RUNGGU MUAT SI MEHULI
Kejadin 23:10-11
(Musyawarah Ngawan)
” 23:10 Pada waktu itu Efron hadir di tengah-tengah bani Het. Maka jawab Efron, orang Het itu, kepada Abraham dengan didengar oleh bani Het, oleh semua orang yang datang di pintu gerbang kota: 23:11 “Tidak, tuanku, dengarkanlah aku; ladang itu kuberikan kepadamu dan gua yang di sanapun kuberikan kepadamu; di depan mata orang-orang sebangsaku kuberikan itu kepadamu; kuburkanlah isterimu yang mati itu.
A. PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen.
- Nungkun ras nuratken topik pertoton sapaat.
- Kune i bas sektor entah jabu kepkepen, perdalanen PJJ ibabai Pertua, Diaken, Pengurus PJJ, bage pe sekalak si enggo iaturken pengurus PJJ. Dikune PJJ ilakoken i jabu masing-masing, maka perdalanen P!J ibabai bapa, nande, bage pe anak.
- Sope benaken PJJ, banci kita rende alu make ende-enden KAKR.
- Janah kerina perdalanen PJJ enda banci iubah (imodifikasi) rikutken perluna.
B. PERPULUNGEN JABU-JABU/PERPULUNGEN JABU
Ngendeken “Bapa Engkau Sungguh Baik” (ibabai Anak)
https://www.youtube.com/watch?v=vJC7QrOF1j4
Bapa Engkau sungguh baik
KasihMu melimpah di hidupku
Bapa ku bert’rima kasih
BerkatMu hari ini yang Kau sediakan bagiku
Kunaikkan syukurku buat hari yang Kau b’ri
Tak habis-habisnya kasih dan rahmat Mu
S’lalu baru dan tak pernah terlambat pertolongan Mu
Besar setiaMu di s’panjang hidupku
Ertoto (Ibabai Bapa)
Rende KEE No. 313:1, 2 (ibabai Bapa)
https://www.youtube.com/watch?v=h0_s9yuWPpQ
Pulung m’riah kal kami kerina, jumpa i bas rumah si Badia
Reh min Kam, o Bapa si Mulia, g’lah kerina Badia jadina
Reff: Salsali pusuh kami layasi ukur kami
Pengarapen reh teguhna kiniteken reh paguhna
Wari ras berngi nggo ibentasi, keleng ate Ndu tetap nemani
I bas mberat Kam lalap nampati, i bas susah Kam si ngelayasi
Reff :…
Ngoge Pustaka si Badia: Kejadin 23:10-11 (logeken Nande)
Renungen
Tema: Runggu Muat Si Mehuli
I bas masyarakatta terlebih selaku kita kalak Karo, megati kita itenahken ku sada-sada dahin/kerja subuk kita selaku sangkep nggeluh ntah pe teman meriah. I bas undangen e rusur isuratken gelah radu ras kita reh guna ngerunggui sada dahin. I bas kalak Karo, runggu ilakoken guna ncakapken ras ndungi sada-sada dahin ntah pe persoalen. Kerina dahin ibenaken lebe alu runggu, subuk kerja meriah ukur (perjabun, mengket rumah, kerja tahun kuta, ras si debanna) bage pe ceda ate la banci lang kerinana irungguken lebe guna idahiken. Seh maka ndungi ras mbagiken tading-tadingen orang tua pe ilakoken runggu si irunggui anak beru, gelah ratur ras la turah perjengilen. Jadi banci isimpulken maka runggu ilakoken guna ncakapken ras ngarihken si payo ras maba kiniulin arah kai siniputusken i bas runggu e. Labo lit runggu si ersura-sura gelah sontar ras ercedana sada-sada dahin ntah rencana kerja. Adi sinehen pe ku bas tradisi ntah kesemalen nggeluh, manusia, kepeken runggu enggo ilakoken nai-nai nari guna muat si mehuli. I bas Pustaka si Badia pe banci si idah uga tua-tua Israel erbahan sada perjumpan guna ngerunggui sada-sada persoalen ras i bas ngerencanaken sada-sada dahin si mbelin, e maka i lit ken sada ingan perjumpan guna runggu i bas gerbang kota, deher kerabangen ntah pe i bas dalan bengket ku bas kuta (bdk. Jos. 20:4; Rut 4:1). Guna ncakapken ras ndungi sada-sada persoalen, nabi-nabi, raja, tua-tua Israel bage pe Hakim-Hakim ngelakoken runggu; Nabi Musa ngerunggui perubaten-perubaten si lit turah i bas sapih-sapih kalak Israel, mulai pagi-pagi nari seh ngasa berngi (Kel. 18:13). Hakim-hakim iangkat i bas teptep kota gelah ia sl ngerunggui rayat alu la rayo-ayo (UI. 16:18). Debora, ndehara Lapidot siniangkat jadi hakim guna ngerunggui bangsa lsrael (Hak.4:4). I Mispa ingan Samuel ngerunggui perkara si lit i tengah-tengah kalak Israel (1 Sam. 7:6). Raja Daud pe ngelakoken runggu ras kerina pemimpin pasuken guna ngerencanaken dahin simbelin (1 Kro. 13:1). Kalak Aten singelakoken runggu ras sidang i bas sada ingan sinigelari Areopagus (Perb. 17:19).
