Nulak Si La Payo
“Konfesi: Manusia”
Gelah PERMATA GBKP:
- Ngantusi kecibal manusia paksa gundari mbue si lanai nggeluh sue ras biakna selaku tinepa Dibata
- Pang nulak si la payo dingen nggeluh setia man Dibata seh kedungen zaman
Metode: Diskusi
2 Timotius 3: 1 – 9
Keadaan manusia pada akhir zaman3:1 Ketahuilah bahwa pada hari-hari terakhir akan datang masa yang sukar.
3:2 Manusia akan mencintai dirinya sendiri dan menjadi hamba uang. Mereka akan membual dan menyombongkan diri, mereka akan menjadi pemfitnah, mereka akan berontak terhadap orang tua dan tidak tahu berterima kasih, tidak mempedulikan agama,
3:3 tidak tahu mengasihi, tidak mau berdamai, suka menjelekkan orang, tidak dapat mengekang diri, garang, tidak suka yang baik,
3:4 suka mengkhianat, tidak berpikir panjang, berlagak tahu, lebih menuruti hawa nafsu dari pada menuruti Allah.
3:5 Secara lahiriah mereka menjalankan ibadah mereka, tetapi pada hakekatnya mereka memungkiri kekuatannya. Jauhilah mereka itu!
3:6 Sebab di antara mereka terdapat orang-orang yang menyelundup ke rumah orang lain dan menjerat perempuan-perempuan lemah yang sarat dengan dosa dan dikuasai oleh berbagai-bagai nafsu,
3:7 yang walaupun selalu ingin diajar, namun tidak pernah dapat mengenal kebenaran.
3:8 Sama seperti Yanes dan Yambres menentang Musa, demikian juga mereka menentang kebenaran. Akal mereka bobrok dan iman mereka tidak tahan uji.
3:9 Tetapi sudah pasti mereka tidak akan lebih maju, karena seperti dalam hal Yanes dan Yambres, kebodohan merekapun akan nyata bagi semua orang.Wari-wari pendungi
3:1 Ingetlah! I bas wari-wari pendungi pagi mbue reh kiniseran.
3:2 Sanga si e pagi manusia nggeluh ngukurken dirina saja, merangap, meganjang rukur dingen nipu. Cekurak ia, la ibegikenna kata nande-bapana, la ia nggit ngataken bujur, dingen lanai diatena eragama.
3:3 Lanai lit i bas ia kekelengen dingen ate mekuah. Ijurukenna kalak si deban. La ia ralang-alang merawa dingen merampus. La atena ngena si mehuli.
3:4 Idayakenna temanna, njulmit ukurna dingen meganjang ukurna. Lanai diatena Dibata, tapi kesenangen saja idaramina.
3:5 Tempa-tempa idalankenna aturen-aturen agama, tapi kuasa agama si tuhu-tuhu itulakna. Kalak si bagi enda ola deheri.
3:6 Piga-piga kalak pagi i bas si e lawes kirumah-kirumah, empengaruhi diberu-diberu si kote kinitekenna, si mberat baban dosana dingen dem erbage-bage kerincuhen kula,
3:7 e me diberu si megati erlajar atena tapi la pernah ietehna kai kin si tuhu-tuhu ngena ate Dibata.
3:8 Bagi Jannes ras Jambres nimbak Musa nai, bage pe kalak enda nimbak kai si tuhu-tuhu ngena ate Dibata. Lanai ia ngasup rukur, janah sia-sia kinitekenna.
3:9 Tapi labo banci sempat mbelang bekasna, sabap kerina pagi kalak meteh maka ia bodoh, bali ras si jadi nandangi Jannes ras Jambres.
I. BENA KATA
Menurut Konfesi GBKP BAB IV, manusia eme tinepa Dibata, sentudu dingen menam seri ras tempas Dibata (bdk. Kej. 1 :26), manusia iperlengkapi Dibata alu pengertin ras kepentaren. Adi si pepayo kerna sejarah penciptaan maka manusia eme ciptaan si perpudina kal ijadiken Dibata. Kenca si e ipepayo Dibata maka kerina tinepaNa e seh kal ulina (sungguh amat baik). Erpalasken si e maka, kai si ilakoken manusia enggo jadi representatif Sang Pencipta (Sinepasa). Perilaku manusia ncidahken gambaren penandaina nandangi Dibata. Dosa ncedaken predikat tinepa Dibata si seh kal ulina e jadi meluat – seh kal melketna. Adi si nen ibas uruten penciptaan manusia me tinepa Dibata si perpudina kal, tapi ibas kecedan tinepa Dibata, manusia nomor urut sada (1). Kecedan doni enda ibenaken i bas kecedan manusia, tupung manusia ngerana-ngerana ras nipe (representatif iblis), seh maka ibegikenna kata nipe e dingen ngelupaken kai si enggo iperentahken Tuhan Dibata nangdangi ia.
Kai si terjadi i bas paksa enda merupaken pengulangen sejarah, ertina enggo Pernah terjadi i bas paksa zaman Perjanjian Lama, e me pe si melatar belakangi Paulus mperlengkapi Timotius gelahna ngasup njagai diri i bas perilaku si la payo si Ia ngena ate Dibata. La saja membentengi diri tapi pe gelahna banci jadi usihen I tengah-tengah perpulungen. Gelah arah sikap nggeluh Timotius si positif e terjadi perubahen pemahamen perpulungen kerna Dibata sekaligus kerna manusia.
