MELALA RINGRING TAPI SADA KULA
(Garis-Garis Besar Pelayanan GBKP)
1 Korintus 12: 12 – 27
Banyak anggota, tetapi satu tubuh12:12 Karena sama seperti tubuh itu satu dan anggota-anggotanya banyak, dan segala anggota itu, sekalipun banyak, merupakan satu tubuh, demikian pula Kristus.
12:13 Sebab dalam satu Roh kita semua, baik orang Yahudi, maupun orang Yunani, baik budak, maupun orang merdeka, telah dibaptis menjadi satu tubuh dan kita semua diberi minum dari satu Roh.
12:14 Karena tubuh juga tidak terdiri dari satu anggota, tetapi atas banyak anggota.
12:15 Andaikata kaki berkata: “Karena aku bukan tangan, aku tidak termasuk tubuh”, jadi benarkah ia tidak termasuk tubuh?
12:16 Dan andaikata telinga berkata: “Karena aku bukan mata, aku tidak termasuk tubuh”, jadi benarkah ia tidak termasuk tubuh?
12:17 Andaikata tubuh seluruhnya adalah mata, di manakah pendengaran? Andaikata seluruhnya adalah telinga, di manakah penciuman?
12:18 Tetapi Allah telah memberikan kepada anggota, masing-masing secara khusus, suatu tempat pada tubuh, seperti yang dikehendaki-Nya.
12:19 Andaikata semuanya adalah satu anggota, di manakah tubuh?
12:20 Memang ada banyak anggota, tetapi hanya satu tubuh.
12:21 Jadi mata tidak dapat berkata kepada tangan: “Aku tidak membutuhkan engkau.” Dan kepala tidak dapat berkata kepada kaki: “Aku tidak membutuhkan engkau.”
12:22 Malahan justru anggota-anggota tubuh yang nampaknya paling lemah, yang paling dibutuhkan.
12:23 Dan kepada anggota-anggota tubuh yang menurut pemandangan kita kurang terhormat, kita berikan penghormatan khusus. Dan terhadap anggota-anggota kita yang tidak elok, kita berikan perhatian khusus.
12:24 Hal itu tidak dibutuhkan oleh anggota-anggota kita yang elok. Allah telah menyusun tubuh kita begitu rupa, sehingga kepada anggota-anggota yang tidak mulia diberikan penghormatan khusus,
12:25 supaya jangan terjadi perpecahan dalam tubuh, tetapi supaya anggota-anggota yang berbeda itu saling memperhatikan.
12:26 Karena itu jika satu anggota menderita, semua anggota turut menderita; jika satu anggota dihormati, semua anggota turut bersukacita.
12:27 Kamu semua adalah tubuh Kristus dan kamu masing-masing adalah anggotanya.Melala ringring, tapi kula sada nge
12:12 Bagi sada kula melala ringringna, bage me Kristus e. Amin gia melala ringring e, tapi sada kula nge.
12:13 Bage me pe kita kerina, subuk kalak Jahudi bage pe kalak Junani, subuk budak bage pe kalak si bebas, enggo iperidiken alu Kesah si sada e ku bas sada kula. Ibahan Dibata maka kerina kita enggo minem Kesah si sada e.
12:14 Sabap kula e jadina labo i bas sada ringring nari ngenca tapi jadina i bas melala ringring nari.
12:15 Adi nina nahe, “Erkiteken aku labo tan, e maka aku labo atan i bas kula,” maka labo e erbahanca nahe e la atan i bas kula e.
12:16 Bage pe adi nina cuping, “Erkiteken aku labo mata, e maka aku labo atan i bas kula,” maka labo si e erbahanca mata e la atan i bas kula e.
12:17 Bicara kerina kula e jadi mata, kuga nge nina megi? Janah bicara kerina kula e cuping, kuga nge nina nganggeh?
12:18 Tapi si tuhuna, Dibata namaken ringring e sada-sadai i bas kula e sue ras si mehuli iakap Dibata.
12:19 Adi kerinana sada erbage saja ngenca, ma la lit kula?
12:20 Tuhu, melala ringring, tapi kula sada nge.
12:21 E maka labo banci nina mata man tan, “Aku la perlu kam!” Bage pe labo banci nina takal man nahe, “Aku la perlu kam!”
12:22 Tapi sebalikna, ringring si tempa-tempa la megegeh e, e nge si la banci langna.
12:23 Ringring si la meherga siakap i bas kula, si e me si lebih sipehaga; janah ringring si mehangke encidahkenca, si e nge si lebih siuisi alu mehuli.
