KINITEKEN PALAS PERGAULEN
(MORIA nikapken anak seh ku tahap perjabun)
TUJUN: Gelah MORIA:
- Meteh uga kepentaren Abraham i bas ndaramni teman geluh anakna.
- Ngarak-ngarak anak mulai i bas pergaulen seh ku perjabun erpalas kinteken.
METODE PA: Diskusi
Kejadian 24: 1 – 9
Ribka dipinang bagi Ishak24:1 Adapun Abraham telah tua dan lanjut umurnya, serta diberkati TUHAN dalam segala hal.
24:2 Berkatalah Abraham kepada hambanya yang paling tua dalam rumahnya, yang menjadi kuasa atas segala kepunyaannya, katanya: “Baiklah letakkan tanganmu di bawah pangkal pahaku,
24:3 supaya aku mengambil sumpahmu demi TUHAN, Allah yang empunya langit dan yang empunya bumi, bahwa engkau tidak akan mengambil untuk anakku seorang isteri dari antara perempuan Kanaan yang di antaranya aku diam.
24:4 Tetapi engkau harus pergi ke negeriku dan kepada sanak saudaraku untuk mengambil seorang isteri bagi Ishak, anakku.”
24:5 Lalu berkatalah hambanya itu kepadanya: “Mungkin perempuan itu tidak suka mengikuti aku ke negeri ini; haruskah aku membawa anakmu itu kembali ke negeri dari mana tuanku keluar?”
24:6 Tetapi Abraham berkata kepadanya: “Awas, jangan kaubawa anakku itu kembali ke sana.
24:7 TUHAN, Allah yang empunya langit, yang telah memanggil aku dari rumah ayahku serta dari negeri sanak saudaraku, dan yang telah berfirman kepadaku, serta yang bersumpah kepadaku, demikian: kepada keturunanmulah akan Kuberikan negeri ini–Dialah juga akan mengutus malaikat-Nya berjalan di depanmu, sehingga engkau dapat mengambil seorang isteri dari sana untuk anakku.
24:8 Tetapi jika perempuan itu tidak mau mengikuti engkau, maka lepaslah engkau dari sumpahmu kepadaku ini; hanya saja, janganlah anakku itu kaubawa kembali ke sana.”
24:9 Lalu hamba itu meletakkan tangannya di bawah pangkal paha Abraham, tuannya, dan bersumpah kepadanya tentang hal itu.Diberu si man Isak
24:1 Genduari Abraham enggo seh kal tuana, janah ipasu-pasu TUHAN ia i bas kerina si idahikenna.
24:2 Nina man suruh-suruhenna si metuana, si ngurus kerina erta-ertana, “Amparken tanndu kelang-kelang pahangku, jenari ersumpahlah.
24:3 Ateku maka ersumpah kam i bas gelar TUHAN, Dibata langit ras doni, maka la ibuatndu beru Kanaan enda jadi ndehara anakku Isak.
24:4 La banci la mulih kam ku negeri asalku, gelah ibuatndu diberu man anakku Isak, i bas kade-kadengku nari.”
24:5 Tapi nungkun suruh-suruhen ndai nina, “Uga adi la pagi nggit si nguda-nguda e nadingken rumahna ngikut ras aku ku taneh enda? Banci nge kutaruhken anakndu ku negeri asalndu?”
24:6 Ijabap Abraham, “E ola kal! Ola kal isuruhndu anakku mulih ku jah!
24:7 TUHAN, Dibata si mada langit, enggo maba aku i rumah bapangku nari, i bas taneh keluargangku nari ku ingan enda. Dibata enggo ersumpah man bangku maka iberekenNa taneh enda man kesusurenku. IA pagi si nuruh malekat arah lebendu, gelah idatndu sada diberu i jah man anakku.
24:8 Adi singuda-nguda e la pagi nggit ngikut ras kam, enggo nangtang kam i bas perpadanen enda. Tapi amin kai pe jadi, ola kal babandu anakku mulih ku jah.”
24:9 Kenca bage itamaken suruh-suruhen ndai tanna i kelang-kelang paha Abraham, tuanna, jenari ersumpah ia maka idahikenna kerina bagi si ipindoken Abraham e.
I. Kata Penaruh.
Adi ngerana kita kerna pengajaren, si mehulina min ikut ras perbahanen, alu bage banci jadi usihen (role model), sabap la si sadari kai si lakoken kita e ipelajari anakta, janah kenca ia erjabu si idatna bas kita nari e ka si isehkenna (itransferna) i bas ndidik anak-anakna pagin. Emaka menaken kitik – kitik nari perlu kal pendampingen ras pengajaren man anak-anakta. Uga sibukna pe kita selaku orangtua perlu kal si litken waktunta ndampingi anak – anak ras ngikuti perkembangenna sabap waktu e lanai banci terulihi kita. La kai pe banci si nggantiken kita selaku nande nandangi anak – anakta, kita jadi guru ras pendamping man anakta, si ngarahken perdalinna bagepe mbangun karakterna. Situasi, lingkungen ras pengajarenta i bas jabu si e kerina mbangun karakterna, kuga ras jadi kai ateta anakta e ngaruhna seh kal pentingna arah pengajarenta manaken kitik seh ku bas perjabunna pe.
