BANGSA PILIHEN DIBATA
(Konfesi GBKP Bab IX : Gereja)
1 Petrus 2: 9 – 10
2:9 Tetapi kamulah bangsa yang terpilih, imamat yang rajani, bangsa yang kudus, umat kepunyaan Allah sendiri, supaya kamu memberitakan perbuatan-perbuatan yang besar dari Dia, yang telah memanggil kamu keluar dari kegelapan kepada terang-Nya yang ajaib:
2:10 kamu, yang dahulu bukan umat Allah, tetapi yang sekarang telah menjadi umat-Nya, yang dahulu tidak dikasihani tetapi yang sekarang telah beroleh belas kasihan.2:9 Tapi kam e me bangsa pilihen, imam-imam Raja, bangsa sikerajangen Dibata, anak-anak Dibata si ipilih guna meritaken perbahanen-perbahanen Dibata si mbelin. Dibata enggo ndilo kam ndarat i bas si gelap nari ku bas terangNa si lanai kal langlang ulina.
2:10 Nai kam labo anak-anak Dibata, tapi genduari kam enggo jadi anak-anakNa. Nai la ietehndu perkuah ate Dibata, tapi genduari enggo ialokenndu perkuah ateNa.
PERSIKAPEN
- Pengurus PJJ ngaturken perdalanen PJJ subuk kune ilakoken i bas sektor, jabu kepkepen, entah i bas jabu ngawan perpulungen erkiteken situasi.
- Nikapken ingan persembahen ras pertoton syafaat
- Adi i bas sektor entah jabu kepkepen perdalanen PJJ ibabai Pt/Dk entah Pengurus Sektor entah sekalak si enggo aturken pengurus PJJ. Adi ilakoken i rumah iaturken bapa entah nande entah sekalak i bas jabu.
- Kerina perdalinenna rikutken situasi janah banci iubah (imodifikasi).
- Sope benaken PJJ banci kita rende Lagu KAKR
Rende: “Kumasuk ruang Maha Kudus”
Ku masuk ruang maha kudus, dengan darah Anak Domba
Ku masuk dengan hati tulus, menyembah yang Maha Kuasa
Ku menyembahMu…kusembahMu,
KumenyembahMu..kusembahMu..
S’bab namaMu kudus…kudus Tuhan,
S’bab namaMU kudus..kudus..Tuhan
Ertoto: ibabai Bapa entah pe Nande i bas jabu
Rende: KEE. 59 – Keleng AteNdu Tangkas Bangku
Keleng ateNdu tangkas bangku, sikupujiken lalap min
Kam Tuhan Yesus me Rajangku, si erkeleng man bangku kin
Madin keleng ateNdu kuinget, asang krajangku me tersinget
Kam sindarami aku rusur, tedeh ateNdu aku e
Bena-benana aku ngkusur, Kam nari nalukenca pe
Ipilih Kam me kap tendingku, kupilih Kam pe man Tuhanku.
Renungen
Bapa gereja Johanes Calvin nuriken kerna kegeluhen kalak Kristen, nina: Jesus erbahansa kita jadi kalak si meherga, ndube kita kalak si melket i bahan dosa, kita kalak si hina bali ras sampah, kita la megegeh, tapi bas keleng ateNa ipebadiakenNa kita, ibahanNa kita jadi kalak si meherga, iberekenNa kehormaten ras hak istimewa, eme imam-imam raja. Bage me Calvin nuriken kecibal manusia, ija kita terkelin pelin-pelin ban perkuah ate Dibata. Ialoken Dibata kita uga kita litna (utuh).
Petrus pe arah suratna 1 Petrus 2:9-10 mpersingeti perpulungen Kristen si ngoge suratna kerna kecibal perpulungen e selaku bangsa pilihen Dibata. Bangsa e arus lit bedana ras bangsa-bangsa si deban. Mulai i bas ayat 2-8 ituriken perbedan kalak si tek (Kristen) ras kalak si la tek. Man kalak si la tek, Jesus e jadi batu antuken tapi man kalak Kristen, Jesus e eme Batu Palas. Enda ipetangkas Petrus mulihi nginget perpulungen e, eme sekelompok kalak Kristen minoritas si tading i tengah-tengah bangsa si la nandai Dibata. Si rusur mbahan-mbahani kesalahen ras mpesega-sega kalak Kristen erkiteken kinitekenna. Emaka kalak Kristen arus ncidahken kegeluhenna badia, gelah la lit dalan man bangsa-bangsa si deban guna ndabuhkensa.
