TEP-TEP ANAK ISTIMEWA
(Moria mengenal anak yang unik)
TUJUN: Gelah Moria:
- Meteh maka Ribka lebih erngena ate nandangi anakna si Jakub asangken Esau.
- Ngidah keuniken bas tep-tep anak maba kemalemen ate man orangtua.
METODE PA: Refleksi Pribadi
Kejadian 27: 1 – 13
Yakub diberkati Ishak sebagai anak sulung27:1 Ketika Ishak sudah tua, dan matanya telah kabur, sehingga ia tidak dapat melihat lagi, dipanggilnyalah Esau, anak sulungnya, serta berkata kepadanya: “Anakku.” Sahut Esau: “Ya, bapa.”
27:2 Berkatalah Ishak: “Lihat, aku sudah tua, aku tidak tahu bila hari kematianku.
27:3 Maka sekarang, ambillah senjatamu, tabung panah dan busurmu, pergilah ke padang dan burulah bagiku seekor binatang;
27:4 olahlah bagiku makanan yang enak, seperti yang kugemari, sesudah itu bawalah kepadaku, supaya kumakan, agar aku memberkati engkau, sebelum aku mati.”
27:5 Tetapi Ribka mendengarkannya, ketika Ishak berkata kepada Esau, anaknya. Setelah Esau pergi ke padang memburu seekor binatang untuk dibawanya kepada ayahnya,
27:6 berkatalah Ribka kepada Yakub, anaknya: “Telah kudengar ayahmu berkata kepada Esau, kakakmu:
27:7 Bawalah bagiku seekor binatang buruan dan olahlah bagiku makanan yang enak, supaya kumakan, dan supaya aku memberkati engkau di hadapan TUHAN, sebelum aku mati.
27:8 Maka sekarang, anakku, dengarkanlah perkataanku seperti yang kuperintahkan kepadamu.
27:9 Pergilah ke tempat kambing domba kita, ambillah dari sana dua anak kambing yang baik, maka aku akan mengolahnya menjadi makanan yang enak bagi ayahmu, seperti yang digemarinya.
27:10 Bawalah itu kepada ayahmu, supaya dimakannya, agar dia memberkati engkau, sebelum ia mati.”
27:11 Lalu kata Yakub kepada Ribka, ibunya: “Tetapi Esau, kakakku, adalah seorang yang berbulu badannya, sedang aku ini kulitku licin.
27:12 Mungkin ayahku akan meraba aku; maka nanti ia akan menyangka bahwa aku mau memperolok-olokkan dia; dengan demikian aku akan mendatangkan kutuk atas diriku dan bukan berkat.”
27:13 Tetapi ibunya berkata kepadanya: “Akulah yang menanggung kutuk itu, anakku; dengarkan saja perkataanku, pergilah ambil kambing-kambing itu.”Ipasu-pasu Isak si Jakup
27:1 Tupung si e Isak enggo metua, janah enggo seleng matana. Idilona anakna sintua Esau nina man bana, “O anakku.” “Kai, Bapa,” nina Esau ngaloi.
27:2 Nina Isak, “Idahndu nge kap maka aku enggo metua. Tah lanai bo ndekah aku nggeluh.
27:3 Buat dage panah ras anak panahndu. To ku kerangen kam erburu, buat sada rubia-rubia man bangku.
27:4 Tasakken man bangku pangan si entabeh kuakap, jenari baba man bangku. Kenca kupan, kupasu-pasu ateku kam ope aku mate.”
27:5 Tapi sanga ercakap-cakap Esau ras Isak kepeken ibegiken Ribka. E maka kenca lawes Esau erburu,
27:6 nina Ribka man Jakup, “Enda denga nge kubegi ikataken bapandu man Esau,
27:7 ‘To buat sada rubia-rubia, tasakken e bangku. Kenca kupan, kupasu-pasu kam i lebe-lebe TUHAN ope denga aku mate.’ ”
27:8 “E maka anakku,” nina Ribka tole, “Begiken ras ikutken kai si kukataken.
