TUHAN DIBATA ERDAHIN ALU RATUR
(Garis-Garis Besar Pelayanan GBKP)
Kejadian 2: 4 – 9
2:4 Demikianlah riwayat langit dan bumi pada waktu diciptakan. Ketika TUHAN Allah menjadikan bumi dan langit,
2:5 belum ada semak apapun di bumi, belum timbul tumbuh-tumbuhan apapun di padang, sebab TUHAN Allah belum menurunkan hujan ke bumi, dan belum ada orang untuk mengusahakan tanah itu;
2:6 tetapi ada kabut naik ke atas dari bumi dan membasahi seluruh permukaan bumi itu
2:7 ketika itulah TUHAN Allah membentuk manusia itu dari debu tanah dan menghembuskan nafas hidup ke dalam hidungnya; demikianlah manusia itu menjadi makhluk yang hidup.Manusia dan taman Eden
2:8 Selanjutnya TUHAN Allah membuat taman di Eden, di sebelah timur; disitulah ditempatkan-Nya manusia yang dibentuk-Nya itu.
2:9 Lalu TUHAN Allah menumbuhkan berbagai-bagai pohon dari bumi, yang menarik dan yang baik untuk dimakan buahnya; dan pohon kehidupan di tengah-tengah taman itu, serta pohon pengetahuan tentang yang baik dan yang jahat.2:4 Bage me turi-turinna kerna kejadin si nasa lit enda.
Peken Eden
Sanga Dibata njadiken kerina si nasa lit,
2:5 langa lit kai pe turah i doni. Langa lit benih ersuli, erkiteken langa ipesusur Dibata udan, janah langa lit ise pe ngusahai taneh e.
2:6 Tapi mulai me turah ulu lau i bas taneh, janah e me erbahanca maka enggo litap kerina taneh e ibahanna.
2:7 Ibuat TUHAN Dibata sitik abu taneh ijadikenNa jelma; iembuskenNa kesah kegeluhen ku bas igungna, e maka mulai me jelma ndai nggeluh.
2:8 Kenca bage ibahan TUHAN Dibata sada peken i Eden, arah Timur, janah i je me itamakenNa manusia si enggo ijadikenNa e.
2:9 IjadikenNa erbage-bage batang kayu si mehuli turah i je janah buahna pe mehuli. I tengah-tengah peken e, lit turah sada batang kayu si mereken kegeluhen ras sada batang kayu si mereken pemeteh kerna si bujur ras si jahat.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE KEE. 41 – “Kuga Perbahan Kami”
https://www.youtube.com/watch?v=vzaMaRAORbsKuga perbahan kami, metunggung ngadap kam
O Raja surga doni, si mada kerajan
Sagani i bas kami, tendang kesahNdu e
Lah payo i sipati, si ngena teNdu eKernana dosanduna, olanai aru kam
I pelasamNa k’rina, lanai meluat kami
kerehenNa melias, penawar Ia kap
masapken bisa dosa, ‘lah dosa k’ri lesap
ERTOTO (Ibabai si mada jabu)
NGOGE KATA DIBATA: KEJADIN 2:4B-9 (Ibabai si mada jabu/anak )
Sanga Dibata njadiken langit ras doni ras kerina isina, ituriken kerna situasi doni si lume (kosong) denga. Lenga lit kai pe turah i doni, lenga lit benih ersuli, lenga i pesusur udan, janah lenga lit si ngusahai taneh (ay. 5). Turi turin enda nuduhken kuga Dibata njadiken doni si lenga ratur kedungenna tuhu-tuhu banci jadi doni si ratur dingen mejile alu itepaNa taneh (ay. 5), lau (ay. 6), ras jelma (ay. 7). Jelma pe i tepa Dibata i bas abu taneh nari si tempa labo lit ergana tapi banci mejile teridah nggeluh sabab iembuskenNa kesah kegeluhen ku bas igung jelma e (ay. 7). Dibata me si erbahanca maka kerina tinepaNa banci ratur, mejile, dingen meherga. Alu enda banci si idah kuga Dibata encidahken DiriNa selaku Dibata kiniraturen, labo Dibata kinilaraturen (1 Kor. 14:33). Kiniraturen e jadi tentu perbahan enggo lit rencanaNa ras tujunNa. Rencana ndai idalankenNa guna banci seh ku bas tujun si enggo itetapkenNa eme gelah kerinana tuhu-tuhu mehuli (Kej. 1:31). Adi Dibata eme Dibata kiniraturen emaka manusia pe arusna nggeluh alu ratur. Kegeluhen perlu irencanaken janah arus lit tujunna nggeluh. Manusia la nggeluh alu rate-ate, kalak si nggeluh rate-ate berarti meganjang rukur, la ngergai Dibata, janah ersura-sura ngelebihi Dibata.