Arah renungen PJJ nta sendah pe si idah uga kesemalen kalak Kanaan (ope denga nandai Tuhan), e me kalak Heti si rusur pulung ras kundul-kundul i bas ingan runggu i gerbang kuta. Ituriken kerna Abraham ngadap man kalak Heti gelah banci min ia nukur taneh guna ingan ngkuburken ndeharana si Sara sabab ia kalak tandang. I bas tradisi paksa si e, sada persoalen si mbelin kal adi lit kalak asing ntah pertandang ngkuburken anggota jabuna si mate i taneh si langa itukurna bage pe adi langa ndatken ijin i bas anak kuta nari. E maka ipindo Abraham janahna erjimpuh gelah senang min ukur kalak Heti ngaloken gelah Sara banci ikuburken i je. Janah ipindoken Abraham pe gelah ipeseh kalak enda man si mada taneh e me Epron anak Sohar sura-surana guna nukur gua Mahpela. Rembang tupung si e Epron sangana kundul ras kalak Heti si deban i bas ingan runggu i gerbang kuta e. E maka arah ingan runggu e i peseh me kai sinisuraken Abraham man Epron, jenari i tengah-tengah ingan runggu e nari erjabap ia maka iberekenna Abraham nukur juma ras gua si lit i je. Janah mereken ijin ngkuburken Sara ndehara Abraham i bas gua si lit i jumana e. Adi si oge ayat terdauhen, maka i bas ingan runggu e nari idungina perarihen kerna erga juma e 400 duit pirak, janah i je ka me igalari Abraham sue ras timbangen si ipake perbinaga. Bagem praktek runggu pe ilakoken Abraham ras Epron guna muat sada kesepakaten ras solusi i bas perbeben Abraham e me ndarami ingan ngkuburken ndeharana Sara.
I tengah-tengah gerejanta pe lit inganta pulung guna runggu muat si mehuli ras ncidahken tanggung jawabta nandangi gerejanta e me musyawarah ngawan. I bas Tata Gerejanta Bab XXXIX Pasal 164 kerna Musyawarah Warga Sidi Runggun, ituriken:
- Musyawarah Warga Sidi Runggun adalah sarana bagi warga dan Majelis Runggun untuk saling memberi masukan mengenai perkembangan kehidupan bergereja di Runggun dalam bersekutu, bersaksi dan melayani.
- Musyawarah Warga Sidi Runggun bukan merupakan sarana pengambilan keputusan.
- Musyawarah Warga Sidi Runggun dilaksanakan satu kali dalam setiap tahun selambat-lambatnya pada bulan Maret dan dipimpin oleh Majelis Runggun.
- Musyawarah Warga Sidi Runggun dilaksanakan untuk mendengar laporan perkembangan jemaat dari BPMR beserta seksi-seksinya, pengurus unit-unit pelayanan, dan pengurus PlJ serta pengajuan usul-usul tentang kehidupan bersekutu, bersaksi, dan melayani serta pembinaan guna pertumbuhan jemaat.
