Menumbuhkan rasa kebanggan Mamre sebagai warga GBKP serta menurunkannya kepada anak.
Ogen : Jeremia 9: 23-24
Tema : Ermegah Ate Erkiteken Tuhan
Tujun : Gelah Mamre:
- Meteh maka palas kemegahen nandangi Tuhan
- Ngasup ia nusurkenca kemegehen e man anak jabuna eme nandangi gereja GBKP enda.
Mengenal Allah adalah kebahagiaan manusia
9:23 Beginilah firman TUHAN: “Janganlah orang bijaksana bermegah karena kebijaksanaannya, janganlah orang kuat bermegah karena kekuatannya, janganlah orang kaya bermegah karena kekayaannya,
9:24 tetapi siapa yang mau bermegah, baiklah bermegah karena yang berikut: bahwa ia memahami dan mengenal Aku, bahwa Akulah TUHAN yang menunjukkan kasih setia, keadilan dan kebenaran di bumi; sungguh, semuanya itu Kusukai, demikianlah firman TUHAN.”
KATA PENARUH
Lit 3 (telu) hal si hebat i bas manusia nggeluh doni enda, janah enda jadi kebanggaan ras pantas iwarisken man anak kempunta. Kai kin e si3 (telu) hal enda, e me: pentar (pemeteh), gegeh (kuasa) ras kebayaken. Adi siukuri sada saja lit bas dirinta enggo me banci kita ikataken berhasil/sukses i bas geluh enda. Misalna jadi narasumber, bodyguard si megegeh ntah big bos bagepe jadi “tuan Thakur” (sibayak kuta) ras sidebanna, merupakan sebutan sebutan si ianggap meherga ras mehaga bas doni enda seh asa gundari.
Adi sada bagin saja banci kita ibanna hebat apaika adi teluna banci jadi sikerajangennta maka jadi hebat luar biasa. Pas bagi deterjen three in one (pembersih, pewangi dan pelembut) akan lebih digemari dari deterjen biasa. Tapi produk e pasti memiliki resiko ntahpe efek tersendiri. Bagepe pemeteh, gegeh ras kebayaken pe perlu iwaspadai i bas geluhta, sebab banci meneken geluhta dingen erbanca sirang ras Dibata. Persinget si isehken nabi Jeremia perlu jadi perenungen man banta uga arusna ermegah ate i bas geluhta.
URAIAN TEKS/TAFSIREN
Kitab Jeremia pasal 9 enda merupaken khotbah nabi Jeremia ope serangen Kerajaan Babel sipe-2 ken man Jehuda. Nabi Jeremia berulang kali mpersingeti bangsa Juda gelah jera i bas dosa -dosana, tapi bangsa e tetap la jera. Secara ringkas kegeluhen kalak juda banci igambarken i bas Jer. 9: 12-14, Nungkun aku ningku;” O Tuhan, ngkai maka negeri enda ceda janah kerah desken gurun pasir, seh maka ise pe la lit mentas arah e? Ise kin ngasup ngantusisa si e? Man ise kin nggo iterangken Ndu si e gelah banci ituriken na ka man kalak si deban? Nina Tuhan ngaloisa: Si enda kerina jadi erkiteken bangsangku nggo nundalken ajaren si enggo Ku bereken man bana. Lanai Aku ikutkenna, lanai idalankenna kai si Kukataken man bana. Tapi mekeng ia dingen isembahna gana gana Baal bagi siiajarken nini ninina.
Bahan oratenta secara khusus itujuken Nabi Jeremia man para peminpin bagepe kaum elite bangsa Juda si lit ibas paksa sie (Ay 13) Kritik sekaligus persinget si keras ipeseh Nabi Jeremia erkiteken para pemimpin e sangat bangga/megah akapna kepentarenna, gegehna ras kebayakenna. Kai siilakoken e abo banci nelamatken manusia, bahken banci merusak kalak sideban. Kalak si erpemeteh banci nokoh-nokohi kalak sideban, kalak megegeh banci menindas kalak silemah ras kalak bayak banci jadi serakah dingen merebut erta kalak musil. Kerina tindaken enda la ngena ate Dibata, janah erbanca reh garana ukur Dibata i bas mereken ukumen man kalak Juda.
I bas ay 14, Dibata erkelangken Nabi Jeremia nuriken Adi lit kalak atena ermegah ate, megahlah iakapna perban itandaina Aku. Sebab keleng ateKu tetap, dingen Kubahan kai sibujur ras benar. E me perkara sierbahanca meriah ukurKu, Aku Tuhan si nggo ngerana. Intina ngataken ermegah ate perban itandaina Dibata. I bas penandaita kerna Dibata enda lit 3 (telu) kata kunci si isehken Nabi Jeremia e me:
- Keleng ate Dibata (= khessed)
Keleng ate merupakan bagin i bas diri Dibata. IA tetap ngkelengi amin uga gia keadaan si lit ibas kita. Kekelengenna isertai pengalemi dosa. Dibata tetap nimai pertobaten, Dibata tetap membuka diriNa guna ngaloken kalak singaku salah man baNa.
