TETAP UKURNDU, OLA MBIAR!
(Visioner)
TUJUN: Gelah Moria:
- Meteh uga Musa mpetetap ukur Josua jadi pemimpin bangsa Israel.
- Mpetetap ukur anak I bas pendirinna, tetap percaya diri ras berkarakter Kristiani
METODE PA: Nulisken kata kata Motivasi man anak
Ulangan 31: 1 – 8
Yosua sebagai pengganti Musa31:1 Kemudian pergilah Musa, lalu mengatakan segala perkataan ini kepada seluruh orang Israel.
31:2 Berkatalah ia kepada mereka: “Aku sekarang berumur seratus dua puluh tahun; aku tidak dapat giat lagi, dan TUHAN telah berfirman kepadaku: Sungai Yordan ini tidak akan kauseberangi.
31:3 TUHAN, Allahmu, Dialah yang akan menyeberang di depanmu; Dialah yang akan memunahkan bangsa-bangsa itu dari hadapanmu, sehingga engkau dapat memiliki negeri mereka; Yosua, dialah yang akan menyeberang di depanmu, seperti yang difirmankan TUHAN.
31:4 Dan TUHAN akan melakukan terhadap mereka seperti yang dilakukan-Nya terhadap Sihon dan Og, raja-raja orang Amori, yang telah dipunahkan-Nya itu, dan terhadap negeri mereka.
31:5 TUHAN akan menyerahkan mereka kepadamu dan haruslah kamu melakukan kepada mereka tepat seperti perintah yang kusampaikan kepadamu.
31:6 Kuatkan dan teguhkanlah hatimu, janganlah takut dan jangan gemetar karena mereka, sebab TUHAN, Allahmu, Dialah yang berjalan menyertai engkau; Ia tidak akan membiarkan engkau dan tidak akan meninggalkan engkau.”
31:7 Lalu Musa memanggil Yosua dan berkata kepadanya di depan seluruh orang Israel: “Kuatkan dan teguhkanlah hatimu, sebab engkau akan masuk bersama-sama dengan bangsa ini ke negeri yang dijanjikan TUHAN dengan sumpah kepada nenek moyang mereka untuk memberikannya kepada mereka, dan engkau akan memimpin mereka sampai mereka memilikinya.
31:8 Sebab TUHAN, Dia sendiri akan berjalan di depanmu, Dia sendiri akan menyertai engkau, Dia tidak akan membiarkan engkau dan tidak akan meninggalkan engkau; janganlah takut dan janganlah patah hati.”Josua jadi gancih Musa
31:1 Iterusken Musa ngerana man bangsa Israel,
31:2 nina, “Enggo seratus dua puluh tahun umurku, e maka lanai bo aku ngasup jadi peminpinndu. Tambah si e TUHAN pe enggo ngataken man bangku, maka labo banci kukepari Lau Jordan enda.
31:3 TUHAN Dibatandu jine erdalan arah lebendu ngkernepken bangsa-bangsa si tading i jah, maka kam banci ngiani negeri e. Josua me jadi peminpinndu sue ras si ikataken TUHAN.
31:4 TUHAN ngkernepken kerina bangsa-bangsa e bali ras penalukenNa Sihon ras Og, raja bangsa Amori, dingen ngkernepken negerina.
31:5 TUHAN ngendesken bangsa-bangsa e ku bas tanndu, ras arus maka payo kal bagi si enggo kukataken man bandu e perbahanenndu man bangsa-bangsa e.
31:6 Tetapken lah ukurndu janah tek lah. Ola kam mbiar man bana. TUHAN Dibatandu kap si ngarak-ngarak kam. La kam juru ibahanNa ras la kam itadingkenNa.”
31:7 Kenca bage idilo Musa si Josua nina man bana i lebe-lebe bangsa Israel, “Tetapkenlah ukurndu janah tek lah; kam me si mabai bangsa enda guna ndatken negeri si ipadanken TUHAN man nini-ninina.
31:8 TUHAN kap si mabai kam ras si nemani kam. La kam juru ibahanNa la kam itadingkenNa. E maka ola bene ukurndu, ola mbiar.”
I. Kata Penaruh.
Arus si akui maka kegeluhen anak-anakta i bas paksa enda la seri ras jamanta mbarenda. Tuhu tep-tep masa lit nge kesulitenna. Tapi perlu si ngidah maka tantangen ras tuntuten si lalaken anak-anakta genduari reh buena. Suasana kegeluhenna pengaruhi perkembangen teknologi informasi si pedas berubah. Melala informasi banci idatna I bas internet nari, subuk si positip bagepe si negatip. Si enda pe nuntut anak-anakta ngikutken perkembangen ‘gaya hidup’ masa kini si dem alu persaingen Jabu, Gereja ras masyarakat pe nuntut anak-anakta maba Kemajun arah kecibalna. Emaka perlu kal kehadiren orangtua kususna nande guna Jadi motivator si mereken semangat ras si mengarahkеn anak i bas mengembangken dirina gelah banci erguna man doni enda.