27:9 To pilihi dua kambing si mburna, gelah kutasakken sitik pangan si ntabehna kal akap bapandu.
27:10 Kenca bage ibabandu kari man bana gelah ipanna, maka ipasu-pasuna kam ope ia mate.”
27:11 Tapi nina Jakup man nandena, “Ietehndu nge Esau kalak si ermbulu badanna, tapi aku lang.
27:12 Ntah idadap bapa kari aku, ma ietehna kutipu ia? Alu bage sumpah nge dat aku, labo pasu-pasu.”
27:13 Nina nandena, “Aku nanggungsa sumpah si seh man bandu anakku. Bahanlah bagi si kukataken, to lah buat kambing e man bangku.”
Kata Penaruh
Manusia itepa Dibata la lit si seri, subuk i bas rupa, daging kula (struktur tubuh’) i bas dilaki ras diberu bagepe biak, kengasupen ras kebeluhenna, Kreatif kal Dibata i bas nepa manusia si erbage-bage, amin seri ras tempasNa tapi pelain-lain i bas biak ras kengasupen, Kerina perbedan e njadiken manusia istimewa i adepen Dibata. Tambah si e, benaken kini bas bertin seh tubuhna sekalak anak, mbelin kali pengaruhi situasi lingkungen ras perbahanen keluarga i bas jabu si erbahansa labo seni kerina anak si tubuh ku doni enda.
Kinierbagen e istimewa, janah jadi kebayaken man doni, jabu ras masyarakat maka kerina mehuli ras mejile. Tapi i bas si erbage bage enda megati jadi perbedaan si erbahan kinilaraturen ras erpihak-pihak, turah i je perbahanen si la seri, lit si ipujiken deba lit ka si ipeteruk alu nokohisa (membuli). Labo terjeng anak-anak ngelakoken si bage, tapi pe perbulangen ku ndehara ras sebalikna bagepe orangtua ku anak ras sebalikna. PA minggu enda tole mpersingeti ras ngajari kita kuga arusna ngidah anak-anak si pelain-lain i bas jabu.
Mpebagesi Pengangkan Kerna Ogen
Turi-turin jabu Ishak ras Ribka megati jadi contoh pendidiken anak si kurang mehuli amin megati e jadi i bas jabu-jabu. Jabu enda ipeliniken Dibata anak kembar, janah i bas bertin nari pe seh tubuh melala tanda- tanda si nuriken maka anak enda la seri. Teks ogenta enda kenca Ishak metua:
- Menurut tradisi masyarakat kuno nehken kata ras pasu-pasu kalak si nandangi mate seh kal pentingna (Kej. 48:8-20;49:1-28; UI, 33; Jos, 23). Enda me si ilakoken Ishak, Isuruhna Esau guna erburu (Kej. 25:27) dingen nanggerken pangan, gelah ia ipasu-pasuna. Man Esau me pasu – pasu, selaku anak sintua.
- Dampar sideban, ibegi Ribka percakapen e, erkiteken ngenan atena Jakub minter isusunna strategi gelah Jakub si ngaloken pasu-pasu e. Isuruhna Jakub muat biri-biri dingen nanggerkenca gelah ibereken man Ishak, arah sura-sura Ribka maka atena muat, nangko kesempaten ras hak Esau. Percakapen ras diskusi si gedang kerna uga carana Jakub ngelakoken bagi si isuruh Ishak man Esau ras kai kari akibatna’ adi tereteh perbahanen Jakub e. Dungna Ribka erpadan nanggungsa (ay. 13) kai pe ulih perbahanenna duana (sumpah).