- Keadilen (mispath)
Kata enda menjelasken kerna makna adil pada tindakan manusia yang benar terhadap sesamanya. Memberikan penghargaan bagi yang melakukan kebaikan dan memberikan hukuman /ganjaran bagi yang melakukan kejahatan. Ertina cara ntah tindaken manusia man teman manusia sesuai apa adanya. Alu kata enda maka makna keadilen ipahami labo terjeng hukum formal tapi pe arus memenuhi ras kebatinan. Jadi adi kita ngkelengi keadilen maka ketidakadilen merupaken kejahaten ras pe patut ndatken ukumen. Bagepe Dibata, adi lit ketidakadilen/kejahaten maka Dibata nikapken ukumenna.
- Kebenaren (=tsedekah)
Kata enda ertina benar ntah lurus. I bas Pustaka si Badi ikataken maka kebenaren tertinggi e me peraten Dibata. Kita kalak sitek idiloNa guna ngelakoken perintahNa dingen erjanji man baNa i bas ngelakoken kebenaren Jadi selain pengalemi dosa, salah sada tolak ukur kebenaren si lit bas kita iukur arah kesetian/kepatuhenta man perintah Dibata. Hal enda ngatakenca maka kebenaren berhubungen ras ketaaten man undang undang Dibata (ul 6:25; Rom 10:5; Luk 1:6; Mazm 1:2).
Kata tsedekah enda pe iertiken sebagai sikap murah hati man kalak musil. Alu enda muncul kata “sedekah”
APLIKASI
Rasa bangga ntah pe ermegah ate merupaken hal si penting i bas geluh manusia. Secara psikologis alu litna rasa ermegah ate enda erbanca jelma semakin percaya diri, bersemangat ras reh gedangna umur. Alu bage tentu labo ateta mamang maka rasa ermegah ate enda sangat berhubungen ras prestasi prestasi siianggap bernilai secara materi misalna sen, pemeteh, pangkat ntah pe gegeh. Bagi si menjadi persinget Nabi Jeremia i bas bahan oratenta e me pentar, megegeh ras bayak. Selanjutna, alu litna anggapan bahwa hal sie (pentar, gegeh ras bayak) merupaken bagian dari prestasi kegeluhen, maka turah me ukur bahwa si enggo ndatkenca e ijuluki sebagai kalak si lebih hebat ras patut ipujiken. Sikedungenna erbanca kalak e jadi sombong dingen banci anggap enteng man kalak sideban bahken banci saja memanfaatken kalak sideban guna kepentingen dirina sendiri. Gambaren enda situhunna jadi i bas masa Nabi Jeremia paksa sie. Mbue pejabat ntah pe petinggi kerajaan paksa sie menganggap dirina sipentingna dingen si hebatna. Kai saja banci ilakokenna, termasuk i bas ersembah pe banci ilakoken ibadah manipulasi. Wari Sabat bersihken diri man Dibata, selanjutna lakoken sijahat labo dalih sebab banci denga kari ialemi. Banci sikataken maka enda merupaken bentuk kebanggaan semu ras la ngena ate Dibata.
Alu cara pandang si berbeda, Dibata erkelangken Nabi Jeremia mpersingeti maka rasa ermegah ate situhu-tuhu (kebanggaan sejati) e me tandai Dibata alu payo. Lit tolak ukur i bas nandai Dibata e me: keleng ateNa, keadilen ras kebenaren. Enda me si patut jadi kebanggan bas geluhta. Alu tolak ukur enda maka kerina prestasi manusia merupaken sebuah kewajaren, erkiteken manusia itepa Dibata gelah banci berprestasi alu mehuli i bas kegeluhenna. Cuba perdiateken i bas Dibata nepa doni enda, i bas akhir pendahinNa selalu ikuti kata kata tuhu tuhu mehuli. Bagepe tentuna, manusia pe ituntut gelah banci ncidahken prestasi si mehuli i bas geluhna. Jadi prestasin ta alu mbue pemeteh, gegeh ras mbue erta sidatken kita ibas geluhta labo hal siutama, tapi hanya pelengkap i bas ncidahken peraten Dibata bas geluhta. Alu nggejapken maka kerina si lit enda rehna i bas Dibata nari, maka hal enda erbanca kita reh beluhna i bas mengelola, mengolah ras ngataken bujur i bas kerina situasi kondisi sijadi bas geluhta.
Ermegah ate i bas Tuhan merupaken sada kemutlaken siarus ilakoken kita Mamre. Mbue contoh siicidahken pustaka kerna sikap ermegah ate enda misalna Abraham man anakna Ishak, Ishak man Jakub ras Jakub man anak anakna. Alu mewarisken sikap enda nyata uga jadina bangsa pilihen Dibata (Israel). Mbue tantangen sijadi, (ipilih, lajang i Kanaan, itindas i Mesir, 40 tahun) tapi kedungenna seh ka i Kanaan. Bage ka perdalanen geluhta, terlebih i bas masa pandemi ras pasca pandemi enda, marilah tetap mewarisken ras ermegah ate i bas Tuhan e man anak anakta. Seh maka gerejanta pe tetap eksis i bas dahin dahin pelayanenna.
DISKUSI
- Rikutken bahan oratenta, kemegahen ate si ugakin si arus ilakoken kalak si erkiniteken?
- Arah pengalamenta turikenlah contoh contoh praktis sincidahken sikap ermegah ate ibas Tuhan si patut iwarisken man anak anakta?
USULEN ENDE ENDEN
- KEE GBKP No. 338 :1-2
- KEE GBKP No. 54: 1-3
- KEE GBKP No. 315: 1-3
- KEE GBKP No. 199: 1-3
Pdt. Darius Rinaldi Sembiring, M.Th