La lit hak manusia meganjang ukur sabab ia pe tinepa Dibata ngenca. Amin gia ituriken maka manusia e itepa sentudu ras tempas Dibata janah manusia e ibere guna ngkuasai doni, si e kerina la banci nasapken maka status manusia seri nge ras kerina tinepa Dibata si deban. Adi manusia ibere Dibata hak ngkuasai doni, labo banci e iertiken maka manusia banci rate-rate. Kuasa ibereken Dibata man manusia guna njagai kiniulin tinepaNa,labo guna ncedai tinepaNa.
Erkiteken si e kalak si tek (gereja) wajib nggeluh alu ratur bagi si ngena ate Dibata. Gereja perlu ngelitken rencana ras tujun pelayanenna. La banci sada kegiaten ilakoken alu la lit/la jelas rencana ras tujunna. Ilakoken rikutken kebutuhen dingen si nen GBP GBKP guna pelayanen secara sinodal, klasis, runggun, rsd.
Gerejanta GBKP enggo ngelitken Garis-Garis Besar Pelayanen (GBP). Tujunna gelah lit kiniraturen i bas kita erbahan rencana pelayanen banci ratur, i bas ngelakokenca banci seh ku tujun si enggo itetapken. I bahan pe i bas bentuk garis-garis besar, labo garis-garis teknis, gelah tetap terbuka “kreativitas” ras “inovasinta” si pelain-lain kerina i bas situasi ras kondisina.
Perlu si inget maka GBP isusun erpalasken Kata Dibata janah isina tuhu -tuhu igumuli guna ngelakoken si ngena ate Dibata. I bas tahun 2021-2025, GBP gerejanta fokus mperdiateken jabu/keluarga (khususna nikapken regenerasi i bas jabu). Perpulungen selaku subjek kegeluhen gereja, uga geluhta jadi pasu-pasu man kalak si deban khususna man si la sada kiniteken ras kita, uga kita banci tetap si legin ukur i bas perbedan pendapat i tengah-tengahta, ras uga kita tetap “kreatif” ras “inovatif” i bas kegeluhenta. Guna si e perlu kel kita ngawan perpulungen ras serayan tuhu-tuhu mediate ngoge GBPnta, dingen njadikenca jadi panduan gia kecibalta pelain-lain sada ras si debanna.
NURIKEN PENGGEJAPEN: KAKR, PERMATA, SAITUN
I RAKUT PERTUA/DIAKEN/EMERITUS/PENDETA
DISKUSI/SHARING/CERAMAH/AKSI (ibabai Permata)
- Kai nge si arus ibahan gelah ratur dahin-dahin pelayanen i gerejata?
- Kai nge iakapndu lit persoalen ras solusi si penting i bas gerejanta GBKP enda tapi lenga/kurang icakapken i bas GBP GBKP si gundari?
MOMO
RENDE KEE. 420 – “Asa Gegeh Ras Kengasupen” (PERSEMBAHEN)
https://www.youtube.com/watch?v=8wqHeFvDGbIAsa gegeh ras kengasupen, kami nehken persembahen
Endesken kam baNdu Tuhan, alu dem keriahen
Ajari kami ngergaken, talenta ras kiniliten
Arah ukur ras perbahanen, Tuhan ipermuliaken
PERTOTON SYAFAAT
- Gereja, Pemerentah, Bangsa ras Negara (ibabai Bapa/Mamre)
- Si turah bas Jabu/Perpulungen (Ibabai Moria)
- Persembahen (ibabai Permata)
RENDE KEE. 262 – “Doni Enda Seh Ulina”
https://www.youtube.com/watch?v=Azhl4TRaTioDoni enda seh ulina, Tuhan si nepasa
Ras isina pe k’rina, b’rekenNa bantaSehken bujur dage baNa, arah k’rina dampar g’luhta
Sehken bujur dage baNa, arah k’rina dampar g’luhtaKiniliten enda k’rina, Tuhan kap empuna
Sipakeken min k’rina, guna k’rajanNa
PERTOTON TUHAN (IBABAI SALAH SADA SERAYAN, ENTAH PE SEKALAH ANAK ADI I BAS JABU )
JEDA RAS PENUTUP
Pdt. Bumaman Teodeki Tarigan, M.M