12:24 Tapi ringring si labo mehangke encidahkenca labo perlu siuisi. Dibata enggo ngaturken kula alu serasi, seh maka ringring si kurang meherga lebih iergaken.
12:25 Gelah kula e la erbelah-belah, tapi sada-sadai ringring e radu seri mperdiateken ringring si deban.
12:26 Adi sada ringring suin, kerina ringring si deban pe ikut nggejapkenca. Janah adi sada ringring ipehaga, kerina ringring si deban ikut ermeriah.
12:27 Kam me kerina kula Kristus janah sekalak-sekalak kam ringringNa.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende KEE. 209 – “Perpulungan Ersadalah” (1)
Perpulungen ersadalah ngikutken pedahNa
Bas kiniteken tetaplah man Tuhan Dibata
Bas simehuli ayaklah si sampat sampaten
Bage kap pedah Dibata sikeleng-kelengen
Pengalo ngalo i bas tuan rumah nari jenari mabai rende ras ertoto
Rende KEE. 209 – “Perpulungan Ersadalah” (2)
Gereja Kristen sikaplah ersada paguhlah
Ersada ukur min i bas Dibata Bapanta
Peturah kiniteken pe ras dame krinalah
Ras sikeleng kelengenlah ngikutken Tuhannta
Ertoto (ibabai KAKR/Permata)
Ngoge Pustaka si Badia Alu Responsoria (1 Korinti 12: 12 – 27)
MAMRE
12:12 Bagi sada kula melala ringringna, bage me Kristus e. Amin gia melala ringring e, tapi sada kula nge.
12:13 Bage me pe kita kerina, subuk kalak Jahudi bage pe kalak Junani, subuk budak bage pe kalak si bebas, enggo iperidiken alu Kesah si sada e ku bas sada kula. Ibahan Dibata maka kerina kita enggo minem Kesah si sada e.MORIA
12:14 Sabap kula e jadina labo i bas sada ringring nari ngenca tapi jadina i bas melala ringring nari.ANAK
12:15 Adi nina nahe, “Erkiteken aku labo tan, e maka aku labo atan i bas kula,” maka labo e erbahanca nahe e la atan i bas kula e.MAMRE
12:16 Bage pe adi nina cuping, “Erkiteken aku labo mata, e maka aku labo atan i bas kula,” maka labo si e erbahanca mata e la atan i bas kula e.MORIA
12:17 Bicara kerina kula e jadi mata, kuga nge nina megi? Janah bicara kerina kula e cuping, kuga nge nina nganggeh?ANAK
12:18 Tapi si tuhuna, Dibata namaken ringring e sada-sadai i bas kula e sue ras si mehuli iakap Dibata.
12:19 Adi kerinana sada erbage saja ngenca, ma la lit kula?
12:20 Tuhu, melala ringring, tapi kula sada nge.MAMRE
12:21 E maka labo banci nina mata man tan, “Aku la perlu kam!” Bage pe labo banci nina takal man nahe, “Aku la perlu kam!”
12:22 Tapi sebalikna, ringring si tempa-tempa la megegeh e, e nge si la banci langna.MORIA
12:23 Ringring si la meherga siakap i bas kula, si e me si lebih sipehaga; janah ringring si mehangke encidahkenca, si e nge si lebih siuisi alu mehuli.
12:24 Tapi ringring si labo mehangke encidahkenca labo perlu siuisi. Dibata enggo ngaturken kula alu serasi, seh maka ringring si kurang meherga lebih iergaken.ANAK
12:25 Gelah kula e la erbelah-belah, tapi sada-sadai ringring e radu seri mperdiateken ringring si deban.
12:26 Adi sada ringring suin, kerina ringring si deban pe ikut nggejapkenca. Janah adi sada ringring ipehaga, kerina ringring si deban ikut ermeriah.KERINANA
12:27 Kam me kerina kula Kristus janah sekalak-sekalak kam ringringNa.
Renungen
“Bersatu kita teguh bercerai kita runtuh” sada peribahasa si rusur sibegi ningetken uga pentingna kita ersada maka banci kita tetap paguh gelah ula kita hancur erkiteken kita erbana-bana. Kiniersadan banci jadi erkiteken lit kinierbagen. Gelah banci kita ersada tentu harus lebe si ngejapken maka labo lit kita enda siganjang teruken. Perbedaan si lit eme guna encidahken kerna fungsi ras keberadaanta si pelain lain. Kiniersadaan banci jadi erkiteken si gejapken maka kerina kita lit kelebihen ras kekurangenta guna si e kita perlu saling ngkuhi ras sisampat-sampaten. Gelah banci si e jadi maka harus kita si erga ergan sada ras si debanna.