- Usul/masukan tentang kehidupan bersekutu, bersaksi, melayani dan pembinaan harus ditampung dan ditanggapi oleh Majelis Runggun dalam bentuk keputusan pada SMR yang terdekat.
I bas Musyawarah ngawan ibahan ras ituriken me kerna laporen perdalinen pelayanen si enggo ilakoken bage pe kerna statistik perkembangen perpulungen, laporen keuangen, bage pe program-program si man dahinkenta. Alu bage kerina ngawan perpulungen meteh ras ngangkai keadaan perpulungen secara jelas ras transparan. Jenari ngawan perpulungen ibereken kesempaten lako menanggapi, nungkun kerna isi laporen pelayanen. Amin gia melala denga penungkunen ras tanggapen si reh gatin kerna perduiten denga, tapi tetap iarapken gelah arah musyawarah ngawan e banci mabai perubahen kempak kiniulin ras kemajun pelayanen. Amin gia musyawarah ngawan enda labo muat keputusen, tapi labo berarti musyawarah ngawan e la penting sebab i je me kita ngawan perpulungen menggumuli ras mengevaluasi dahin-dahin tri tugas gereja e me: Marturia (Kesaksian), Koinonia (Persekutuan) ras Diakonia (Pelayanan). Menggumuli labo terjeng mereken pandang-pandangen ras evaluasi laporen perdalinen pelayanen sada tahun si lepas, tapi pe mereken masuken, usul-usul, saran guna pertumbuhen ras kiniulin pelayanen i tengah-tengah gerejanta.
Marilah si lakoken musyawarah ngawanta alu dem ketutusen ras kesetian, sabab e me bentuk tanggung jawabta selaku warga gereja ras anak-anak Tuhan si mediate ras kepate nandangi dahin ras
pelayanen gerejanta. Pulung kita i bas musyawarah ngawanta guna ngerunggui dahin pelayanenta, runggu kita muat si mehuli. Adi la kita si mereken tanggapen ise nari? Adi la kita simpekena-kenasa ise narí? E maka sibuat baginta, sibegiken alu tutus, sisungkun alu keleng ate, jenari sibereken usul, saranta guna kemajun ras kiniulin pelayanenta. Gelar Tuhan ipermuliaken arah musyawarah
Nuriken Penggejapen (Bapa, Nande, Saitun, Anak)
Rende KEE No. 209:1 (ibabai Anak)
https://www.youtube.com/watch?v=CW_YNHCWKR0
Perpulungen ersadalah, ngikutken pedahNa
Bas kiniteken tetaplah, man Tuhan Dibata
Bas si mehuli ayaklah, sisampat-sampaten
Bage kap pedah Dibata, sikeleng-kelengen
Diskusi
- Adi nulih kita kempak pelaksanan Musyawarah Ngawanta sedekah enda, pembahasen kai nge simelalana icakapken (evaluasi pelayanen nge, perduiten ntah program-program)?
- Kai nge saran ras usul-usulta si banci sipeseh i bas musyawarah ngawan tahun enda, guna kiniulin ras kemajun pelayanan I tengah-tengah gerejanta?
Nehken Persembahen: Rende KEE No. 354:1, 2 (ibabai Nande)
https://www.youtube.com/watch?v=kWee7ydJH_0
Kam si mbelin, Kam terb’rita, Kam kap si termulia
Mehuli Kam dingen erkuasa, Kam simada k’rina sinasa
Reff : Sinalsal keleng ate Tuhan, bagi emas si labo luntur
Rejin tuhu dolatNdu Tuhan, ngarak-ngarak kegeluhen
Erta-erta, kebayaken, i bas Kam nari rehen
Kam merentah alu kuasa, ras gegehNdu Tuhan Dibata
Reff…
Pertoton Sapaat ras itutup alu Pertoton Tuhan (ibabai Serayan Tuhan/Bapa)
- Kerna Persembahan
- Kerna jabu Kundulen
- Pelaksanaan Musyawarah Ngawan gelah erdalin alu mehuli
- Si turah I bas perpulungen
Momo ras Penutup (ibabai Pengurus PJJ)
Pdt Irwanta Brahmana, S.Th
HP/WA: 0813 7011 1799