II. Mpebagesi Pengangkan Kerna Ogen
Dibata si mada kerinana si lit i bas doni enda tetap nuduhken si mehulina man kalak si tek baNa. Abraham nuruh suruh-suruhenna si Elieser lawes ku kuta asal Abraham, gelah ibuatna diberu man ndehara Isak i bas keluarga kade-kadena nari. Ipersingeti Abraham leben gelah Elieser ula muat diberu kalak Kanaan jadi ndehara anakna. Bagepe ula maba Isak mulih ku kuta asalna. Cukup ibabana diberu í bas keluarga kade-kadena nari. Man Elieser dahin enda labo dahin si mesunah tapi kinitekenna bali ras kiniteken Abraham, Tuhan si nuduhken dalan. Abraham nikapken perjabun anakna, ia tading i Kanaan tapi la ibuatna kalak Kanaan jadi ndehara anakna, sabap atena sada kiniteken ras malang man Tuhan. Emaka isuruhna suruh-suruhenna berkat ku kuta Nahor i Aram Mesopotamia. Situhuna labo menukah man daramen sinikataken Abraham enda sabap melala nge diberu si banci saja jumpa ras Elieser, tapi ia mindo tanda man Tuhan apai si cocok janah Tuhan nuduhken alu payo si apai diberu si cocok man Ishak (ay. 7). I bas ingan kalak si la tek man Tuhan i Taneh Kanaan, Abraham banci jadi pasu-pasu tupung ia tading ije, janah taneh si iinganina e pe enggo ipadanken Tuhan iberekenNa man kesusuren Abraham. Emaka la ibereken Abraham Isak ibaba mulih ku kuta asalna, sabap ia pewaris taneh ras bangsa si ipadanken Tuhan.
Seh kal bedana perjabun si isuraken Dibata ras ipalasi kerincuken daging (hawa napsu), apai denga ka alu kekuatan kuasa gelap guna ndatken teman geluh. Dampakna pe pasti beda. Si iarapken Abraham arah perjabun Ishak enda banci jadi pasu-pasu anem gia ringan i Kanaan, negeri kalak si nembah man gana-gana. Penjujuri Tuhan Ribka jadi ndehara Ishak ipalasi alu pertoton ras tanda sinituduhken Tuhan man Elieser suruh-suruhen Abraham. La idungi Elieser tugasna e sisada, endeskenna man Tuhan, ipindona petunjuk i bas Tuhan nari, emaka metenget ia i bas ngidah petunjuk Dibata bagi si enggo ipindona man Tuhan. Ulih i bas kinigenggengen Elieser idatna Ribka jadi ndehara Ishak sue ras penuduhken Tuhan. Tutus, metenget ras megermet enda me dahin si enggo ilakoken Elieser i bas persuruhen Abraham man bana. Abraham pe tetap erpenggurun man Tuhan i bas kerina dampar kegeluhenna, ipindona tetap petunjuk i bas Dibata nari menaken ia nadingken kutana seh ku bas perjabun anakna. Lenga pe idahna bukti si ijanjiken Dibata tetap kal ia tek maka Tuhan si njamin kegeluhenna seh ku bas kesusurenna pe.
III. Pengkenaina
Bapa kalak si erkiniteken, Abraham tetap megermet ras patuh nandangi persuruhen Tuhan, menaken ia nadingken kutana seh ku bas perjabun anakna. Selaku nande lit min biak Abraham enda i bas kegeluhenta, ndidik, ndampingi anak-anakta menaken kitik-kitikna nari seh ku bas perjabunna. Tetap ia nggeluh erkiniteken man Dibata sabap kitik-kitikna nari enggo ipeseh ras ibangun karakterna mbiar ras malang man Tuhan. La terjeng man kalak si ngidah ia mbiar tapi man sila ngidahsa pe ia mbiar i bas ngelakoken perbahanen si la mehuli. Adi anakta erteman (pacaren) ras kalak si la sada kiniteken, arusna min nande pang nuriangisa gelah ula sempat terlanjur anakta e i bas ate ngena seh maka lanai terpesirang. Bagepe adi erteman ia ras kalak si gutul ras pergaulen bebas, selaku nande kita mereken arahen si mehuli man anakta i bas pergaulenna. Gambaren si lakoken kita selaku nande i bas ndidik ia tentu si e ka me ipesenkenna man anak anakna pagini bas ndidiksa, Amin perbedan jaman erbahanca kita arus ngasup mpesehsa alu mehuli sistem pengajarenta man anak-anakta. Megermet ras metenget kita ngidah situasinta, melala erlajar jadi orangtua si erpengangkan, pengertin (parenting) rikut kerina kecibalta.
Adi anakta e enggo mbelin bahan maka kita nandena banci jadi temanna curhat nuriken isi pusuhna gelah siangkan kal perbeben si sangana inanamina. Mamahken tetap Kata Dibata man bana gelah pengajaren Kata Dibata e jadi rurat i bas la si banci mbentengi ia i bas pergaulenna. Lit kita je nandena tapi melala kal anakta kehilangan “rasa keibuanna” erkiteken la kita hadir bas pertumbuhenna, buen pembantuta ntah kalak sideban mereken didiken man bana asangken kita si ndidik anakta e. La lit waktu si terlambat, jadilah nande man anakta sabap posisinta selaku nande kai pe la ngasup ngantikensa.
IV. Diskusi
- Engkai maka melala denga anakta adi ergaul ras kalak si beda agama ras kita (Muslim), buen denga anakta si itarikna ku agamana asangken anakta si narik ia ku agamanta? Cubaken diskusiken!
- Kai saja nge si perlu si persiapken guna masa depan anak-anakta seh ku bas perjabunna selain nikapken biaya (materi)?
Pdt. Natallidna Tarigan, M.Th