Paulus mpersingeti perpulungen Korinti uga pentingna kiniersadaan itengah-tengah perpulungen. Letak kota korinti kota pelabuhen cukup strategis ras menarik erbanca nterem kalak reh ku kota Korinti. Situasi enda pe tentu mempengaruhi ku bas kegeluhen perpulungen si lit i bas erbage bage latar belakang etnis, budaya, ekonomi, kelompok, rsd. Perjengilen turah erkiteken lit rusur pengankan ras penggejaben ia ulin asangken si debanna (superioritas), erpengakap kalak si deban teruken asangken ia. Pemere-pemere sipelain-lain i bas perpulungen la erbanca perpecahen tapi jadi gegeh kiniersadan bas perpulungen. Guna si e me maka Paulus mereken palas sinteguh kerna kiniersadaan, kita kerina eme ringring kula ni Kristus. Kristus simpersadaken perpulungen alu ngerakut kerina perpulungen e i bas kulaNa. Kerina ringring penting sabab alu litna ring ring e me maka kula ndai jadi serta. Kerina ringring ilitken ras itamaken rikutken fungsina ras i bas ingan si payo. Kerina ringring erdahin sada ras si debanna sikawiten aminna gia pelain-lain gunana. Umpama: adi mesui takal banci terganggu perpan, babah pe la megegeh man, beltek pe la sikap, kote emaka nahe pe la meliar erdalan, mata pe la terang pengenenna. Adi kerina ringring sikap ndalanken fungsina maka kula e pe megegeh janah melala sibanci idahikenna.
I bas gerejanta lit telu wilayah pelayanen eme Runggun, Klasis ras Sinode. Janah i bas wilayah pelayanen e lit ka unit-unit pelayanen bage pe kategorial saitun, mamre, moria, permata ras KAKR. Gelah kerina wilayah pelayanen ras unit pelayenen/kategorial enda banci erdalan guna nehi visi misi GBKP maka ilitken Garis Besar Pelayanan (GBP) GBKP 2021-2025. GBP enda me jadi panduan man kerina wilayah pelayanen ras unit pelayanen/kategorial gelah banci nehi visi GBKP. Keterlibaten generasi milinenal, jabu perpulungen sebage kesaksin, uga kita banci berkarya i tengah-tengah kegeluhen ras kengasupen “mengelola konflik” gelah jadi perdamen. I bas GBP GBKP setiap tahun enggo ilitken kai si jadi sasaran program pelayanennta. Tentu perlu i bas erban program kerja tahunen kerina kita mengacu ku bas sasaran program si enggo itetapken. Guna si e la banci lang arus ilakoken monitoring ras evaluasi nandangi program e apakah terlaksana entah lang ras uga ngaruhna ku bas kegeluhen perpulungennta.
Rende KEE. 209 – “Perpulungan Ersadalah” (3)
Ersada bas lau peridin ban sada Tuhanta
Gereja kitik tah mbelin si Mada Dibata
Gereja la banci pecah ersada kerina
Ersada bas kiniteken sisampat sampaten
Sharing (Ibabai Mamre)
- Uga nge pengidahtan kerna potensi si lit i bas perpulungenta janah enggo nge sipakeken guna majeken kula ni Kristus?
- Pembaharuan (inovasi) kai si perlu silakoken i bas perpulungennta gelah kerina ringring ndai banci ersada guna kemajun pelayenennta?
Rende KEE. 451 – “Malerlah Pasu-PasuNdu” (Persembahen)
Malerlah pasu-pasuNdu, bagi sipadankenNdu
Gegeh ras ukur si paguh, tetap ib’rekenNduPasu pasuNdu, em ulu gegeh kami
Enggo kap maler me tuhu, si ndemi geluh kami
Malerlah pasu pasuNdu, g’luh kami jadi mbaru
Sorana bagi lau maler, mpeteneng ukur kami
Pertoton persembahen, Syafaat ras Pertoton Tuhan
- Persembahen (ibabai Permata)
- Kata Dibata (ibabai Mamre)
- Siturah i bas PJJ ras Pertoton Tuhan (ibabai Moria)
PENUTUP/JEDA RAS MOMO
Pdt. Rehpelita Ginting, M.Min.