Periodisasi : Heterogen (Nggeluh I Bas Kemajemuken)
Ogen : Galati 3: 26-29
Tema : Sada I Bas Kristus
Tujun : Gelah Mamre:
- Meteh maka Kristus erbahanca kita kerina ersada
- Njagai persadan amin pe erbage-bage suku ras pendahin
3:26 Sebab kamu semua adalah anak-anak Allah karena iman di dalam Yesus Kristus. 3:27 Karena kamu semua, yang dibaptis dalam Kristus, telah mengenakan Kristus. 3:28 Dalam hal ini tidak ada orang Yahudi atau orang Yunani, tidak ada hamba atau orang merdeka, tidak ada laki-laki atau perempuan, karena kamu semua adalah satu di dalam Kristus Yesus. 3:29 Dan jikalau kamu adalah milik Kristus, maka kamu juga adalah keturunan Abraham dan berhak menerima janji Allah.
KATA PENARUH
Masalah si terjadi i perpulungen Galatia bena-benana e me arah enggo enterem masuk jadi kalak Kristen di luar kalak Jahudi e me kalak Junani. Erkiteken si e turah persoalen si ipebelin ras iajarken kalak Kristen si berlatar belakang Jahudi nari soal syarat ras keabsahen jadi kalak Kristen si tuhu-tuhu gelah ndatken keselamatene me arus ndalanken undang-undang Musa (Taurat). Erkiteken enda me maka Paulus arah suratna enda nuriangi pemahamen si salah enda. Nina Paulus, jadi Kristen ras selamat syaratna sada ngenca e me erkiniteken man Kristus. Sebab i bas Kristus kerina enggo ipersada desken sada kula melala ring-ring. Lanai lit mbedaken status sosial, suku, jenis kelamin, potensi, rsd. Kristus e me perdamen si ngeruntuhken perbedaan. Mengenai kiniersadan enda me si man pelajarenta i bas bahan PA nta sendah sue ras temanta.
URAIAN TEKS/TAFSIREN
Dasar teologis kalak Kristen enggo sada i bas Kristus e me:
- Kinitekenna man Krisitus, ertina ia enggo ersada ras Kristus. Si enggo ersada e me kerina anak-anak Dibata (ay. 26). Tentu adi statusna selaku anak-anak Dibata (sada keluarga) pasti labo lit perbedaan sada ras si debanna. Si lit bas ia e me kesamaan biak-biak ras Bapana. Enda me maka nina Paulus i bas ay. 27: … enggo lit bas kam biak-biak Kristus e.
- Tanda si mensyahken hubungen ras Kristus e me tanda Lakon Peridin (ay. 27). Arah Lakon e kerina jelma desken ridi (Babtizo = mandi) mbersihken si melketna (dosa) guna nggeluh bersih (benar). Nggeluh benar e hanya i bas Tuhan Jesus (i bas Kinirajan Tuhan). Ertina, adi enggo i peridiken enggo bersin (benar) janah secara otomatis enggo jadi warga Kinirajan Tuhan (sebab je ngenca lit si benar).
- Adi enggo sama-sama warga Kinirajan Tuhan, sama-sama enggo jadi kalak bersih (benar). Adi enggo sama-sama bersih, tentu lanai lit perbedaan erkiteken suku, status sosial, jenis kelamin, rsd (ay. 28). Enggo seri nilai ras statusna, e me jadi sikerajangen Kristus, kesusuren Abraham si kerina berhak ngaloken kai si enggo ipadanken Dibata man bana e me jadi bangsa si mbelin, termurmur ras keselamaten.
APLIKASI
Bahanta enda mereken pencerahen man banta Mamre kerna statusta i bas persadanta ras Tuhan. Alu bage iarapken mereken semangat banta guna nggeluh ersada i bas pelayanen ras ermasyarakat guna sikeleng-kelengen, sitatang-tatangen guna ndalanken si ngena ate Dibata ras kiniulin geluhta bersama. Sebab kita enggo sada i bas Kristus desken sada keluarga, e me keluarga ntah bangsa si bersih (benar). E maka kenca si pelajari bahanta enda iarapken ulanai lit perjentiken, perpecahen si terjadi i bas persadan Mamrenta, gerejanta ras ermasyarakat gia beragam (majemuk) sukunta, talentanta, pendahinta, rsd. larapken Mamre jadi pelopor i bas nuriken ras ndalanken kerna kata enda man kerina temanta. Amin
DISKUSI
- Diskusiken, ngkai maka ikataken kalak si erkiniteken enggo sada i bas Kristus, e maka lanai lit perbedaan erkiteken suku, status sosial, jenis kelamin, rsd!
- Kai saja langkah-langkah kai si banci si dalanken i tengah-tengah keberbedaan (kemajemuken) enda guna mpeteguhi persadanta i tengah-tengah pelayanen Mamrenta, kegeluhen ermasyarakat. Diskusiken
USULEN ENDE-ENDEN:
- KEE GBKP No. 325:1-2
- KEE GBKP No. 249:1-2
- KEE GBKP No. 209:1,3
- KEE GBKP No. 254:1-2
Pdt. Seth Perangin-angin, M.Th