II. ISI
Kitab 2 Timotius merupaken Surat Pastoral Paulus nandangi Timotius, tujun surat e guna mpegeghi Timotius gelah la terpengaruh nandangi perilaku-perilaku si la mehuli si terjadi I tengah-tengah perpulungen, sekaligus guna memperlengkapi Timotius gelah ngasup ncidahken keteladanen nandagi perpulungen. Paulus nuriken maka ibas zaman akhir teridah me gejalagejala, ija perpulungen lebih tertarik megiken dingen ngikutken pengajaren guru-guru palsu ibandingen megiken dingen ndalanken Kata Dibata. Erkiteken si e maka mbue pagi turah kiniseran, la saja teridah arah bencana – bencana si jadi tapi pe terjadi kemerosotan moral si mesangat.
Kemerosotan moral e teridah arah perbahanen ngukurken dirina jine, lanai erkeleng ate nandangi kalak si deban termasuk pe teman meriah ras orang tua. lanai ngergaken kata ajar orang tua, praktek agama sekedar formalitas si labo erdampak (ibadah yang kosong – tidak bertemu dengan Tuhan), kekelengen enggo kabur, meganjang ukur rsd (bdk. Ay. 1-5). Erkitekiteken kurangna pemahamen erkiniteken si benar maka bengket me pengajaren pengajaren si papak arah guru- guru palsu. Lit gelar si teridah ibas teks eme Jannes ras Jambres (bdk. Ay 6-9). Kalak si labo nteguh cikepna kiniteken ibas Jesus Kristus, maka ia enggo pasti terkena pengaruh pengajaren-pengajaren si papak. I tengah-tengah kemerosotan moral ras pengaruh guru-guru palsu enda me Paulus mempersiapken Timotius guna tampil arah lebe ncidahken teladan si benar uga kin seharusna sikap nggeluh kalak Kristen ngalaken erbage-bage kecibal nggeluh, dingen metenget nandangi tawaren guru-guru palsu si mereken pengajaren si papak. Pesan ibas teks eme Sipemena: ngantusi kecibal manusia si lanai sentudu ras tempas Dibata, si pengkebetna lanai sue ras biakna selaku tinepa Dibata. Sipeduaken: ngasup ncidahken hakekat manusia selaku tinepa Dibata, arah pengkebet nggeluh si payo; ngergaken teman manusia (termasuk orang tua), ncidahken kekelengen, pang nulak si la payo, enda banci tersehi alu tutus erkiniteken man Dibata.
III. PENGKENAINA
Zaman enda eme zaman akhir. Lanai lit zaman kenca zaman paksa enda (zaman PL enggo berlalu, zaman PB pe enggo berlalu), alu bage perlu kal kita ersikap ibas pendungi zaman enda, gelah tupung paksana pagi seh Jesus reh peduakaliken, idapeti me kita i bas keadaan si bersih, sicidahken me hakekat manusia si iarapken Dibata, si sentudu ras tempas Dibata. Ibas warina Tuhan reh, idapeti me kita nggeluh erkiniteken man Tuhan Jesus, sangana ngelakoken perbahanen si mehuli ibas engkelengi teman manusia alu erbage-bage bentuk. Iteruh enda ituriken me piga-piga hal si perlu si lakoken ibas paksa enda eme:
- Bertobat. Kata Dibata ngajari kita meteh ras ngidah dosanta – subuk si teridah manusia
tah pe la teridah manusia, alu bage paksana kita harus bertobat. Bertobat eme nadingken dosa ras la nai pernah nulihken dingen ngelakokensa. - Njagai diri. Aminna pe kita enggo bertobat, labo berarti maka doni enda enggo sikap ras
enggo mehuli kerina. Alu bage selaku anak-anak Tuhan, selaku PERMATA GBKP perlu kal
njagai diri arah kerina perilaku si la payo e gelahna lanai kam ikut i bas perilaku – perilaku si labo ncidahken hakekat anak-anak Dibata. - Ncikep kiniteken seh rasa lalap. Bali ras pengajaren Paulus man Timotius maka
PERMATA GBKP pe arus ncikep kinitekenna seh rasa lalap – seh ku has kedungen zaman.
Njaga hubungen secara pribadi ras Tuhan arah pertoton. niaga persekutuan ras anak-
anak Dibata alu ikut muat bagin i bas ibadah-ibadah i tengah-tengah gereja, ncidahken kontribusi si positif guna pertumbuhen kiniteken secara bersama. - Nulak si la payo. Kata Dibata ngajari kita membedaken si benar ras si salah, si pavo ras si
la payo, selaku anak-anak Dibata harus ngasup nulak si la pavo, si ncedaken citra –
gambarenDibata I bas dirinta. PERMATA GBKP eme gegeh gereja ibas ncidahken citra
diri selaku anak-anak Dibata. PERMATA GBKP ipake Dibata jadi model si benar i tengahtengah doni enda.
IV. DISKUSI
- Pepayo i bas teks 2 Timotius 3 : 1 – 9, cuba gargari biak-biak si la payo i bas teks enda si lit denga i bas PERMATA GBKP guna itadingken – ibeneken menaken genduari nari!
- Menurut pengalamenndu kai usaha – usaha si ibahanndu guna nadingken biak – biak si la payo seh kam enggo bebas i bas iketen dosa e!
- Pepayo i bas lingkungenndu (ingan tading, ingan erdahin, ingan study), ban tekadndu gelah lit 1 – 3 kalak banci ibabandu mulih ku bas hakekat manusia si isura-suraken Dibata!
V. USULEN ENDE-ENDEN
- KEE. 292 – “Manusia ‘Nggo Erdosa”
- KEE. 362 – “Alemi Dosangku”
- Bapa Sorgawi
Pdt. Rudi Hartono Gurusinga, S. Th., MM.