Engkai maka bage perbahanen Ishak ras Ribka? Erkiteken la seri atena ngenana anak-anak i bas jabu. Bapa ras nande erpihak-pihak erkiteken kebeluhen (talenta) anak si la seri. Isak ngenan atena Esau erkiteken ntabeh akapna pangan bekas Esau erburu tapi Ribka ngenan atena Jakub (Kej. 25:28) sabap Jakub senangen ndahiken dahin i rumah emaka banci ia nampati nandena. Arah kejadin enda teridah kerina ermula arah orangtua si mbedaken anak, erkiteken kebeluhen si pelain-lain. Amin i bas dampar sideban Esau pernah ndayaken hak kinituanna man Jakub erkiteken semangkuk bubur kacang megara.
Pengkenaina
Si ukuri dikune seri kerina anakta, subuk rupa, biak, perbahanen, cara ngerana ras sidebanna tentuna banci sikataken geluhta la berwarna, monoton. Adi cirem ndai la pernah berjut, adi berjut ndai la cirem-cirem, dungna cara rukurta pe stabil: senang ntah susah. Tapi alu kinierbagen anak i bas jabu situhuna banci mabai geluhta erbage-bage dingen mereken kesempaten man banta guna nandai biak ras karakter anakta dingen ngergaken tep-tep kelebihen ras kelemahenna. Megati seri si bahan ngajari ras ngergai anakta si erbage keunikenna, emaka latih si akap janah banci kelsehen ras la si angkan tengah jabu. Terdauhen i bas anakta la seri e, megati sibanding-bandingken. Emaka sapih-sapih ia pe banci turah la si angkan ras la si ergan; lit pengakap si sada ulin asangken seninana entah turangna, janah ‘penerimaan diri ras pengergan diri anak’ e rendah. Sipergermetken, kai saja si banci jadi adi sibandingken, la sialoken ia uga litna, anak-anak e banci stress; rendah diri, lanai bergaul (menghindari keramaian), pangen ia sekalak, anak jadi cuek, malas, percaya dirina la lit, bakatna pe banci bene , dingen reh dauhna i bas orangtua nari. Dungna, idaramina kelompok si ngergaken ras ngaloken ia (banci bengket ku bas Pergaulen si salah), turah me persaingen antara kaka ras agina.
Arus mini eteh ketina manusia istimewa (alu keterbatasan), bakat ras kengasupenna la seri emaka tep-tep orang tua arus meteh ras nandaisa, Masyarakat ras Gereja pe arus ngangkaisa, i bas pertemanen pe ajari ka anak anakta gelah letehna ia istimewa maka la mengga atena kelebihen Kalak sideban ras la ka trendahkenna kekurangen anak sideban. Alu litna sukat sukat anak hebat sibahan arah mbandingken ia ras si hebat ndai, maka kehebatenna pe lanai ia tek.
Lit sada artikel sinutiken cara erbahan anak-anakta merasa spesial dingen iergai, nina: menciptakan momentum pagi hari, suasana e nentuken pusuhna sada wari; sentuhen fisik penting erbahan anak merasa terkoneksi ras spesial jadi rasa aman ras bahagia, turiken kisah tentang dirinia, kehebaten ntah kelucunna, nginget kenangen paksa ia kitik; pindo penampatna, melibatken anak i bas kegiaten maka ia nggejabken ia perhitungken apaika sipindo penampatna; sekali-sekali perlu melanggar aturen, i bas sie la merasa bahagia janah paksa e perlu si jadiken waktu berkualitas dingen mereken pengangkan man bana; bermain sope tunduh, sie jadi waktu si tepat guna ngiket emosina dingen turiken alu kata-kata, perlu kal leteh ras ibegi anak-anakta pengergan ras keleng ateta man bana, keleng kal ateku kam, kam ertaku simehergana. Erbage-bage cara, metode si banci si bahan gelah tuhu igejapna ia istimewa ras meherga. Totokenlah!
Refleksi Pribadi
- Kuga pendapatta kerna biak Ishak ras Ribka, kai bedana ras perserina ras kita?
- Moria si enggo mbelin anakna, turiken pengalamenta nandai biak anak ras utihna? Bagepe Moria si kitik denga anakna, turiken arapen ras tekadta!
Pdt. Suenita Sinulingga, M.Th.