NGGELUH BENAR, ULA PAPAK
(Garis-Garis Besar Pelayanan GBKP)
Matius 16: 5 – 12
Tentang ragi orang Farisi dan Saduki16:5 Pada waktu murid-murid Yesus menyeberang danau, mereka lupa membawa roti.
16:6 Yesus berkata kepada mereka: “Berjaga-jagalah dan waspadalah terhadap ragi orang Farisi dan Saduki.”
16:7 Maka mereka berpikir-pikir dan seorang berkata kepada yang lain: “Itu dikatakan-Nya karena kita tidak membawa roti.”
16:8 Dan ketika Yesus mengetahui apa yang mereka perbincangkan, Ia berkata: “Mengapa kamu memperbincangkan soal tidak ada roti? Hai orang-orang yang kurang percaya!
16:9 Belum juga kamu mengerti? Tidak kamu ingat lagi akan lima roti untuk lima ribu orang itu dan berapa bakul roti kamu kumpulkan kemudian?
16:10 Ataupun akan tujuh roti untuk empat ribu orang itu dan berapa bakul kamu kumpulkan kemudian?
16:11 Bagaimana mungkin kamu tidak mengerti bahwa bukan roti yang Kumaksudkan. Aku berkata kepadamu: Waspadalah terhadap ragi orang Farisi dan Saduki.”
16:12 Ketika itu barulah mereka mengerti bahwa bukan maksud-Nya supaya mereka waspada terhadap ragi roti, melainkan terhadap ajaran orang Farisi dan Saduki.Kerna ragi kalak Parisi ras kalak Saduki
16:5 Asum Jesus ras ajar-ajarNa ngepari dano, lupa ajar-ajarNa maba roti.
16:6 Nina Jesus man ajar-ajarNa, “Metenget dingen erjaga-jagalah kam nandangi ragi kalak Parisi ras kalak Saduki.”
16:7 Rukur ajar-ajarNa e, jenari nina sapih-sapih ia, “Perbahan lupa kita maba roti maka bage nina.”
16:8 Tapi ieteh Jesus kai si icakapken ajar-ajar e, e maka nina, “Engkai maka kerna la lit roti icakapkenndu? Kurang kal tuhu kinitekenndu!
16:9 Langa kin lalap iangkandu? La kin ingetndu asum Kucepik-cepik roti si lima ngkibul guna lima ribu kalak? Piga sumpit asum si e ipepulung ibana?
16:10 Bage pe kerna roti si pitu ngkibul guna empat ribu kalak, piga sumpit asum si e ipepulung ibana?
16:11 Kuga maka la iangkandu, maka si Kukataken man bandu e labo kerna roti? Metengetlah kam nandangi ragi kalak Parisi ras kalak Saduki!”
16:12 Kenca bage maka enggo iangka ajar-ajar maka maksud Jesus labo metenget nandangi ragi si lit i bas roti, tapi metenget nandangi ajaren kalak Parisi ras kalak Saduki.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE KEE. 381 – “Sura-Sura Yesus Bangku”
Sura-sura Yesus bangku ersinalsal tetap
Nggeluh bujur ras mehuli singena ateNaErsinalsal terang, em sinisuraken Yesus
Ersinalsal terang, ku tetap ersinalsalSura-sura Yesus Kristus, nandangi geluhku
Mpehaga turang senina, sisampat-sampaten
Reff :…… (iendeken kerina)Kupindo Yesus nampati,njaga pusuhku
Gelah ngasup ersinalsal,ngikutken Tuhan e
Reff :…… (iendeken kerina)
ERTOTO (IBABAI SIMADA JABU, BAPA)
NGOGE KATA DIBATA (IBABAI SIMADA JABU, ANAK)
RENUNGAN (Pertua/Diaken/Pandita/Bapa/Nande)
Jesus ngerana kerna “ragi”,kai si tuhuna antusenna? I bas Matius 13:33 enggo ituriken Jesus sada perumpaman nina, “Kinirajan Surga e banci iandingken alu ragi. Ibuat sekalak diberu me ragi e, jenari iadukna ras telu tumba tepung seh niar jadi kembang. Arah penjelasen si isehken Jesus banci si angkai ragi e sifatna mempengaruhi tepung banci mengembang. Perbandingen ragi ras tepung adi biasa kita erbahan roti eme 20-25gr ragi per 1000 gr tepung. Banci sibayangken kira-kira 3% ngenca jumlah ragi iperluken mempengaruhi 100% jumlah tepung. Ertina, ragi gia sitik mbelin kal ngaruhna.
Sanga Jesus ngataken “Metenget dingen erjaga-jagalah kam nandangi ragi kalak Parisi ras kalak Saduki” man ajar-ajar. Si imaksudken Jesus “ragi” e eme pengajaren kalak Parisi ras Saduki si papak. Sura-sura Jesus, gelah ajar-ajar metenget ras ngasup njagai dirina arah ajaren kalak Parisi ras Saduki si sedekah enda nggeluh pekulah-kulah (bdk.Luk.12:1). Banci mabai nggeluh papak ras mate secara pertendin (rohani). Kalak Saduki e me kalak si rasionalis, la tek nandangi kekeken kalak si enggo mate, la tek nandangi lit na malekat-malekat bage pe la tek nandangi litna “roh”ras kerina si la banci iterangken secara alamiah (bdk.Perb.23:8). Pengertin si bagenda rupana banci mabai kalak papak i bas erkiniteken man Dibata. Jesus mpersingeti ajar-ajarNa, gelah tetap nggeluh i bas si benar.
