JADILAH PENTAR
(Keluarga)
Amsal 23: 19 – 21
23:19 Hai anakku, dengarkanlah, dan jadilah bijak, tujukanlah hatimu ke jalan yang benar.
23:20 Janganlah engkau ada di antara peminum anggur dan pelahap daging.
23:21 Karena si peminum dan si pelahap menjadi miskin, dan kantuk membuat orang berpakaian compang-camping.23:19 Dengkehkenlah o anakku! Jadilah pentar. Megermetlah nandangi perdalanen geluhndu.
23:20 Ola pertemani kalak pemabuk dingen kalak merangap,
23:21 sabap jadi kalak musil me ia. Adi medem saja pendahinndu nandangi lanai bo kam ergonje.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
RENDE KEE. 372 – Pujilah Tuhan si Badia
Pujilah Tuhan Si Badia,
Puji PerbahanenNa Si Mbisa
Embus suling terompet cawir ban sorana,
Puji Tuhan Si Mada K’rina tinepaSuraklah o doni kerina,
Rende muliakenlah gelarNa
Bujur perbahanenNa, la pedas merawa,
Puji Tuhannta i bas lias ateNaO Tendingku puji Dibata,
alu dem keriahen pujilah.
Kerina si erkesah IA Si Madasa,
Puji Tuhan Si Mada k’rina tinepa
ERTOTO (Ibabai nande)
NGOGE KATA DIBATA
Kuan-Kuanen 23: 19 – 21 (iogeken Anak tengah jabu)
RENUNGEN
Bagi si eteh ras-ras maka Kitab Kuan-Kuanen isina kerna ajaren agama dingen ajaren kegeluhen si payo. Pengajaren e icidahken i bas pedah, perumpamaan dingen ajar segelah pentar ras ndatken pengertin si man pakenken i bas kegeluhen enda eme nggeluh i bas kebenaren Tuhan. Kerina pengajaren si lit i bas Kitab Kuan-kuanen enda mbabai kita guna “Erkemalangen man TUHAN”. Alu nandai kebenaren Tuhan ras nggeluh i bas kebenaren e, mbabai kita nggeluh ndatken kemalemen ate. Si nuratken kitab Kuan-kuanen enda, nehken Kata Dibata desken orangtua ngajarken anak-anakna. Jabu eme ingan nehken pengajaren man anak-anak gelah jadi kalak pentar.
Adi si perdiateken Kuan-kuanen 23: 19 – 21 enda, i je orang tua nehken pedah ras pengajaren man anak-anak i tengah jabu segelah anak-anak e:
- Jadilah pentar, anak si pentar eme anak si erkemalangen man Dibata. Anak si nggit ras patuh megiken pengajaren i bas orangtuana nari. Sabab anak e ngangkai maka orangtuana uga pe keleng kel atena man bana ras sura-sura orangtuana eme segelah anak-anakna ndatken kesangapen i bas kegeluhen enda.
- Megermetlah nandangi perdalanen geluh. Selaku anak si megermet nandangi perdalanen geluh teridah arah kai-kai saja pe siilakokenna isiksiknalah lebe, sue ntah lang ras singena ate Dibata. Adi la sue ras kata Dibata maka i tadingkenna. Kalak si megermet ietehna si mehuli ras si jahat, siidalankenna e me si mehuli ras erguna.
- La pertemani kalak pemabuk dingen kalak merangap, sabap jadi kalak musil me ia. Adi medem saja pendahinndu nandangi lanai bo kam ergonje. I bas kinata kegeluhen enda erbage-bage biak-biak jelma. Kalak pentar pasti ipertemanina kalak si biakna pentar sabab ulihna pasti kejuah juahen. Kalak motu nge si nggit erteman ras kalak pemabuk, rangap ras perkisat, emaka ulihna pe kiniseran.
Arah renungen PJJ enda isehken man banta segelah kerina kita ‘jadilah pentar’ ertina, orangtua pe arus nggit erlajar segedang geluh segelah jadi kalak pentar. Sabab orangtua si pentar nge si ngasup nehken pengajaren man anak-anak jabuna segelah jadi pentar. Orangtua si pentar nge si rutang iakapna man bana guna nehken pengajaren man anak-anakna segelah jadi kalak pentar. Anak-anak e kap generasi sinerusken jabu, gereja ras bangsa. Adi anak-anak e jadi kalak pentar, tentuna reh ulina me kegeluhen jabu, gereja ras bangsanta. Marilah erlajar segedang geluhta, segelah ertambah-tambah kepentarenta, tentuna reh tambah-tambahna ka kemalemen ateta.
NURIKEN PENGGEJAPEN
- SIMADA JABU
- SAITUN
- PERMATA
IRAKUT PERTUA/DIAKEN/EMERITUS/PENDETA
DISKUSI/SHARING
- Sedekah enda, uga nge pendalankenta tanggung jababta selaku orang tua i bas nehken pengajaren man anak-anakta?
- Kenca kita er-PJJ enda, kai nge ndia jadi tekadta? Totoken ras dalankenlah.
MOMO (Isehken Pengurus PJJ)
RENDE KEE. 343 – Pasu-Pasu Bas Tuhan (Persembahan)
Pasu-pasu bas Tuhan nari,
gejapken kami teptep wari
Bas paksa-paksa geluh kami,
Kam me kap tetap singkawali
Pasu-pasu bas Tuhan nari,
jadi pergegeh tendi kami
Guna ndalani wari-wari,
si rehna bas Kam Tuhan nariPasu-pasu dage o Tuhan,
persembahen kami anakNdu
Labo kapen enda metunggung,
persembahen si nggo pepulung
AjariNdu pe kami gelah min,
tetap ngasup mere man TuhanAloken min dage o Tuhan,
persembahen kami anakNdu,
Labo ban beluh kami Tuhan,
lako mere ku adepenNdu,
Pakeken min dage o Tuhan,
persembahen kami anakNdu
Guna pebelangken KataNdu,
nandangi k’rina tinepaNdu
PERTOTON SYAFAAT
- Gelah kerina jabu ngawan perpulungen tetap i pasu-pasu Tuhan i bas kegeluhenna, i bereken kesehaten ras kejuahjuahen bage pe rejeki si simpar bas Tuhan nari (ibabai sekalak serayan Pt/Dk/Pdt).
- Gelah kerina orangtua ngasup ndalanken tanggung jababna, terlebih disiplin i bas nehken pengajaren si benar nandangi anak-anakna (ibabai sekalak Saitun/Emeritus).
- Gelah anak-anak i bas teptep jabu ngawan perpulungen nggit ndengkehken pengajaren, didiken, nasehat orangtua guna masa depanna si mehuli (ibabai sekalak anak Permata).
RENDE KEE. 323 – Sura-Sura Daging Lawanlah
Sura-sura daging lawanlah tetap,
je ‘di la kam talu tambah gegehndu
Sura-sura jahat simbaklah tetap,
ngaraplah man Jesus tentu kam menangPindo gegeh man Tuhan gelah kam lalap paguh
I b’reNa kita menang,
menahang ras senangTadingken si jahat olangi dosa,
ukurndu meciho la ercinengga
Pake kebenaren nggeluh bas terang,
ngaraplah man Yesus tentu kam menang
PERTOTON TUHAN
- Ibabai sekalak serayan Pt/Dk/Pdt
- Adi PJJ ilakoken i rumah banci ibabai Bapa/Nande/Anak
JEDA RAS PENUTUP
Pdt. Andinata Ginting, S.Si (Teol)