, kubas pusuhta
Ola lupa min dage, Kata Dibata si pake, si petetap ate.

NGOGE KATA DIBATA Roma 12:9-13 (iogeken nande)

RENUNGEN
Tema: Ersada Ras Si Mehuli

I bas kegeluhenta arus lit orat geluh si man dalanenta. Em jadi kebiasaan geluh (Ind. Gaya hidup) si arus tetap sidalanken maka ula kita ipengaruhi situasi si lit i bas doni enda. Sabab erbage-bage situasi si jadi man alanken. Situasi si lit bagi ukur tapi lit ka la bagi ukur. Situasi si tentu banci mpengaruhi kegeluhenta bage pe jabunta. Umpamana, adi situasi kegeluhenta dekahen gulut maka banci erbahanca kita nggeluh erdua ukur. Sebalikna di kune geluhta gatin i bas meriah ukur maka banci kita ndabuh i bas kiniganjangen ukur. Selaku kalak si erkiniteken man Tuhan Dibata tentu iarapken geluhta la ipengaruhi situasi tapi kita tetap nggeluh mehuli i bas kerina paksa.

Bahan renungenta PJJ enda, nuriken kerna Rasul Paulus si mpetangkas kewajiben nggeluh kalak Kristen. Kegeluhen e arus min ilakoken alu dem keleng ate la pekulah-kulah. Sabab adi pekulah-kulah, labo arah pusuh nari tapi terpaksa. Keleng ate si isehken alu terpaksa situhuna labo peturah kedamen nandangi kalak si deban singaloken keleng ate e, bage pe nandangi kalak si nehkenca labo ndatken keriahen ukur. Kalak si nehken kekelengen tentu ciga atena nandangi kejahaten sabab ia enggo ersada ras perbahanen bage pe perukuren si mehuli.

Bagi nina Rasul Paulus maka kalak si ciga atena kejahaten tentu i bas kegeluhenna ia nehken kehamaten man kalak si deban janah tutus ia erdahin, labo perkisat i bas ndahiken dahin Tuhan. Tambah tolena piga-piga ciri-ciri si debanna e me nggeluh erpengarapen man Tuhan, megenggeng i bas kiniseran dingen ertoto la erngadi-ngadi.

Alu bage pengarapenta, i bas kata pedah Rasul Paulus enda, maka selaku kalak Kristen marilah kita nggeluh i bas si mehuli, ula kari dekahen kita ikut i bas kegeluhen si jahat. Amin gia pe i bas doni enda mbue si la mehuli tapi selaku kita kalak si erkiniteken tetaplah kita setia nggeluh i bas si mehuli e.

Ersada situhuna orat geluh kalak karo. Banci si idah i bas masa pandemi enda tuhu latih kel si akap la pulung-pulung. Sabab biak ta kin pulung dingen mpersada arih. Bage ka me pengarapenta sekali enda gelahna kita ersada i bas si mehuli. Ersada arih kita ngkelengi gerejanta, ersada arih kita ngkelengi bangsa ras negaranta enda alu tetap ngasup nggeluh i bas si mehuli itengah-tengah zaman pandemi covid-19. Contoh si banci silakoken e me make masker, megati cuci tan, jaga jarak, ras la megati ndarat rumah.

Di kune reh gegehna kita ersada ras si mehuli, tentu reh buena si mehuli jadi i bas kegeluhenta. Alu bage tuhu-tuhu banci malem ateta. Jenari reh buena pe kemalemen ate si sehken man kalak si deban. Reh ernanamna kita i bas kegeluhen enda. Tentu kalak si deban pe pengarapenta bage ka perayakenna. E maka pelin-pelin me si mehuli banci si nanami ras-ras. Dame sejahtera jadi me i bas doni enda dingen terpuji Tuhan Dibata.

NURIKEN PENGGEJAPEN
Adi PJJ i bas jabu-jabu masing
1. Bapa
2. Anak
3. Nande
Adi PJJ i bas sektor
1. Saitun
2. Moria
3. Mamre

IRAKUT PERTUA/DIAKEN/EMERITUS/PENDETA
Catatan: Adi Pjj mandiri i jabu masing-masing maka kerina renungen iogeken bapa.

DISKUSI ras AKSI

  1. Turiken kai nge si ngambati kam maka la tetap ersada ras si mehuli!
  2. Ban foto sada jabundu alu tema “hidup zaman covid”. Kenca dung, bahanlah pengajuk gelah ikut aturen kita kerina arah media sosialta, ntah banci ka arah media sosial anak-anakta.

RENDE: KEE No. 420:1-2 Asa Gegeh Ras Kengasupen
https://www.youtube.com/watch?v=8wqHeFvDGbI
Asa gegeh ras kengasupen, kami nehken persembahen Endesken kami baNdu Tuhan, alu dem keriahen
Reff: Ajari kami ngergaken, talenta ras kiniliten Asa ukur ras perbahanen, Tuhan ipermuliaken
Mbue tuhu kami aloken, pasu-pasuNdu o Tuhan KelengNdu igejapken kami, kam kap sinegu kami Reff : …

PERTOTON SAPAAT (ibabai nande)
• Notoken persembahen
• Notoken ngawan perpulungen gelah tetap nggeluh i bas si mehuli
• Notoken Gereja ras Negara

RENDE: Hidupku Bukannya Aku Lagi
https://youtu.be/thNRRiN5FSc?t=13
Hidupku bukannya aku lagi, tapi Yesus dalam ku
Hidupku bukannya aku lagi,
tapi Yesus dalam ku
Yesus… hidup… Yesus hidup dalam ku
Hidupku bukannya aku lagi Tapi Yesus dalam ku

PERTOTON TUHAN

MOMO

C. JEDA RAS PENUTUP

Pdt. Oktoria Br. Surbakti, M. Th.
HP/WA : 0813 7620 6662