I bas ngalaken perbeben,umpamana secara ekonomi : pendapatan menurun, terjadi krisis pangan, rsd. Ate Tuhan tetap min kita ngasup njagai dirinta i bas kiniteken si payo. Labo lalan ercakap soal pangan,uis,erta saja. Bagi ajar-ajar si ikataken Jesus “Engkai maka kerna la lit roti icakapkenndu? Kurang kal tuhu kinitekenndu! Tapi tetap min si inget ncakapken kerna perdalanen kiniteken bage pe perdalinen pelayanan gerejanta.
Perpulungen Jabu-jabunta sendah, ngajuk kita gelah ngangkai kai kin Garis Besar Pelayanen (GBP) GBKP. Perlu si eteh maka i bas erbahan program i kerina wilayah pelayanen GBKP, GBP enda banci iandingken bagi “ragi”. GBP enda banci i bahan perbandingenna 3% i bas kerina program GBKP si 100%. Ertina, GBP mempengaruhi program i bas kerina elemen si lit i GBKP secara menyeluruh. GBP GBKP labo kumpulan program si tading ndalankensa i bas wilayah pelayanen, tapi kerina program si i susun i bas wilayah pelayanen berpedoman ku bas GBP GBKP. Alu bage kerina kegiaten ras program pelayanen mengarah ku bas tujun si seri. GBP GBKP mabai kita kerina gelah ndalanken pelayanen alu benar ras la papak secara ecclesiology (kegeluhen ergereja) sue ras tema PJJ-nta. I bas GBP GBKP, teptep sasaren tahunen i benai alu erbahan landasan teologis, nggeluh i bas kiniteken si payo, e si utama. Kiniteken si payo ilakoken i bas strategi pelayanen menuju sasaren alu erbahan program ras kegiaten. I bas GBP GBKP pe itulisken “contoh program”, ertina program si tuhu-tuhu itentuken i bas wilayah pelayanen sekalak-sekalak.
Perlu erbahan “perencanaan strategis” (strategic palanning) gelah banci sieteh kai pergumulen, masalah, tantangen, hambaten, peluang, kelemahen ras kekuaten si lit i bas wilayah pelayanenta. Jenari si kelola kerina informasi guna nusun program ras kegiaten si relevan alu berpedoman ku GBP GBKP. Adi kerina kita konsisten ngelakoken si enda,maka visi GBKP eme “Jadi Aron Dibata guna maba pasu-pasu man isi doni” banci tersehi. I bas GBP GBKP lit itulisken panduan praktis nusun program, adi perlu i litken fasilitator si mabai erbahan perencanaan strategis. Jadi la kita erbahan perencanan program pelayanen terjeng rutinitas. Rutinitas banci mabai ku kegeluhen erkiniteken si merampek ras erbahansa kita papak secara pribadi bage pe ergereja. Hal si rutinitas enda banci iatasi alu erbahan inovasi.
“Strategi utama” i bas pelayanen GBKP tahun 2021-2025 eme INOVASI. Si imaksudken inovasi e me lit na kreatifitas pelayanen. Umpamana: inovasi i bas masa adaptasi kebiasan baru ibadah daring (via YouTube, ZOOM, Live, ras si debanna). INOVASI labo ertina erbahan kerina jadi mbaru. Inovasi ertina, uga erbahansa gelah sumber daya jadi peluang i bas gereja, umpamana: “kreatifitas kai si banci erbahansa 100% ngawan GBKP aktif i bas pelayanen, subuk KAKR, PERMATA, MORIA, MAMRE ras SAITUN. INOVASI tujunna meningkatken, memajuken, menyemangati, mengembangken.
NURIKEN PENGGEJAPEN: MAMRE, MORIA, SAITUN (ibabai Moderator)
IRAKUT PERTUA/DIAKEN/EMERITUS/PENDETA
DISKUSI (ibabai KAKR/Permata)
- Kai nge ndia sababna maka banci la sue kai si isura-suraken Tuhan Jesus ras si i erti ajar-ajarNa (baca ayat 7-8) i bas konteks kegeluhenta si gundari?
- Ngidah uga pentingna GBP GBKP jadi pedoman nusun program ras kegiataen i bas wilayah pelayanennta (khususna PJJ), uga nge rencananta i bas nusun program tahun si reh?
MOMO (pengurus PJJ/jabu kepkepen)
RENDE KEE. 254 – “Isuruh Dibata” (PERSEMBAHEN)
Isuruh Dibata sikeleng-kelengen
Sisampat-sampaten asa kengasupen
Mbue me kap tuhu si man bahanenta
Radu ras kerina kita ndahikencaPalasta nampati em ate mekuah
Ngusih Tuhan Yesus enggo kap nampati
Meriah ukurta adi teman pulah
Masap kebiaren je dat ate jadi
PERTOTON SYAFAAT (Pertua/Diaken/Pandita)
- Gelah kerina Ngawan GBKP tetap paguh i bas erkiniteken
- Gelah GBP GBKP ipake kerina wilayah pelayanen GBKP i bas menyusun program ras kegiaten
- Pemerintah (Bangsa ras Negara)
- Si turah i bas perpulungen
RENDE KEE. 323 – “Sura-sura Daging Lawanlah”
Sura-sura daging lawanlah tetap
Je ‘di la kam talu tambah gegehndu
Sura-sura jahat simbaklah tetap
Ngaraplah man Yesus tentu kam menangPindo gegeh man Tuhan gelah kam lalap paguh
I b’reNa kita menang menahang ras senang
PERTOTON TUHAN (Ibabai Serayan Tuhan/Bapa)
JEDA RAS PENUTUP
Pdt. Yusuf Tarigan, S.Si., MA.