I bas ayat 9 ikataken: Kam eme bangsa pilihen, imam-imam Raja, bangsa si kerajangen Dibata, enda nuduhken maka status pilihen e ibenaken i bas Dibata nari labo i bas manusia. Erkiteken perkuah ateNa nge maka kita ipilihNa. Labo erkiteken gegehta. Emaka, kalak Kristen i bas kerina dampar kegeluhenna subuk perukuren, pengerana ras perbahanen arus ibenakenna bagi si ngena ate Tuhan. Sebab i bas ayat 10 ikataken maka genduari kam anak-anak Dibata si meteh kerna perkuah ate Dibata. Kesadarennta kerna pemilihen enda mabai kita ergiah-giah meritaken perbahanen perbahanen Dibata si mehuli i bas geluhta. Sabab status ntah pe identitasta selaku bangsa pilihen labo terjeng gelar si man megahenken saja, ntah pe status e enggo si akap aman bicara kai pe la si bahan. Lang. Kalak Kristen selaku gereja terus menerus njaga kebadianna gelah si istimewa e la ibuat i bas kita nari. Bagi si tersurat i bas buku Konfesi GBKP bab IX kerna gereja ikataken: maka gereja eme persekutuan orang percaya yang dipanggil menjadi milik Allah dan Jesus Kristus menjadi kepalaNya (I Pet. 2:9; Ep.1:22), terus menerus diperbaharui oleh Roh Kudus menjadi garam dan terang dunia. Keistimewanta selaku bangsa pilihen Dibata arus sicidahken i bas kerina dampar kegeluhenta. Sebab doni enda ingan kalak si tek guna ncidahken kemulian Dibata. I bas keluarga, gereja i tengah-tengah masyarakat sicidahkenlah kita enda anak-anak terang si ertugas meritaken perbahen Dibata si mbelin. Amin
Diskusi:
- Turiken pendapatndu kerna pengertin: kita ipilih Dibata erkiteken perkuah ateNa.
- Arihken ras tulisken ciri-ciri kalak si enggo ipilih jadi bangsa sikerajangen Dibata i bas cara rukur ras perbahanennta teptep wari.
Rende KEE. 302 – Nginget Perkuah Dibata si Mbelin (Persembahen)
Nginget perkuah Dibata si Mbelin,
Si isehkenNa man banta k’rina kin
I bas kerina dampar kegeluhen, i doni si dem alu keguluten
Endeskenlah kulanta man Dibata, kerinana si lit i bas geluhta
Selaku persembahenta singgeluh,
em persembahen si ngena ateNa.
Rende KEE. 309 – Pengasup Kami O Tuhan (Pertoton Persembahen)
Pengasup kami o Tuhan,
gelah pedahNdu banci idalanken
Em kap tendang kami bas kegeluhen,
KataNdu si man gelemen
Gelah tangkas kata ras perbahanen,
ban min kami tetap bas kebujuren,
SurgaNdu kap perayaken.Temani kami o Tuhan,
Bengket ku doni si dem keguluten
SampatiNdu kami lako naluken
Dosa si man sirangenken
Emaka ola kal kami tadingken
I bas kami ndalani kegeluhen
G’lah dat kami kemenangen
Pertoton Syafaat ras Pertoton Tuhan (Ibabai Mamre)
a. Topik itentuken rikut ras situasi keluarga entah pe sektor.
b. Metode doa berantai ibabai 3 ntah 4 kalak.
Penutup:
a. Snack adi enggo isikapken.
b. Momo (termasuk nentuken petugas PJJ si reh)
Pdt. Berthalyna br Tarigan, M.Th