II. Mpebagesi Pengangkan Kerna Ogen.
I bas Ulangen 31:1-8 ituriken kerna pergegeh si ibereken Musa man bangsa Israel (ayat 1-6) ras man Josua secara kusus (ayat 7-8). Umur Musa enggo metua emaka secara fisik la lanal ngasup mimpin bangsa Israel. Janah Tuhan enggo ngataken maka la banci ikeparina Lau Jordan, la sempat ibengketina Taneh Perpadanen e. I kepar Lau Jordan ringan bangsa si megegeh si pasti ngelawan Israel kune bangsa e bengket ku je. Musa ningetken man bangsaNa kerna penemani Tuhan tupung bangsa bangsa ngelawan Israel. Janah Tuhan tetap njaga dingen ngarak-ngarak Israel. Alu bage Musa mpegegehi bangsaNa gelah tetap ukurna janah tek man Tuhan (ayat 6). Kenca si e idilo Musa Josua. Sedekah enda Josua enggo jadi pemimpin pasuken Israel. Janah genduari Dibata jine secara langsung mereken dahin e man bana. Erkiteken Musa enggo metua maka Josua me si nggantiken ia.
Adi mbarenda lit Musa si ngajari ia. Kenca si enda mate me Musa. Emaka sekalak nari ia mimpin bangsa e. Dahin enda mberat. Si man pimpinenna eme Israel, bangsa si mekeng janah megati ngelawan Dibata. Bangsa si man alankenna eme bangsa si gegehen asangken Israel. Emaka Musa mereken pergegeh man bana i lebe-lebe bangsa Israel.”Tetapkenlah ukurndu janah teklah; kam me si mabai bangsa enda guna ndatken negeri si ipadanken Tuhan man nini-ninina. Alu kata enda Musa mereken semangat ras dukungen moral dingen mereken ketetapen ukur Josua maka ia pasti ngasup jadi pemimpin bangsa e. I bas ayat 8, Musa mereken alasen keyakinenna nandangi Josua. Tuhan kap si mereken dahin e. Emaka Tuhan pasti nampati. Tuhan labo pernah nadingken dingen labo pernah erbahan ia juru. La perlu bene ukur erkiteken megegeh imbang janah la perlu mbiar erkiteken mberat tanggungjabap sabap Tuhan pasti nampati. Keyakinen enda pe tentu reh gegehna rikut ras pengalamen Musa ngkader Josua jadi penggantina. Josua eme sekalak si nguda, meteruk ukur janah nggit lajari. Ia ngasup erlajar arah kegagalen ras kesalahen nari. Si enda teridah arah kesaksin Pustaka Si Badia kerna kemajun-kemajun i bas kepemimpinen Josua. Terlebih-lebih la erkemalangen man Tuhan. Janah enda kerina pe la terlepas i bas usaha Musa i bas nikapken Josua jadi pemimpin.
III. Pengkenaina.
Anak si nguda perlu terus idorong gelah nggit maju. Genduari melala anak- anakta si menukah surut ukurna ras putus asa, pedas puas dingen kurang semangat juangna. Kemajun jaman la banci si pengadi janah e banci terus jadi tantangen. Emaka anak si nguda pe la banci ngadi erusaha. Tugasta selaku Moria lit dua. Si pemena, si pastiken anakta tuhu-tuhu erkiniteken man Jesus. Adi tek ia man Jesus tentu idalankenna sura-suraNa. Janah enda banci mbangun karakter si mehuli i bas diri anak si nguda. Si peduaken eme mereken motivasi man bana gelah tetap nggit erlajar dingen erjuang, Sitanemken biak pantang meyerah man anakta subuk si sekolah, kuliah, pegawai negeri ntah swasta, pengusaha, perjuma, perbinaga subuk si online ntah lang ras sidebanna sue ras kecibal bagepe dahinna. I japa pe anakta ringan, ia ngasup jadi pemimpin, penentu ras mereken inspirasi man sekelewetna. Si tetapken ukur anakta gelah ia tetap percaya diri tapi la meganjang ukur. Sidukung anakta i bas pilihenna sedekah e la petembil ras kinitekenta. kune jumpa ia tantangen minter si bereken semangat man bana. In the middle of big problem there is a big oppurtunity (di tengah masalah besar terdapat kesempatan besar), i bas si enda perlu kal ngidah ras makeken peluang alu payo. Alu bage kepemimpinen PERMATA i tengah Gerejanta pe tuhu-tuhu mehuli. La si akap mesera ndarami pengurus ntah pe si erdahin i bas anak si nguda nari sabap kerina ia enggo percaya diri ras nggit erlajar dingen rusaha. Terlebih-lebih i bas kerina dampar geluhna anak-anakta ngandalken Tuhan. Kita ngusih Musa. Anak-anakta ngusih Josua.
IV. Nulisken Kata-kata Motivasi Man Anak.
Ukurkenlah kata-kata motivasi si pas man anakndu sue ras situasina. Adi enggo datndu, kirim man bana, banci arah SMS, WA, Instagram ras sideban. Banci pe itulisndu i bas kertas jenari bere man bana. Man si lenga lit pupusna ntah si kitik denga anakna, banci bereken man anak kade-kade
ntah man salah sada anak si nguda bas Runggunta.
Pdt. Fransiska Adelina br Sinuraya,S Si,Theol
Klip film juduk setiap anak unik
https://www.youtube.com/watch?v=j3VKSU-UK
Inget ras ersikaplah…… minggu si reh si pepulung kolekte extra guna LAI